(((((((مفيش رحمه ٢))))))
#لولو_محمد
الحلقه الثانيه
منه / مش مستعجلين و لا حاجه بس كفايه كدا رحمه هتنيم ادم نسيبها بقى تنام جنبه و ترتاح عشان تعرف تكمل
مصطفى / اللى تشوفيه قولى لبابا و يلا
عماد / طب مننقل السهره عندنا هنسيب رحمه ترتاح برده احنا يعنى مش بنشوفكوا كل يوم
عبير تدخل
عبير / فى ايه
رحيم / منه عاوزه تروح
عبير / ليه بس ايه اللى زعلك بكره يا حبيبتى ربنا يكرمك بابن الحلال و يبقى عندك عيال زينا و تدخلى برده تقفلى على نفسك لوحدك و ترضعى و تنكسفى ترضعى قدامنا محصلش حاجه يعنى
منه / باذن الله يلا يا مصطفى
عماد يبص لوش منه و يبص لعبير و يلف يبص فى الشارع
.................
فى شقه زينب
زينب / وحشتنى يا محمد اوى ايه مبوحشكش
محمد / تعبان يا زينب مالسفر مش قادر
زينب / جرا ايه يا محمد هو انا كنت طلبت منك ايه انا كل اللى كنت عوزاه انك تقعد معايا شويه تحسسنى انك لسه فاكرنى حتى لو بكلمه حتى لو هتكدب عليا
محمد / انتى عاوزه ايه عالمسا وحشتك و لا وحشك خناقك معايا و نكدك عليا
زينب / انت جاى ليه يا محمد جيت تحضر السبوع و حضرتك قاعد مستنى ايه
محمد / مستنى الصبح و هغور ارتاحتى
زينب / كان ممكن تبات مع ابنك تتحجج بالنونو زى ماتحججت انك عاوز تنام فى اوضه امك قبل كدا و لا نسيت
محمد / منسيتش يا زينب منسيتش و مش قادر انسى ارتاحتى مش قادر انسى
زينب / انت ليه بتحملنى ذنبها كانى جبت سكينه و حطيتها فى قلبها
محمد / بجد عاوزه تفتحى السيره دى بجد عاوزه تتكلمى فى الموضوع ده
زينب / اه يا محمد اقطع عرق و سيح دمه بقى انت ايه حكايتك من يوم متوفت امك و انت فى اسكندريه بحجه انك مش قادر تقعد هنا و امك مش فى البيت و كملت لما بحاول اجيلك مبترضاش فى ايه متفهمنى
محمد / على صوتك على صوتك و عرفى الدنيا كلها اننا بنتخانق عرفى الدنيا كلها انك بدل متحابى على جوزك و تكسبيه لا بتخليه يكره اليوم اللى هينزل يشوف فيه عياله عشان هتنكدى عليه و تخرجيه عن شعوره
زينب / انت هتمثل انت فاكرنى هبله و لا ايه بقولك ايه البيت بيتك تيجى وقت متيجى و تروح وقت متروح بس اعمل حسابك يا محمد انك يوم مهترجعلى انا اللى هتامر عليك و انا اللى هرفضك
محمد / ماشى سبينى بقى انام ممكن
زينب / اتخمد
..................
فى شقه عماد
عبير قاعده بتتسرح قدام المرايه عماد داخل الاوضه
عبير / نام
عماد / اه فى سابع نومه
عبير / كان سبوعنا احنا احلى صح
عماد / مركزتش
عبير / و ايه التورته دى يعنى حد يجيب تورته فى سبوع
عماد / هما احرار يا عبير
عبير / بس كلو كوم و التقيله دى كوم تانى يا باى عليها بغل
عماد / مين دى رحمه
عبير / لا طبعا اللى متتسمى منه
عماد ينفخ
عبير / ايه مش مستحمل تسمع عنها كلمه للدرجادى غاليه عليك
عماد / تصبحى على خير يا عبير
عبير / جرا ايه يا عماد هو انا روحت الكوافير و عملت كل ده عشان فى الاخر تسبنى و تنام
عماد / طب امى جوزها مبيجيش غير فى السنه مره و بتحاول تشده انتى بقى تسيبى ابنك اللى بيرضع و تمشى و متساليش عليه ليه
عبير تروح تقعد و تلزق فيه
عبير / الله يا عمده مهو انا كمان بقالى كتير جوزى مطنشنى و كنت بحاول اكسبه و اشده ولا انت يعنى مش قد المقام و متستاهلش
عماد / بس على الاقل كنتى غسلتى الببرونات جهزتى راضعه جنبى مش كدا
عبير / الله هو انا كنت سيباه فى الشارع مانا سيباه معاك و عارفه انك هتعرف تتصرف و بعدين انت هتقضى الليل كلو عتاب و لا ايه مخلاص بقى فكها هو النيو لوك مش عاجبك و لا ايه
عماد / حلو
عبير / بس حلو
عماد / صحيح انتى ليه بتقولى لمنه بكره تتجوزى زينا ليه يعنى
عبير / الله يحرق منه عاليوم اللى شوفنا فيه منه جرا ايه يا عماد ميصحش كدا متقفلنيش
عماد / لا بجد و كمان بتحرجى بابا و تقوليله فين هديه محمود ايه حد يعمل كدا
عبير / و ايه كمان عملت ايه كمان يا عماد بص متجيب مالاخر و تقولى مش لازم النهرده يا عبير انا تعبان مش قادر ضهرى واجعنى صوابع رجلى بتنغز عليا اى سبب يعنى بدل متقعد تقطم فيا لحد متقلبها خناقه و تاخد بعضك و تروح تنام جنب محمود و تسبنى اهاتى مع روحى للصبح اقولك لخص ادى مخدتك و غطاك نورت يا عماد نورت يا حبيبى شكرا
عماد يبصلها و يسكت
عبير / مهما الواحده تعمل مهما تحاول برده مبتعجبش كلكو صنف واحد تبقوا هتلحسوا التراب عشان نرضى عنكم و اول منبقى معاكوا تزهقوا و تبصوا لبره
عماد / انتى شايفه كدا
عبير / اشوف بقى و لا مشوفش انا زهقت لما انت كارهنى اوى كدا عايش معايا ليه متطلقنى و تخلص عاوز ايه هتفضل منكد عليا لحد امتى
عماد / و ايه كمان
عبير / مفيش امشى يا عماد امشى ربنا يسامحك امشى
عماد ياخد الغطا و المخده و يمشى و عبير تقعد تفرك
........................
فى شقه رحيم
رحمه نايمه و جنبها ادم رحيم يدخل يشوفهم كدا يغطيهم و يخرج يبص على بشرى بتلعب فى اوضتها
رحيم / منمتيش ليه
بشرى / مش جايلى نوم
رحيم / نامى و انا هحكيلك حدوته
بشرى تنام و رحيم يغطيها و يقعد جنبها
رحيم / صلى على النبى
بشرى / عليه افضل الصلاه و السلام
رحيم / كان فى مره بنت صغيره
......................
بشرى / اسمها ايه
رحيم / بيبو
بشرى تدحك
رحيم / البنت دى ابوها و امها بيحبوها اوى اكتر من نفسهم حتى
بشرى / و اخوها كمان كان بيحبها صح
رحيم / جدا كان بيحبها جدا بس هو كان نونو و مش بيعرف يتكلم و كان شقى اوى بيسهر طول الليل و تاعب ماما معاه فماما كانت تعبانه طول الوقت و مش قادره تاخد بالها و لا تلعب مع بيبو زى الاول
بشرى / معلش
رحيم / بس بيبو كانت بتحب ماما اوى و بتساعدها عشان بابا يجيبلها كل اللى نفسها فيه
بشرى / ماشى
رحيم / يلا نامى بقى عشان بكره تقومى معايا من بدرى نروق الشقه دى و لما نخلص هجيبلك كل اللى نفسك فيه ايه رايك فى الاتفاق ده
بشرى / منقوم نروق دلوقت
رحيم / مش قادر خالص يا بيبو بابا رحيم خلصان طول اليوم مشاوير لما اتهلكت انا هروح انام جوه اول متصحى صحينى بلاش تصحى ماما رحمه سبيها ترتاح
بشرى / حاضر تصبح على خير
رحيم يبوسها و يطفى النور و يسيب الباب موارب و يمشى يروح ينام فى الاوضه التانيه لوحده
....................
تانى يوم الصبح قبل الصلاه
رحيم يصحى على صوت عياط ادم يروحله الاوضه جرى يلاقيه مفلوق عياط و لوحده
رحيم / رحمه رحمه
رحمه تيجى جرى و هى بتعيط و فى ايدها ببرونه اعشاب
رحيم ياخدها منها و يشيل الواد و يديهاله و هى تعد تعيط
رحيم / فى ايه بتعيطى كدا ليه
رحمه / مفيش لبن
رحيم / طب شربتى ميه كويس
رحمه / شربت شربت بقالى ساعه بحاول معاه و مفيش لبن مبيفصلش سريخ و مش عارفه اعمل ايه اخر مزهقت عملتله اعشاب
رحيم / ميمكن كان عاوز يغير او يمكن عنده مغص فمش حوار انه جعان
رحمه / جربت والله انا مالفجر و انا قاعده جنبه غيرتله و نيمته على بطنه و دعكتله ضهره و اهشك و اهز و مبيفصلش
رحيم / و مصحيتينش ليه
رحمه / من امتى اصلا نومك تقيل كدا دانت بتصحى على دبه النمله
رحيم / والله كنت نايم فسيخه متقلبت حتى كنتى صحينى اهو نام اهو
رحمه/ الحمد لله
رحيم / هو كان عنده مغص و لا حاجه كنتى اديتيله دوا المغص
رحمه / و انا هقعد اجرب فى ابنى
رحيم / مش كل مهيعيط هتتوترى كدا كدا مش هتعرفى تتصرفى اهدى كدا و قومى اغسلى وشك و ارتاحى و انا هعملك تفطرى
رحمه / انا الصداع هيفرتكنى
رحيم / طب نامى جنبه و انا هقوم اخد الشاور بتاعى و انزل اجيبلكوا فطار و اظبطك ماشى
رحمه / انام و اسيب الشقه تضرب تقلب كدا
رحيم / يا ستى ارتاحى بس عشان تعرفى تكملى و انا باذن الله هظبطهالك بس بطلى عياط ماما بتقول العياط بيعكر اللبن
رحمه / ماشى
رحيم يقوم يبوس راسها و تنام جنب ادم و يطفى النور و يقفل الباب بشرى تخرج من اوضتها و هى بتدعك فى عينها
رحيم / صح النوم يا حبيبه بابا
بشرى / بابا ادم بيعيط طول الليل و انا معرفتش انام منه
رحيم / طب مش كنتى تيجى تصحينى
بشرى / مانا مكنتش قادره اقوم كل شويه اصحى و انام تانى
رحيم / طب خشى التويلت كدا و اغسلى وشك و ظبطى نفسك عشان عندى ليكى مهمه خطيره محدش هيقدر يعملها غيرك
بشرى / حاضر
بشرى تروح الحمام رحيم يدخل الاوضه تانى عند رحمه رحمه تقوم تقعد
رحمه / فى ايه تانى
رحيم/ اسف اسف نسيت اخد غيار و فوطه ابقى فكرينى نعمل دولاب صغير طوارئ فى الحمام و لا انا هبقى احط كام غيار ليا فى الاوضه اللى جوه
رحمه / ماشى انجز بقى حرام عليك
رحيم / خلاص خلاص اسف نامى نامى
رحيم ياخد الغيار و يلاقى بشرى جايه مالحمام
رحيم / لحقتى يا بنت الايه
بشرى / ايه هى المهمه بقى
رحيم / انا هجيبلك كيس مالمطبخ تلمى فيه كل الكوبايات و الاطباق و الشوك البلاستيك و الورق و اى مناديل مرميه فى الارض و الورق مطرح الصواريخ اللى فرقعناها امبارح و اى حلويات واقعه فى الارض هتقدرى تروقى الصاله و تثبتى لماما رحمه انك اشطر منها
بشرى / هقدر
رحيم / انا هدخل اخد دوش سريع و هطلع اشوف عملتى ايه لو خلصتى هجيبلك ايسكريم كبييييييييييييييييير و انا راجع مالصلاه ماشى
بشرى / اتفقنا
.....................
بعد الصلاه
رحمه قالبه الصاله يمين و شمال
رحيم / بتدورى على ايه
رحمه / فرده الحلق بتاعى مش لقياها خالص
رحيم / ميمكن وقعت منك و انتى نايمه دورتى جنب السرير
رحمه / دورت فى كل حته فى الاوضه مش لقياها و دورت فى الحمام و المطبخ ملهاش اثر انت مشوفتهاش و انت بتروق الصاله
رحيم / بشرى هى اللى لمت الحاجه انا عملت بالمكنسه بس قبل منزل بس مكنش فى حاجه
رحمه / يووووه انا تعبت يعنى هروح ادور فى الزباله كمان
رحيم / انا اصلا نزلت الكيس العربيه كانت بتلم تحت فديتهولهم
رحمه / طب اعمل ايه انا دلوقت يا بشرى يا بشرى
بشرى تطلع من اوضتها
رحمه / انتى مشوفتيش فرده الحلق بتاعى
رحيم / خلاص يا رحمه بقى هبقى اجيبلك غيرها
رحمه / تجيبلى غيرها ايه دا كان هديه من بابا الله يرحمه
رحيم / الله يرحمه هتبان لو موجوده هتبان و لو ضاعت استعوضى ربنا فيها بقى
رحمه / كل حاجه عندك سهله اوى كدا انا تعبت منك بجد انت مش حاسس باى حاجه مش حاسس بيا و لا باللى جوايا انا تعبت منك بجد
رحيم / يا حبيبتى انتى علاطول عصبيه
رحمه / علاطول عصبيه علاطول
رحيم / انا عارف انك مبتناميش و انك مرهقه جدا و سهرانه طول الليل بادم انا مقدر والله
رحمه / خلاص يا رحيم انا بجد مش فى المود لخناق انا داخله انام جنب ادم
رحيم / و انتى من اهله يا روحى
رحمه تدخل الاوضه و رحيم يقعد على ركبه جنب بشرى
رحيم / متيجى نروح مع جدو شويه
بشرى تهز راسها رحيم يمسك ايدها و يفتح الباب بشويش و يروح عند مامته يفتح الباب يلاقى عماد و محمود الصغير قاعدين
عماد / تعال فى حضن اخوك يا فواز
رحيم يدحك و يروح يقعد جنبه زينب تطلع مالمطبخ
زينب / ايه نكدت عليك تانى يا ترى المرادى ايه قولتلها غيرى للواد و لا وقعت التاتينه فى الارض و مغسلتهاش
رحيم / كبرى دماغك يا ماما كفايه اللى هى فيه
زينب / كفايه يا خويا كفايه اللى كلنا فيه ربنا يعينا
محمد / صحيح انا هرجع اسكندريه بكره الصبح
عماد / هو فى ايه يا بابا احنا مش واحشينك متقعد كمان كام يوم
زينب / سيبه سيبه اهو يرتاح من وجع الدماغ خليه يفك
رحيم / هى عبير فين يابنى
عماد / بتزاكر عشان الرساله عندها معاد مع المشرف يوم الاتنين و عاوزه تخلص اللى وراها فكرشتنى انا و الواد
رحيم / ربنا يستر انا مش عارف هنعمل ايه فى الرساله احنا كمان انا و رحمه و العيال كلو اتكركب على دماغى مره واحده و التقديم كمان كام يوم
زينب / هو يعنى لازم رحمه تكمل متركز فى حاجه واحده بدل الخوته دى
محمد / بص يابنى انت ومراتك طول عمركوا بتعدوا الصعب سوا اتوكلوا على الله و قدموا و ربنا يعمل اللى فيه الصالح و انت ابقى ساعدها
زينب / هو ناقص يعنى الكليه الصبح و المكتب بالليل و كمان يحضر لنفسه و ليها دا ناقص يرضع
محمد / هو حر هو و مراته و بعدين و ماله معماد بيرضع
رحيم / هههههههههههههههههههههههه
عماد / ايه يا بابا راعى ايه برضع دى
محمد / لا مؤاخذه ياخويا بيرضع بالببرونه حلوه كدا اتبلعت ياخويا
عماد / اه كدا ماشى
رحيم / هههههههههههههههههههههههههههههههه
عماد / اتلم بدل معبطك
رحيم / اسف اسف بس ههههههههههههههههههههه لا بجد مش قادر ههههههههههههههههههههههههههه
عماد / انا ماشى
رحيم / خلاص بقى متافورش احنا بنهزر معاك
عماد يقعد
رحيم / انا بجد مش عارف كنتوا بتوفقوا ازاى و احنا صغيرين يعنى ازاى كنتى بتقدرى تنامى يا ماما ادم مبهدل رحمه فى النوم
زينب / عشان تعرف تعب امك و تقدر خوفى عليكوا مكنش من فراغ
محمد / كانت بتبدل هى و ستك فى عماد ستك كانت بتقعد طول النهار بعماد و امك نايمه و امى الله يرحمها
رحيم و عماد / الله يرحمها
زينب / الله يرحمها
محمد / كانت بتعمل الاكل و بتروق البيت
زينب / كنت ملكه انا اياك
محمد / كنتى بتقومى عالعصر تبدائى تساعدى و لا مكنش بيحصل
زينب / مانا طول الليل سهرانه بالواد لما كنت بدعى على نفسى انى اموت يمكن ساعتها ارتاح و لا نسيت
محمد / فى رحيم بقى هى كانت بترضع بس لكن حياه و ماما اللى قاموا بالباقى
زينب / برضع بس
محمد / عمرك غيرتيله كافوله و لا حتى غسلتيله غيار طول مهو كان فى شقه محمود الله يرحمه
زينب / الله يرحمه انا مقولتلهمش خدوه و بعدين مانا ياما كنت بروح اساعد معاهم هناك و طول النهار فى شقتهم عشان يوم ميصحى ميستسهلوش الصناعى عشان طنط الله يرررحمها كانت بترفض ان حياه ترضعه
محمد / كانت بتبص لقدام
زينب / عمرى مفهمتها الصراحه قدام دى البت ترضع من امها و ابنى يتاخد من امه و يرضع صناعى دا ايه الهنا ده
محمد / انتى عارفه كويس ان رحيم مكنش بياخد صناعى الا لو انتى مش موجوده اول مكان بيعيط كانوا بينادوكى لو نايمه او بره كانوا بيضطروا يدوه اعشاب او صناعى متافوريش
رحيم / انتوا سخنتوا كدا ليه معنى مرضعت خالص ايام و عدت فى ايه
محمد / ياخى الواحد بيجى البيت هنا و بيندم انه جه
محمد يقوم يدخل اوضته و يرزع الباب زينب بصوت عالى
زينب / متجيش مدام البيت تعبك اوى متجيش محدش غصبك
عماد / فى ايه يا ماما اهدى شويه
زينب تعيط رحيم يقوم يقعد جنبها و يحضنها
زينب / انا اتخنقت مدام كارهنى اوى كدا ميطلقنى سايبنى على زمته كدا و خلاص انا تعبت منه و اتخنقت ميطلقنى و يريحنى بقى
رحيم / و هو ده الحل يا ماما
زينب / و ايه الحل يا روح ماما متبص لنفسك بتعمل ايه عشان رحمه و بص لاخوك
عماد / يا ماما مهو ياما عمل و ياما استحمل هو بس تعبان من يوم متيته الله يرحمها اتوفت انتى عارفه انه كان متعلق بيها قد ايه
زينب / طب انا ذنبى ايه مشيلنى ليه ذنبها هو انا اللى قتلتها هى قدرها كدا عمرها كدا انا ذنبى ايه
عماد / يا ماما انتى برده عصبيه و مش عارفه تكسبيه زى زمان ايه مفيش حبه دلع كدا و لا كدا هو احنا اللى هنعلمك برضه
زينب / زواق و اتزوقتلك و انت مايل و ايه يعدلك
عماد / هههههههههههههههههههه يا شيخه قولى كلام غير ده طب قومى كدا جربى تراضيه و تبوسى راسه و شوفى هيلين معاكى و لا لا
زينب / بلا ابوس راسه بلا ابوس رجليه اللى مش عاوزنى فى ستين داهيه
زينب تقوم تدخل المطبخ و عماد يبص لرحيم
رحيم / عمر العيله دى مهتتعدل ابدا
عماد / تتعدل ايه يابنى و الاساسات بايظه دانت مهندس و فاهم
رحيم / لا والله يا عماد العيله دى اساساتها قويه عشان كدا لسه واقفه هو البنيان اللى تعبان
عماد / انا عن نفسى تعبت و مش قادر اشيل اكتر من كدا انا على شعره
رحيم / طب متتكلم معاها يابنى و شوف كدا يمكن تتعدل
عماد / اتكلم مع مين يابنى الطبع غلاب انا اللى كنت معمى بالعيون الملونه و الشعر الاصفر و الوسط الملفوف و الجسم المرسوم
رحيم / خلاص يا عم
عماد / لحد مشوفت الحقيقه قدامى
رحيم / طب و ايه اللى مصبرك
عماد / ابن الكلب ده اللى مكتفنى هو اللى ربطنى جنبها
رحيم / طب اقولك ايه يعنى
تليفون رحيم يرن
رحيم / دى رحمه هروح ابص عليها خلى بشرى معاك
عماد / بص براحتك ياعم مانا بقيت داده فى البيت ده ناس تبص و ناس تقعد بالعيال
رحيم / قرك ده اللى جايبنا الارض احنا لسه فى الاربعين اتوكس
عماد / اكتر من كدا
رحيم / هههههههههههه
رحيم يمشى و يروح عند رحمه
رحمه / انت سايبنى و روحت فين
رحيم / مش كنتى نايمه
رحمه / انت اول ممشيت ادم صحى انا تعبت بجد انت ليه مطنشنى اوى كدا انت ليه معدتش بتحبنى و تساعدنى زى الاول على فكره الوزن ده هينزل انا مش وحشه للدرجادى
رحيم / ايه الهبل ده فى ايه يا رحمه بس
رحمه / انا هلبس و هنزل الصيدليه اجيب حبايه منوم و اخدها و انت اتعامل بقى مع ابنك انا مخلفتوش لوحدى هو
رحيم / معاكى حق انا غلطان هاتى ادم و خشى انتى نامى و لما تصحى براحتك ابقى ناديلى
رحمه / هتسبنى لوحدى ماشى براحتك
رحيم / طب خلاص انا هفضل قاعد هنا فى الصاله و اتفضلى انتى نامى اقولك نامى انتى فى الاوضه اللى جوه عشان لو احتجنا اى حاجه من الاوضه منصحيكيش
رحمه / هو انا موحشتكش
رحيم / وحشانى طبعا بس اعمل ايه بس
رحمه / تعال جنبى زى زمان خدنى فى حضنك و طبطب عليا هو انا لازم اطلبها منك يا اخى انت ايه حكايتك
رحيم / حقك عليا معلش انا عارف انى مقصر معاكى بس والله غصب عنى معلش خشى انتى ارتاحى و انا هنيم ادم و اجيلك اخدك فى حضنى
رحمه / ماشى
...............
