((((((مفيش رحمه ٢)))))))
#لولو_محمد
الحلقه الرابعه
عبير / موافقه طبعا بس ايه رايك لو سبنا محمود لماما و روحنا انا و انت شهر عسل لوحدينا
عماد / محمود ده روحى يا عبير يرضيكى تبعديه عنى اسبوع بحاله
عبير / انا والله بقيت بغير منه
عماد / انتى الاصل يا بيرو
عبير / انت مين و عملت ايه فى عماد جوزى
عماد / هههههههههههههه قومى قومى اغسلى وشك كدا و غيرى مود المزاكره ده عشان تعرفى تكملى قومى و انا بنفسى هحضرلك الفطار
عبير / انا هاجى اساعدك
عماد / تعالى
......................
قبل المناقشه بكام يوم
عبير فاتحه اللاب و بتعمل ايفنت
عبير / و اخيرا هناقش دعواتكوا بقى كلكوا لازم تحضروا دا تعب سنين و عقبالكوا كلكوا المناقشه يوم السبت الساعه 10 ملحوظه فى اكل بس كدا
زياد يرد / اكل ايه بالظبط حددى
عبير / اممممم لا متقلقش دا عماد صارف و مكلف ههههههههههههههههه
سلمى / هههههههههههههههه يخربيتك عسل
رحيم / عقبالى ادعيلى
زياد / بالدور يا بابا اهدى شويه بالدور
رحيم / ههههههههههههههههه ايه يا زيزو بدعى ربنا
بنت اسمها ساره / الف مبروك يا باشمهندسه عقبالى
سلمى / عقبالك ايه بالظبط
ساره / اتخرج طبعا ليه هو انا هبله اكمل فى الكليه يوم واحد انا الهندسه علمتنى ان الست ملهاش غير بيتها و جوزها
زياد / ههههههههههههههههههههه شعار البنات فى فتره الامتحانات
ساره / والله يا باشمهندس انا كل يوم بعمل زى عبد المنعم مدبولى انا اللى جبت دا كلو لنفسى
رحيم / و انا كمان والله يا بنتى
ساره / بنتك ههههههههههههه
زياد / ههههههههههههههههههههههه
طارق / الف مبروك يا بشمهندسه و بالتوفيق و عقبال الدكتوراه
عبير / دكتور طارق انا سعيده اوى بكومنت حضرتك و لازم تشرفنى حضرتك و المدام
طارق / والله كنت اتمنى بس للاسف الظروف مش سامحه
عبير / والله ازعل
طارق / هحاول والله
رحمه / ياولاد الايه كل ده كلام من ورايا الف مبروك يا بيروا عقبالى انا كمان
عبير / باذن الله يا رحمه و عقبال منفرح بادم باذن الله
رحيم / من بقك لباب السما خبط لزق
ساره / انا ممكن اتجوزه حضرتك عادى
عبير / ههههههههههههههههههههههههه عندك اتنين نقى منهم ادم و محمود بخيالك بقى
...............
يوم المناقشه
الكل بيبارك لعبير قدام قاعه السيمنار
رحمه / الف مبروك يا حبيبتى تستاهليها
هاله / لولولولولولولولولولولى
عماد يطلع من جيبه علبه فيها خاتم دهب و يقعد على ركبه و يفتحهالها
عماد / الف مبروك يا بيروا و عقبال الدكتوراه يارب
عماد يقوم يلبس عبير الخاتم و يبوس ايدها
عبير / فاجئتنى
عماد / على الله يتمر
عبير تزغده
رحمه / شكلهم عسل اوى
رحيم / عقبالك ناقشى انتى بس و انا اوريكى الجنان اللى على اصله
رحمه / بحبك
رحيم / مش اكتر منى
شابه تيجى تحضن و تسلم
عبير / اتاخرتى يا ست ساره و كدا عمرى مهجوزك محمود ابنى شوفى بقى ادم يمكن رحمه ترضى
ساره / ههههههههههههههه كان فى محاضره اتحايلنا والله عالدكتور يلغيها ابدا
عبير / حصل خير .... ساره دى بقى يا عماد فنانه بجد من اشطر البنات فى الكليه شغلها محصلش
عماد / اشطر منك
عبير / انا مفيش اشطر منى متحاوليش يا حبيبتى
ساره / ههههههههههههههههه بكره نشوف
عبير / هههههههههههههههههههههه
زياد / مبروك يا هندسه ايه قالولى فى اكل فين
عبير / الا مبيبان عليك
...................
فى شقه رحيم
رحيم نايم عالسرير و رحمه بتحط هدوم فى الدولاب
رحيم / لاحظتى ان عماد و عبير حالهم اتصلح شويه
رحمه / لا هو الواضح ان عبير حالها اتصلح كتير
رحيم / فعلا ربنا يهديها
رحمه / سيبك انت كان يوم جامد عقبال يومنا
رحيم / يارب
رحمه / بس كدا خلصت اخيرا هنام
رحيم / تنامى مين دانا اروح فيكى فداهيه
رحمه / ههههههههههههههههههههههه
رحيم / انا بقالى نص ساعه بهشك فى الواد و انيم فى البت و انتى فى الاخر هتسبينى و تنامى
رحمه / خلاص يا رحيم هتصحيهم
رحيم / طب والله العظيم ان مجيتى هنا جنبى حالا لصوت و اللم عليكى الناس و لا اقولك انا هروح اصحيلك ادم
رحمه / لا هاجى هاجى ههههههههههههه مفترى
رحيم / بحبك
رحمه / انا بحبك اكتر
......................
فى البيت بعد فتره
عبير تفتح الفيس تلاقى طارق فاتح تكلمه
عبير / هو حضرتك متعرفش دكتور اطفال شاطر اصلى بفكر اغير الدكتور بتاعى
طارق / ليه بس هو انا زعلتكوا فى حاجه
عبير / يعنى هو يصح انك متجيش رسالتى
طارق / والله كنت ناوى اجى فعلا بس للاسف زوجتى تعبت فجاه انا حتى مروحتش العياده يوميها
عبير / لا الف سلامه انا مكنتش اعرف هى عامله ايه دلوقت
طارق / الحمد لله احسن
عبير / الحمد لله
طارق / على فكره انا غالبا مبستخدمش الفيس الا لو سؤال طارئ يعنى اعراض فجاه فغير اوقات العياده او حتى لناس مش عندى
عبير / انا اسفه انى ازعجتك
طارق / ابدا انا محستش باى ازعاج بالعكس حسيت انى جزء من الاسره و ده شئ فرحنى جدا
عبير / انا عمرى مقدر انسى افضال حضرتك عليا حضرتك من الدكاتره المحترمين جدا و اللى بجد بحس انهم بيتعاملوا مع الاطفال بضمير انا جربت قبل حضرتك كتير بس مرتحتش
طارق / والله انا لو عليا مش عاوز اشوفكوا تانى
عبير / ايه
طارق / اقصد انى مبحبش اشوف الاطفال تعبانه انا شغلى انى لازم اشوف الاطفال عيانين
عبير / ليه بتبصلها كدا ليه مبتبصش ان ربنا عملك سبب ان الاطفال دول يجروا و يلعبوا بصحه تانى
طارق / شكرا على زوقك سعيد انى كلمتك
عبير / انا اسعد
عماد يفتح باب الشقه عبير تقفل اللاب و تقوم
عماد / محمود فين
عبير / نايم
عماد / يااااه هو انا كل مهاجى الاقيه نايم بيوحشنى اوى الواد ده
عبير / هو بس اللى بيوحشك
عماد / انا النهرده اتبهدلت اخر بهدله كان فى شغل كتير متاخر و فضلت واقف على اديهم لحد مخلصوا و خلصت معاهم و لسه بكره هصحى من النجمه اروح اقفل الحساب فى المكتب مع الباشمهندس على
عبير / انا مش فاهمه سكن ايه اللى بتبنوه جنب المصنع متجيبوا عمال من حوالين المصنع و خلاص و لا هى فلوس و خلاص
عماد / هو انا بدخل فى تفاصيل شغلك
عبير / اتكتمت
عماد / لا متتكتميش بس انا فهمتك قبل كدا انك لما تراعى ربنا فى العامل الصغير هو هيراعى ربنا فى شغله و ربنا هيباركلك فى رزقك و دى سياستنا من زمان فملوش لزمه الكلام الكتير
عبير / مش قصدى انا بس كل مقول خلصنا من حاجه و ربنا هيفتحها علينا الاقيك طالع بحاجه جديده تسحب الفلوس
عماد / انتى ناقصك حاجه يا عبير
عبير / ناقصنى انت يا عماد ناقصنى احس انى متجوزه ان فى راجل معايا مش شبح
عماد يتنهد / حقك عليا اخر الاسبوع هاخدك افسحك
عبير / انا لا عاوزه فسحه و لا سفريه و لا حتى هديه زى كل مره مش كل مره اشتكى تدحك عليا و ترجع ريما لعادتها القديمه انا بجد بتخنق و انا لوحدى
عماد / ايه رايك تنزلى معايا بكره
عبير / انزل معاك فين
عماد / اخدك انتى و محمود و نروح المكتب نخلص الحاجات كلها اللى ورانا و نتغدى بره و تفضلى معايا مهو الحل الوحيد انى اتفرغلك فى الوقت ده انك تشاركينى شغلى
عبير / مفيش فايده احضرلك العشا
عماد / مش جعان شكرا
عبير/ تصبح على خير
....................
فى شقه رحيم
رحيم داخل من باب الشقه يلاقى النور مطفى يدخل اوضه بشرى يلاقيها نايمه يغطيها كويس و يروح اوضته يلاقى رحمه نايمه و ادم فى سريره نايم يغير هدومه و ينام جنب رحمه و يلعب فى دقنها
رحمه / ايه فى ايه
رحيم / حد ينام بدرى كدا الساعه مجتش اتناشر
رحمه / ياربى عليك يا رحيم مستخسر فيا شويه النوم مانا طول النهار فى الكليه و برجع اعمل الغدى و بين ادم و بشرى و البيت و حتى الكتاب مبفتحوش و كمان مستكتر فيا انى انام شويه و ادم نايم دلوقت يصحى
رحيم / معاكى حق الله يعينك بس انتى وحشانى
رحمه / بجد
رحيم / عندك شك يعنى يا بت دانا بعد الدقايق عشان اروحلك والله
رحمه / كداب
رحيم / طب عينى فى عينك كدا
رحمه تبصله بابتسامه صغيره و هى مكسوفه ادم يصحى و يعيط
رحيم / الواد ده امى مسلطاه عليا انا عارف
رحمه / هههههههههههههههه
رحيم يقوم يجيبه مالسرير
رحيم / جرا ايه يابن الكلب انت هو انا كل ماجى ابوس تطلعلى كدا زى العمل الرضى
رحمه / حبيبى دا جعان
رحيم / و ماله ياخويا حقك انا هروح ازاكر
رحمه / ههههههههههههههههههههه هنيمه و اجيلك
رحيم / عارفهم البوقين دول حفظتهم خلاص
رحمه / و عاوز تخاويه
رحيم / لا اطمنى احنا لو استمرينا عالوضع ده مش هنخاويه حتى لو عاوزين اطمنى ياختى عيل فقر
رحمه / هههههههههههههههههههههه
.................
فى البيت عند منه بعد فتره
منه / شكرا انك جيتى
رحمه / انتى عبيطه و لا ايه ازاى مجيش
منه / انا بصى مخنوقه و مش طايقه نفسى و لا طايقه بابا و لا مصطفى
رحمه / الموضوع مش مستاهل على فكره
منه / انا مش عاوزه اتجوز دلوقت هو بالعافيه و بعدين ازاى يحددوا معاد منغير ميسالونى
رحمه / يابنتى هو ايه المشكله اعتبريه ضيف كان جاى يشرب شاى مع عموا و شافك و انتى بتقدمى الصينيه هى هياها
منه / لا مش هى هياها على فكره بصى انا مش عاوزه احس انى معروضه و كل شويه حد جاى يتفرج عليا
رحمه / متاخديهاش كدا بصى زى مقولتلك ده ضيف متبصيلوش حتى و لما يبقى يوافق عليكى ابقى قابليه تانى و اتفرجى انتى بقى عليه و بعدين انتى لازم يكون عندك ثقه فى نفسك هو انتى شويه
منه / اقولك ايه يا رحمه مانتى محستيش بحاجه انتى من يوم متولدتى و رحيم موجود محستيش انك اترفضتى و لا حسيتى باى حاجه ناحيه اى حد تانى حياتك كانت سهله
رحمه/ انتى اللى بتقولى كدا سهله ازاى بس يا بنتى
منه / اقصد فى الحب و الجواز يعنى
رحمه / تفتكرى انا ببقى مبسوطه و انا بحضر فرح اى واحده صحبتى و انا معملتش فرح و لا حتى زفه عربيات
منه / كانت ظروف
رحمه / كل حاجه من بعد وفاه بابا و ماما و تيته اتغيرت شريط حياتى سف كل حاجه بقت سريعه مش لاقيه وقت لاى حاجه و لا حتى لنفسى
منه / بس انتى بتحبى رحيم و مستعده تتنازلى عشانه عن حاجات كتير اوى
رحمه / حبيته لما عاشرته متولدتش بحبه يعنى اهتمامه بيا هو اللى خلانى احبه ادى للى جاى ده فرصه يمكن يديكى اللى ملقيتهوش فى حياتك و يعدل المايله
منه / ماشى تعالى بقى ساعدينى انقى طقم اقابله بيه
رحمه / تعالى
.....................
فى البيت عند زينب
عبير / بجد يا ماما
زينب / اه ده اللى رحيم قالهولى جايلها عريس و رحمه نزلت من بدرى و راحتلها و سابتلى ادم و بشرى
عبير / ياااااه دانا هدبح حاجه يوم فرحها ياربى
زينب / هههههههههههههه انتى لسه حطاها فى دماغك
عبير / هو انا اللى حطاها ابنك اللى حاطتها و بيتقلب حاله كل مبيشوفها او يسمع اسمها
زينب / من خبتك
عبير / انا لو كنت خايبه كنت طفشت من زمان انا ايه اللى يخلينى استحمل كل ده
زينب / و ايه مانعك متمشى
عبير تسكت و تبص الناحيه التانيه
زينب / الدنيا دى مبتدكيش كل حاجه و ان ادتك حاجه هتاخد قدامها حاجه الواحد بس ماشى فيها و خلاص
عبير / انتى اصلك مجربتيش
زينب / انا بفكر اسافر اسكندريه يومين ابص على عمك اغسله هدومه و اوضبله الشقه
عبير / فكره برده انا مش عارفه انتى ليه مروحتيش تعيشى معاه مالاول
زينب / عشان اخد بالى منكوا كل مقول عيالى كبروا و عقلوا ارجع و اقول يا ميله بختك يا زينب
عبير / انا هطلع اخلص الغدى لو فى جديد نادينى
زينب / ماشى
..............
فى المعرض
عماد بيلاعب محمود رحيم يدخل عليه
عماد / منور يا برنس اخبارك
رحيم / كويس الحمد لله زهقان قولت اقعد معاك شويه لو فاضى يعنى
عماد / افضالك خير
رحيم / مفيش انا بس زهقان انت عديت المرحله دى ازاى
عماد / مرحله ايه النونو يعنى و القلق اللى فى اول كام شهر
رحيم / ايوه دى حاجه اوفر اوى و رحمه خلاص جابت جاز اساسا و انا اتركنت عالرف خلاص البيت يابنى مقولكش يضرب يقلب و اول متكلم رحمه تقولى انا طول النهار مطحونه فى البيت و ريحه البامبرز اللى فى كل حته و كيس الزباله اللى قد كدا كل يوم تحس ان فى احتلال
عماد / ههههههههههههههههههههههههه ياعم احلى احتلال طب والله هو اللى مصبرنى عالعيشه و اللى عايشنها
رحيم / يا راجل
عماد / بص انا عن نفسى خدت الصدمه بدرى من تقريبا اول تلت اربع شهور فى الجواز اكتشفت ان الجواز ده اكبر بلاء من ربنا للرجاله و للستات كمان حاجه كدا ملهاش تلاتين لزمه غير انك تجيب الكائن البرنس ده
رحيم / ازاى يعنى انا و رحمه حياتنا قبل الخلفه
عماد / كانت منيله بستين نيله انت متشتغلنيش انا عشتها معاكوا
رحيم / دا عشان الظروف يعنى و ماما و اللى كان بيحصل مش عشان انا و رحمه مبنحبش بعض
عماد / بص يابنى الدنيا دى خلاط و كلنا بننضرب فيه دوامه كدا بتشتغل عشان تجيب فلوس تصرفها على طلبات بيت مبتخلصش مفيهاش راحه
رحيم / الله يطمنك اروح انتحر يعنى
عماد /متجرب تشيل عن رحمه شويه يعنى يمكن لما تساعدها تلاقيلك وقت
رحيم/ هو انا لاقى وقت لنفسى اما اشيل عنها و بعدين انا مليش انا فى الجو ده خالص انا مبنمش غير تلت اربع ساعات
عماد / متصعش عليا ان كنت انت بتشتغل فهى بتشتغل و معاك ان كان يعنى عالمكتب بالليل فهى على الاقل مبتريحش الساعتين اللى فى النص و الكام ساعه اللى بتنامهم بالليل و انت متضرر اوى كدا هى بتنامهم مقطعين دا لو نامتهم اصلا و ان كان على ريحه البامبرز اللى مديقاك اوى فتخيل بقى ان هى يعنى منقوعه فيه فمتتكلمش احنا طلع عينا عشان الواد ده يجى فمتستهبلش و تتامر
رحيم / معاك حق بس انا راجل برضه و كدا يعنى
عماد / بص يابن امى اللى عاوز حاجه بيعمل اللالى عشان ياخدها ماشى فمتشتغلنيش
رحيم / اقولك ايه بس
عماد / بص يابنى متروحش لواحد اعمى تشتكيله انك اعور ماشى
رحيم / هههههههههههههههه على رايك اتلم المتعوس على خايب الرجا
عماد / هههههههههههههههههههه فين ادم
رحيم / نايم مع ماما فوق
عماد / و مدام نايم سايب رحمه و جاى تشتكيلى منها ليه
رحيم / رحمه عند منه جايلها عريس و بتساعدها
عماد يبص لمحمود و يلاعبه و هو مش مبتسم حتى
........................
عند منه
مصطفى / انا شايف انه ميتعيبش ايه رايك يا منه
منه / بيتهيالى الكلام ده سابق لاوانه
مصطفى / متقولى حاجه يا رحمه
رحمه / انا كنت جوه مشوفتوش اصلا عشان احكم و بعدين الكلمه فى الاول و الاخر للى هترتبط بيه
ابراهيم / طب انتى اعتراضك على ايه يا بنتى
منه / انا معترضتش و موافقتش انا بس محتاجه انى اصلى استخاره و اخد و ادى مع نفسى فى الاول و بعدين مش لما يوافق هو الاول
مصطفى / موافق
منه / يا سلام و عرفت منين
مصطفى / البت دى غبيه سمير شافك اكتر من مره و هو جاى يتقدم مش جاى يشوفك
منه / ايوه بس انا اول مره اشوفه و اول مره اتكلم معاه مش يمكن لما اتكلم معايا غير رايه
مصطفى / و المطلوب
رحمه / انا رايى انهم يقعدوا مع بعض لوحدهم اكيد هتفرق يعنى مهو اكيد كلامه فوجودكوا غير كلامه و هما لوحدهم
مصطفى / بسيطه نظبطها
منه / تظبطوا ايه انا معرفوش عشان اقعد معاه لوحدينا
مصطفى / يا بنتى احنا هنروح مكان كافيه مثلا و ناخد احنا ترابيزه و انتوا ترابيزه و ارغوا و احنا هنبقى جنبك
منه / ربنا يعمل اللى فيه الخير
رحمه /معلش يا مصطفى روحنى انا اتاخرت وزمان ادم تعب طنط اوى
مصطفى / اتفضلى
......................
فى شقه زينب
زينب / ست ساعات ليه يعنى انا قولت ساعه اتنين ايه يا رحمه انتى مصدقتى و لا ايه
رحمه / والله غصب عنى لسه كنت همشى لقيته وصل و اتحبست فى الاوضه لحد ممشى الحمد لله انه مطولش
زينب / طب زنبه ايه الواد ده يقعد كل الفتره دى على الاعشاب مهو لو كان بيرضع صناعى كنت قولت ماشى لكن بصى انا اصلا كلامى ملوش لزمه
رحمه / والله كان غصب عنى مكنش ينفع اطلع و هو موجود
زينب / كان هيحصل ايه يعنى متخافيش ياختى مكنش هيسيبها و يموت فى هواكى الهبل مش كتير اوى كدا
رحمه / الحمد لله كان زمانها خربت عن اذنك
............................
فى شقه رحمه
رحمه تدخل الشقه شايله ادم و فى ايدها بشرى تلاقيها متروقه على سنجه عشره و رحيم طالع مالمطبخ لابس المريله
رحمه / انت هنا مروحتش المكتب
رحيم / النهرده الخميس حضرتك اجازه فقولت اشيل عنك شويه ايه رايك بقى
رحمه / لا واضح الشغل
رحيم / لا و مش بس كدا احنا عندنا الخدمه فيف ستارز انا جهزت الغدى حضرتك تحبى تعرفى فى ايه عندنا عالمينيو النهرده
رحمه / هههههههههههههه اكيد
رحيم / عندنا مكرونه اسباجيتى و فراخ بانيه و سلطه خضرا و كاتشب و شيبسى
رحمه / وااااو طب مفيش حلو بقى
رحيم / ازاى بس احنا النهرده بنحتفل بمناسبه العيد القومى لمزاج سموك و ده بيديكى الحق فى انك تختارى المكان اللى يعجبك عشان نروح نتفسح فيه بعد الغدى
رحمه / لا دانا ماما دعيالى النهرده
رحيم / احنا بس عاوزين نعجب
رحمه / انت عاجبنى منغير حاجه
رحيم / طب يلا انجرى عالمطبخ اغرفى بقى انا تعبت
رحمه / هههههههههههههههههه واطى
..............
