(((((مفيش رحمه ٢)))))
#لولو_محمد
الحلقه ١٣
رحمه / نص طاير مالفرح و بيقول اه يلا حالا و نص بيقول مينفعش
رحيم / اردمى عالنص النكدى ده دلوقت و خلينا نتمسك بالنص الطاير ده خليه يطيرنا بعيد عن الهم و الملل و الروتين ده
رحمه / طب ناخد العيال معانا نفسحهم
رحيم / عيال ايه بقولك هنطلع شهر عسل مش مصيف انا و انتى و البحر و القمر و النجوم
رحمه / هههههههههههه امتى
رحيم / انا هظبط كل حاجه ملكيش دعوه انتى
رحمه / ههههههههههههههههه ماشى
......................
رحيم / انا بس عاوز اشوف دحكتك دى علاطول عاوز احس انك مبسوطه معايا
رحمه / انا علاطول مبسوطه طول مانت جنبى مبسوطه انت دنيتى يا رحيم انت اللى اتولدت عشانه
رحيم / انا عارف ان الدنيا بتجرى و اننا بنكبر و الشقاوه و الجنان بتوعنا راحوا لحالهم بس انا لسه جوايا حته مراهق صغير عاوز يتشاقى
رحمه / ههههههههههههههه و ماله مدام هيتشاقى معايا براحته
رحيم / هو انا عينى تبص لغيرك يا عبيطه دانا اخزقها
رحمه / بعد الشر على عينك دا هى اللى بتشوفنى حلوه
رحيم / انا هاخدك بكره مشوار عاوز اشتريلك هديه
رحمه / هديه ايه
رحيم / بصى حاولى تشوفى للواد تصريفه كام ساعه كدا هعدى عليكى عالعصر ماشى
رحمه / حاضر بس خير
رحيم / مفاجاه
رحمه / يا مجنون قول بجد هديه ايه و كام ساعه ايه
رحيم / بقولك مفاجاه اقولك شوفى تصريفه فى العيال بكره احنا مش هنبات هنا
رحمه / انت ايه حكايتك النهرده انا اكيد بحلم اه والله انا بحلم و دلوقت هصحى على ادم بيعيط و انت بتقولى سكتى ابنك
رحيم / طب اثبتلك ازاى انك صاحيه
رحمه تقرصه
رحيم / اااه يا جزمه ايه ده
رحمه / ابقى انا صاحيه بجد بقى
رحيم / متخلفه نامى كانت فكره هباب بلا رومانسيه بلا قرف
رحمه تبصله بدلع
رحيم / بحبك يا مجنونه
رحمه / وانا كمان بمووووووووووووووت فيك
........................
تانى يوم فى شقه اميره
امينه / عادى يا بنتى براحتك بس خير
رحمه / والله معرف هو قالى انه واخدنى مشوار مهم معرفش بقى هيروح فين
امينه / يا ستى ولا يهمك عيشى و بعدين هو حد لاقى عيلين زى القمر يتسلى بيهم
رحمه / بجد مش بزعجك
امينه / انتى عبيطه يابنتى دول ولادى وولاد اختى روحى يلا اللبسى و اجهزى كدا
رحمه / ميرسى بجد طب مش محتاجه حاجه اجيبهالك من بره
امينه / لا يا ستى بس ابقى احكيلى
رحمه / باذن الله سلام
.........................
فى المعرض
عماد قاعد بيقفل فى دفاتر امل تدخل المكتب
عماد / فى حاجه
امل / هو انت هتقول لماما
عماد / انتى مقولتيلهاش
امل / لا طبعا احنا سبنا اسكندريه كلها و جينا هنا عشان تبعدنى عن هشام دى لو عرفت انى شوفته ممكن تتجنن
عماد / طيب ريحيها بقى
امل تروح تقعد على الكرسى قدامه
امل / يا عماد انت مش فاهم حاجه بتحكم علينا من بره من حكاوى ماما و امينه محدش شاف حاجه هو عمل التمثيليه دى عشان ماما تشوفه عشان انا مكنتش هسيبه
عماد/ كانت اول مره يضربك يا امل
امل / انا اللى كنت بنرفزه
عماد / اقولك سر
امل / قول
عماد / ساعات كتير اوى عبير بتعمل حاجات تستفزنى بيبقى هاين عليا اولع فروحى و لا انيش اضربها بس ربنا ساعات بياخدلى حقى
امل / ازاى
عماد / ههههههههه نيران صديقه تتزحلق و هى بتمسح تتعور و هى بتقطع اى حاجه تتلسع و هى بتعمل الاكل
امل / هههههههههههههه
عماد / بصى يا امل لو بيحبك بجد مكنش ضربك ولو فقد اعصابه مره و عملها مكنش هيكررها انا عارف انه مش سهل اى حد ينسى علاقه مهمه زى دى دا كان جوزك يعنى مش زميل و خلاص كان فى بينكوا عيش و ملح لحظات رومانسيه وعود موفاش باى حاجه منها ولا وفى
امل / انا كنت حامل و هو جابلى حقنه اجهاض و انا خفت اخدها ماما مش موجوده و خفت يجرالى حاجه
عماد / فضربك سقطك
امل تهز راسها
عماد / انتى كل مبتحاولى تبرريله بتنزليه من عينى اكتر
امل / طب كان يعمل ايه
عماد / يتنيل على عينه فاى داهيه بياخد بنات الناس يبهدلهم معاه ليه يعنى لا قادر يصرف عليكى و لا قادر حتى يجيبلك اى حاجه لمنع الحمل قادر بس ينبسط دا ايه الحيوان ده
امل / كان غصب عنه
عماد / متحاوليش تدافعى عنه متقنعيش نفسك بوهم دا لا حبك ولا عمره حبك صدقينى دا لو كان طالك فى الحرام مكنش اتجوزك دا حيوان بجد
امل / انت غلطان انت متعرفوش
عماد / كفايه اللى سمعته عنه
امل / دا كان حنين اوى انت متعرفش حاجه انا كنت بصحى مالنوم كل يوم الصبح عشان اروح الكليه و اشوفه كنت بروح حتى يوم اجازتى عشان اقعد معاه كان حنين اوى و بيسمعلى و بيحس بيا عمره معايرنى بامى و لا بابويا و لا باى حاجه حكيتهاله عن نفسى كان كل حاجه فى حياتى قولتله ان والدى متوفى قالى انا ابوكى قولتله ان ليا اخ عمرى مشوفته و لا سمعت عنه قالى انا اخوكى و لما حكيتله عنك قالى انا هملى مكانه و ملى مسبش فراغ لحد
عماد / انتى اللى سبتيه يملا الفراغ ده على فكره امك و اختك فين
امل / اهله سابوه عشان اتجوزنى اهله قالوله مع نفسك هشام من عيله كويسه هو كمان ساب اهله و اختارنى مرضيوش بيا عشان امى مطلقه مرتين مرضيوش بيا عشان حكموا عليا انى بنت زباله و امه قالتلى انا مش هجوز ابنى لواحده ماشيه معاه بقالها سنتين يا عماد كل الظروف كانت ضدنا و اتمسكنا ببعض
عماد / انا استحملت قرف الدنيا كلها و مستعد استحمل عشان ابنى متجيش انتى تقولى يعمل ايه لواحد بيقتل ابنه
امل / انت معشتش اللى عاشه انا اللى غلطت كنا متفقين ناجل الخلفه انا اللى غلطت
عماد / غلطتى يعنى كان بيجيبلك حبوب
امل / انا كان المفروض بجيبها من شغلى بس استغليتها قولت البيت اولى فسالت جارتى على حاجات رخيصه قالتلى على طرق بس مجبتش نتيجه
عماد قاعد بيبصلها و حاطت ايده على خده و هى بتعيط يقوم يقعد قدامها و يناولها منديل
امل / انا بيصعب عليا نفسى ماللى شوفته والله بس هو كمان بيصعب عليا اوى دا كان اول حد اسمع منه كلمه حلوه اول حد ينسينى كل القرف اللى كنت عايشه فيه اول حد ميبصليش بقرف لما يعرف ظروفى اول حد يحلم انى ممكن اكون شريكه حياته انت متعرفوش
عماد يتنهد
عماد/ هو قالك ان ظروفه اتحسنت
امل تهز راسها
عماد / عنده استعداد يتقدم رسمى
امل تهز راسها
عماد / انتى عوزاه
امل / اه عوزاه
عماد يهز راسه / ماشى خلينى اتكلم معاه
امل / بصفتك ايه
عماد / ممكن تعتبرينى اخوكى دا لو ينفع يعنى هشوف بس ناوى على ايه هيصونك بجد المرادى و لا استسهلك
امل / تفتكر اهله وافقوا عليا
عماد / لو موافقوش بناقص الجواز مش واحد وواحده زى معملتى الجواز لازم يتبدى صح عشان يكمل
امل / معلش انا اسفه بس هو مجرد سؤال والله
عماد / اسالى
امل / انت كان ممكن تتجوزنى لو ظروفى كانت مختلفه
عماد / لا
امل تبصله و تسكت
عماد / هههههههههههههههههه بصى انا وقتها مكنتش بفكر غير فى انى اعيش حياتى و خلاص بقضيها اى حاجه بتوجع الدماغ اى حاجه تحسسنى بالمسؤليه ببعد عنها خالص انتى او غيرك انا ياما اتحطيت فمشاكل بسبب الهم ده ياما مكنش بيفرق معايا بنت وزير بنت غفير حلوه و خلاص كام يوم بتاخد وقتها فتره و تعدى على فكره انتى ظروفك مش وحشه يعنى مامتك ان كان نصيبها وحش مرتين فدا مش معناه انها شمال يعنى و الا مكنش ابويا اتجوزها
امل / قصدك ايه
عماد / يمكن لو كنت قابلتك فوقت تانى مع نفس الظروف كان الوضع اختلف لكن فى نفس الوقت اى كانت ظروفك مكنتش هتجوزك
امل تهز راسها و تبص فى الارض
عماد / و اه لازم تعرفى انى اسف
امل تبصله
عماد / انا اسف على كل دمعه بكيتيها على واحد عديم المسؤليه زيى انا مستهلهاش
امل / شكرا
عماد / و فى حاجه كمان اوعى تسمحى لحد انه يحسسك انك قليله انتى الف من يتمناكى بس انتى تشاورى و ظروفك مش وحشه او مخجله انتى بس اللى مستعجله
امل تهز راسها / شكرا
عماد / بصى انا مش هقولك ننسى اللى فات و نبدء صفحه جديده لان عمر اللى فات مبيتنسى بس على الاقل زى مهتدى لهشام فرصه تانيه بالرغم من كل البلاوى اللى عملها ممكن تدينى انا كمان فرصه تانيه كاخ او كصديق او كزميل عمل زى متحبى
امل تهز راسها
عماد / ربنا يهديكى
امل / امين طب ممكن سؤال بقى بصفتى اختك
عماد / طبعا اتفضلى
امل / انت بتحب عبير
عماد / ههههههههههههه اه بحبها طبعا
امل / اتوترت ليه
عماد / السؤال بس يعنى متوقعتوش
امل / بتحبها يعنى
عماد / هو مش باين عليا
امل / هههههههههههههههههههه انت شاطر فى تمثيل الحب لكن مش شاطر انك تعيشه بقى عن اذنك هقوم ابص عليهم
امل تمشى و تسيب عماد بيفكر
.........................
فى العربيه مع رحيم
رحمه / انا عاوزه افهم انت جايبنى هنا ليه
رحيم / انا قولتلك عاملك مفاجاه فوق
رحمه / ربنا يستر ماشى
كاميرا مان يقابل رحيم و شايل كاميرا فيديو
رحمه / ايه ده
رحيم / الكمره الخافيه تعالى
رحيم ياخد رحمه فندق و يطلعوا اوضتهم ومعاهم الكاميرا مان بيصورها تلاقى تلت بنات تبصله
رحيم / العروسه استلموا لحد مبص عالاوضه التانيه
رحمه / اوضه ايه
رحيم / انجزى
رحيم يمشى و الكاميره مان لسه بيصور رد فعل رحمه و هى مش فاهمه حاجه و بنت تفتح الدولاب و تطلع فستان فرح رحمه تحط ايدها على بقها من الدهشه
بنت / يلا اللبسى عشان نبدء
رحمه تبصلها و مش مصدقه نفسها و الكاميره مان يخرج
...................
فى الاوضه التانيه
فى اوضه كبيره السرير و الفرش كلو متجمع فى ركن و ركن كبير فاضى و محطوط عالحيطه كرومه و متجهز بالاضاءه كانه استوديو تصوير
رحيم / ايه الاخبار
شاب / ركبنا الكرومه والاضاءه و كلو تمام فاضل العروسه
رحيم / ايه ياعم و لسه العريس انا هدخل اللبس بدلتى ثوانى و اجيلك
رحيم ياخد بدلته مالدولاب و يدخل يلبس و شويه و يطلع و الكاميره مان يصوره
رحيم / هاه شكلى حلو
المصور يلقطله كذا صوره حلوه و رحيم ياخد وضعيه جيمس بوند و يرفع حاجبه
المصور / جامد
رحيم / طب عن اذنك ابص عالعروسه بقى
رحيم يطلع مالاوضه و يدخل الاوضه التانيه يلاقيهم بيظبطوا لرحمه الطرحه و يثبتوا عليها التاج يشاور على الكاميره مان يدخل
رحيم / ايه الحلاوه دى
رحمه / و انت كمان طالع حلو اوى
الكوافيره / عيد جوازكوا
رحمه / لا
رحيم / بس اعتبريه كدا
............................
رحمه / مفاجاه حلوه اوى على فكره
رحيم / المفاجاه لسه مبدائتش
الكوافيره / خلصت
رحمه تقوم تقف رحيم يانجشها
رحيم / جاهزه
رحمه / لا واحده واحده عليا انا لسه مش مستوعبه اللى بيحصل
رحيم / تعالى
رحيم ياخدها الاوضه التانيه تدخل تلاقى المصور ياخدلها كذا صوره و رحيم ياخدها يوقفها عالكرومه و كل ده بيتصور فيديو المصور يظبطلهم الوضعيات و هما بيتصوروا و هى باين عليها اوى الفرحه باب الاوضه يخبط
رحيم / ثوانى
رحيم يجرى يفتح الروم سيرفيس جايبين تورتايه و كاسين عصير
رحيم / شكرا
رحمه / انت مجنون
رحيم / نقطع التورته بقى
رحمه و رحيم يقطعوا التورته و كل ده متصور فيديو و المصور بياخدلهم صور و ياكلوا بعض و هى مبسوطه عالاخر و يسقوا بعض العصير
رحمه / انت مجنون
رحيم / فاضل اخر فقره
رحمه / بتهزر هو لسه فى تانى
رحيم / اتفضلى ورايا
رحيم ياخد رحمه اوضه تالته و الكاميرا مان يسبقهم و يفتح الباب و ياخد رد فعل رحمه و هى داخله الاوضه ورد و شموع عالارض لحد السرير و بلالين فى كل حته و بوكيه ورد احمر عالسرير رحيم يجرى يجيبه و يديه لرحمه رحمه تخبى وشها رحيم يحضنها
رحيم / بس كدا جبرت اوى قفل يا معلم
الكاميرا مان / ربنا يسعدكم
الراجل يطلع و يسيبهم
رحمه / ايه ده
رحيم / هو فرح عالديق و مفيهوش معازيم بس قولت يعنى انتى يهمك مين غيرى
رحمه / ربنا ميحرمنى منك انت بجد مش متخيل انا مش لاقيه كلام اقوله انا حاسه انى بحلم
رحيم / ادعيلى ربنا يرزقنى و كل يوم من ده
رحمه / دانت عاوز تجننى بقى
رحيم / و هو الجنون فى الحب وحش طب دانا من يوم معرفتك و انا مجنون
رحيم يشيل رحمه و يلف بيها و يلف لحد ميقع على ضهره عالسرير و هى فوقيه
رحمه / بحبك
رحيم / مش قدى
................................
فى المعرض فى مصر
عماد / كفايه عليكى كدا النهرده
امل / ليه متخلينى لما تقفل انا مواريش حاجه
عماد / تعبتى و بعدين متخافيش انا عاوزك فى حاجه تانيه اصلا
امل / خير
عماد / عاوز على مقفل تكونى جبتى بشرى و ادم هيباتوا عندى النهرده
امل / ليه هى رحمه هتتاخر اوى كدا
عماد / رحيم كلمنى و قالى خليهم يباتوا عندك اصله خاطفها يا ستى بره النهرده
امل / هههههههههههه ربنا يهنيهم
عماد / ربنا يستر داحنا هتتفتح علينا فاتوحه سوده اصبرى
امل / هههههههههههههههههه قدها بس على العموم مفيش مشكله سبهم معانا انا هاخد بالى منهم خليك انت مع مراتك
عماد / هيتعبوكى
امل / يا سيدى هو حد لاقى عيال اليومين دول سبهم بجد
عماد / طب انا هسهر شويه لو تعبوكى او غيرتى رايك كلمينى
امل / حاضر سلام
عماد / سلام
...................
فى شقه اميره
امينه / سرحانه فى ايه
امل / براجع حياتى
امينه / هههههههههههههه من امتى و بعدين سيبك انتى من امبارح بكره قدامك ركزى فيه
امل / مانا عشان افهم بكره و اعرف اتعامل معاه لازم اراجع انا غلطت فى ايه امبارح عشان مكرروش و اضيع بكره منى
امينه / هههههههههههههههه اه طيب ماشى صحيح مش مصطفى جه تانى
امل / كان المفروض تحرجيه بقى مش كل يوم هيقفلك قدام الحضانه
امينه / و انا مالى هو لو كلمنى هحرجه اخاف اكلمه يحرجنى و يقولى انه مستنى واحده تانيه او حد تانى ساعتها هيبقى شكلى وحش اوى
امل / معاكى حق فعلا خلاص احلقيله تحبى اقول لعماد
امينه / لا اوعى سبيه انا هتصرف
امل / ماشى نامى بقى
امينه / و انتى مش هتنامى
امل / لا هطلع البلكونه شويه زهقانه
امينه / ماشى
امل تطلع البلكونه و تغنى كارمن سليمان حضن دافى
امل / حضن دافى الكون بحاله لما ياسرنى فمجاله و الخيال ميكفنيش مشتقالك نفسى اقولك ببقى شمسك و ابقى ضلك و الزمان مينسينش اه ياريتنى و اه ياريتك الحياه حلوه فى بيتك لو لغيت كلمه مفيش عمرى يجرى و يجى تانى من حنانك من حنانى و النهايه مبتبتديش
محمد يفتح البلكونه و يدخل امل تسكت و تتكسف يطبطب عليها
امل / صحيت يا عموا انا اسفه
محمد / لا كنت صاحى بس لما سمعتك بتغنى قولت اجى اسمعك
امل / انا لقيتنى زهقانه قولت ادندن مع نفسى كدا
محمد / و منمتيش ليه متعبتيش مالشغل طول اليوم
امل / لا خالص بالعكس الشغل ممتع جدا ياريت كل الشغل كان حلو كدا
محمد / طب نامى شويه عشان تقدرى تكملى بكره
امل / حاضر شويه كدا و هدخل
محمد / تصبحى على خير
امل / و انت من اهله يا عموا
محمد يدخل و امل تقف فى البلكونه تبص للسما شويه و تبص تحت تلاقى عماد واقف بيشرب شاى و باصصلها ترجع لورا علاطول و تقف ثوانى و تدخل و تقفل البلكونه و تروح تنام
.....................
تانى يوم فى البيت
امينه / واطيه
رحمه / والله مكنت اعرف انه هيعمل كدا
امينه / ياااااااااااااااه انا فرحانه كانه حصلى والله
رحمه / حبيبتى والله
امينه / انا لازم اشوف الفيديو و الصور
رحمه / اول ميستلمهم هوريكى علاطول بس بجد انا لحد دلوقت مش مصدقه نفسى خالص حاسه انى بحلم
امينه / بس تلاقى اليوم ده كلفه جامد
رحمه/ مسالتش بصراحه انا كنت مستمتعه باللحظه مفكرتش فى اى حاجه تانيه
امينه / جدعه بس اعملى حسابك بعد كدا مش هعد بعيال مش عشان تعبونى عشان انا غيرانه الصراحه عقبالى يارب عقبالى
رحمه / بكره تروق و تحلى
امينه / تفتكرى فى امل
رحمه / ههههههههههههههههههه متقلقيش وثيق مالفوز
جرس الباب يضرب
رحمه / دى اكيد منه
رحمه تروح تفتح الباب تلاقى منه يحضنوا بعض و يصرخوا و يتنطتوا
منه / يا ولاد المجانين انا مصدقتش لما حكيتيلى فى التليفون
رحمه / بصى انا اصلا مكنتش مصدقه نفسى هو كمان قالى انا صممت ان يبقى فى فيديو عشان اسجل رده فعلك انا قولت اخره مطعم و لا سهرايه فى اى حته لكن المفاجاه كانت جامده
منه / فين الصور
رحمه / مجتش لسه
..............................
