مفيش رحمه ٢ بقلم / لولو_محمد (كامله)

الحلقه ٣

((((((مفيش رحمه ٢)))))))
#لولو_محمد
الحلقه الثالثه
رحمه / هتسبنى لوحدى ماشى براحتك
رحيم / طب خلاص انا هفضل قاعد هنا فى الصاله و اتفضلى انتى نامى اقولك نامى انتى فى الاوضه اللى جوه عشان لو احتجنا اى حاجه من الاوضه منصحيكيش
رحمه / هو انا موحشتكش
رحيم / وحشانى طبعا بس اعمل ايه بس
رحمه / تعال جنبى زى زمان خدنى فى حضنك و طبطب عليا هو انا لازم اطلبها منك يا اخى انت ايه حكايتك
رحيم / حقك عليا معلش انا عارف انى مقصر معاكى بس والله غصب عنى معلش خشى انتى ارتاحى و انا هنيم ادم و اجيلك اخدك فى حضنى
رحمه / ماشى
...............
فى الاوضه اللى جوه
رحيم يدخل يلاقى رحمه نايمه يروح جنبها و ينام تصحى
رحمه / حرام عليك يا رحيم انا مصدقت روحت فى النوم يا اخى حرام عليك
رحيم / انتى هتجننينى يا بت فى ايه مالك انا تعبت معاكى انتى مش قولتى تعال احضنى انتى طالعه فى القصه دى بمنظرين و لا ايه
رحمه تعيط
رحيم / يا دين النبى فى ايه يا رحمه انا بهزر معاكى
رحمه / انا خلاص بقيت وش غم و نكديه انا خلاص كدا
رحيم / الله يعينك على اللى انتى فيه كفايه اوى تعبك مع ادم الله يعينك بكره يكبر و ترتاحى
رحمه / انا تعبانه اوى يا رحيم بجد الصداع بقى حته منى و عضمى واجعنى و لا ريحه اللبن اللى مبتفارقنيش و مينفعش احط بيرفيوم عشان الواد صدره ميتعبش و كل ماجى ادخل استحمى الواد يعيط و اطلع مالحمام بالفوطه
رحيم / و انا ببقى فين فموضوع الفوطه ده
رحمه / ههههههه اتلم
رحيم / اكتر من كدا انا بس بجد ببقى فين يعنى
رحمه / كنت فى المكتب مهو لو انت فى البيت اكيد كنت هسيبهولك و ادخل اخد حمامى
رحيم / طب مانا موجود اهو ادخلى استحمى كدا و فرفشى و روقى و تعالى نامى فى حضن حبيبك و متشيليش هم حاجه خالص لو عاوزه اجيبلك واحده تهتم بالبيت و تتفرغى انتى لادم ماشى لو عاوزه اجيبلك داده لادم نفسه بسيطه
رحمه / انت بتقول ايه يا رحيم انا عمرى مهسيب ابنى مع واحده غريبه ابدا
رحيم / ماشى قومى انتى كدا استحمى و روشى عشان تفوقى
رحمه / ماشى بص هو لسه راضع لو عيط بص عالبامبرز
رحيم / انا خلاص يا بنتى بقيت خبير فى موضوع البامبرز ده توب علينا يارب
رحمه / ههههههههههههههههههه لسه فاضل سنتين
رحيم / وماله و بعد السنتين تكونى جبتيلى البت حياه الصغيره و نعيد معاها مالاول
رحمه / هههههههههههههه اوعى كدا خلينى اللحق
رحمه تقوم تدخل الحمام و رحيم يروح يقف فى البلكونه يلاقيها مليانه اطباق و كوبايات متروقتش يلم الحاجه اللى عالسور توقع من ايده عالارض يوطى يلمها يلاقى فرده الحلق
رحيم / انتى هنا يا مجرمه تعالى رحمه هتفرح اوى بيكى
رحيم يدخل مالبلكونه يحط فرده الحلق على الترابيزه و يرمى باقى الحاجه فى الزباله و يدخل يعلق الميه على البوتجاز رحمه تدخل رابطه شعرها بالفوطه
رحيم يمسك صينيه و يطبل عليها
رحيم / يا خارجه من باب الحمام و كل خد عليه خوخه خوخه خوخه خوخه خوخا
رحمه / بطل بقى انا بجد زعلانه اوى عالحلق بتاعى يلا حصل خير
رحيم / طب و اللى يجيبهولك
رحمه / بطل بقى انا قلبت البيت كلو ملوش اثر زمانه اترمى فى الزباله و لا اتشفط فى المكنسه
رحيم / يعنى انتى شايفه انى مش هقدر الاقيه
رحمه / انت بتعمل ايه
رحيم / فرخه مسلوقه و شويه مكرونه اللى بعرف اعملهم
رحمه / لا انا هعمل بطاطس
رحيم/ لا مش مهم قضيها الناس لبعضها خليها لبكره و ارتاحى النهرده و استحملى عكى يا ستى
رحمه / انا بكره كنت هجيب دليفرى انت هتبقى فى الشغل و انا مع ادم لوحدنا
رحيم / بصى انا عارف انك لسه واخده موقف من ماما بس على فكره هى معدتش زى الاول ربنا يعينها على اللى هى فيه خدى ادم و روحيلها حتى لو هتسبيهولها هى لوحدها طول الوقت و محتاجه ونيس حاولى تكسبيها عشان خاطرى دى مهما كانت امى يا رحمه
رحمه تبص الناحيه التانيه
رحيم/ انا عارف انك زعلانه عشان اللى عملته بس خلاص بقى عفى الله عما سلف عشان خاطرى هو انا مليش خاطر عندك
رحمه  / ازاى بس ليك طبعا
رحيم / و بمناسبه الكلمه الحلوه دى الحلق بتاعك عالترابيزه بره لقيته فى البلكونه
رحمه تجرى عالصاله تلاقى الحلق تلبسه و هى فرحانه اوى و تحضن رحيم ادم يعيط
رحيم / دا ايه ابن الكلب ده حتى الحضن مش مهنينى عليه انا رايحله الكلب ده اشوفه عاوز ايه
رحمه / ههههههههههههههههههههه
.....................
بعد فتره
عبير / منوره يا ماما
هاله / البيت منور باهله اخبارك ايه
عبير / مفيش جديد انا زى مانا انا بس عوزاكى تقعدى معايا كام يوم تاخدى بالك من محمود لان الرساله واخده كل وقتى
هاله / و ماله يا حبيبتى دا فعينى بس هى حماتك فين
عبير / مانتى عرفاها هى حلوه اوى وقت نروح كوافير نشترى هدوم عزومه و لمه لكن تقعد بالواد و انا ازاكر ربع ساعه و تطلعهولى عشان مبيفصلش عياط
هاله / و عماد
عبير / عماد لو عليه مش هيسيب الواد من ايده ثوانى دا جابله كرسى و ركبه فى العربيه عشان يبقى معاه فى كل مشاويره دا بينام جنبه يا ماما
هاله / الله امال انتى عوزانى اجى ليه مدام عماد مش مخليكى شايله هم الواد
عبير / عشان يشيل همى انتى لما تنامى جنب الواد هو يتنيل و يجى ينام جنبى
هاله / يا فرحتى و بعد مينام جنبك هيحصل ايه و انا فى البيت
عبير / قومى روحى يا ماما اعمل ايه تعبت بقى جربت معاه كل حاجه على راى حماتى زواق و اتزوقتلك و انت مايل و ايه يعدلك انا قرفت منه اساسا متخلف
هاله / طب متعصبيش نفسك عملتى الاكل و لا لسه
عبير / مطلعه الفراخ تفك من بدرى بس مبصيتش عليها و محمود تحت مع عماد
هاله / خلاص خلصى اللى وراكى و انا هشوف البيت لحد جوزك ميجى و نشوف هتعملى ايه بافكارك دى
.......................
بعد المغرب
الكل قاعد بياكل عالسفره عند عماد و عماد بياكل محمود و بيلاعبه
هاله / بقولك ايه يا عماد يابنى
عماد / ايوه يا ماما
هاله / متاخد مراتك يابنى و تفسحها شويه البت مكبوته طول اليوم مزاكره و قرف
عماد / ماشى فى اى وقت
عبير / هو يعنى لازم ماما تطلب منك عشان تخرجنى
عماد بياكل محمود و بيلاعبه
عبير / شايفه يا ماما ولا كانى بكلمه
عماد / فى ايه يا عبير الواد جعان و بعدين اسكت و لا ارد عليكى و نتخانق قدام امك
هاله / خلاص يا جماعه
عبير / دى بقت عيشه تقصر العمر
عبير تقوم من عالاكل
هاله / ليه كدا بس يابنى
عماد / والله غلبت يا ماما مش عارف اعمل ايه ابسط حوار بنا بيقلب بخناقه مش عارف اكلمها خالص والله
هاله / يا حبيبى انت الراجل احتويها و حسسها انك بتحبها انت متعرفش بتقولى ايه بتقول انك مش طايقها و عايش معاها بس عشان محمود و ده تاعبها الست بتحتاج جوزها يابنى تكلمه تفضفضله يحس بيها اتقى ربنا فى مراتك يابنى
عماد يتنهد
هاله / قوم يابنى صالحها
عماد / حاضر
عماد يقوم يدخل لعبير الاوضه
عبير / افندم جاى تغير هدومك و نازل طبعا مش كدا
عماد / لا جاى اقولك اللبسى نخرج نتمشى عالنيل شويه نغير جو
عبير/ لا متعطلش نفسك عشانى
عماد / انتى عمرك طلبتى منى حاجه و اتاخرت ليه بتعملى فيلم من كل حاجه كان ممكن تقولى خرجنى كان ممكن تقوليلى زهقانه
عبير / انت بجد بتقولى انا الكلام ده انت للدرجادى مش حاسس بيا انا البنت الوحيده فى الدنيا اللى يوم مبتغير جو بتاخد حماتها لانها مش لاقيه حواليها غيرها
عماد / و صدقينى انا كنت ببقى فرحان بده مش عشان انتى مش لاقيه غيرها بس عشان امى مش لاقيه غيرك يا عبير و بعدين يا ستى انا قدامك اهو نسيب محمود مع ماما و نخرج شوفى عاوزه ايه و انا اعملهولك
عبير / ماشى يا عماد انا هقوم اللبس
عماد / هستناكى بره متطوليش مش عاوزين ننزل عالفجر
عبير / خفه
.....................
تانى يوم فى شقه عبير
هاله / ايه الاخبار
عبير / ايدك منه و القبر جه من بره غير هدومه و مسك الموبايل و قعد عالفيس و فى الاخر تصبحى على خير يا عبير و حط الموبايل و نام للصبح كان هاين عليا اكتم نفسه بالمخده
هاله / و انتى يا موكوسه مفيش حبه دلع كدا حبه دلع كدا
عبير / دا راجل يسد النفس دلع ايه يا ماما و زفت ايه على دماغه كان يوم اسود لما اتجوزته كنت فكراه هيعدل المايله
هاله / حاولى تانى يا بنتى حاولى تانى مانا مش كل حاجه هكلمه عيب
..................
بعد فتره فى شقه رحمه
رحيم قاعد فى الصاله و بيزاكر و رحمه تطلع مالاوضه و رايحه الحمام
رحمه / ايه ده انت لسه صاحى انا فكراك نمت من بدرى
رحيم / بزاكر الجزء اللى الدكتور طلبه عشان هشرحه بكره فى المحاضره
رحمه / انا مزاكرتش حاجه هقوله مفهمتش مكلهم عملوا كدا المره اللى فاتت و متكلمش
رحيم/ خدى ده الجزء بتاعك انا لخصتهولك اقرى بس الورقتين دول و افهميهم و باذن الله تمام اوى
رحمه/ انت خلصتلى الجزء بتاعى
رحيم / مانتى برده ربنا يعينك عالبيت و العيال بس بصراحه على ساعدنى كتير فى المكتب
رحمه/ انت لقيت وقت فى المكتب
رحيم / اعمل ايه بس من يوم مدكتور اسماعيل جاب الجهاز الزفت الجديد ده و احنا بنضطر نقعد حتى لو مفيش شغل الحساب كان الاول بالشهر نخلص الشغل و نمشى دلوقت بالساعه بنقعد بقى نعمل اى حاجه و ربنا يسهل فانا بقيت بقعد ازاكر
رحمه / وهو يعنى انت محتاج الفلوس يا رحيم عشان تقعد على متحقق التارجت متخلص شغلك و تمشى و اى كان المرتب ميهمكش بقى و تعال  اقعد معايا انا بيبقى طالع عينى و انا لوحدى هنا
رحيم / على عينى والله يا حبيبتى انتى عارفه بس ايوه انا محتاج الفلوس انا مبديش كورسات و لا بساعد فى مشاريع تخرج و مرتب الكليه ميكفيش و كفايه بقى تساعدى فى البيت اكتر من كدا كفايه الفتره اللى فاتت كلها
رحمه / اعمل اللى انت عاوزه انا داخله انام
رحيم / ماشى يا حبيبتى تصبحى على خير
...............
بعد فتره فى بيت رحمه
رحمه / ياربى الواد سخن اوى اعمل ايه بس
رحمه تشيل ادم و تجرى تخبط على زينب متفتحش تطلع تجرى على عبير تفتحلها
رحمه / الواد سخن اوى و مش عارفه اتصرف خالص
عبير / طب اهدى اهدى تعالى تعالى
رحمه تدخل و تقفل الباب
عبير تجيب ترمومتر ديجيتال و تحطه تحت باط ادم و تستنى اما يصفر
عبير / دا تسعه و تلاتين استنى هجيبلك خافض من جوه و لزقه
عبير تجيب قطاره و تحطها بالنقط فى بق ادم و تجيب لزقه و تحطها على راسه
رحمه / انتى فاتحه صيدليه جوا و لا ايه
عبير / يا حبيبتى ماللى بشوفه بكره تبقى زيى لازم الحاجات دى تكون عندك لموقف زى ده
رحمه / انا اتصلت برحيم غير متاح
عبير / انزلى اللبسى و يلا ناخده للدكتور انا هكلم عماد
رحمه تنزل تفتح الشقه تلاقى بشرى مفلوقه مالعياط اول متشوفها تجرى تترمى فى حضنها
رحمه / انا اسفه والله يا حبيبتى اتلهيت فى ادم انا اسفه انى سبتك لوحدك معلش
بشرى / افتكرتك مشيتى و سبتينى
رحمه / لا يا حبيبتى مقدرش خشى اللبسى بسرعه عشان خارجين
بشرى / حاضر
بشرى تجرى على اوضتها و رحمه تدخل اوضتها و شويه و الباب يخبط بشرى تروح تفتح تلاقى عماد شايل محمود على ايده
عماد / خير ماله ادم
رحمه تطلع مالاوضه
رحمه / كان سخن اوى
عماد / طب يلا نروح للدكتور
رحمه / يلا يا بشرى يلا
الكل ينزل و يركبوا العربيه و يمشوا
.............
فى عياده الدكتور
الدكتور / انا هكتبله مضاد حيوى مرتين فى اليوم و الخافض ده عند اللزوم و اشوفه يوم التلات باذن الله يكون احسن
رحمه / شكرا يا دكتور
الدكتور / انتى مالك بس قلقانه اوى كدا ليه دا العيال بتعييى اكتر مبتاكل و لا ايه يا بشمهندسه عبير
رحمه / والله لولا عبير كان زمانى محتاسه دا هى اللى ادته الخافض و حطتله اللزقه
الدكتور / لا خلاص انا هروح اقعد جنب المدام بقى و البشمهندسه تشتغل مكانى هى كدا بقت تمام اوى
عبير / ههههههههههههه ازاى بس يا دكتور طارق حضرتك الخير و البركه
رحمه/ الف شكر عن اذنك
رحمه و عبير يطلعوا يلاقوا عماد قاعد و على رجله محمود و بشرى جنبه بتلاعبه يقوملهم
عماد / خير
.........................................
عبير / احتقان فى الزور عادى يعنى يا عماد
عماد / طب يلا نجيب الدوا و نروح
رحمه / اوك
فى العربيه
رحمه / لسه تليفونه غير متاح
عبير / ميمكن فصل شحن
رحمه / فى شاحن فى المكتب
عبير / طب ميمكن مفيش شبكه هناك
رحمه / لا فى بكلمه علاطول
عبير / طب ميمكن نزل مالمكتب راح حته مفيهاش شبكه هو يعنى لازم يقولك خط سيره و رايح فين و جاى منين عادى يا بنتى كبرى دماغك و الحمد لله عدت على خير
عماد يركب العربيه و يدى رحمه كيسه
عماد / الدوا اهو يلا نروح بقى و لا ناقصكوا اى حاجه
عبير / بركاتك يا رحمه خليتى عمده يخرجنى ههههههههههههههههه
عماد يبصلها و يسكت و رحمه وشها مقفول
.................
فى البيت
رحمه / كنت فين
رحيم / والله فى المكتب هكون فين يعنى قولتلك مليون مره التليفون فصل شحن و مخدتش بالى غير بعد منزلت جيت اتصل بيكى لقيته فاصل و بعدين مانتى معاكى رقم على و اللهام مكلمتنيش علي اى حد منهم ليه
رحمه / اه و ابقى بدور على جوزى عيل تايه يا ولاد الحلال
رحيم / و فيها ايه متدورى عليا اعتبرينى يا ستى عيل تايه فعلا ولا فرده الحلق بتاعتك ايه يا رحمه متبقيش اوفر بقى والله مخدتش بالى يعنى هو انا فرحان باللى حصل
رحمه/ حصل خير انا داخله انام
رحيم / تنامى فين متستنى شويه اصالحك شكلك زعلانه
رحمه / انا تعبانه يا رحيم و كفايه عليا اوى الخضه اللى شربتها النهرده
رحيم / بطلى تقل بقى يا ريرى هنسيهالك خالص
رحمه / انت مش عندك شغل الصبح انا اصلا مش عارفه هسيب ادم فين و انزل الشغل يارب انا تعبت و مش عارفه اعمل ايه بس
رحيم / طب متسبيه مع ماما يا بنتى دى مهما كانت جدته
رحمه / هى كانت فين صحيح انا خبطت عليها مفتحتش
رحيم / معرفش مشوفتهاش و متشيليش هم لو قفلت خالص نسيبه مع عماد او كلمى منه نعديه عليها
رحمه / يووووه يا رحيم هو انت مهون كل حاجه كدا منه تقعد بيه ازاى و هو سخن و بعدين هى منه دى الفلبينيه بتاعتنا و لا عماد مش كفايه عليه ابنه هيقعد بالاتنين ازاى خصوصا ان الواد سخن
رحيم / هنتصرف بقى متبقيش قفيله
رحمه / تصبح على خير يا رحيم
رحيم / و انتى من اهله يا رحمه
...............
فى الكليه فى اوضه المعيدين
زياد / انا هقوم بقى عندى سيكشن
سلمى / انا جايه معاك استنى
زياد و سلمى يمشوا و رحيم شغال عاللاب و رحمه تحط راسها عالمكتب عبير تقوم تروح تقعد جنب رحيم
عبير / بتعمل ايه
رحيم / فى مشروع معايا من امبارح بخلصه عشان الاقى وقت ازاكر للرساله
عبير / تحب اساعدك
رحيم / لا انا بفنش خلاص بظبط الابعاد
عبير / اوك صحيح يا رحيم هو فى بنات فى المكتب مهندسات يعنى عند دكتور اسماعيل
رحيم / اه طبعا فيه
عبير / اصل انا بصراحه بفكر اشتغل بعد المناقشه هبقى خلصت مزاكره و قاعده فاضيه بقى و انا بصراحه كمان قاعده البيت بتخنقنى فبفكر اشتغل تفتكر ايه رايك
رحيم / والله ربنا يعينكوا على اللى انتوا فيه اصلا الكليه الصبح و البيت و العيال و كمان شغل متاكده انك هتقدرى توفقى
عبير / باذن الله هقدر اصل كدا كدا محمود بيبقى مع عماد او طنط او مامتى هو بس الفكره هو محتاج اصلا و لا هبقى بحرجه و بحرج نفسى لو طلبت
رحيم / بصى خلصى ناقشى انتى بس و انا هبقى اكلمه حتى تنزلى مكان رحمه هى معدتش بتروح من يوم مولدت مانتى عارفه الله يعينها
عبير / ماشى يا رحيم شكرا
....................
فى البيت
زينب / الواد مولع و انتوا حاطين ايدكوا فى الميه البارده
رحيم / والله يا ماما كنا فى سيكشن و عملين التليفون صامت مسمعناهوش
زينب / بص يا رحيم انا مش عاوزه اتكلم عشان انا لما بتكلم الكل بيقفلى بص يا حبيبى الواد ده مجاش بالساهل و احنا الحمد لله مش محتاجين لا لشغل و لا لفلوس تقعد يا حبيبى تاخد بالها من ضناها النهرده انا كنت هنا بكره هتعمل ايه العيال يا حبيبى مسؤليه و انا قولت اهو و بخيالكوا بقى
رحيم / ربنا يسهل
رحيم يقوم يروح شقته يلاقى رحمه قاعده و بتبصله
رحيم / القمر مكشر ليه بقى
رحمه / انت ايه رايك فى كلامها انا مقصره فى حق ابنى
رحيم / لا طبعا ربنا يعينك هتعملى ايه و لا ايه بس هى جدته و خايفه عليه بس والله امى اتغيرت كتير يعنى
رحمه / منكرش بس كلامها وجعنى خصوصا ان معاها حق
رحيم / يعنى عاوزه تعملى ايه يا رحمه
رحمه / مش عارفه اخد اجازه سنه بدون مرتب و اقعد بالولد و لا اكمل فى الكليه و اجل الرساله و لا امشى فى كلو زى مانا مش عارفه الصح فين انا تعبت
رحيم / انتى قدها و قدود يا حبيبتى و انا هنا جنبك اهو
رحمه / اه صح انت كلها نص ساعه و تنزل و اقعد انا هنا لوحدى
رحيم / طب نعمل ايه طيب تيجى كمان المكتب
رحمه / انت بتستفزنى يا رحيم
رحيم / ههههههههههههههههههه انا بقيت بخاف منك
رحمه تتنهد و رحيم يحضنها
رحيم / فتره و هتعدى احنا عدينا بالاسوء من كدا
.......................
فى البيت عند عبير قرب الفجر
عبير / يارب اخلص بقى انا اتخنقت
عبير تمسك الموبايل و تفتح الفيس و تقلب فيه تلاقى واحده صحبتها مشيره بوست من صفحه دكتور طارق تفتح الصفحه و تبعتله ادد يتقبل فى ساعتها
عبير / هو فى حد غيرى بيبقى صاحى دلوقت
عبير تقلب فى الصفحه و الصور لحد متوصل لصوره فرح طارق و مراته تبتسم
عبير / زكرى اجمل يوم فى حياتى حبيبه قلبى انوس بنت الاصول اللى وقفت جنبى من تحت الصفر لحد موصلت للصفر بعون الله و مكملين هههههههههههههههههههههههه
عماد يصحى يقوم يدخل الحمام يلاقيها قاعده
عماد / انتى لسه صاحيه يابنتى ناميلك ساعتين قبل متنزلى الكليه
عبير / هانت كلها اسبوعين عالمناقشه و خلاااص هنام للصبح
عماد / هانت انتى بس ناقشى و انا هعملك ليله و لا الف ليله و ليله
عبير / انا ميفرقش معايا كل ده انا عوزاك انت بس جنبى
عماد / مانا جنبك اهو
عبير / لا يا عماد مش جنبى احنا الدنيا وخده كل واحد فينا فى سكه و ياعالم سككنا هتتقابل تانى و لا لا
عماد / هههههههههههههه ايه الكلام الكبير ده بصى يا عبير انا عارف انك زعلانه منى و عارف اننا بنتخانق كتير فعلا الفتره اللى فاتت بس بصى انا هعمل معاكى اتفاق
عبير / اى كان موافقه
عماد / ههههههههه طب اسمعى الاول
عبير / الجواب بيبان من عنوانه و مدام عنيك بتدحك يبقى هعوز ايه تانى
عماد / انتى مين و عملتى ايه فى عبير مراتى
عبير/ هههههههه بطل رخامه بقى قول بقى العرض
عماد / احنا هنخلص المناقشه من هنا و هاخدك اسبوع انا و انتى و حوده و نروح مكان متحبى اى حته حتى لو بره مصر انا موافق و هبقى بتاعك انتى و بس طول الاسبوع ايه رايك
عبير / موافقه طبعا بس ايه رايك لو سبنا محمود لماما و روحنا انا و انت شهر عسل لوحدينا
عماد / محمود ده روحى يا عبير يرضيكى تبعديه عنى اسبوع بحاله
عبير / انا والله بقيت بغير منه
عماد / انتى الاصل يا بيرو
عبير / انت مين و عملت ايه فى عماد جوزى
عماد / هههههههههههههه قومى قومى اغسلى وشك كدا و غيرى مود المزاكره ده عشان تعرفى تكملى قومى و انا بنفسى هحضرلك الفطار
عبير / انا هاجى اساعدك
عماد / تعالى
......................