((((((مفيش رحمه ٢)))))))
#لولو_محمد
الحلقه السابعه
رحمه / معرفش بقى هى اصلا صعبه على فكره مش سهله تيته حكتلى انهم لما راحوا المصيف خبطت عليهم و دخلت و قعدت مع تيته و حكتلها كل ده و بدات بقى تقف لبابا عالسلم و تكلمه و حركات من دى مانتى عرفاها و كانت بتقعد تخليه يلاعب امل دى و ماما حكتلى مره انها جت هنا وزراتنا
عبير / يا حلاوه و امك كانت بتسكت
رحمه / مانتى عارفه ماما الله يرحمها مكنتش بتتكلم هى كانت واثقه اوى فبايا
عبير / الله يرحمهم امال البت التانيه دى امينه باين دى جت ازاى
رحمه / احنا روحنا مصيف فى سنه لقيناها متجوزه واحد كدا قعدت معاه كام شهر و اطلقوا و سابها و بس علاقتنا بيها بقى صباح الخير يا جارى انت فحالك و انا فحالى
عبير / اصل هى باين عليها يعنى مهياش نونو يعنى الفرق بينها و بين طنط مش كبير و بعدين ازاى تدخل راجل غريب على بناتها و لا انا مستغربه ليه دا تالت راجل تتجوزه
…………….
رحمه / ساعات بتصعب عليا و ساعات ببقى مش طايقه ابصلها
عبير / ميصعبش عليكى غالى ياختى دى واحده هبله
رحمه / يمكن لو كانت حياتها بدات صح كانت كملت يعنى ايه اللى يجبر واحده ستاشر سنه تتجوز راجل عجوز متجوز و عنده اولاد
عبير / تلاقيها كانت طمعانه
رحمه / او يمكن اهلها جبروها او يمكن مكنش عندها اللى يصرف عليها الله اعلم انا عن نفسى مشوفتش منها اى حاجه وحشه كلو سماعى
عبير / اديها ياختى هتسكن هى و بناتها فوق راسى ربنا يستر بقى
رحمه / روحيلهم روحيلهم بدل ميجوا هنا و يسالوا عليكى
..........................
بعد كام يوم
عماد طالع عالسلم يسمع صوت عياط يطلع كام سلمه كمان يلاقى امل بتعيط عالسلم
عماد / فى حاجه يا امل
امل تمسح دموعها / مفيش حاجه شكرا
عماد / طب انتى بتعيطى ليه فى حد زعلك
امل / ممكن لو سمحت تسبنى فى حالى انا عاوزه ابقى لوحدى لو سمحت
عماد / انا اسف حاضر بس لو احتجتى حاجه انا فى الشقه تحت
امل / ربنا ميحوجنى شكرا
عماد يبصلها و ينزل و هى تكمل عياط
.....................
فى شقه عبير
عبير / دى بقالها فوق الساعتين عالوضع ده
عماد / ايه السبب طيب
عبير / والله معرف سمعنا زعيق مرات ابوك و بعدها بثوانى رزع باب الشقه ان حد ينزل ابدا فتحت الباب سمعت صوت العياط بس بصراحه خفت اطلع اسال فى ايه
عماد / احنا ناقصين مشاكلنا لما يجى علينا مشاكل غرب
عبير / عليك نور كفايه علينا قرفنا اوى ملناش دعوه
عماد / انا بقول كدا برضه
.......................
فى شقه زينب
جرس الباب يضرب زينب تقوم تفتح تلاقى اميره زينب تسند كوعها عالباب
زينب / خير اؤمرى
اميره / كنت عاوزه استلف مضرب البيض و لا الخلاط اعمل كيكه
زينب / هو المعدول مجبلكيش خلاط اخص عليه ثوانى اجيبلك بتاعى
زينب تدخل تجيب مضرب البيض و تديهولها
زينب / متاخديش على كدا انا مبحبش اشحت حاجتى لحد و لا حتى اسلفها ماشى
اميره / مردودالك ان شاء الله
زينب / ربنا ميحوجنى ياختى
اميره تمشى و زينب واقفه تبص عليها
.......................
فى شقه رحمه
ادم بيعيط و رحمه عماله تهشكه الباب يخبط رحمه تروح تفتح تلاقى امينه
امينه / انا اسفه بس سمعت عياطه قولت اطمن
رحمه / بطنه بتوجعه اتفضلى ادخلى
امينه / لا شكرا انا نازله اشترى شويه حاجات اجيبلك حاجه معايا
رحمه / لا شكرا
امينه / طيب سلام
بعد شويه كتير ادم نام و رحمه تحطه فى السرير جرس الباب يضرب تروح تفتح الباب تلاقى امينه
امينه / كنت بجيب دوا من الصيدليه جبتلك ده
رحمه تبتسم
امينه / الدكتوره قالتلى ان ده حلو اوى للنونهات فى المغص
رحمه / خشى ارتاحى من المشوار يا امينه
امينه / خليها مره تانيه عن اذنك
.......................
بالليل
رحيم / ميمكن بتحاول تكسبك
رحمه / انا مش قادره افهمهم
رحيم / بصى بغض النظر ان امى مش طيقاهم بس انا عن نفسى مشوفتش مالبنات حاجه وحشه و مش عشان امهم ست مش كويسه هاخد البنات بذنبها
رحمه / هى امل اطلقت ليه متعرفش
رحيم / لا معرفش طبعا احنا مالنا بصى يا رحمه علاقتنا بالناس دول كانهم ماجرين الشقه اللى فوق و ريحى دماغك
رحمه / تفتكر عماد بيتعامل معاها ازاى
رحيم / انتى لسه فاكره دى حاجه قديمه اوى عدت عليها سنين يابنتى و كل واحد كمل حياته بعدها
رحمه / بس ميمنعش انها حصلت و متحاولش تقنعنى انهم ناسيين اذا كنت انا فاكره
رحيم / مكلمتوش فى الموضوع ده الصراحه و مش ناوى اكلمه انسى بقى و شوفىلك حاجه مفيده احسن حته بانيه شويه شعريه بلبن كدا يعنى
رحمه / هههههههههههههههههه حاضر ثوانى
.........................
فى الكليه بعد فتره
سلمى / بس حماتك جدعه اوى الصراحه عجبتنى و دخلت دماغى
عبير / اسكتى انا مش طيقاها خالص الصراحه عماد بيقول نسفت كل السيوله اللى معاهم و مش بس كدا عموا محمد ساحب فوق الميه الف جنيه فى السر
سلمى / مبقولك لقت ريشه هيطيره منها نتفتهوله و كتفته تانى
عبير / انتى فكراه ساكت و لا كان فى حاجه حصلت هو بيتصل بعماد انا عاوز فلوس اشترى كذا روح مع مرات ابوك تشترى كذا روح مع امل او امينه هاتلهم كذا و مقولكيش بقى الحسابه بتحسب كل يوم ينزلوا يجيبوا و يرجعوا محملين غير مصروف ايدهم قد كدا
سلمى / ههههههههههههههههههههههههه و حماتك
عبير / حماتى بتسحب هى رخره كوافير و سبا غيرت شقتها ديكورات و عفش و ستاير و نجف كانها عروسه جديده و مش بس كدا بتسحب كل شهر قسط للمحل بتاعها
سلمى / هتخليه يقول حقى برقبتى
عبير / او يطلقها و تخرب على نفسها
سلمى / بيتهيالك انتى مش قولتى كتب الشقه و المحل باسمها خلاص طظ بقى و بعدين ولادها فى ضهرها
عبير / انا مالى انا مفيش مره اطلب من عماد حاجه غير لما يقولى اصبرى مفيش فلوس مفيش سيوله اتخنقت
سلمى / ههههههههههههههههه طب مهو ده ميزعلكيش على الاقل تضمنى انه مش هيبص بره صحيح هو بنات مرات ابوه حلوين
عبير / عاديين يعنى ليه
سلمى / معرفش بسال بس
عبير / بقولك ايه متقرفنيش انا مصدقت خلصت من منه مش هيطلعلى امينه و امل كمان بس لا دول شكلهم غلابه اوى
سلمى / بس اللى حكيتيه عن امهم ميدلش ان خلفتها هيكونوا غلابه خالص
عبير / متلعبيش فى دماغى
تليفون عبير يرن
عبير / عن اذنك
عبير تطلع بره الاوضه و ترد
عبير / الو ايوه يا طارق ازيك
طارق / مفتحتيش من امبارح قولت اطمن عليكى
عبير / معلش والله انشغلت جدا مانت عارف الظروف
طارق / انا بطمن بس
عبير / متقلقش انت عامل ايه طمنى و ايناس اخبارها ايه
طارق / ايناس اتحجزت فى المستشفى يمكن عشان كدا مقدرتش استنى تفتحى
عبير / يا ساتر يارب خير مش كانت اتحسنت
طارق / محدش مفهمنى حاجه و انا تعبت من تحليلاتهم اللى مبتفرقش فى حاجه على رايها احنا بس بنطول فى عمرها عالفاضى لكن عمرها مهتخف ابدا
عبير / انت اللى بتقول كدا يا طارق
طارق / تعبت يا عبير تعبت بجد
عبير / متقولش كدا بكره تتحسن باذن الله انت بس خليك جنبها هى ملهاش غيرك
طارق / و لا انا ليا غيرها و يمكن عشان كدا خايف
عبير / تحب اجيلك المستشفى
طارق / لا لا متتعبيش نفسك انا اسف انى اتصلت بيكى انا كان ممكن اعملك مشاكل
عبير / لا متقلقش مفيش مشاكل و لا حاجه بس ابقى طمنى اوك
طارق / اوك اوك سلام
عبير / سلام
عبير تلف تلاقى رحمه واقفه وراها مخضوضه
عبير / خضيتينى
رحمه / مين اللى عيان
عبير / اه دا واحد قريبنا فى البلد بس الحمد لله بقى كويس دلوقت
رحمه / الحمد لله بقولك صحيح انا جعانه و بما اننا مطلوين النهرده هبعت اجيب اكل
عبير / و هتعملى ايه فى العيال
رحمه / اتصلت بعماد هيخليهم معاه
عبير / و هيقدر على التلاته لوحده
رحمه / معرفش هنعمل ايه بس يوم و يعدى
عبير / اوك
رحمه / المهم هتاكلى و لا ايه
عبير / هاتيلى معاكوا اى حاجه
رحمه / اوك
.....................
فى المعرض
عماد قاعد فى المكتب و حاطت محمود على رجله و بشرى بتعمل الواجب و ادم نايم فى الشنطه بتاعته امل تخبط و تدخل عماد يقوم يقف
امل / انا اسف بس نسيت المفتاح و محدش فوق ممكن تفتحلى البوابه
عماد / هههههههههههههه اتفضلى
امل / و ايه اللى يدحك يعنى
عماد / اصلك هتفرق ايه انى افتحلك البوابه و مفيش مخلوق فى العماره هتقعدى عالسلم
امل / ايه ده انت قاعد بالعيال لوحدك
عماد / هههههههههههههه اه بشتغل داده بعد الضهر عشان احسن دخلى
امل / هههههههههههههههههه يا بختك انا كمان بفكر اروح اقدم فى اى حضانه بس ماما مش راضيه
امل تقعد و تبص على بشرى و هى بتعمل الواجب
عماد / تشربى حاجه
امل / لا شكرا
عماد / لا على فكره القاعده هنا بالمشاريب
امل تبصله و تسكت و تمسك الموبايل و تقعد عالنت عماد يبتسم ابتسامه صغيره و يدخل واحد
الواحد / ثوانى يا عمده
عماد / عن اذنك ثوانى و راجع
عماد يقوم و محمود على ايده و يسيب امل و بشرى و ادم فى المكتب
.......................
بالليل
عماد / و ادتنى حته وش خشب خرس امى
رحيم / هههههههههههههههههه تستاهل بتهزر معاها ليه دانت جزمه اوى
عماد / تفتكر لسه زعلانه منى
رحيم / هى عمرها معتبتك صح
عماد / لا انا اصلا موعدتهاش بحاجه دا كان الحوار كلو اسبوعين مش اكتر مش قصه يعنى انا فى قصص طولت معايا اكتر من كدا
رحيم / اما لو مراتك عرفت
عماد / انت متعرفش هى اطلقت ليه
رحيم / لا محدش يعرف لسه والله رحمه سالانى السؤال ده ابقى خلى ابوك يعملك استبن هنا زى مفى للشقق كلها
عماد / لا عمره مهيرضى هيخاف من امك
رحيم / كبر مخك بقى من امتى يعنى ضميرك بيصحى و بتبص وراك دانت كنت خاربها
عماد / ههههههههههههههههه على رايك
..........................
فى البيت عند اميره
اميره / مكلمتنيش ليه اجى اجيبلك المفتاح
امل / كلمتك كنتى غير متاح و اتصلت بامينه قالتلى قدامها نص ساعه و تيجى كنت هقف فى الشارع يعنى
اميره / بت يا امل اوعى شطانك يلعب بيكى تانى
....................................
امل / لا متخافيش انا اصلا كرهت صنفهم كله
امل تقوم و تسيب امها قاعده
.....................
فى شقه رحمه
امينه / ربنا يخليه والله واد زى العسل
رحمه / انتى معاكى ايه يا امينه
امينه / انا تربيه انجليزى
رحمه / حلو اوى زى امل صح
امينه / اه زى امل
الباب يخبط رحمه تقوم تفتح تلاقى زينب
زينب / انا لقيت نفسى قاعده لوحدى قولت اجى اتسلى شويه ايه ده انتى عندك ضيوف
امينه / عن اذنكوا
زينب / على فين يا حبيبتى هو ايه اذا حضرت الملايكه ذهبت الشياطين و لا ايه
امينه / هبقى اجى وقت تانى عن اذنكوا
امينه تطلع
زينب / انتى بتفتحى بيتك ليهم ليهم يا ست رحمه
رحمه / كانت عاوزه تقعد مع ادم شويه
زينب / والله طب اسمعى بقى يا مرات ابنى مش عشان انا سيباهم فى البيت يبقى خلاص وجودهم بقى امر واقع لو بابك اتفتح ليهم تانى قسما عظما هتبقى انتى و هما عندى فى كفه واحده
رحمه / يعنى المطلوب منى لما تخبط عليا مفتحش يعنى و لا اعمل ايه
زينب / والله مش مشكلتى اصطفلى عن اذنك
......................
فى بيت رحيم بالليل
رحيم بيكلم فيديو مع رامى
رامى / ياعم سيبك مالقرف ده كلو و تعال مانا بقولك هنا الوضع مختلف خالص
رحيم / انت عبيط يابنى اجى فين و اسيب رحمه و ادم لمين
رامى / يابنى هو انا قولتلك سبها هاتها و تعال هنا البلد نضيفه و المدارس نضيفه و انت كمهندس ليك وضعك و هى كمان
رحيم / هخلص الماجستير الاول و بعدين افكر
رامى / الا صحيح مش الواد انس الكلب خطب
رحيم / عرفت مالفيس
رامى / يخربيته هو معزمكش
رحيم / لا تخيل بس عادى يعنى مكنش فى دماغى عقبالك
رامى / ادعيلى ادينى مستنى الفرج
رحيم / متعرفش اخبار حد تانى مالدفعه
رامى / سمعت ان روقيه اتعينت فى الحى اكتر من كدا كلهم بيدوروا على شغل ياما زى حلاتى هجوا ياللى اتخطبت ياللى اتجوزت
رحيم / روقيه ايه اللى يحرقك اكتر مانت محروق
رامى / شوفت التان
رحيم / ههههههههههههههههههه تان اه صح
رامى / ههههههههههههههههههههه ادحك ادحك امال رحمه فين
رحيم / بتنيم الواد مطلع عينى ابن الايه
رامى / طب يلا روح سلملى عليها بقى و ابقى كلمنى مش كل مره انا اللى هكلمك
رحيم / ياراجل ماشى
...................
فى الشارع قدام البيت
امل واقفه بتوقف تاكس عماد يروح يقف جنبها
عماد / اوصلك
امل متردش
عماد / بابا قالى انك بتدورى على شغل
امل / اه فيها حاجه
عماد / طب ممكن اوصلك
امل / اكيد طريقنا مش واحد
عماد / ماشى ده كارت حضانه كويسه بنودى فيها ادم و محمود الصبح و كنا بنودى بشرى زمان انا كلمتهم امبارح ودى بس السى فى بتاعك انتى و امينه و ربنا يسهل
امل تاخد الكارت و تبصله و تبص للكارت
عماد / تمشى طوالى كدا لحد تانى تقاطع تكسرى شمال الدور الارضى تالت عماره عاليمين
امل / شكرا
عماد / العفو عن اذنك
.....................
فى البيت عند اميره
امينه / و مروحتيش ليه
امل / قولت اشوف اللى فى ايدى الاول لو مفلحتش ابقى اروح
امينه / بقولك ايه متطيريش الفرصه من ايدك انا بكره هاجى معاكى و نروح نقدم انا و انتى
امل / ربنا يسهل
امينه / انتى لسه زعلانه منه
امل / محصلش حاجه عشان ازعل عليها كبرى دماغك
امينه / على فكره الدنيا مش هتقف عشان راجل خاين
امل / كلهم زى بعض يا امينه كلهم بيتسلوا
امينه / لما بشوف امى و بشوفك بقول كدا بس لما شوفت رحمه و عبير و شوفت عيالهم قولت لا اكيد فى رجاله كويسه
امل / اه رجاله كويسين اوى زى عماد كدا و النبى اتوكسى اقولك انا قايمه من هنا خالص
امل تقوم و امينه بتبص عليها
................
فى بيت مصطفى
سمير / مصطفى قالى انك تعبانه قولت اجى اطمن عليكى
منه / تعبت نفسك دا دور برد عادى و خدت انتيبيوتيك و هبقى تمام باذن الله
سمير / انا قلقت انى اتصلت بيكى امبارح مرتين بالليل و مردتيش و الصبح كمان مردتيش فاتصلت بمصطفى قالى انك عيانه جيت جرى والله
منه / ميرسى والله كلك زوق بس حقيقى انا كويسه
سمير / يارب دايما بس حقيقى حاسك مش مظبوطه خالص
منه/ معلش شويه مشاكل كدا
سمير / عيله الصياد بره
منه / ملناش غيرهم يا سمير يعنى دول اهلى
سمير / انا اول مره اشوف ناس بتحب ناس اغراب اكتر من اهلهم اللى بجد دانا شوفت ولاد عمك فى الفرح و كانت صدمه عمرى ان اعرف ان ليكى ولاد عم اصلا انى ليكى عم اساسا ان كنتى انتى و لا اخوكى
منه / مانت عارف احنا علاقتنا بعموا محمد و عموا محمود الله يرحمه اقوى بكتير
سمير / طب بصى بقى الشقه خلصت و بما ان علاقتك بعيله الصياد قويه اوى كدا عاوزك تشدى حيلك و تقفى على رجلك كدا و ننزل ننقى العفش بقى عشان نكتب الكتاب و نتاهل
منه / بالسرعه دى
سمير / ايه ده انا كنت فاكر انك يعنى
منه / لا لا مقصدش انا بس حقيقى مش حاسه ان فى وقت طويل عدى من يوم متخطبنا
سمير / لانا و لا انتى بندرس و الشقه جاهزه نستنى ليه الا اذا كنتى انتى مش مقتنعه بيا لسه
منه / لا والله يا سمير انت شاب كويس و ابن حلال و انا ارتحتلك اوى بس انت شايف الظروف ملخبطه ازاى
سمير / طب بصى فكرى مع نفسك كدا و شوفى هنعمل ايه
منه / ماشى
....................
بعد فتره قدام البيت
امل و امينه مروحين واحد يوقفهم
الشاب / امل ممكن ثوانى
امل / انت عرفت طريقى منين
امينه / يلا يا امل
الشاب / لو سمحتى يا امل انا عاوز اتكلم معاكى
امل / مفيش بنا كلام من فضلك ابعد عنى بقى
شاب مالمعرض / فى حاجه يا ست امل
الشاب / ملكش دعوه انت يا اخ
امل / اسمع يا هشام انا سبتلك اسكندريه باللى فيها حل عنى بقى يا اخى و كفايه اوى اللى حصلى من وراك ماشى
عماد يطلع مالمعرض ووراه تلت شباب و يروح يقف قدام هشام
عماد / فى حاجه
هشام / اما عجايب والله واحد و مراته بتدخلوا ليه يا بقر
عماد يضربه بالدماغ يجيبه ارض
عماد / خدى اختك و اطلعى يا امينه
امينه تشد امل و تطلع و عماد ياخد الشباب و يدخلوا المعرض
...................
