((((((مفيش رحمه ٢))))))
#لولو_محمد
الحلقه ٣٤
رحمه / جدااااااااا بجد المكان هناك جو تانى خالص بجد لازم تروحوا
عماد / ان شاء الله
رحيم / و دى بقى الشنطه بتاعتكوا شويه هدوم لحوده على برفانات ليك و لامل
امل / ميرسى تعبت نفسك
رحمه / تعب ايه يا بنتى دانتى اختى
رحيم / و دى هديه حبيب قلبى بابا جبتلك بدله جديده انما ايه تحفه بس يارب المقاس يطلع مظبوط
محمد / هتطلع ديقه عشان تاخدها انت
رحيم / بقى كدا
اميره / ههههههههههه بيهزر معاك
..................................
زينب / هو عارف
رحيم / احم و دى بقى هديه حضرتك و دول بقى شويه برفانات لامينه و مصطفى و سمير و منه و عموا ابراهيم كدا منسيناش حد الحمد لله
رحمه / الا الواطين دول مجوش يسلموا علينا ليه مش عارفين اننا جايين النهرده
امل / معلش سمير عازمهم عالغدى عنده و بكره امينه و مصطفى يجوا
رحيم / اااااه فهمت
امل تبتسم
رحمه / سمعت انكوا روحتوا اسكندريه و عملتوا شهر عسل جديد
امل / اه عماد خدنى انا و حوده و فسحنا حته فسحه مسبناش مكان مروحناهوش
رحمه / ربنا يسعدكوا
رحيم / مالك يا عمده سرحان فى ايه
عماد / مفيش يا برنس مطبق بس
محمد / اخوك بيحاول يعوض الاسبوع اللى غابه بس مش قادر يفهم ان تطبيقه ده هيخليه يرقد اسبوع غيره
امل / عماد بيحب شغله اوى و على فكره دى اكتر حاجه عجبتنى فيه
زينب / بجد
امل / طبعا يا ماما الراجل اللى يقدر يشيل المسؤليه بيخلى الست تحس بالامان معاه
اميره / و هى الست محتاجه ايه فى دنيتها اكتر من انها تحس بالامان
رحمه تمسك ايد رحيم يبوسها
زينب / معاكوا حق انا هستاذن بقى عشان انا ورايا بكره الصبح مشوار مهم
رحيم / على فين يا ست الكل
زينب / اهو هغير جو بدل قاعده البيت اللى تخليك تعجز قبل اوانك دى
عماد / تعجزى ايه يا مزه دا اللى يشوفك يقول اصغر من امل نفسها
عماد يغمز لامل
زينب / هههههه مكدبتش فى دى عن اذنكوا
عماد / طب استاذن انا كمان بقى عشان انا بنام على نفسى و ميرسى يا برنس على الهدايا الحلوه دى عقبال منردهالك بقى
رحيم / باذن الله
.........................
فى شقه عماد
امل / تحفه البرفان اللى رحيم جايبهولك بجد رحته جامده
عماد / فعلا زوقه حلو اوى هو عارف انا قد ايه بحب البرفانات
امل / انت هتقولى دا فاضل شويه و نعملك نيش هنا تحط فيه البرفانات بتاعتك
عماد / ههههههههههههه فى الخطه الخمسيه الجايه
امل / بس بينى و بينك كان جابلك ساعه احسن شوفت الساعه اللى هو كان لابسها كانت حلوه اوى
عماد / اه كانت حلوه بس انا بحب البرفانات اكتر
امل / تفتكر الساعه دى كانت بكام
عماد / بفلوس
امل / هىهىهى خفه
عماد / ههههههههههههه نامى يا امل انا مش قادر خالص
امل / طب مش ناسى حاجه قبل متنام
عماد يقوم يبوس راس امل
امل / ايوه كدا اعرف انام تصبح على خير
عماد / و انتى من اهله
.......................
فى شقه طارق
عبير / انا تعبت يا طارق انا طول اليوم فى الحمام
طارق / جرا ايه يا مزه هو اول مره تحملى و لا ايه
عبير / لا طبعا مش اول مره بس الوضع مختلف انت ليه مش قادر تفهم انا هنا لوحدى ماما مش بتيجى تزورنى دا غير ايناس انا مش عارفه اخد بالى من نفسى لما اخد بالى منها يا طارق دا الحمام اشتكى مننا
طارق / معلش الدوا اللى هى بتاخده
عبير / بيزود قرفتى انا و بعدين الشهور الاولى محتاجه راحه
طارق / يعنى عاوزه واحده تساعدك
عبير / لا انا عاوزه اروح عن ماما او بيتى
طارق / و الله لو ده هيريحك ممكن تروحى عند طنط يومين
عبير / لا يا طارق انا عاوزه افضل لحد مولد
طارق / و انا
عبير / انت ايه يا حبيبى مانت هتيجى تقعد معايا
طارق / انتى بتهزرى صح انتى عوزانى اسيب ايناس فى الظروف دى
عبير / ايناس اللى بتعمل كدا فى نفسها متعمل العمليه و تخلصنا
طارق / انتى اللى بتقولى كدا مش انتى اللى قولتيلها هتبقى ست فى البطاقه بس
عبير / مين اللى قالك كدا دى كدابه بتقول كدا عشان توقع بنا عشان غيرانه منى انى حامل و هى لا
طارق / ايناس عمرها مهتغير منك ايناس هى السبب فى وجودك هنا اصلا
عبير / ايناس ايناس ايناس مفيش مره تقول عبير مفيش مره تفكر فيا مفيش مره تحسسنى انك بتحبنى و لو واحد مالمليون زى حبك لايناس انا بجد مش قادره افهم انا بعمل ايه غلط ليه محدش قادر يقبلنى ليه لازم اعيش عمرى كله مع واحد مصر يقارنى بواحده تانيه ليه
طارق / بجد
عبير / متسفهش كلامى
طارق / انا مش بسفهه بس انا مدحكتش عليكى مجتش فيوم و رسمت عليكى الحب و قولتلك انى بموت فيكى انتى عارفه كويس ايناس بالنسبالى ايه
عبير / اشبع بيها يا طارق انا عند امى
............................
فى شقه عماد بعد فتره
عماد قاعد بيشتغل عاللاب عالسرير و امل قاعده عالتسريحه
عماد / ايه رايك فى الاوضه دى
امل / حلوه اوى فنان من يومك
عماد / هبعتها للورشه تتعمل من بكره
امل / جميله فعلا بس شكلها هتبقى غاليه اوى
عماد / لكل حاجه زبونها
امل / بيقولوا ان معرض المندره بتاع شركه مودرن فيرنتشر معروض للبيع
عماد / سمعتى من مين
امل / احمد اخويا كنت بكلمه امبارح و فوسط الكلام قالى انه ناوى يشتريه
عماد / الف مبروك
امل / ركز يابنى مش ده المعرض اللى كانت مبهور بيه اوى
عماد/ قصدك انى حسدته مثلا ههههههههه
...........................
امل/ خفه لا طبعا قصدى احنا اولى بيه
عماد / منين يا امل مانتى شايفه
امل / فرصه زى دى حرام تروح علينا
عماد / يا ستى الجايات اكتر مالريحات و بعدين مش هيروح لحد غريب احمد مننا و علينا برضه
امل / انت عاوز تنقطنى
عماد / انتى عاوزه ايه يا امل اضيع كل السيوله اللى حيلتنا اللى طلع عينا عشان نعرف نلمها مالسوق عشان بس انافس اخوكى و اخد منه معرض اكيد كان بيخسر و الا مكانوش باعوه
امل / اولا مكنش بيخسر الراجل لما مات ولاده قسموا التركه وواحد منهم ملوش فى المجال فهيبيع نصيبه و يسافر
عماد / خيرها فغيرها مفيش فلوس دلوقت
امل / احنا ممكن نقدم على قرض
عماد / هو المعرض ده مهم اوى كدا ليه
امل / عشان احنا اولى بيه من احمد
عماد / و ده اللى مستغربله انتى عرفتى عن المعرض من احمد و دلوقت عوزانا نشتريه ليه
امل / احمد مش اخويا و بعدين هو مقاليش عشان سواد عيونى او عشان مثلا يعنى بيحب يحكيلى تفاصيل شغله دا قالى عشان اعزره انه مبعتش مصروفى بقاله شهر و مش هيقدر يبعت الفتره الجايه
عماد يتعدل فى قاعدته
عماد / مصروف ايه ده
امل / النفحه بتاعته الالفين جنيه اللى بيدهملى بدل ورثى من ابويا
عماد / انتى بتاخدى فلوس من احمد من ورايا
امل / دا حقى و بعدين يحمد ربنا انى راضيه بيهم انا والله لو كان ليا ضهر يقف معايا قصاده والله مكنت سبتله جنيه من ورثى
عماد / انا قولتلك قبل كدا ملناش دعوه بيهم و مش عاوز حاجه منه
امل / انا عاوزه دا حقى و حق عيالى
عماد/ ثانيه يعنى ايه ملكيش ضهر
امل / انا مقصدش انا اقصد يعنى
عماد / انتى بجد دا رايك فيا انى مش ضهرك عشان مش عاوز ادخل فى مشاكل ملهاش لزمه
امل / انا مقصدش و بعدين الفلوس دى كانت هتحل مشاكل كتير اوى انت نفسك محتاجها بدل متفضل تكتئب فكل مره رحيم هيعمل حاجه انت مش قادر تعملها
عماد / اللزمى حدودك يا امل
امل / انا بتكلم لمصلحتنا واحد غيرك كان حارب الدنيا عشان حق مراته يرجعلها مش يقف فى جنب و يقول و انا مالى
عماد / كدا جابت اخرها انا نفسى افهم ازاى مشوفتش الوش ده قبل كدا ازاى مختش بالى ان كلكوا مادين زى بعض
امل / انت بتقول ايه يا عماد
عماد / انتى بجد متخيله احساسى دلوقت هشام قالى انك هتعملى كدا و انا مصدقتوش
امل / هشام مين ده اللى يوقع بنا و ازاى تسمحله يتكلم عنى اصلا
عماد / انا تعبت انا نازل
امل / استنى هنا انا بكلمك انت بجد شايفنى ماديه
عماد / ايوه تحبى اقولك كمان انتى وخدانى كوبرى كل اللى هامك فى الدنيا حقك من احمد لما هشام معرفش حولتى حياته جحيم زى مهتعملى معايا دلوقت
امل / و ايه اللى يصبرك على واحده زيى
عماد / معاكى حق انتى طالق
عماد يمشى و امل تقع فى الارض و هى بتعيط
.........................
فى شقه هاله
هاله / انتى اتجننتى انتى عاوزه تخربى على نفسك تانى
عبير / تعبت و زهقت و قرفت
هاله / و اللى فبطنك مش كل شويه تطلقى و انتى معاكى عيل و اخرتها
عبير / اخرتها هبقى زى اميره مرات عموا محمد ارتاحتى انا داخله انام
هاله / انتى هتخربى حياتك بايدك و فى الاخر هتجيلى تعيطى
......................
فى شقه اميره
اميره / انا هاخد بنتى و نسافر اسكندريه معدلناش عيش فى البيت ده
محمد / انا هكلمه دى اكيد لحظه شيطان و لما هيهدى هيرجع لعقله
امينه / هو فاكر نفسه ايه يبيع و يشترى فيها بالشكل ده
محمد / انا متاكد انه عنده تفسير للى حصل
اميره / خشى يا امينه حضرى الشنطه انا بنتى مش هتقعد ثانيه واحده هنا كفايه اوى اللى جرالها من تحت راسه
محمد / اعقلى يا اميره اديله فرصه
اميره / اديته اديته و نسيت انه باعها و كسر قلبها قبل كدا مش هستنى اما تحاول تموت نفسها تانى بسببه كفايه بقى اللى عمله فيها هو انا لقياها اسمع يا محمد انا مبلومكش على اللى عمله ابنك بس بنتى اهم عندى من الدنيا و لو هى فعلا بنتك زى مكنت بتقول خش و شوف شكلها شوف قهرتها و بعدين ابقى دافع عنه
محمد / طب خلى السفر بكره الصبح و انا بنفسى هاجى معاكى
صوت زغاريط تحت عالسلم اميره تبص لمحمد و تسيبه و تدخل و هو واقف يضرب كف على كف
.....................
عالسلم
رحيم / يا ماما ميصحش كدا
زينب / هو ايه اللى ميصحش طب دانا هعمل ليله لله بمناسبه خروج اخوك مالوحله اللى كان فيها لولولولولولولولولولولولى
محمد ينزل
محمد / هو عماد فين
زينب/ عاوز منه ايه نايم جوه سيبه فى حاله
محمد / خليكى فى حالك انتى يا زينب انا عفاريت الدنيا بتتنطت فى وشى
زينب / اللى حضر العفاريت يصرفها يا حبيبى اسمع مفيش قوه فى الدنيا هتقنع ابنى يرجع فى قراره دى كانت جوازه الغبره
عماد يطلع من جوه
محمد / ايه اللى انت عملته ده يا بيه
زينب / هو كان عمل ايه
عماد / لو سمحتى يا ماما ياريت نتكلم فى حته تانيه
محمد/ اتفضل معايا على فوق
عماد / لا بره
محمد / ماشى اتفضل قدامى
.....................
فى شقه هاله
عبير / على مفتكرت ان ليك زوجه
طارق / انا كنت سايبك تهدى لان واضح اوى ان الحمل ماثر على اعصابك
عبير / و انت شايف ان ده الاسلوب المناسب معايا صح
طارق / ماشى حقك عليا لحظه شيطان و جاى اراضيكى
عبير / تراضينى عشان عاوزنى و لا عشان اللى فبطنى
طارق / و ايه الفرق مانتوا الاتنين واحد
عبير / لا مش واحد يا طارق مش واحد انا و اللى فى بطنى اتنين مش واحد
طارق / انتى عاوزه ايه دلوقت
عبير / تختار
طارق / بين ايه و ايه بينك و بين اللى فبطنك
عبير / لا يا طارق بينى و بين ايناس
طارق / لا انتى كدا اتجننتى رسمى
عبير / زى متحسبها اختار بين اللى هتخليك اب و بين اللى معندهاش اللى تديهولك اختار بين واحده تسندك وواحده على ضهرك مش قادره حتى تسند نفسها
طارق / انا لو منك مطلبش المقارنه دى لانى هزعل اوى مالقرار
عبير / نورت يا طارق
طارق / دا اخر كلام عندك
عبير / انا و ايناس مش هينفع يجمعنا بيت و ده اخر كلام عندى و احمد ربنا اوى انى وافقت ان يجمعنا زوج
طارق / ماشى عن اذنك
طارق يمشى و عبير تقعد تعيط هاله تطلع من جوه
هاله / يا سلام اقلب الترابيزه و اعيط عالاطباق المكسره
عبير / كنتى عوزانى ارجع معاه بعد مسابنى كل ده و مسالش عنى
هاله / و هو بعد اللى عملتيه هيفكر يسال اصلا
عبير / فى ستين داهيه انا بكره هروح للمحامى و اخلعه و فى ستين داهيه
هاله / و بعد متخلعيه يابنتى بطلى جنانك ده و استهدى بالله و اعقلى
تليفون عبير يرن
عبير / دى طنط زينب
هاله / اوعى تحكيلها لتشمتى عماد فيكى
عبير / الو ...ايوه يا ماما ازيك ... ايه انتى بتقولى ايه .... امتى ... ليه .... بتهزرى ... تنورى يا ماما تنورى طبعا ... سلام ..سلام
هاله / فى ايه يا بت
عبير / عماد طلق امل النهرده
هاله / ليه
عبير / ماما بتقول محكاش نزل متنرفز و دخل نام فى اوضته و لما سالته مالك قالها انه طلق امل و هى واقفه عالسلم دلوقت و مدياها زغاريط هناك
هاله / قادره
عبير / ميمكن دى فرصه تانيه يا ماما
هاله / لااااااااااااا دانتى مجنونه رسمى انا هدخل اشوف اللى ورايا لحسن انتى كدا خطر
.....................
عالنيل
محمد / بقالك ساعه ساكت متنطق يابنى ايه اللى حصل لكل ده لانت بتحكى و لا هى بتحكى و انتوا الاتنين حالتكوا اصعب من بعض
عماد / هى ليها عين تحكى اصلا
محمد / طب احكى انت
عماد /انا تعبت يا بابا تعبت
محمد / انت اللى تاعب نفسك يابنى
عماد /انا ؟؟؟ ماشى
محمد / امل هتسافر اسكندريه
عماد ميردش
محمد / انت كويس يابنى
عماد / لا
محمد / طب فى مين اقربلك من ابوك تشكيله همك يا بنى
عماد / انا معنديش هموم انا ملك انا دلوقت بس عرفت انا عاوز ايه
محمد / سبحان مغير الاحوال
عماد / بص يا بابا انا فكره جوازى من الاول كانت غلط انا والله عملت كل اللى اقدر عليه بس تقول ايه كلهم عينه واحده انا من النهرده هعيش لنفسى و ابنى و بس
محمد / كلهم اللى هما مين اوعى تكون بتقارن بين امل و عبير دى طينه و دى طينه تانيه خالص يا بابا
عماد / كلهم مبيفكروش غير فى الفلوس جوزها بالنسبالها محفظه و بس
محمد / دى امل ؟؟؟
عماد / انا اصلا الغلطان بس خلاص فتره و عدت
محمد / افتكر يابنى ان يا بخت من بات مظلوم و لا باتش ظالم
عماد / انا مظلمتش حد
...................
فى شقه هاله
عبير / و هو فين دلوقت
زينب / خرج مع ابوه من بدرى
هاله / معلش يا ست زينب انا برده مش فاهمه عبير دخلها ايه بعماد مش الموضوع خلص من زمان
زينب / الله مش ام ابنه و هى اولى بيه مالحربايه دى و بعدين هى مش امل دى اللى خربت على بنتك و لفقتلها التهمه الهباب دى
عبير / ياما نفسى اشوفها دلوقت
زينب / تشوفى مين دى تلاقيها بتغلى ان كانت هى و لا امها
عبير / تدوق
زينب / بصى يا عبير انتى يابنتى ترجعى بيتك و تاخدى ابنك فى حضنك و زى معملت معاكى تعملى معاها
هاله / تعمل ايه يا ست زينب عبير متجوزه
زينب/ جرا ايه يا ست هاله عليا انا برده هى مش عبير بقالها فتره برده متحانقه مع طارق و قاعده عندك
هاله تبص لعبير
هاله / و جه النهرده يراضيها
زينب / و بما انها لسه هنا يبقى مراضاهاش
عبير / ايوه يا ماما بس حتى لو رجعت البيت هكسب ايه
زينب / انتى هبله يا بت هى يعنى كانت اتجوزته ازاى اول مانتى خرجتى هى اتزوقت و ادلعت و اتسهوكت لحد مجابت رجله اعملى زيها اديها خرجت ادخلى يا هبله قبل مواحده غيرك تاخد مكانك
هاله / صبرنى يارب عالجنان ده يا ست زينب عبير حامل و متجوزه
زينب / الا ياختى ملاقيش عندك كوبايه مايه ساقعه
هاله / لا ازاى ثوانى اجيبلك
هاله تقوم و عينها على عبير
زينب / بصى يا بت دى فرصه مش هتتكرر و انتى ميزتك انك ام ابنه هتدخلى من السكادى
عبير / ايوه بس ماما معاها حق
زينب / انتى هتحملى و تولدى و يطلع عينك و فى الاخر يطلقك و يرميكى فى الشارع و ياخد الواد يديهولها
عبير / انتى بتقولى فيها دا اللى مجننى
زينب / خيرتيه بينك و بينها زى مقولتلك
عبير / قالى اجابتى مش هتعجبك
زينب / شوفتى هى عنده اغلى و اللى ميشتريناش نبيعه
عبير / و اللى فى بطنى
زينب / انتى لسه فى الاول و كلو فادينا المهم تقررى انتى عاوزه ايه
هاله / الميه
زينب / يدوم العز انا هقوم بقى
هاله / مانتى لسه قاعده
زينب/ معلش عاوزه ارجع قبل عماد ميرجع هستناكى بكره يا عبير تاخدى الواد
عبير / باذن الله
زينب تمشى
هاله / كانت بتوزك على ايه و انا فى المطبخ
عبير / توزنى ليه يعنى
هاله / عوزاكى تفتكرى ان نفس الست دى كانت بتوقع بينك وبين جوزك زمان دلوقت بقت بتحبك و عاوزه مصلحتك
عبير / عدو عدوى صديقى
هاله / افتكرى يا خايبه انها لما تخلص من امل هرجعلك تانى
عبير / يعنى انتى عاجبك وضعى ده
هاله / لا طبعا مش عاجبنى بس مش ده الحل
عبير / سبيها لله
....................
