((((((مفيش رحمه ٢)))))
#لولو_محمد
الحلقه ١٧
امل / انا اسفه بس محمود مبيفصلش عياط من ساعه مشافنى تقريبا اتخض هههههههههههههههههه
عبير تقفل السكه و تشيل محمود منها
امل / انا اسفه
عماد يدخل من بره امل و عبير يطلعوله
عماد / ايه الاخبار
امل / الحمد لله ممكن المفتاح بقى
عماد / طبعا اتفضلى
امل / شكرا عن اذنكوا
عبير / سلام
........................
فى كافيه بعد فتره
مصطفى / اخيرا اتكرمتى و قبلتى تخرجى معايا
امينه / بص يا مصطفى انا مكنتش ناويه اخرج معاك لوحدينا غير لما نعمل الخطوبه و كدا بس لما رجعت نفسى لقيتنى انى غلطانه
مصطفى / اه والله غلطانه
امينه / لا انا غلطانه لان القاعده دى كان لازم تحصل من فتره من قبل متجيب الشبكه بس الاحداث كانت بسرعه و اصلا البيت كلو مشاكل و نكد فحسيتهم مصدقوا لقوا حاجه يفرحوا بيها
مصطفى / و انتى مش فرحانه
امينه / لسه مش عارفه بس اكيد هعرف النهرده
مصطفى / انا ليه حاسس ان فى كلام كتير محشور جواكى
امينه / لان دى الحقيقه بص يا مصطفى انت لازم تعرف انى كنت مخطوبه قبل كدا
مصطفى / و دا يفرق فى ايه
امينه / لا يفرق كتير انت اكيد عارف ان ماما كنت متجوزه اتنين و الخ الخ الخ
مصطفى / انا ليا دلوقت انها متجوزه عموا محمد و انتى بنتها انا مبحبش ابص ورايا و ده اللى هتعرفيه عنى انا ابن بكره مش حتى النهرده مجرد انى اضيع ثوانى من عمرى عشان ابص ورايا دى تعتبر جريمه فى حق نفسى
امينه / طب اعتبرنى بفضفضلك اعتبرنى بقولك كلام مينفعش اقوله لحد غيرك لان للاسف بعد ماما و امل انا مش هيبقالى غيرك
مصطفى / اتفضلى
امينه / انا كنت معجبه بزميلى فى الكليه و اياميها امل كانت هربانه مالبيت و منعرفش طريقها بس كانت فتره صعبه الناس كانت بتعاملنى على انى جربه اختها هربت مالبيت و امها اطلقت مرتين مكنش ليا اصحاب كنت حقيقى لوحدى بس حظى الاسود انه جه فجاه و قالى انه معجب بيا و انه عاوز يتقدملى بصراحه مصدقتش خفت يكون بيشتغلنى او عاوز يعلقنى بس حقيقى كنت محتاجاله خصوصا انه قالى انه حاكى لاهله على ظروفى و هما معندهمش مشكله
مصطفى / امال المشكله كانت فين
امينه / المشكله كانت لما اتقابلنا و اهله شافو ماما من ضمن تمانين مليون مصرى سبحان الله شوف اختار مين
مصطفى / مين
امينه / بص هو يبقى ابن اخت امينه يعنى المفروض انه يقولى يا خالتو
مصطفى / ههههههههههههههههههههه مستحيل
امينه / امه لما شافت ماما قامت و قالت دى لو اخر بنت فى الدنيا عمرى مهجوزهالك و شتمتنى كام شتمه حلوين و اهمهم انى بلعب لعبه قزره عشان اخد فلوس منهم تانى
مصطفى ساكت
امينه / تانى دى هى اللى عرفتنا مكان امل
مصطفى / مش فاهم
امينه / ماما طبعا مسكتتش على كلامها و فضلت تزعق و تقولها ان ابنها هو اللى جرى ورايا و كلام من ده فالست قالتلها مش كفايه اللى جوز بنتك بيجى ياخده من اخويا ماما مكنتش تعرف ان امل متجوزه مكنتش تعرف غير اننا صحينا فيوم ملقيناهاش مكنتش عارفه تفرح و لا تعيط و بعد معاناه عشان نقابل احمد اخو امل الكبير عرفنا ان امل راحتله هى و جوزها بتطلب منه حقها فى ورث باباها بس هو رفض بس لما زهق من نط هشام عنده كل فتره بقى بيبعتله شهريه على بيته خدنا منه العنوان و لقيناه بيخونها و بيضربها و مجوعها و لما ماما اتخانقت معاه رمى عليها اليمين و خدناها معانا و مشينا
مصطفى / و كانت مستحمله ليه
امينه / هى بتقول انه بيحبها و انه كان بيعمل ده عشان يبعدها عنه و تكرهه و بتعيط كل مبنتكلم فى الموضوع و مرضيتش تصدق ابدا انه كان بياخد فلوس على حسها و قالت ان احمد كداب و كدا
مصطفى / انا اسف انكوا مريتوا بظروف صعبه زى دى
امينه / انا بحكيلك كل ده عشان تعرف انى مش حمل جراح تانيه مش حمل انى اتعلق باى امل كداب فلو منتش قد المسؤليه من دلوقت قول من دلوقت انسحب من سكات قبل محبك و اتعلق بيك
مصطفى / بصى يا امينه انا طول عمرى جد ماشى دوغرى اه حاولت اكتر من مره انى اصاحب او يعنى انتى عارفه اعمل زى الشباب بس الحقيقه فشلت فشل ذريع انا مليش فى اللف و الدوران مبعرفش اقول كلام مش حاسه و لا اعرف انافق او اجامل
امينه / بس رحمه حكتلى قبل كدا انك عملت انك متقدملها
مصطفى / بس مقولتلهاش انى بحبها و انى دايب فى هواها مثلا و لعلمك مكنش صعب انا كل اللى عملته انى خدتها بره البيت تاكل ايسكريم و اتكلمنا طول القاعده عن رحيم و روحتها
امينه / اه
مصطفى / بصى يا بنت الحلال انا لما اخترتك اخترت واحده عمى بيشكر فى اخلاقها و ده هو الحاجه الوحيده اللى بختار على اساسها اى حاجه تانيه مش مهم طبعا منكرش انك قمر و انى عرفت انك ست بيت شاطره بس العشره يابنت الناس هى اللى هتعرفك ان كنتى هتكملى معايا و لا لا
امينه / صح معاك حق انا اسفه بس معرفش هو كلام محشور فزورى قولت اقوله
مصطفى / كويس انا سعيد اننا بنبدء حياتنا على الصراحه و اننا نحط الاسس من الاول
امينه / شكرا
.......................
فى شقه زينب
زينب / انا اول مره اتعب فى سفر كدا
محمد / انتى شكلك عجزتى خلاص
زينب / فشر عجزت فى عينك
محمد / انا النهرده عند اميره
زينب / لحقت توحشك
محمد / انا بقالى اسبوع معاكى و بعدين يا ستى اعتبريه نص يوم و تعب سفر بدل متاخد هى بكره يوم من اوله
زينب / على اساس انه فارق معايا
محمد / يصعب عليا انك تقوليلى انى مش فارق معاكى
زينب / و انا مصعبتش عليك و انت بتخونى
محمد / الجواز مش خيانه
زينب / لو مكنش خيانه كنت قولتلى كنت راعيت كرامتى و قولتلى بدل معرف بالطريقه دى
محمد / انا خوفت على زعلك لما تعرفى انتى برده ام عيالى و بعدين خلاص ننسى اللى فات و نحاول نصلح اللى جاى
زينب / امر واقع ولازم ارضى بيه مش كدا بص يا محمد اللى انكسر عمره مبينصلح بس انت و شطارتك بقى هتعرف تكسبنى تانى و لا هتريح فوق عن اذنك انا داخله اغير هدومى ابقى خد الباب فى ايدك و انت طالع عاوزه اللحق انام قبل مالعيال يرجعوا مالشغل و يصحونى
................................
فى المكتب فى المعرض
امل / طب معموا محمد كان هناك امبارح و لسه جاى الصبح
عماد / هو انتى خايفه من ايه مانتى بقيتى بتعرفى تخلصى الشغل كلو لوحدك و بعدين دا هو بكره بس
امل / برده مسؤليه انا بقول تستنى تسافر الجمعه
عماد / جرا ايه يا امل انشفى شويه و بعدين متقلقيش بابا هيبقى معاكى هنا
امل / يووووه براحتك
عماد / متخافيش كلو هيبقى تمام
......................
ليله الخطوبه عند عماد
عماد قاعد عالاكل هو و عبير و مقعد محمود على رجله بياكله
عبير / امينه نزلت امبارح عزمتنى عاملين سهرايه بنات النهرده
عماد / و ماله انبسطى
عبير / و هى يعنى فاكره تعزمنى امبارح بالليل مهم مرتبين من يوم مطنط زينب رجعت و عزمينها من يوميها
عماد / متعمليش تكليف يا عبير
عبير / والله انت طيب اوى يا عماد
عماد / خلاص خدى موقف و متطلعيش
عبير / عماد
عماد / اريح ازاى طيب قوليلى
جرس الباب يضرب عماد يقوم يفتح و على ايده محمود يلاقى رحيم شايل ادم و رحمه لابسه عبايه سوده
رحمه / انا هسبق بقى ازيك يا عماد
عماد / الحمد لله تعال ادخل يابنى
رحيم / عاوزين السماعات فوق عاملين جيرلز بارتى اونلى
عماد /سمعت
رحيم / لا وغلاوه اللى على ايدك مسمعت حاجه دى رحمه لبست بدله الرقص و خدت الحزام و الصاجات و هى طالعه و جايبين حنه و تاتو و شيكولاتات و نوتيلا يا ابن ابويا نوتيلا
عماد / استغفر الله العظيم انا هطلع اركب السماعات بنفسى
رحيم / ربنا يقوى ايمانك يابنى ربنا يقوى ايمانك
عماد / هههههههههههه طب ادخل حماتك بتحبك جايبين تنتاتى
رحيم / سبقتك بس هدخل برده انا عاوز اكون قريب من الحدث
عماد /انا لو عليا عاوز اكون فى قلب الحدث
رحيم يدخل يشاور لعبير و يقعد فى الصالون
عبير / متيجى تاكل لقمه
رحيم / سبقتك الف هنا
عماد / انا هروح اغسل ايدى و اجيلك
عماد يدخل الحمام و محمود على ايده عبير تقوم تبتسم لرحيم و تدخل لعماد
عبير/ فى ايه بتتودودوا فى ايه
عماد / عاوزين السماعات هطلع اركبها و انزلك على فكره صحيح هما عاملين يوم بنات بس رقص و دلع و كدا يعنى اكيد هتنبسطى رحمه لبست بدله رقص
عبير / ايه المسخره دى لا طبعا عمرى معمل كدا
عماد / ههههههههههه لا عارفك ياختى مفيش تلاته منها جوه
عبير / عماد
عماد / خلاص يا بيبى بلاش انا برده بقول كدا الحاجات دى متتلبسش غير ليا انا
عبير / ايوه بقى انا بقول مطلعش خالص و نسهر سوا
عماد / والله على عينى بس رحيم معسكر معايا زهقان
عبير / ماشى مش مشكله
عماد / هركبها و انزل علاطول خلى حوده معاكى بقى
عبير / اوك يا حبيبى
....................
فى شقه اميره
رحمه / انتى بتعرفى ترسمى تاتو كمان يا امل دانتى طلعتى جامده
امينه / ها خلصتى
امل / هزوقها بس اثبتى ابوس ايدك
امل بترسم ورده حوالين كلمه مصطفى
رحمه / ممكن تعمليلى رحيم بس اكبر عشان احنا متجوزين لكن لسه هى مخطوبه
امل / من عنيا ارفعى شعرك و شوفى عوزاها فين
رحمه / اعمليها فى النص تحت رقبتى علاطول
امل / اقعدى يلا
رحمه ترفع شعرها و تقعد و امل ترسم
امل / متتعلمى يا بت يا امينه شوفى بعمل ايه عشان تعمليلى
امينه / هشلفطك زى كل مره
امل / بزمتك يا رحمه شوفتيش كدا
رحمه / انتى اتعلمتى الحاجات دى ازاى
امل / بالممارسه ياما بهدلت الدنيا و طلعتنا ارجوزات و مبقعين بس اهو مره فمره ايدك هتثبت و تجربى و انا اصلا بحب الرسم اوى
باب الاوضه يتفتح و تدخل منه
منه / انتوا بتعملوا ايه
امينه تسلم عليها و تلف
امينه / ايه رايك
منه / فاجر انتوا بتعملوا ايه انا عاوزه واحد
امل / اصبرى ثوانى هخلص رحمه
منه / محدش قالى رايكوا ايه
منه لابسه عبايه نانسى ( اه و نص ) امينه تربط حواليها الحزام بتاع رحمه منه تهزه يشخلل يدحكوا كلهم
رحمه / رحيم لما شافنى لبساها جه و حضنى قولتله دى بتاعه الحفله قالى خسئتى
امينه / هههههههههههههه كسرتى نفس الراجل يا بتاعه انتى
رحمه / الله مهى مرزوعه فى الدولاب طول الوقت جت يعنى يوم مطلع بيها
امل / مالعيب عليكى يا موكوسه كنتى اللبسيهاله بدل ركنتها
رحمه / ياختى اتوكسى والله لولا انه شايل عنى ادم مكنا قعدنا القاعده دى العيال ربطه يا بنتى
امل / العيال نعمه متقوليش كدا
بشرى / هو انا ممكن ترسميلى انا كمان
رحمه / و يا ترى هتكتبى اسم مين بقى يا ست البنات
بشرى / اى حد
امل / هكتبلك عروسه عشان انتى اللى عليكى الدور بقى
بشرى وشها يحمر و الكل يدحك
امل / خلصت تعالى يا منه متخليش حاجه تلمسه يا رحمه نص ساعه و هينشف
رحمه / اوك عاوزه اشوف
امينه / طالعه وهم بجد
رحمه / بتاعتك كمان حلوه اوى اوعى اما اروح اتعلم و هى بترسم للبنات
........................
فى الصاله اميره تفتح الباب رحيم و عماد شايلين السماعات و يحطوها
عماد / عاوزاها فين
اميره / فى اى حته وصلها بس باللاب
محمد يطلع من جوه
محمد / سيبها عندك انا هتوزع من نفسى
اميره / انت ابوهم يا محمد
محمد / لا يا ستى مفيهاش حاجه سيبى البنات يفرحوا
اميره / يخليك ليهم
..........................
فى الاوضه جوه
امل تخلص بشرى ع كبيره و روسه جواها
رحمه / حلوه اوى يا امل تعالى بقى اما اعملك
امينه تقوم تلف الحزام بتاع رحمه على وسطها من منه و الصاجات و تطلع عالسرير و ترقص
امينه / انا لابسه بدله رقص و فى بيت دعاره انا لابسه بدله رقص و فبيت دعاره
الكل يدحك و يقلدوها الباب يخبط جامد
عماد / بوليس الاداب اتلموا
امينه تنزل من عالسرير تخبط فى رحمه و هى بترسم اخر ال ع تسحبها لجوه رحمه تبص لامينه
امينه / انا اسفه اتخضيت والله
رحمه / اتلم ياعماد بدل والله اللبس و اطلعلك
عماد / انا بهزر بس اسف خلاص ركبت السماعه و معدش فى رجاله بره عيشوا بقى سلام
رحمه / هعمل ايه بس فى البتاعه دى
امينه / بصى اظبطيها و خلاص كفايه العين و احنا فاهمين انها عروسه مش مهم بدل متبوظ اكتر
امل / يا رحمه متزعليش نفسك ياما بوظنا
رحمه / لا انا هعمل زى ما امينه قالت هظبط بس شكل العين و ازوقها قلوب صغننه
امينه / يا رحمه يا جامد
رحمه / ايه رايكوا
منه / احلى من كلمه عروسه فنانه يا بت
رحمه / احنا عارفين انها عروسه مش مهم بقى ها نعمل ايه بقى
اميره تفتح الباب
اميره / الصاله فاضيه
امل / متيجى يا ماما ارسملك لسه فى حنه كتير
اميره / ههههههههههههههه و ماله لحد مالناس تيجى
اميره تقعد
امل / هرسملك فين الجلبيه مقفوله
اميره / اكتبيها على ايدى اكتبى فى قلب الشمال محمد عند الدبله و فى اليمين الصياد و زوقيها بقى
رحمه / انا ايد و انتى ايد يا امل و انتى يا بت يا زفته اتهدى فى حته بدل والله اشلفطك
اميره / هههههههههههههههههههههههههههه
امينه / دانا العروسه يا كلاب
رحمه / على نفسك يا بت صحيح يا منه ناويتى امتى بقى
منه / اهو فرشنا الشقه خلاص فاضل شويه رفايع و انزل اجيب فستان و نعمل لولولولولولى فرح
رحمه / و تبقى ليله يا عمده
امينه / هى مش صحيح زفه عربيات احنا بقى هنجيلك البيت من قبلها بيوم و نبات معاكى من قبل الحنه كمان و نقلبها دحك و رقص و دلع
رحمه / الله انا بحب الجو ده اوى
امل / و هتبعدى عن رحيم يومين
رحمه / دا رحيم نفسه لو عرف هيجى يبات وسطينا دا على عينه انه مش معزوم فضل يتحايل عليا تحت هبقى مؤدب هتفرج بادب
امينه / ههههههههههههههههههههه طب و عماد عمل ايه
رحمه / معرفش والله
اميره / هى عبير مطلعتش ليه لحد دلوقت و لا هى و لا زينب
امينه / والله احنا عزمناهم اللى يجى يجى و اللى ميجيش هو الخسران
امل / خلصت
رحمه / و انا كمان
الجرس يضرب
امينه / هروح افتح
زينب و عبير يدخلوا يلسموا على امينه
امينه / اتفضلوا اتفضلوا .... يلا يا بنات اطلعوا الحفله بدات ثوانى هشغل الاغانى
الكل يطلع من جوه و اميره تروح لزينب زينب تمد ايدها
اميره / انا اسفه الحنه فى ايدى منشفتش
اميره ترفع ايدها و تفتحهم زينب تلاقى مكتوب محمد الصياد جواهم ترفع حاجبها مع ابتسامه صفره
زينب / والله حلوه مين اللى عاملهالك
اميره / امل و رحمه
زينب / طب متيجى يا رحمه تكتبيلى حوالين رقبتى القديمه تحلى لو كانت وحله
اميره / لا يا زوزو وحله ايه متقوليش على نفسك كدا دانتى قمر حزمينى يا امل الطالعه الاولى عليا
زينب تقعد و اميره بتتقصع بزياده و هى بترقص
زينب / حاسبى على نفسك يا اميره ليجرالك حاجه
امل / لا دا ماما استاذه
زينب / طب متقومى تورينا طلعتك
رحمه / هو كدا نشف اقعد بقى
امل تقوم و شعرها مغطى ضهرها و تحط صابعها
امل / اه نشف خالص عيشى بقى
رحمه / قشطه انا لابسه بدله رقص و فبيت دعاره انا لابسه بدله رقص و فبيت دعاره
امينه و منه يدحكوا على اخيرهم
زينب تبرطم / صدقتى والله بيت زباله
امل / فى حنه كتير لسه تحبوا ارسملكوا حاجه
زينب / لا يا حبيبتى مبحبش اوسخ ايدى
عبير / لا شكرا انا بجيب تاتو جاهز و اللزقه و خلاص
رحمه تورى عبير ضهرها
رحمه / ايه رايك
عبير / حلو اوى
منه / و انا كمان ايه رايك يا طنط
زينب / كنتى اجلتيه قبل الفرح
امينه / نبقى نرسملها الاحسن منه كمان
منه / ميرسى
عبير تبرطم/ اتلم تنتون
رحمه / بتقولى ايه
عبير / هو كل واحده رسمه اسم جوزها
بشرى / لا انا كاتبه عروسه انا اللى عليا الدور
اميره / حلوه اوى يا بيبى قومى يا امل ورى زينب الرقص على اصوله
امل تقوم تتحزم و تشتغل اغنيه حبيبى يا عينى و امل ترقص و عينها فى عين عبير و الكل بيسقف
.....................
فى شقه عماد فى البلكونه
عماد / ينفع كدا يابو عماد الملبن كلو فبيتك و تسبنا كدا القاعده ناشفه
رحيم / غالبا رحمه دى بتتمرن عليها مالصبح المغنى حياه الروح يشفى القلب المجروح
عماد / ههههههههههههههههههههههه امال هيعملوا ايه بكره ميوفروا حاجه
محمد / متتلم ياض منك له دول اخواتكوا
رحيم / لا يا حج متقولش كدا رحومتى معاهم
عماد / هو انت لو رفعتنى و انا نطيت عليهم فى البلكونه هيحصل حاجه
رحيم / و النبى مهيحصل حاجه بس ارفعنى انا اسهل
محمد / هزقكوا انتوا الاتنين اوقعكوا انا اللى اطلع
عماد / هههههههههههههههههههه يابو عماد يا برنس
......................
فى الشقه فوق
رحمه تقوم تسخن قدام امل و يرقصوا سوا امل ترفع شعرها بايدها و عبير تشوف العين عينها تطق شرار و تقوم تجيب امل من شعرها و الاغانى تسكت و صوت صريخ
عبير / ع مين يابنت الكلب يا زباله
رحمه تشد عبير بعيد عن امل
امينه / اوعى كدا انتى مجنونه
عبير تقوم / انا مجنونه يا بايره يابنت الكلب انتى فاكرانى مش فهماكوا كان يوم اسود يوم متحدفتوا علينا
الباب يخبط جامد
رحمه و البنات يسحبوا امل و هى بتعيط لجوه و اميره تفتح الباب عماد و محمد و رحيم يدخلوا
عماد / هو فى ايه
عبير / بيت زباله شويه رمم
عماد / عيب يا عبير انزلى تحت
امينه تلبس عبايتها و تطلعلها
امينه / انتى مين سمحلك اصلا غلطنا لما عزمناكى ياوش الغم يا شلق
.........................
