((((((((مفيش رحمه ٢)))))))
#لولو_محمد
الحلقه ٣١
اميره / خلاص يا محمد شوفلنا كام عربيه تنقل الحاجات دى الشقه نفرشها و اهو نشوف لو حاجه ناقصه نلحق نجيبها
محمد / بكره الصبح هتلاقى عربيه المعرض تحت البيت و الرجاله هتنزل كل حاجه لمى انتى بس الحاجه فى كراتين عشان مفيش حاجه تتنطور كدا و لا كدا
امينه تليفونها يرن
امينه / دى منه هقوم ارد
امينه تقوم تدخل جوه
امينه / الو ايوه يا واطيه
...........................
منه / والله يا بنتى انا ببعت السلام مع مصطفى طول الوقت و بعدين انتى ادرى واحده بكره يا ستى تجربى الجواز و مسؤلياته و تعزرينى
امينه / يا سلام و انا هصدق يعنى يا بنتى كلمينى فون حتى لو متاخر انا بسهر
منه / دا على اساس انك مبتبقيش مشغوله طول الوقت و ان كنت ناسى افكرك و بعدين بطلى رخامه انا متصله اهو متضيعيش الوقت فى العتاب بقى بقولك ايه
امينه / قولى
منه / مش ناقصك اى حاجه مش محتاجه اى حاجه
امينه / احنا بكره هنفرش تحبى تيجى
منه / انا فاضيه بكره طول اليوم سمير مسافر و انا فاضيه
امينه / مسافر عشان كدا بقى فضيتى
منه / الله يا امينه
امينه / الله يسهلوا يا ستى
منه / هههههههههههههه ماشى يا ستى هستناكى عند ماما من النجمه و لا تحبى اعدى عليكى
امينه / لا يا ستى متتعبيش نفسك استنى عند عموا
منه / اسمه بابا يا متخلفه
امينه / هههههههههههههه بابا يا ستى هو انا اطول يا هبله
منه / هههههههههههههههه قشطه سمعت انك حجزتى الفستان
امينه / من بدرى اول حاجه عملناها مصطفى خلص اللى وراه بدرى بدرى عشان يروق
منه / طول عمره دماغ بقولك ايه انا بكلم رحمه مبتردش
امينه / انا بقالى كام يوم مشوفتهاش برده مش عارفه هبقى انزل اخبط عليها
منه / اوك ابقى طمنينى بقى
امينه / ديل
منه / يلا باى سى يو
.......................
فى شقه مصطفى
رحمه بتطلع الكاسات مالكراتين و تلمعهم و هى سرحانه
عماد / مالك يا مزه فى ايه
رحمه / ههههههه سرحت شويه
عماد / اللى واخد عقلك
رحمه / مفيش
عماد / طب متيجى تطلعى معايا البلكونه نشم هوا
رحمه تبص يمين و شمال و تهز راسها اه و تطلع معاه
عماد / ها بقى فى ايه كلهم قالوا انك متغيره و محدش بيشوفك فيكى ايه بقى
رحمه / مفيش يابنى انتوا مكبرين الموضوع ليه انشغلت شويه
عماد / و الدموع اللى ماليه عينك دى ارهاق شغل برده
رحمه تبص الناحيه التانيه
عماد / رحيم ؟؟؟
رحمه تبصله و تلف وشها
عماد / موضوع الخلفه برده
رحمه / هو قالك
عماد / كان حكالى يوم متخانقتوا بس دا بقاله فتره من امتى زعلكوا بيطول اوى كدا
رحمه / من امتى حاجات كتير اوى يا عماد متشغلش نفسك انت كلو بيعدى
عماد / مشغلش نفسى ايه يا هبله انتى اختى الصغيره انتى مش عارفه غلاوتك عندى و لا ايه
رحيم يجى يدخل البلكونه يسمعهم بيتكلموا يقف يسمع
رحمه / و انا كمان بحبك يا عماد بس لحد امتى هفضل مستحمله رحيم و عمايله
عماد / ايه اللى بتقوليه دا يا رحمه مش ده رحيم اللى بتحبيه
رحمه / لا مش هو دا واحد تانى معرفوش انا زهقت اتخنقت بجد واحد شبهه فى الملامح بس لكن
عماد / على الاقل عشان ادم و بشرى
رحمه / ادم و بشرى مش ولاده
رحيم يتفاجئ امل تناديه
امل / رحيم رحيم بليز ساعدنى الكرتونه تقيله
رحيم يجرى يساعدها و يمشى
عماد / ايه اللى بتقوليه ده مش ولاده ازاى بطلى هبل
رحمه / هو فى اب ميلعبش مع ولاده ميكلمهمش امبارح بشرى بتوريله الهوم ورك بتاعها مردش عليها حتى مكلفش خاطره يبص البت جتلى مفلوقه مالعياط تخيل انها قالتلى بابى رحيم معدش بيحبنى انا مكنتش عارفه ارد اقول ايه اقولها انا كمان بابى رحيم معدش يحبنى
عماد / لا يا رحمه متقوليش كدا رحيم بيمر بظروف صعبه هو محتاجك جنبه تطمنيه بلاش تزودى احماله انا عارف ان انتى كمان مرهقه و تعبانه بس هو محتاجك اللى مرينا بيه الفتره اللى فاتت ميستحملوش حد كلنا بنطوح و لازم نسند بعض و استسلامك ده هيضيع رحيم مننا
رحمه / انت بتشيلنى اكتر من طاقتى
عماد / تخيلى هو شايل ايه بقى كلميه يا رحمه حبيه اعملى اى حاجه عشان ترجعيه لا هو و لا انتى ليكوا غير بعض
رحمه / ياريته يفتكر الكلام ده
...................
فى البيت
الكل متجمع عند زينب
زينب / هو رحيم فين كل ده بيركن العربيه
رحمه / معرفش بكلمه عالتليفون مبيردش
زينب / الواد ده مش عارفه ماله متغير اوى اليومين دول
رحمه تبص لعماد
عماد / انا هكلمه عالتليفون
رحيم يدخل
زينب / كنت فين يابنى
رحيم / كنت بشم هوا
زينب / الساعه اتنين بالليل
رحيم / هو فى احلى من كدا وقت الكل نايم و الشوارع فاضيه
رحمه / انا مرهقه اوى تصبحوا على خير
عماد / و احنا كمان بقى يلا يا امل هاتى محمود من جوه عن اذنكوا
زينب / خلو محمود معايا النهرده
عماد / و ماله خليه نايم جنب سته
عماد يوطى على رحيم
عماد / تحب اخد ادم و بشرى عندى
رحيم يبصله
عماد / خلاص ياعم حقك عليا انا اولى سلام
...................
فى شقه رحيم
رحيم قاعد عالسرير رحمه تحط ايدها على كتفه يحرك كتفه يبعد ايدها و ميبصلهاش
رحمه / مالك يا رحيم فى مشاكل فى المكتب
رحيم / متشغليش بالك انتى كلو بيعدى
رحمه / انا بحبك على فكره
رحيم / والله تصدقى فاجاتينى
رحمه / ايه الفصلان ده فى ايه مالك
رحيم / مفيش انا اصلا اخنق نامى نامى تصبحى على خير
رحمه / لا مصبحش على خير فى ايه مالك لو عندك مشكله احكيلى عشان اقدر اعزرك
رحيم / و مين قالك انى عاوزك تعزرينى على فكره انا هاخد ادم بكره اشتريله شويه حاجات
رحمه / حاجات ايه دى
رحيم / هو مش ابنى و لا ايه
رحمه / لا مش قصدى
رحيم / خلاص انا هنام فى الصاله تصبحى على خير
رحمه تجرى تقف قدام الباب و تمنعه
رحمه / استنى هنا حرام عليك فى ايه انت كل يوم بتبعد عن اليوم اللى قبليه هو انا غلطت فى ايه
رحيم / مغلطتيش لو سمحتى بقى سبينى اطلع
رحيم يشد رحمه بعيد و هى مش بتقاوم و يطلع مالاوضه و هى تقعد عالسرير تعيط
.......................
رحيم يطلع الصاله ينام عالكنبه و يسرح مع نفسه
رحيم / معقول يا رحمه معقول بعد كل ده ممكن ....لا مستحيل رحمه متعملش كدا ابدا ....و مدام انت واثق فيها اوى كدا مواجهتهاش ليه خايف مالاجابه ......انا معرفتهاش امبارح دى متربيه على ايدى دى ملهاش فى الدنيا غيرى ..... اللى شافته منك مكنش شويه مفيش واحده تستحمله و انت عارف كويس ان لولا الحمل مكنتش رجعتلك ....... برده لا مستحيل لا يا رحيم متسمحش للشيطان يدخل بينكوا اكتر من كدا ...... شيطان ايه يابنى فوق انت سمعتها بودانك و بعدين كل حاجه واضحه زى الشمس اهو و لو انت واثق فيها اوى كدا رايح بكره ليه .....مش عشان شاكك لا عشان اقتل اى ظنون او وساوس .... اعوذ بالله من الشيطان الرجيم صبرنى يارب صبرنى و ادينى القوه انى اتحمل اللى جاى انا تعبان اوى يارب و مش حمل حاجه زى دى يارب
.......................
فى شقه ايناس
عبير داخله هى و طارق و ايناس لابسه طرحتها تسلم علي عبير بالايد
ايناس / منوره بيتك يا عروسه
عبير / منور بوجودك
طارق / ايه مفيش سلام ليا و لا ايه
طارق يحضن ايناس
ايناس / نورت بيتك مكنلوش لا لون و لا طعم منغيرك
عبير / بمناسبه الطعم ايه رايكوا نخرج عيله نتفسح و نتغدى بره
طارق / مش هينفع يا عبير ايناس مبتاكلش اكل من الشارع
عبير / ااااه نسيت
ايناس / لو عاوزين تخرجوا انتوا براحتكوا انا طلبت من ام محمد تعمل محشى انت بتحبه يا طارق
طارق / و مين مبيحبش المحشى
عبير / لا باس انا سورى عشان الدايت
ايناس / دايت ايه انتى كدا قمر
عبير / ميرسى طارق بليز ممكن تورينى اوضتى عشان بجد تعبانه موت
طارق / اه طبعا اتفضلى من هنا
طارق يقوم يوصل عبير بمجرد ميدى لايناس ضهره دموع ايناس تبتدى تنزل و الابتسامه اللى على وشها تروح
....................
فى اوضه عبير
عبير / الاوضه طلعت حلوه اوى تسلم ايدك يا حبيبى
طارق / نوسه هى اللى فرشتها بنفسها
عبير / اه حلوه
عبير تروح تحط ايدها حوالين رقبه طارق
عبير / قولى بقى انت هتفسحنى فين النهرده
طارق / ايه يا بيروا احنا لسه وصلين
عبير / الله مش عروسه جديده و لازم ننبسط
طارق / النهرده عندى شغل بقالى ياما مبروحش العياده
عبير / اوك اروح انا بقى عند ماما
طارق / انا كنت فاكر انك هتقعدى مع ايناس على الاقل تاخدوا على بعض شويه
عبير / والله يا طارق نفسى بس انا مشوفتش ماما بقالى اسبوع و كمان فرصه اخدها و نروح نشوف محمود
طارق / اوك يا حبيبتى اللى تشوفيه
طارق يجى يخرج عبير تناديه
عبير / طارق الا صحيح هى الاوضه دى كانت ايه قبل متبقى اوضتنا
طارق / كنا ناوين نعملها اوضه بيبى بس محصلش نصيب
عبير / الله امال سيف هينام فين
طارق / سيف ؟؟؟
عبير / نفسى اسمى سيف اوى يا طروقتى بليز
طارق / هههههههههههه باذن الله هو بس يشرف و متشيليش هم حاجه خالص
عبير / ربنا يخليك ليا يا حبيبى
طارق يجى يمشى عبير تناديله
عبير / انت مستعجل ليه كنت عوزاك فى موضوع
طارق / خير يا قلبى فى ايه
عبير / هنام منغير متدينى بوسه
طارق / هههههههههه بس كدا اتفضلى
عبير تحضن طارق و تبوسه تعوصه روج و هو مش واخد باله و تنكشله شعره
عبير / ياخواتى عسل
طارق / مجنونه
طارق يطلع من الاوضه يروح الاوضه التانيه يلاقى ايناس بتقرا فى كتاب يقعد جنبها و يمسك ايدها يبوسها ايناس تمسك منديل و تمسح وش طارق
طارق / ههههههههههههههههه هتنام هى قولت اجى اقعد معاكى عشان وحشانى موت
ايناس / بجد وحشتك
طارق / انتى بتهزرى يا نوسه والله كل لحظه فبعدك كانت على عينى
ايناس / و هى عبير مكنتش بتهونها
طارق / و ما القلب الا للحبيب الاولى عامله ايه كنتى مواظبه عالعلاج
ايناس تهز راسها
طارق / نوسه ابوس ايدك مصدقنا صحتك اتحسنت عاوزين نجمد كدا و نخف
ايناس / ربنا يسهل
طارق / هاخدك بكره و نروح نكشف عشان نطمن وصلتى لفين
ايناس / بقولك ايه يا عريس انت مجوعتش اغرفلك
طارق / انا جعان ليكى انتى وحشانى يا بت ايه دانا قولت اول مهدخل هتتشعلقى فرقبتى و مش هتنزلى و لا بالطبل البلدى
ايناس / هههههههههههه
طارق / شوفتى جبتلك ايه
طارق يطلع خاتم و يلبسه لايناس
ايناس / تسلملى يا قلبى كلفت نفسك
طارق / ميغلاش عليكى يا ست الكل ها هتاكلى معايا و لا ننام شويه و لما نصحى ناكل
......................
فى شقه زينب
رحمه / انا اول مره اطلب منك حاجه
زينب / انا هتكلم معاه لما يرجع
رحمه / ربنا يخليكى انا بس مش عارفه ايه اللى جراله و بصراحه خايفه اوى
زينب / خايفه من ايه يتجوز عليكى ههههههه سبحان الله تصدقى نفس الاعراض فعلا
رحمه / رحيم ميعملش كدا رحيم بيحبنى ...صح؟؟؟
زينب / رحيم عمره محب و لا هيحب غيرك بس انا كنت فاكره محمد كدا برضه
رحيم يدخل و معاه ادم
زينب / اهو جه اهو هملصلك ودانه
زينب تقول تشيل ادم من ايد رحيم و تديه لرحمه و تقرص رحيم من ودنه
زينب / مزعل مراتك ليه هاه
رحيم / انا ؟؟
زينب/ بتقول انك متغير بص يا رحيم احنا اتفقنا المره اللى فاتت اننا غلطنا و مش هنكرر الغلط ده تانى اوعى تخبى حاجه على مراتك قولها كل حاجه اول باول لو موقفتش جنبك ابقى قولى و انا املصلصك ودانها
رحيم / مفيش حاجه يا جماعه انا بس مخنوق شويه مرحله و هتعدى باذن الله بقولكوا ايه عندكوا اكل و لا ايه عاوز اللحق اكل قبل منزل المكتب
رحمه / هقوم اغرف
رحمه تقوم تدخل المطبخ
زينب / ان رحمه تشكيلى انا بالخصوص دا دليل انها جابت اخرها منك
رحيم / او يمكن بتعتبرك زى امها
زينب / اللى بينكسر مبينصلحش يا رحيم
رحيم / انا هقوم اشرب اجيبلك
زينب / لو ساقعه هات
رحيم يدخل المطبخ و رحمه بتغرف الرز
رحيم / ريحه حلوه
رحمه/ الف هنا عملتلك بطاطس بالفراخ و رز معمر
رحيم / ايه ده و شعريه كمان دانتى بتدلعينى بقى
رحمه / عملتلك الشعريه بلبن اللى بتحبها يمكن ترضى عنى
رحيم / انا عارف انى جيت عليكى الفتره اللى فاتت بس عاوز اقولك ادينى اسبوعين بس فى جوايا شويه مشاكل
رحمه/ و اشمعن اسبوعين ليه مش واحد ليه مش تلاته
رحيم / خدينى على قد عقلى المهم جهزتى كل حاجه للفرح
رحمه / فاضل شوزات للعيال و كلو يبقى تمام
رحيم / ايه النشاط دا كلو
رحمه / هلكت عماد معايا مانت علاطول مش موجود
زينب تدخل
زينب / دا اللى يعتمد عليكوا تسقوه يموت عطشان اوعو ا كدا
زينب تفتح التلاجه و تطلع ازازه الميه و تمشى رحيم يبتسم لرحمه و يساعدها فى الغرف جرس الباب يضرب رحيم و رحمه يطلعوا مالمطبخ ماسكين الاطباق
زينب / اهلا اهلا بالعروسه ازيك يا بت عامله ايه
رحيم يبص لرحمه و يرفع حاجبه و هى ترفع كتافها معرفش
عبير/ لسه واصله النهرده الصبح قولت لازم اجى اشوفك
زينب / فيكى الخير انتى اللى بتسالى عليا
رحمه / ازيك يا عبير
عبير / كدا يا واطيه متحضريش فرحى
رحيم / باقى الاكل يا رحمه
رحمه تدخل المطبخ و رحيم يقف قدام عبير
عبير / اخبارك ايه يا رحيم سمعت انك مشيت جامد فى رسالتك ايه هتناقش امتى
رحيم / قريب
عبير / كويس عشان تتفرغ لرحمه شويه و تساعدها سمعت انها متاخره اوى
رحيم / هو انا ممكن اعرف سبب الزياره و لا ابقى قليل الزوق
عبير / وحشتونى احنا برده اهل
رحيم / الرابط الوحيد اللى بنا محمود و هو مش هنا
عبير / و ماما زوزه ايه هتمنعونا عن بعض
رحيم يبص لامه
عبير / انا هطلع اشوف حوده بقى يا ماما هتعوزى حاجه
زينب / هاجى معاكى تعالى تعالى
عبير و زينب يطلعوا فوق و رحيم بيضرب كف على كف
رحمه / اطلع وراهم عماد مش ناقص و كمان عشان لو قالتله حاجه عن حوار الشقه
رحيم / انا قولت لعماد عاللى حصل و هو فهم
رحمه/ مقاليش
رحيم / صدت نفسى اللهى يسد نفسها هو فى بجاحه كدا فى وش مكشوف كدا
رحمه / متعكرش دمك ملناش دعوه
...............
فى شقه عماد
عماد يفتح الباب يلاقى امه و عبير و امل تطلع من جوه و محمود على ايدها
امل/ مين يا عماد
عبير تدخل جرى تشيل محمود
عبير / حبيب ماما وحشتنى موت موت موت ايه رايك تيجى تبات مع ماما النهرده
عماد / مهواش هيبات فى اى حته
زينب / سيبه يا عماد امه بقالها ياما مشافتوش
عماد / لو سمحتى يا ماما
زينب / يا عماد يوم واحد مش هتخطفه اديها يوم فى الاسبوع ينام فى حضنها دا حقها برده هى امه
عماد / يوووووه هى مش خدت تمنه مرتين و لا نسيتى يا هانم
عبير / تمن ابنى دا على اساس انه علبه ذبادى مثلا
عماد / علبه الذبادى تمنها ميه الف جنيه و شقه
عبير / هههههههههههههه دمك خفيف زى مانت
عماد / انجزى عاوزه ايه
زينب / دى فبيتك
عماد يبص لامل و يتنهد
زينب / بص اديها محمود النهرده و بكره هى هتجيبه بنفسها
عماد / لا
زينب / هى استاذنتنى هتصغرنى قدامها
عماد / انا مامنش على ابنى معاها
عبير / انا امه و بيتهيالى انه هيكون فى امان معايا اكتر من مع واحده غريبه
عماد / شكلك سرحتى شويه يا عروسه و لا ايه
عبير / طارق ؟؟؟ الدكتور بتاعه اااااااااااااااااه لا قول بقى كدا انت غيران انى اتجوزت
عماد / انتى عبيطه يا بنتى اغير من ايه بقولك ايه انا مش فايقلك
زينب / لو جراله اى حاجه على ضمانتى انا
عماد / يا امى ارجوكى
زينب / خلاص يا عماد دا يوم عشان خاطرى انا
عماد ساكت
زينب / روحى يا امل جهزىله غيار ياخده
امل تبص لعماد
زينب / هو فى ايه مش انا قولت
عماد يهزلها راسه تروح
.....................
