((((((مفيش رحمه ٢))))))
#لولو_محمد
الحلقه ٣٢
عماد / انتى عبيطه يا بنتى اغير من ايه بقولك ايه انا مش فايقلك
زينب / لو جراله اى حاجه على ضمانتى انا
عماد / يا امى ارجوكى
زينب / خلاص يا عماد دا يوم عشان خاطرى انا
عماد ساكت
زينب / روحى يا امل جهزىله غيار ياخده
امل تبص لعماد
زينب / هو فى ايه مش انا قولت
عماد يهزلها راسه تروح
.....................
فى شقه ايناس
ايناس / بسم الله ما شاء الله ايه العسل ده ممكن اشيله شويه
عبير / لا ... معلش وقت تانى اصل ده معاد نومه عن اذنكوا
ايناس تبص لطارق و عبير تاخد محمود الاوضه ثوانى و طارق يقوم وراها
عبير / انا اسفه اوى يا طارق انا عارفه ان عياها مش معدى بس كان تصرف لا ارادى منى مش عارفه خفت
طارق / عاوزك تعرفى ان محمود خطر على ايناس اكتر مهى خطر عليه هى مناعتها ضعيفه و هو لو عطس فى وشها بس هيعديها
عبير / طب شوفت يعنى جت من عند ربنا
طارق يتنهد
عبير / انا مليش غيره يا طارق انا اسفه بجد
طارق يهز راسه و يطلع بره ميلاقيش ايناس يروح اوضتها يلاقيها قاعده و فاتحه اللبوم فرحها و بتقلب فيه
طارق / كنتى ملكه
ايناس تبتسمله يروح يقعد جنبها و يمسك ايديها
ايناس / انت النعمه اللى ربنا عوضنى بيها عن كل حاجه وحشه فى دنيتى
طارق / مش عاوزك تزعلى منها هى متقصدش
ايناس / صدقنى عزراها يعنى اى حد مكانها كان هيعمل كدا
طارق / انا هنزل اروح العياده لو عوزتى اى حاجه كلمينى ماشى
ايناس / متحرمش منك
طارق يمشى و ايناس تقوم تعين الالبوم و عبير تدخل الاوضه
عبير / نام اخيرا
ايناس / كويس
عبير / انا جايه اعتزر
ايناس / لا و لا يهمك انا لو منك كنت عملت كدا
عبير / هو انا ممكن اتكلم معاكى عادى منغير تكليف
ايناس / طبعا اتفضلى اتفضلى
عبير / طارق كان مدايق اوى امبارح
ايناس / ليه خير
عبير / بصى انا مليش انى ادخل بس طارق يهمنى انا كمان و مقدرش اشوفه شايل الهم بالشكل ده
ايناس / ارجوكى متقلقنيش فى ايه ماله طارق
عبير / مهو مش عشان بيحبك تعزبيه بالشكل ده
ايناس / انا
عبير / طبعا انتى ليه مش قادره تحسى انتى قد ايه بتعزبيه
ايناس / انا مش فاهمه حاجه
عبير / انتى ليه رافضه العلاج هو خايف عليكى و انا كمان
ايناس تبص لعبير فى صمت
عبير / انا مقدره موقفك صدقينى اى واحده مكانك كانت هتعمل كدا اصل صعب اوى على اى واحده انها تخسر انوثتها بالشكل ده يعنى الرحم و دلوقت يعنى
ايناس تبصلها و تحاول تكتم دموعها
عبير / لا حقيقى مقدره مش سهله ابدا انك تكونى ست فى البطاقه بس
ايناس تبص الناحيه التانيه
عبير / بصى انا عاوزه اطمنك ان مهما حصل طارق اكيد يعنى عمره مهيسيبك حتى لو فضلوا يقطعوا فى جسمك حته و را حته اكيد عمره مهيكرهك يعنى و لا هتبقى حمل عليه لانه ابن اصول
ايناس/ شكرا انك نبهتينى صدقينى كلامك فرق معايا اوى بس هستاذنك اخد دوايا و انام
عبير / تنامى ايه مش تقومى كدا و تتزوقى الليله ليلتك و طارق لازم يجى يلاقيكى قمر اربعتاشر بدل ميجيلى و ساعتها بقى متلمنيش ههههههههههههه انا بهزر معاكى
ايناس / انا و انتى واحد هرتاح شويه على ميجى بعد اذنك
عبير / طبعا طبعا ارتاحى يا قلبى سلام
.................
فى شقه عماد
عماد يقوم من السرير يلبس
امل / متهدى يا عماد دى امه برضه
عماد / على نفسها انا هروح اجيبه
امل / انت عارف عنوان طارق ده يعنى
عماد / يووووه هروحله العياده هروح لامها هروح فى اى حته المهم ارجع ابنى
امل / مهو ابنها برده
عماد / انتى معايا و لا معاها
امل / انا مع محمود هو محتاج امه برضه و منقدرش نحرمه منها
عماد / دا لو كانت ست طبيعيه
امل / اهدى يا عماد عشان خاطرى
عماد / اهدى ايه دا ابنى
امل تبص الناحيه التانيه عماد يقعد عالسرير و ينفخ
عماد / حقك عليا انا مكنش المفروض اتعصب عليكى
امل / و لا يهمك
عماد / انتى متعرفيش محمود بالنسبالى ايه دا عمرى لو جراله حاجه اموت
امل / بعد الشر عنه و عنك مش هيجراله حاجه دى امه و هتخاف عليه زيك بالظبط
عماد / مش عارف مش مرتاح
امل / اهدى انت بس و كلو هيبقى تمام باذن الله انا هقوم اعملك عصير يروق دمك
.........................
يوم الفرح
مصطفى بيرقص مع امينه و الكل حواليهم طارق يدخل مع عبير زينب تشوفهم تروح تسلم
زينب / منوره يا حبيبتى
عبير / تسلمى يا ماما اعرفك دكتور طارق
زينب / كنت هزعل لو مجيتش
طارق يبتسم و يبص بعيد يلاقى عماد باصصله و عنيه شرار عماد يتحرك ناحيه طارق رحيم يمسك ايده و يشده يرقص معاه و بعدين يشده بعيد
رحيم / اهدى متبوظش فرح اختك
عماد / و دا جاى بانهى وش ان كان هو و لا هى
رحيم / مش شايف امك بترحب بيه ازاى
عماد / امك هتنقطنى دى لو لقتنى قدام باب جامع هتخاف على مشاعرى اكتر من كدا
رحيم / بقولك ايه انت طلقتها و رميتها على اخر دراعك متبصش وراك بقى
عماد / ياعم متولع انا مالى بيها بس بعيد عننا
رحيم / ملناش دعوه اهدى بقى
منه تدخل
...........................
منه / فى حاجه و لا ايه مالكوا فى ايه يا عماد
رحيم / مفيش يا ست الكل ايه الحلاوه دى
منه / على فكره رحمه دايخه عليك مش عارفه ادم ماله و عوزاك
رحيم / طب عن اذنكوا
رحيم يمشى و منه هتمشى عماد يناديها
عماد / منه
منه / ايوه يا عماد خير
عماد/ شكرا
منه / على ايه
عماد / انك مطاوعتنيش زمان كان معاكى حق
منه / الحمد لله
عماد / و اسف لو كنت اتسببتلك فى اى مشاكل فى اى وقت
منه / انت ايه اللى فكرك بالحوار ده
عماد / بصراحه بدور على اى حد ظلمته او اذيته فى اى وقت بحاول اصلح من نفسى
منه / دا شعور حلو اوى منك بس انت عمرك ماذيتنى يا عماد انت طول عمرك كويس معايا و محدش عارف الخير فين
عماد / حبيت اطمن بس عن اذنك
......................
فى ناحيه تانيه سمير واقف بعيد بيدور على حد عبير تروحله
عبير / بتدور على منه
سمير / اه بقالى ياما مش لاقيها
عبير / هناك اهى مع عماد
سمير / شكرا
عبير / انا عاوزه اشكرك على فكره
سمير / على ايه
عبير / يعنى هو كان المفروض يحصل بدرى عن كدا بس مكنش فى فرصه انت عارف الفتره اللى فاتت الظروف كانت صعبه
سمير / اسف بس مش فاهم
عبير / انا عارفه انك واخد عنى فكره وحشه بس لكل فعل رد فعل
سمير/ انا بدات ادايق
عبير / لا خلاص و على ايه اصلا الموضوع خلص انا اتجوزت و عماد اتجوز و منه كمان اتجوزت اقلق ليه بقى
سمير / تقصدى ايه
عبير / هى مقالتلكش يا خبر انا اسفه اوى مكنش قصدى ابدا اعمل بنكوا مشاكل
سمير بعصبيه/ انتى تقصدى ايه
عبير / ماشى هقولك خلاص متتنرفزش عماد و منه كانوا بيحبوا بعض طول اليوم كلام و دحك و هزار دى وصلت انه كان بيحلم بيها بس دا كلو طبعا قبل مانت تظهر و تقفل السيره دى للابد بس برده النصيب تطلعلى امل يلا مهو ديل الكلب بقى عن اذنك
عبير تمشى و تسيب سمير مصدوم يبص وراه يلاقى منه بتدحك مع عماد
........................
فى البيت عند منه
منه / ايه الجنان ده جبت الكلام ده منين
سمير / ردى عليا حصل و لا لا
منه / انا عمر مكان بينى و بين عماد اى حاجه عماد مجرد اخر و صديق و بس
سمير / يعنى مراته هتكدب هتتبلى عليكى مثلا
منه / امل ؟مستحيل تقول كدا
سمير / لا يا ستى عبير
منه / عبير مين دى اللى بتصدق كلامها و تكدبنى دى واحده زباله انت مشوفتش عملت فيهم ايه دى خلاص خلصت عليهم كلهم و جايه عليا عاوزه تبوظ حياتى سمير انا مفيش فى قلبى غيرك
سمير باصص الناحيه التانيه
منه / انت مبتردش ليه سمير بصلى هنا
سمير / نعم
منه / انا من يوم متجوزتك من يوم معرفتك عملت اى حاجه تسئ ليك
سمير ميردش
منه / ايه بتفكر مش عارف ان كنت صيناك و لا لا
سمير / ياترى ممكن اعرف لما وقفتوا لوحدكوا فى الفرح كنتوا بتتكلموا فى ايه
منه / مجتش تقف معانا ليه مدام عاوز تعرف مجيتش تسمع ليه مدايق انى واقفه معاه لوحدى مجتش تقف معانا ليه مجتش تاخدنى بعيد عنه ليه اسمع يا سمير انا مقدره موقفك بس انك تسمح لواحده زى عبير انها تسمم افكارك نحيتى بالشكل ده لدرجه انك تكلمنى بالشكل المهين ده دا فوق احتمالى اسمع انا هروح انام فى الاوضه التانيه و انت لما تهدى كدا نبقى نكمل كلامنا
سمير / خليكى دى اوضتك انا هروح انا انام هناك
منه / انا ليا مزاج انام هناك انا حره بس عالعموم لو عاوز تنام هناك انت كمان ممكن استاخرلك جنبى
سمير يقوم يقلع بدلته و يطلع بجامته منغير ميبصلها
منه / مهو انا معملتش نفسى زى عروسه المولد بالمنظر ده عشان فى الاخر انام لوحدى خلى عندك شويه مالاحمر
سمير يرفع حاجبه
منه / نمشيها احمر و لا نشوف لون تانى بطل رخامه بقى
سمير ميردش و يبص الناحيه التانيه منه تروح تفتح الدولاب و تطلع قميص نوم احمر
منه / براحتك انا عن نفسى هغير و انام اقعد انت بقى فكر فى كلام عبير اللى حاليا نايمه فى حضن طارق و لا فبالها فنفس الوقت اللى عماد نايم فى حضن امل عن اذنك يا برنس
منه تخرج مالاوضه و سمير يقعد ينفخ و ثوانى يقوم وراها
............................
فى بيت طارق بعد فتره
طارق / نفسى افهم ايه اللى خلاكى تغيرى رايك انتى يادوب من كام يوم كنتى اخيرا وافقتى
ايناس / عشان مش قادره يا طارق تعبت انا للحظه تخيلت نفسى لما اموت تخيلت نفسى قدام اللى بتغسلنى يا طارق انا عاوزه ادفن زى مانا
طارق / يا حبيبتى افهمى اللى بتعمليه ده هو اللى هيقتلك
ايناس / يا طارق ارحمنى بقى انا خدت قرارى
طارق / مفكرتيش فيا
ايناس / لا فكرت فكرت كويس يا طارق افهم انا مقدرش اكون ست فى البطاقه بس انت يعنى باللى بتعمله بتاجل اجلى هموت وقت ميجى اوانى
طارق / بس ناخد بالاسباب
ايناس / يا طارق ابوس ايدك كفايه اللى خسرته كفايا سنين عمرك اللى ضيعتها معايا
عبير تدخل
عبير / فى ايه يا طارق صوتكوا واصل للسلم
طارق / مفيش
طارق يمشى و يرزع باب الشقه وراه
عبير / انتى زعلتيه فى ايه تانى
ايناس / حصل خير انا هعرف اراضيه
عبير / طبعا هتعرفى بكره لما يجى يومك مش كدا
ايناس تبصلها
عبير / و انا اللى كنت جايه عملاله مفاجاه و افرحه الاقيكى قايمه بالواجب
ايناس / خير فى ايه
عبير / انا حامل
ايناس / مبروك
عبير / من قلبك
ايناس / طبعا ابن طارق هو ابنى
عبير / لا ابن طارق هو ابنى انا عن اذنك اروح اكلمه فى التليفون مش قادره افهم هو مستحملك ليه اصلا
عبير تسيب ايناس واقفه بتعيط و تمشى
.............................
فى المعرض
عماد / متنجز يابنى و تقول فى ايه بقالك ساعه بتلف و تدور و انا مش فايقلك
رحيم / ليه فى ايه
عماد / قرف الشغل
رحيم / من امتى دانت بتحب الشغل اكتر مبتحبنى انا شخصيا
عماد / ههههههههههههه كنت بص يا رحيم انت اخويا و انا مش هخبى عليك الفتره اللى فاتت كنت كاره الشغل اوى مفيش سيوله لاى حاجه اللى جاى يا دوب يسد السلفات اللى بابا كان واخدها و انا بحاول اقطع نصيب رحمه بعيد و مفيش فلوس نطور او نجدد اى حاجه او حتى نوسع زى مكنا بنعمل زمان
رحيم / لكل جواد كبوه و انت هتعدى بينا المرحله دى
عماد / انا مش عموا محمود هو كان بيعرف لكن انا لا
رحيم / انت اشطر من عموا محمود الله يرحمه و بتحب الشغلانه عنه انت بس اللى مش مركز
عماد / و مين يقدر يركز فى كل المشاكل اللى محوطانا دى
رحيم / احنا اللى بنجيب المشاكل لنفسنا لما بنحط الشيطان فى دماغنا
عماد / و انت شيطانك خلاك تعمل ايه بقى اخر مره
رحيم / مانا بحاول اقولك من ساعه
عماد / تقول ايه انا ظروفى صعبه و كنت تايهه و ادم ده روحى و انا خايف رحمه تزعل متجيب مالاخر انت خنت رحمه
رحيم / ياخى اتوكس لا طبعا مخنتهاش
عماد / امال فى ايه
رحيم / انا عملت لادم دى ان ايه
عماد يقوم يجرى يقفل الباب
رحيم / طلع ابنى
عماد / انت مجنون يا رحيم انت ازاى تفكر فى حاجه زى دى مالاصل
رحيم / مانا بقالى ساعه بحاول اشرح انت مش مدينى فرصه
عماد / رحمه لو عرفت ينهر اسود تشك فى رحمه دانت تشك فى نفسك و متشكش فيها يا جزمه
رحيم / عارف عارف بس انا سمعتها بتقولك دول مش عياله اتجننت و كمان بقالها شهور محملتش
عماد / انت اتجننت رسمى خلاص معدتش نافع فين التحاليل
رحيم / حرقتها خفت رحمه تعرف على قد مكنت فرحان على قد مالذنب هيقتلنى مش عارف اعمل ايه انا عاملتها وحش الفتره اللى فاتت بس والله كان غصب عنى
عماد / ملعون ابو الشيطان يا جدع دى لو خانت نفسها مش هتخونك يا متخلف الله يعينك يا رحمه على مبالاكى
رحيم / حط نفسك مكانى
عماد / هتعمل ايه
رحيم / مش عارف مانا جاى اسالك اقولها و لا انسى و اعوضها
عماد / انا مليش دعوه اخر مره شورت عليك انت فاكر اللى حصل و انا مش قادر المرادى عندى قرف يهد جبال مشكلتك بالنسباله و لا حاجه
رحيم يفضل واقف زى العيل الصغير
عماد / بص اللى حصل حصل انت الشيطان وسوسلك و الحمد لله ربنا هداك للحقيقه منغير خساير انسى بقى و اعمل نفسك عبده العبيط و خد رحمه صالحها و عوضها نسيها قرفك
رحيم / بس انا حاسس بالذنب نحيتها
عماد / خلاص كفر عن ذنبك خدها فسحها سافروا كام يوم لف بيها الدنيا دلعها البت شقيت معاك جامد
رحيم / انت كويس يا عماد
عماد / الواد بايت عند امه النهرده و انا اليوم اللى بيبعد عنى فيه بتعب اوى بجد
رحيم / هو ايه الحكايه بقى يبات كتير هناك
عماد / الست هانم حامل و مبتقدرش تيجى و ماما بتوديهولها هناك و تروح تجيبه تانى يوم بتقولك حقها كاتها كسر حقها انا ناقص قرفها دى كمان
رحيم / اهدى بس يا عم مش كدا دى برده امه هى صحيح بنت كلب بس معلش احنا ولاد اصول برده
عماد / حصل خير
رحيم / فى حاجه تانيه مديقالك
عماد / لا عادى مانا قولتلك مشاكل الشغل بقى بقولك ايه متعطلنيش اطلع انت شوف مراتك و بطل تخلف و اهدى مش كل شويه تعمل مصيبه يارب العيله دى تتهد بقى انا تعبت منها
رحيم / هههههههههههههه ياخى بعد الشر لتتهد فوق دماغك
عماد / هههههههههههههه على رايك متهدهاش اكتر من كدا يارب
رحيم / يا لاسع
...........................
فى شقه رحيم
رحيم يدخل يلاقى البيت هادى خالص يروح اوضه بشرى يلاقى التلاته نايمين جنب بعض يوطى على رحمه و يبوس راسها تصحى
رحيم / هششششششششش ايه نمتى
رحمه تطلع معاه بره
رحمه / العيال ياربى منهم جيت انيمهم نمت جنبهم والله معرف هما ناموا امتى
رحيم / هههههههههههه الله يعينك
رحمه / عملت ايه فى الرساله
رحيم / هانت بتتراجع اهى
رحمه / الحمد لله
رحيم / حقك عليا انا الفتره اللى فاتت قصرت معاكى اوى
رحمه / يا حبيبى و لا يهمك الله يعينك
رحيم / تعالى تعالى
رحيم ياخد رحمه الاوضه
رحيم / بصى انا هاخدك يوم الخميس انتى و الاولاد و نروح اسكندريه و نرجع السبت الصبح فسحه ايه رايك
رحمه / هى مشكلتك اتحلت الحمد لله
رحيم / انسى كل اللى فات انسيه احنا ولاد النهرده احنا ولاد دلوقت اللحظه دى ماشى و لا ايه
رحمه / وحشتنى يا جزمه
رحيم / حقك عليا
رحيم يبوس ايديها و دماغها
رحمه / انا بجد كنت بموت لا لا خلاص بص احنا ولاد النهرده المهم ان رحيم رجعلى بقى وحشتنى
رحمه تزغد رحيم فى كتفه
رحيم / ايه هزار البوابين ده نشفتى يا جزمه
رحمه / بطله العالم فى تنفيض السجاد قطمت ضهرى انت و عيالك
رحيم / ههههههههههههههههههههه ربنا يخليكى لينا قولىلى بقى نفسك فى ايه اعملهولك
رحمه / منفسيش فى اى حاجه مدام انت جنبى مش ناقصنى اى حاجه خلاص
رحيم / خلاص هفاجاك
رحمه / بموت فى مفاجاتك و خصوصا لما بتبقى رايق كدا بتبدع
رحيم / احنا فى خدمه جناب فخامه سموك
رحمه / هههههههههههههههههههههه لا انا كدا بدات اخاف
رحيم / ههههههههههههههههه تموتى فى النكد
...........................
فى شقه عماد
امل / مالك يا قلبى مبتاكلش ليه
عماد / مفيش سرحت شويه
امل / اللى واخد عقلك
عماد / عبير وقعت بين منه و سمير بس هو عاقل مداهاش فرصه و الموضوع اتلم فيوميها
امل / و هى مالها بيهم اصلا
عماد / اهو شافتهم فى الفرح بخت سمها لسمير و مشيت
امل / اقولك حاجه و تصدقنى
عماد / قولى يا ست البنات
امل / حساها لسه بتحبك
عماد / عرفتى ان عبير حامل
........................
