((((((مفيش رحمه ٢)))))))
#لولو_محمد
الحلقه ٢٥
عماد / يا بنت المجانين
عماد يكتب رساله توصل لامل
امل / انا هنام لو مصحيتش ذنبى فى رقبتك عشان مقولتليش بحبك قبل منام و موت من غير مسمعها
امل تكتب رساله و تبعتها
عماد / لا اوعى تموت عشان بكره اقولهالك فى وشك و عينى فى عنيك
عماد يدحك بصوت عالى و يكتب رساله تانيه
امل / ايه الرساله الحلوه دى انا موت خلاص مالفرحه تصبحى على خير يا احلى قمر فى الدنيا
امل تقفل الموبايل و تحطه جنبها و تنام و تحضن المخده
.......................
قدام المعرض
رحيم رايح يركب عربيته محمد يوقفه
محمد / صباح الخير يا رحيم
رحيم / صباح الخير
محمد / بقالى كام يوم بسال عليك رحمه هى مبتبلغكش و لا ايه
رحيم / لا بتبلغنى
محمد / امال فى ايه مش عاوز تتكلم معايا ليه
رحيم / ياترى ليه
محمد / انا ابوك على فكره
رحيم / والله كويس ان لسه حضرتك فاكر انا اسف بس ورايا شغل عن اذنك
رحيم يركب العربيه محمد يركب
محمد / وصلنى فى طريقك
رحيم / تحت امرك تحب تروح فين
محمد / الترب ودينى الترب عاوزك تدفنى يا رحيم و بعدين تكمل باقى حياتك عادى
رحيم يبص فى الارض و يسكت
محمد / انت زعلان عشان اميره حامل صح انا كمان عمرى مكنت متخيل انها تحصل بس لو مراتك طلبت ان يبقالها طفل منك واحده شافت كتير و نفسها فى مره تحس ان ليها زوج فرحان بطفل منها هتبخل عليها
رحيم يبص الناحيه التانيه
محمد / عماد اخوك فهم انت ليه مش قادر تفهم
رحيم / عشان ده على هوا عماد عماد لا فاضيلك و لا فضيلى و لا حتى بقى فاضى لابنه عماد عايش فى دنيا لوحده دلوقت
محمد / و فيها ايه متسيبه يعيش عماد اخوك كان ممكن يعيش طول عمره فى هم زيى بالظبط و مش قادر يفتح بقه و عمل اللى عليه و زياده اخوك بينحت فى الصخر مش زيك اخوك الابن البكرى لعيله الصياد بيشتغل ليل نهار عشان يكسر لنفسه قرش بعد مكل اللى حلته راح منه
رحيم / انا عارف عماد تعبان قد ايه بس انا كمان تعبان و عندى مشاكل كفايه
محمد / ملاخر كدا يا رحيم انا عمرى مكنت متخيل ان ممكن بيبى يجى يعنى حكم السن انا و هى بس ربنا اراد نعمه و فضل من ربنا انت اكتر واحد عارف غلاوتها فمدام جه مش هسمح لمخلوق يقلل فرحتى بيه
رحيم / ماشى
محمد / انت غالى عندى اوى يا رحيم انا عشت عمرى عشانكوا بلاش تحسسنى انك مش واقف جنبى فى اخر ايامى
رحيم / يا بابا بعد الشر عنك انا بس متوتر و مخنوق كل حاجه ملخبطه و حضرتك و عماد ماشين فى سكه هتلخبطوها اكتر
محمد / اخوك بيجهز بيته هو و مراته امل
رحيم / و دى هتعدى بالساهل
محمد / كلو بيعدى بالساهل الدنيا موقفتش على موت اخويا و لا موت امى و لا هتقف عند موتى يبقى ارمى المشاكل ورا ضهرك و اللحق عيش
رحيم / حضرتك اللى بتقول كدا
محمد / اللى شوفته يخلينى اكتر واحد يقول كدا يا رحيم افهم اخوك استحمل مراته بكل اللى عملته فيه و فى الاخر اكتشف انها بترافق واحد مش هقول بتخونه هقول مصاحبه و لما طلقها خدت كل الدهب اللى كان اخوك بيحط فيه تحويشه عمره و مسكتتش خدت الشقه و هو مضطر ياجر شقه من اخوه و يشتغل زياده عشان يوضبها و يبدء حياته من الاول تانى و عمره متكلم عمره مقال انا ابنك و ساعدنى شايل نفسه
رحيم / يا بابا عماد الله يعينه بس امل متنفعش
محمد / ليه عشان بتحبه صح عشان هتموت عليه و مستعده تقف جنبه تبقى متنفعش لعلمك امل بتستاذنى فى كل مره بتخرج فيها مع اخوك بتيجى تقولى الاول ممكن اروح يا بابا بقولها روحى و اتكلمت مع اخوك و قالى انه جد جدا فى الموضوع ده
رحيم / انا برده مش معترض على امل فى شخصها
محمد / انت خايف تقول ان امك مش هتقبل عشان هى بنت اميره
رحيم / و جوزتها الاولانيه و انها كانت على علاقه بعماد و هروبها مالبيت مشاكل كتير حوالين امل يا بابا
محمد / اخوك بيحبها و هى بتحبه و ده كفايه
رحيم / ماشى
محمد يفتح العربيه و ينزل و يقفل الباب و يوطى عالشباك
محمد / انا بحبك يا رحيم
رحيم / انا بحبك اكتر والله يا بابا
محمد / مع السلامه
...........................
فى البيت عند هاله
عبير بتتكلم فى التليفون
طارق / انتى متاكده ان ده قرار صح
عبير / انا ابنى بيوحشنى يا طارق و بعدين كفايه اوى انى شيفاه بيتربى مع واحده غيرى و خصوصا امل دى مانا حكيالك كل حاجه
طارق / ايوه بس
عبير / بس ايه يا طارق بس ايه هو طلقنى و اتهمنى انى بخونه لمجرد انى بكلمك لكن هو محدش يقدر يلومه و هو رايح جاى يتكلم مع بنات الناس و لا لما كتبت اسمه على جسمها كل الحاجات دى عادى لكن انا مكالمه تليفون بقيت واحده زباله و مترتبش و انت اكتر واحد عارف انى معملتش حاجه غلط انت شوفته
طارق / مش عارف اقولك ايه
عبير / شوفت انت اب مكنش بيروح الكشف على ابنه ابنه كان بيبقى عيان على يدك قولى كام مره جه معايا و طبعا الحجه انه فى الشغل اللى هى معاه فيه طول الوقت انا لما بروح لحماتى بلاقيها هى اللى قاعده بالولد انا اولى بيه
طارق / طب بس اهدى
عبير/ سيبك منى طمنى على ايناس
طارق / هى صحتها بقت احسن بس نفسيتها زفت حقها بصراحه
عبير / و انت عامل ايه
بره الاوضه ايناس تفتح الباب تلاقى طارق بيتكلم فى التليفون
طارق/ انا دكتور يا عبير و عارف كويس ان ده كان هيحصل هيحصل و عارف ان الموضوع مخلصش بس لازم اديها الامل حتى بالكدب لازم اقولها انها هتبقى كويسه حتى لو عارف انى بكدب حتى لو عارف انها كدا كدا هتموت
ايناس تقفل الباب بشويش
عبير / حتى بعد العمليه
طارق / و هى دى اول عمليه يا عبير هى اه كدا شالت الرحم خالص بس دا ميمنعش ان المرض منتشر
عبير / لا اله الا الله
طارق / بقولك ايه انا اسف انا هروح اطمن عليها دلوقت
عبير / اوك ابقى طمنى سلام
طارق / سلام
..........................
طارق يدخل اوضه ايناس يلاقيها بتعيط
طارق/ فى ايه يا حبيبتى حاجه بتوجعك
ايناس / انت كنت بتكلم عبير
طارق / اه كانت بتطمن عليكى
ايناس / فيها الخير هو باقى على عدتها قد ايه
طارق / معرفش ليه
ايناس / ممكن اطلب منك طلب
طارق / طبعا اؤمرينى
ايناس / اتجوزوا روح اتقدملها و اتجوزها
طارق / ايه اللى بتقوليه ده يا ايناس
ايناس تعيط اكتر
طارق/ مالك يا ايناس انا مفيش بينى و بينها اى حاجه لو مش عوزانى اكلمها تانى مش هكلمها والله
ايناس / بعد ايه بعد مخربت عليها اسمع يا طارق انا رجل هنا و رجل فى القبر
طارق / متقوليش كدا حرام عليكى بكره تخفى و تبقى
ايناس / متكدبش عليا انا عارفه انا خلاص ... كفايه اوى اللى انت ضحيت بيه عشانى تقلت عليك كتير
طارق / حرام عليكى
ايناس / حقيقى حرام عليا بس والله مكنش ذنبى كان نفسى اوى اجيبلك الطفل اللى بيتمناه اى اب كان نفسى يبقالى طفل منك انا اسفه يا طارق اسفه على كل حاجه ضحيت بيها بسببى اسفه على عمرك اللى ضاع و انت بتاخد بالك منى انا بجد اسفه
طارق / ايه لزمته الكلام ده يا نوسه بس دانا بحبك والله
ايناس / و انا كمان عشان كدا بقولك كفايه كدا كفايه اللى راح لحد كدا
طارق / خلاص مش هكلمها تانى اوعدك
ايناس / لا لا انا عوزاك تكلمها انت بترتاح فى الكلام معاها و هى كمان هى خسرت بيتها و جوزها و انت خسرت حياتك معايا
طارق / انا حياتى معاكى اكبر مكسب
ايناس / ربنا يخليك ليا اسمع يا طارق اتجوز و خلف و املا البيت عيال اتجوزها و خليها تكمل حياتها معاك خلينى ابقى مطمنه عليك بعد مموت
طارق / بعد الشر عنك حرام كفايه بقى
ايناس /عاوزه ابقى عارفه انك سعيد و عندك اللى ياخد باله منك
طارق / هوووووششششششششش
ايناس / انت مدايق ليه كدا ادحك و افرح و بعدين عبير بنت طيبه و بنت حلال هتاخد بالها منى انت مش بتقول بتسال عليا كل شويه متخافش هتاخد بالها منى و انت تركز فى شغلك و ربنا يكرمك و الامور تتظبط
طارق / انتى بتقولى ايه بس
ايناس / تحب اكلمهالك تحب اروح لاهلها و اكلمهالك
طارق / انا مقدرش اسيبك
ايناس / و لا انا اقدر ابعد عنك انا هبقى جنبك برضه متتعبنيش بقى يا طارق ابوس ايدك ارحمنى و ريحنى
طارق / طب بطلى عياط و اهدى
ايناس / هتكلمها
طارق / مش وقته يا ايناس مش وقته
ايناس / انا هكلمها
طارق / ممكن تهدى سيبى الامور تمشى و ربنا يعمل اللى فيه الخير بس انتى اهم حاجه دلوقت تهدى خالص و ترتاحى ممكن
طارق ينيم ايناس فى السرير و يغطيها و يمسح دموعها و يبوس راسها و يقعد جنبها و يفضل ماسك فى ايدها و مبتسم و هو بيحوش دموعه انها تنزل
.....................
فى بيت زينب
زينب / يا لاااااااااااااااااااااااااااااهوى
عماد / فى ايه يا ماما انا بقولك هتجوز مش هموت
زينب / ياريتك تموت يا عماد و لا تعملش البلوه دى
رحيم / ايه يا ماما الكلام ده اهدى بس
زينب / انتوا عاوزين تنقطونى عاوزين تعملوا فيا ايه اكتر من كدا
عماد / عن اذنكوا
زينب / استنى ياض انت عندك
عماد / نعم
زينب / البت دى متعرفهاش و لا تكلمها عاوز تتجوز هجيبلك ست ستها لكن دى لا انت فاهم و لا لا
عماد / لا
زينب / يانا يا البت دى يا عماد انت فاهم يانا يا هى و اختار
رحيم / اهدى بس يا ماما
زينب /بلا اهدى بلا زفت عوض عليا عوض الصابرين يارب هى الوليه دى عملتلكوا ايه سحرتلكوا هى و بناتها انا الغلطانه انا الغلطانه لما سكت و سبت بنات الشوارع يسكنوا فى بيتى
عماد / لو سمحتى يا ماما
زينب / لو سمحت ايه عاوز تتجوز واحده كنت انت نفسك ماشى معاها دى شمال يااهبل يابن الاهبل
عماد / امل من اشرف البنات اللى عرفتهم فلو سمحتى ممتكلميش عنها كدا
زينب / اشرف قال اشرف قال دى فيها كل العبر فاكر امها لما كانت بتعيط مهياش لقيالها طريق جره
عماد / كانت متجوزه على سنه الله و رسوله
زينب / متجوزه من ورا اهلها اتجوزت واحد تانى كانت ماشيه معاه برضه
عماد / انا حر فى حياتى
زينب / انا قولتها كلمه يانا يابنت الكلب دى
رحيم / ياماما ميصحش كدا
الباب يتفتح و محمد يدخل
زينب / اهو جه جلاب المصايب شرف
محمد / احترمى نفسك يا زينب
زينب / هتعمل ايه هتطلقنى تانى انا اللى استاهل ضرب الجزمه مالاول لما اتجوزتك انا اللى استاهل لما رديت ارجعلك
محمد / كدا طب ارتاحى يا زينب انتى
رحيم / بابا استنى بس
زينب / كمل يا محمد طلق بيع الغاليه عشان الرخيصه بيع اللى عاشت عمرها كلو معاك عشان اللى جتلك بعد مقلبت اتنين غيرك
رحيم / خلاص يا ماما
زينب / اللبس يا محمد براحتك بس لوحدك عيالى لا
عماد/ انا مش صغير انا عارف مصلحتى كويس
زينب / كلمه و مش هعيدها لو عاوز البت دى براحتك بس تنسى خالص ان ليك ام غورا اطلعوا بره بيتى اطلعوا كلكوا من بيتى
زينب تزقهم بره و هى بتصرخ عالسلم عبير طالعه و معاها اكياس
عبير / فى ايه مالها ماما بتزعق ليه
عماد / ماما مين انتى هتنسى نفسك و لا ايه
رحيم / اهدى يا عماد
زينب تفتح الباب و تشد عبير جوه و تقفل الباب تانى
عماد / بنت الكلب
...........................
رحيم / اهدى كدا و تعال نتكلم
محمد / انا هاخد اميره و البنات كام يوم اسكندريه الجو ده ميتقعدش فيه
رحيم / يا بابا استنى
محمد يطلع
رحيم / طب ادخل انت يا عماد
عماد يطلع هو كمان رحيم يطلع وراه
...................
فى شقه عماد
رحيم / بتعمل ايه
عماد / بلم هدومى
رحيم / طب رايح فين طيب
عماد / هغور فى داهيه
رحيم / جرا ايه يا عيله مفيهاش عاقل مترحموا دماغ امى بقى
عماد / هى مش مراتك شاريه شقه جنب شقه مصطفى الجديده
رحيم / اه ليه
عماد / وضبها و خد مراتك و عيالك و ابعدوا عن القرف ده البيت ده بقى موبوء
رحيم /طب تعال نخرج نتمشى شويه و نتكلم
عماد / لا شكرا مليش مزاج
رحيم / متخلينيش اتغابى عليك استنى هنا فهمنى هتعمل ايه
عماد/ هعمل اللى المفروض اعمله من زمان هتجوز الانسانه الصح
رحيم / طب و امك
عماد / امى اختارت عبير اختارت الانسانه اللى خانت ابنها هى حره بقى
.........................
فى شقه زينب
عبير / اهدى بس يا ماما
زينب / بنت الكلب سحرت للوله انا اللى كنت فاكره انى فى بيت رجاله طلعت فى بيت دلاديل انا مش هسكت والله مهاسكت دا هاين عليا اطلع اجيبهم التلاته من شعرهم
عبير / تجيبى مين بس يا ماما عيالك هيقفولك و يتعاطفوا معاهم دا شغل تعابين انا قولت مالاول محدش صدقنى الكل جه فى صفهم قدامى فاكره
زينب / فاكره يا بنتى فاكره بس لا و غلاوه عماد عندى مهسيبهولها بنت الشوارع دى
عبير / اهدى انتى بس و انا هربيهالك و اعلمهالك الادب و هتشوفى
........................
فى المكتب
رحيم شغال عالكومبيوتر ساره تدخل
ساره / السلام عليكم
رحيم ميردش ساره تروح جنبه
ساره / دا حتى السلام لله
رحيم يبصلها
رحيم / ساره انا اسف والله مخدتش بالى خالص انك دخلتى
ساره / اللى واخده عقلك
رحيم/ هههههههههههههههه لا ابدا انا كنت مركز فى الديزاين
ساره / جامد اخر حاجه انت بجد معلم
رحيم / شكرا
ساره / هى رحمه مش هتنزل المكتب و لا ايه وحشتنى
رحيم / انتى مبتشوفيهاش فى الكليه و لا ايه
ساره / لا بجد دا على اساس انكوا بتقعدوا معانا فى الاوضه اصلا
رحيم / عادى كبرى دماغك
ساره / انا عيد ميلادى الخميس قولت اعزمكوا يعنى
رحيم / باذن الله
ساره / مالك
رحيم / مالى مانا كويس اهو
ساره / عليا انا برضه
رحيم / نعم
ساره / احنا مش معرفه يومين انا عرفاك من سنين مالك فى ايه فى حاجه فى الشغل مديقاك
رحيم / هههههههههههههههههههههه لا يا ست ساره انا زى الفل تلاقينى مرهق و لا حاجه
ساره / الله يعينك هتلاقيها من ايه و لا من ايه الكليه و لا المكتب و لا الموقع و لا البيت و اللى فيه
رحيم / البيت و اللى فيه
ساره / قصدى العيال يعنى و دوشتهم طب دانا ولاد اختى لما بيجوا عندنا ساعتين بيقلبوا دماغى مبالك بقى بيوميا
رحيم / محدش بيزهق من عياله
ساره / اعملك حاجه تشربها
رحيم / انتى فاضيه يا ساره موراكيش شغل
ساره / لا ورايا و رايحه اخلصه
رحيم يتنهد و يكمل شغل
.......................
فى المعرض بعد كام يوم
عماد / يعنى مفيش فايده خلاص هتسافروا بكره و هترجعوا امتى
امل / مش عارفه الكل قال نسافر احسن هتوحشنى اوى
عماد / دا على اساس انى هفضل هنا يعنى و انتى هناك
امل / هتيجى يعنى
عماد / ان مسافرتش معاكى
امل/ هههههههههههههه
عماد / انا بقول نكتب الكتاب و نقضى شهر العسل هناك بقى
امل / يا سلام و ليك نفس تهزر
عماد / انا مكنتش بهزر انا مش قادر استنى
امل / فى الظروف دى و بعد اللى طنط عملته
عماد / انا مبعملش حاجه غلط و بحبك يا امل بحبك بجد
امل / و انا كمان يا عماد بس استنى شويه هو الوقت فعلا مش مناسب
عماد / مش مناسب ليه
تليفون امل يرن
امل / ايوه يا ماما..... لا طبعا هروح معاكى ..... انزلى نروح سوا يلا بينا .....سلام
عماد / خير
امل / هنروح المتابعه بتاعه ماما امينه مع مصطفى فبتقولى اروح انا معاها
عماد / اجى اوصلكوا
امل /هتسيب سيد فى المعرض لوحده
عماد / اقفل المعرض كلو عشانك
عبير تدخل شايله محمود عماد يتعدل فوقفته
عبير / انا اسفه انا شكلى جيت فوقت مش مناسب خالص
امل / لا ابدا اتفضلى
تليفون امل يرن
امل / سلام انا بقى
عماد / سلام يا قلبى
عبير تبتسم ابتسامه صفره و امل تمشى و عبير بتبصلها
عماد / خير
عبير / النهرده تلاته فى الشهر مصاريف محمود حضرتك نسيتها
...................
فى الشارع
اميره واقفه قدام المعرض امل تطلعلها
امل / استنيتى كتير
اميره / لا انا رنيتلك عالبوابه اصلا يلا نشوف تاكس
امل تمشى مع مامتها ست مليانه تخبط في امل
الست / مش تفتحى
امل / معلش عن اذنك
الست / انتى كمان مش مستعنيه تعتزرى عدل طب تعالى
الست توقع امل فى الارض و تنزل فيها ضرب اميره تيجى تحوش يطلع تلت ستات تانين يضربوا فى اميره سيد يطلع يجرى على صوت صريخ اميره و امل ميقدرش يحوش يجرى على جوه تانى
......................
