((((((مفيش رحمه ٢))))))
#لولو_محمد
الحلقه ٢٣
امل / انا عرفاكى انتى مفكرتيش فى حاجه غير الدهب و لما اطمنتى انك هتحتفظى بالفلوس سبتى الواد و انتى عارفه انك هترجعى تساومى عليه دلوقت وقت المساومه عاوزه كام
عبير / و يا ترى انتى اللى هتدفعى و لا عماد
امل / يفرق فى ايه
عبير / لا يفرق اوى سورى يعنى انتى حلتك ايه تساومى عليه يا بنت اميره
امل / انا برده بنت الحج صالح سند و لو متسمعيش عنه انزلى اسكندريه و الف من يدلك
عبير / ماشى مليون كويس
امل / مليون جنيه
عبير / كتير على حبيب القلب مليون جنيه عشان ترجعيله ابنه
.............................
امل / لا مش كتير انا بس مستغربه انك ازاى بتقدرى تنامى و انتى كدا
عبير / بلاش دور الملاك ده يا لوله بنام زى مبتنامى بالظبط
امل / ماشى عن اذنك
عبير / نورتى ابقى سلميلى على عماد
امل تمشى و هاله تدخل
هاله / ايه اللى عملتيه ده يا عبير انتى بجد هتتنازلى عن الواد بمليون جنيه
عبير / لا طبعا هى اصلا مش هتقدر تلمهم بس خليهم يتعشموا و يلموا اللى وراهم و اللى قدامهم خليهم يتلهوا فى لم الفلوس
هاله / و هى دى فلوس دا حماكى يجيبهم فى ثانيه
عبير / دا كان زمان قبل ميبقى جوز الاتنين و حماتى تقصقص ريشه الطريقه الوحيده اللى يجيب بيها مبلغ زى ده انه يبيعهم دهبهم او يستلف من ابراهيم صاحبه
هاله / انتى عاوزه ايه يا عبير
عبير / بكسب وقت مش اكتر انا داخله اريح شويه
..............................
فى البيت فى شقه زينب
عماد / يعنى ايه مروحتش راحت فين دى ماشيه من بدرى
اميره / معرفش و مبتردش عالتليفون
زينب / يمكن هربت تانى
عماد / انا هنزل ادور عليها
زينب / هتدور عليها فين هى عيله صغيره هتجيب ميكروفون و تقول عيل تايه يا ولاد الحلال
رحيم يدخل
رحيم / انا جيت علاطول فى ايه مالها امل
رحمه / مش لقينها
محمد ينزل من فوق
محمد / انا لبست هروح اسال فى المستشفيات
رحيم / انا جاى معاكوا يلا بينا
اميره تقعد تعيط
زينب / مهى خلفه البنات كدا متعبه انا داخله اعملك عصير
.........................
فى اسكندريه
فى اجانص عربيات كبير قاعد راجل كبير قاعد على مكتب و امل تدخل باين عليها معيطه
امل / ازيك يا ابيه
احمد / تعالى يا امل اقعدى ازيك
امل / انا مش كويسه فى موضوع كنت عوزاك فيه
احمد / و هو فى موضوع غير الفلوس تعوزينى فيه
امل تبصله
احمد / متزعليش بس مش هو ده السبب
امل تبص الناحيه التانيه
احمد / انا محوشلك مصروفك من يوم مطلقتى بطلت ابعته للواد ده بس مقطعتوش عينهولك لما تحتاجيه
امل / بس المشكله انى المرادى محتاجه مبلغ كبير
احمد / اؤمرى لو اقدر متاخرش خير
امل / ليا حد عزيز فى مشكله و كنت عاوزه اساعده منغير ميعرف
احمد / عاوزه كام
امل / انا مطلوب منى مليون
احمد / مليون
امل / لا انا مش عوزاهم كلهم انا عندى دهب هبيعه و محوشه قرشين هما مش كتير بس اهو
احمد/ امل انتى عارفه ان كل جنيه بديهولك بديهولك من معايا صح
امل / و فريده بتاخد من معاك برده
احمد يتنهد
امل / انا مش جايه اقلب فى اللى فات و لا اعمل مشاكل اللى تقدر تساعدنى بيه يبقى كتر خيرك
امل تعيط
احمد / ده شيك بميه الف و مصروفك انا مقطعتوش و مش هقطعه
امل / انا لو مكنتش محتاجه الفلوس دى اوى مكنتش خدتها و لعلمك انا فعلا مبجيلكش غير و انا محتاجه لانى بكره الشحاته خصوصا لو بشحت من حقى عن اذنك و شكرا
امل تمسح دموعها و تمشى
احمد يمسك التليفون
احمد / ايوه يا اميره
اميره / ازيك يا احمد يا خويا
احمد / امل كانت عندى
اميره / هى عندك احمدك و اشكر فضلك يارب طب احنا هنيجى ناخدها
احمد / لا مشيت بصى هى طلبت منى مليون جنيه و انتى عارفه انى مقدرش اديها مبلغ زى ده
اميره / مليون جنيه ليه خير
احمد / معرفش بصى كلميها انا متاكد انك هتقدرى تعقليها و اعرفى السبب كويس يا اميره البت دى تاخدى بالك منها مش حمل مصيبه تانيه تعملها فينا
اميره / كتر خيرك يا اخويا كتر خيرك انا هكلمها
احمد / سلام
اميره تقفل السكه و تقعد تعيط و رحمه و امينه يطبطبوا عليها
.........................
فى العربيه
عماد / الو
امل / ايوه يا عماد
عماد / انتى فين
امل / فى المحطه
عماد / بتعملى ايه انا جاى اخدك
امل / القطر لسه مجاش هركب و اروح علاطول
عماد / انتى فين
امل / فى اسكندريه
عماد / بتعملى ايه عندك و ليه مقولتيش لحد انتى فين انتى متخيله احنا عاملين عليكى ايه هنا
امل / اسفه بس كان غصب عنى
عماد / انا هاجى
امل / تيجى فين كلها عشر دقايق بس و اركب القطر
عماد / ماشى هستناكى قدام المحطه
امل / اوك سلام
عماد / سلام ايه خليكى معايا الخط لحد متوصلى هنا
امل / ماشى حاضر
عماد / انتى مبترديش على مامتك ليه
امل / مفيش
عماد / انتى هبله هو ايه اللى مفيش انتى قلقتينا كلنا عليكى انتى اصلا بتعملى ايه فى اسكندريه اساسا روحتى تشوفى هشام
امل / لا لا والله انا كنت عند احمد اخويا
عماد / احمد خير فى حاجه و لا ايه
امل / لا مفيش حوار كدا بص انا هركب القطر و لما هاجى هكلمك
عماد / لما تركبى كلمينى انا هستناكى فى المحطه على فكره
امل / ملوش لزوم يا عماد روح و انا لما هاجى هكلمك
عماد / شويه و هكلمك سلام خدى بالك من نفسك
......................
فى البيت
اميره / يعنى ايه مفيش فلوس ايه اللى طلبتيها و ليه
امل / هبقى احكيلك بعدين من فضلك
عماد / انا عاوز افهم فى ايه يا امل
امل / فى ان عبير طالبه مليون جنيه عشان تتنازل عن محمود خلاص
عماد / انتى روحتيلها
امل / اه و لو كانت حكمت انى اوطى على رجلها ابوسها كنت هعمل خلاص
عماد / و انتى مالك اصلا تروحى لاخوكى تطلبى منه فلوس ليه حد قالك انى مستنى منه حاجه
امل / متنساش انى بشتغل معاك و عارفه الحسابات زيك مفيش سيوله فى البنك احنا يادوب بنغطى الاقساط و الديون
عماد / دا مش دورك و لا دى مشكلتك انا كفيل انى ادبر نفسى
امل / هتعمل ايه يعنى
رحيم / لحظه يا عماد .... انتى بجد روحتى لعبير و روحتى اسكندريه عشان خاطر محمود
امل / امال يعنى
رحيم يبتسم و يبص لرحمه
رحيم / متشيليش هم يا امل هتدبر
امل / ده شيك من احمد بميه الف اهو نوايه
عماد يقوم و يمشى منغير مياخد الشيك او يتكلم رحيم ينزل يجرى وراه
..........................
عماد ينزل يجرى يركب عربيته رحيم يفتح الباب التانى بسرعه و يركب
رحيم / انت رايح فين
عماد / مش عارف بس مش طايق البيت
رحيم / حلو المكان ده جاى معاك
عماد يبصله
رحيم / المبلغ مش جامد يعنى سهله على فكره اتصل بابوك و نجمع من بعض
عماد يبصله تانى
رحيم / ايه طيب هو انت زعلان عشان طلبت فلوس يعنى مهو ده الطبيعى منها مستنى ايه يعنى
عماد بابتسامه و عنيه مدمعه / انا بقى بيتلملى يا رحيم
رحيم / اعتبرها جمعيه هتسدها
عماد / اه طيب
رحيم / لو انا اللى كنت محتاج الفلوس كنت هتعمل ايه
عماد يبصله
رحيم / احنا مش بنلملك انت انا عاوز ابنى ميفارقنيش محمود ابنى الكبير
عماد / انا كل مقول دا اخرها فى السفاله تبهرنى
تليفون عماد يرن
عماد / ايوه يا بابا ..... حاضر فى الطريق جاى ..... سلام
رحيم / خير
عماد / مستنينى عند عموا ابراهيم
........................
فى شقه عبير بعد ساعه
باب الشقه يخبط عبير تروح تفتح تلاقى رحمه
رحمه / بجد ؟؟؟
عبير / اهلا ازيك تعالى
رحمه تدخل و تفتح شنطتها و تطلع شيك
عبير / ايه ده
رحمه / المليون جنيه اللى طلبتيهم
عبير / انا مقدرش اقبل فلوسك يا رحمه
رحمه / انتى عارفه انى تعبت على مربنا كرمنى بابن فعارفه قيمه الضنا كويس اوى و بما انك عارضه ابنك للبيع فقولت انا اولى مالغريب يا عبير
عبير / ههههههههههههههههههههههههههه لا بس انتى معاكى مليون جنيه واو
رحمه / الحمد لله انتى عارفه انى مبصرفش جنيه من يوم موالدى اتوفى ربنا يخليلى رحيم مكفى البيت و زياده و لو عاوزه كمان دهبى و دهب امى موجود هو يستاهل اكتر من كدا
عبير تبص فى الارض و تبتسم لرحمه
عبير / امال امل فين كانت قالت انها بنت عز و هتعرف تجيب الفلوس
رحمه / جابتهم بس انا اولى بابن اخويا منها
جرس الباب يضرب عبير تروح تفتح الباب تلاقى عماد و ملامح غضب على وشه
عبير / الله دانا ماما دعيالى بقى
عماد / التنازل اهو امضيه و خدى الشيك
عبير / طب اتفضل دا رحمه جوه
عماد يتعدل فوقفته و يدخل
عماد / بتعملى ايه هنا
عبير / بسم الله ما شاء الله فلوس عيله الصياد كتير امل و رحمه و انت كمان
عماد / انتى طلبتى مليون جنيه و انا جبتهولك
عبير / لا الحقيقه انا قدرت قيمته غلط
عماد / بطلى وطو بقى هتنزلى اكتر من كدا فين
عبير / انا عاوزه شقتى
عماد / افندم
عبير / انا حاضنه و لما هاخد الولد لازم توفرلى مكان اسكن فيه مع النفقه و اللذى منه
عماد / انجزى و هاتى مالاخر
رحمه / اهدى يا عماد
عماد / انا ازاى اتجوزتك
عبير / بسال نفسى نفس السؤال كل يوم
عماد / عاوزه الشقه
عبير / عاوزه اكون جنب ابنى خده خليه فى حضنك بس انا من حقى انى اشوفه وقت محب و منغير اذن من حقى اتاكد انه بيتربى زى مانا عاوزه
عماد / شوفوا مين بيتكلم عن التربيه
عبير / مسمحلكش
عماد / المليون جنيه يجيبلك شقه محترمه فى احسن حته خديهم و هاتى الشقه اللى تعجبك
عبير / انا عاوزه شقتى قولتلك عاوزه ابقى جنب ابنى
...........................
عماد / ماشى يا عبير امضى عالتنازل و انا هديكى الشقه
عبير / ورقه قصاد ورقه يا عماد
عماد / اتفضلى قدامى عالمحامى
عبير / استنانى تحت هغير هدومى و اجى
عماد يخرج و يرزع باب الشقه وراه
عبير / تشربى حاجه
رحمه / انا هستنى تحت
رحمه تنزل و عبير مبتسمه
.............................
فى العربيه بعد ساعه
عماد بيتكلم فى الموبايل
عماد / اعمل اللى بقولك عليه من سوكات ..... تمام ....فى اسرع وقت يعنى النهرده استلم.... تاعبكوا معلش ..... هبقى احكيلك لما اجى سلام
عماد يبص فى ساعته و ينفخ
رحمه / معلش عادى كبر مخك عشان الورد
عماد / اهو تدى فرصه للمحامى يخلص الورق
رحمه / يارب بس تخلص على كدا
عماد / قصدك ايه هو ممكن تطلب حاجه تانى انا تعبت هو فى ايه دانا كنت قتلتها و ارتحت بقى
رحمه / و تودى نفسك فى داهيه عشان ايه بقى
عماد / و هو انا كدا فى ايه دى مش فاضل غير انها تقولى هات العربيه و الساعه و الهدمه اللى عليك ايه البجاحه دى ايه القرف ده
رحمه / العوج سككه كتيره
عماد / الغلط غلطى انا اللى ممشيتش عوج معاها مالاول انا اللى قولت كفى المؤمنين شر القتال و سكت انا اللى قولت ام ابنى و نخرج منها بالزوق عشان لما يكبر يتربى فى جو سليم قال جو سليم قال
رحمه / اهدى بس خلاص هانت
عماد / تفتكرى
رحمه / طبعا اهدى انت بس
عماد / اهى شرفت
عبير نازله على سنجه عشره قمر تركب العربيه ورا عماد يطلع بالعربيه
............................
فى البيت تانى يوم
زينب / حمدالله عالسلامه ياختى
عبير / ازيك يا ماما
زينب / بلا ماما بلا زفت
عبير / انتى زعلانه منى دانا قولت انك الوحيده اللى هتقفى فى صفى
زينب / انتى بتخسرى يا عبير
عبير / مش مشكله اخسر شويه فى الاول بس هكسب فى الاخر
زينب / الواد خرج مع ابوه من بدرى مع امل و امها راح يوديها للدكتور عشان عمك فى اسكندريه بيسلم شغل مهم و راجع بالليل
عبير / انا جايه استلم الشقه اصلا
زينب / شقه ماشى ياختى اطلعى اطلعى
عبير تطلع هى و زينب الشقه تلاقيها فاضيه و السيراميك مخلع و الحيطان مبهدله بويه و فيش الكهربا متشاله و الشبابيك مخلعه و الابواب
زينب / من امبارح و لحد الفجر
عبير / ههههههههههههههه و ماله حقه
زينب / طب فهمينى
عبير / هو فى ايه يا ماما انا رجعت البيت و دى فى حد ذاتها خطوه و امل دى انا هربيها هى و امها و بكره تشوفى
صوت عالسلم دحك امل و اميره طالعين بيدحكوا عبير تقابلهم عالسلم يسكتوا
عبير / حمدالله عالسلامه
امل / الله يسلمك نورتى بيتك
عبير / منور باهله متيجوا تتفضلوا
اميره / معلش كتر خيرك مره تانيه
زينب / اخبار الدكتور ايه طمنينى
اميره / اقولك و توعدينى متقوليش لمحمد اصلى عملاه مفاجاه
زينب / مفاجاه ؟؟
امل / ماما حامل
اميره / امل ؟؟؟
زينب / حامل ؟؟؟؟
اميره / الحمد لله يتربى فى عز ابوه يلا يا امل نلحق نحضر لقمه قبل ماختك و خطيبها يجوا
اميره و امل يطلعوا و يسيبوا زينب واقفه بتغلى عبير تحط ايدها على كتفها زينب تزقها
زينب / اى كان اللى ناويه عليه عشان تخلصى مالقرف ده اعمليه انا معاكى
عبير تهز راسها
...................
فى المعرض
رحيم / نعم ياخويا
عماد / انا بقولك عشان متتفاجئش و تعمل الشويتين دول قدام ابوك و تجيب الغلط عليك
رحيم / انت عارف بتقولى ايه انت عارف يعنى ايه ان مرات ابوك حامل
عماد / ايه هتنزله يعنى فى ايه يا رحيم
رحيم / انت متخيل ان اخويا يبقى اصغر من ابنى ينهار اسوح داحنا سيرتنا هتبقى على كل لسان
عماد / دا اللى همك فى الموضوع
رحيم / هو فى بلوه اكبر من كدا
عماد/ اه فى امك لما تعرف و عبير اللى هتيجى تعيش وسطينا
رحيم / انا هشترى شقه بره بعيد خالص و اعيش فيها انا و مراتى و عيالى و ابقى اجى ازوركوا بقى
عماد / دا الحل يعنى
رحيم / انا تعبت انا مش ملاحق و ابوك بيتصرف كانه اصغر منى عيل ايه اللى يجيبه فى السن ده
عماد / انت فاكر اللعبه اللى كانت عندنا و احنا صغيرن بتاعه السنجاب اللى بتضربه بالشاكوش
رحيم / اه فاكرها مالها
عماد / انا السنجاب هههههههههههههههههههه كل مطلع من مشكله و اقول اخد نفسى الاقى الشاكوش نازل على دماغى يدخلنى الجحر تانى وحشتنى الشمس اوى يا رحيم
رحيم / ههههههههههههههههه يخربيت دماغك
عماد / مخروبه والله خربت خلاص
...........................
بالليل فى شقه رحيم
رحمه / انت بتهزر اطلع ابارك لمين انت بتتكلم جد يا رحيم
رحيم / مش سامعه الزغاريط
صوت هبد عالباب رحيم يجرى يفتح يلاقى زينب بتنفخ
زينب / انت هتسكت عالقرف ده
رحيم / اعمل ايه طيب
زينب / ابوك اتجنن لسع خلاص
رحمه / تعالى بس يا طنط و اهدى بس
زينب / اهدى ايه هو فى ايه اللى بيحصل سكت على جوازه سكت على دخول القرف ده بيتى ووجودهم بين عيالى و دى اخرتها كنتى مستنيه ايه يا زينب و لسه هو انتى لسه شوفتى حاجه لا لا يمكن و دينى مهسكت
رحيم / اهدى بس يا ماما
زينب / انا هطلع ابارك للمعدوله مرات ابوك على ابنها اللى فرحانه بيه ابنها اللى هيشارك ولادى فى رزقهم و يتبت رجلها وسطينا و قال انا اللى كنت خايفه من امل تلوف على عماد اهى الحيه الكبيره كتفت ابوك
رحيم يبص لرحمه و يسكت عماد يدخل
عماد / فى ايه
زينب / مبروك يا عماد هيجيلك اخ
عماد يبصلها و يسكت
زينب / انت كمان هتسكت مش كدا
عماد/ اعمل ايه انزله اقول لبابا نزله اقتل روح خلقها ربنا خلاص اللى حصل حصل
زينب / ماشى يا رجاله الصياد ماشى يا ولادى عن اذنكوا
.....................
