(((((مفيش رحمه ٢)))))))
#لولو_محمد
الحلقه السادسه
زينب / مسقعه ايه و زيت ايه انا عامله دايت هو مش باين عليا و لا ايه
عماد / لا هو الحقيقه فى حاجات كتير اوى باينه عليكى يا ماما
زينب / شكرا بقولك يا عماد انا عوزاك تشوفى محل كبير اشتريه يكون قريب من هنا المهم مساحته تكون حلوه
عماد / ليه يا امى
زينب / فى ايه يا عماد انا زهقانه من قاعده البيت و بفكر افتح بوتيك و اتسلى فى عندك مانع
عماد / ابدا انا بس كنت بسال عشان اعرف انقى محل مناسب يعنى
زينب / اه و ميهمكش الفلوس
عماد / اللى تشوفيه حاضر
..................
بعد اسبوعين فى محل نص تشطيب
مصطفى / ادى يا سيدى المحل زى مطلبت و سعره حلو اوى كمان ايه رايك
عماد / كويس بس سعره مش غالى اوى
مصطفى / يابنى عاوز اقل يبقى تشترى فى عماره لسه متبنتش مانت اخوك مهندس و فاهم انت عاوز محل مبنى و احمد ربنا انه نص تشطيب ده لو متشطب كان هيزيد كتير كمان
عماد / انا مش عارف ماما هتجيب تمنه منين
مصطفى / بص شوف و قولى و انا اخلصلك مع الراجل بس انا كنت عاوزك فى موضوع تانى
عماد / خير مهى ناقصه
مصطفى / لا خير باذن الله انت عارف ان خطوبه سمير و منه اختى اتاجلت بسبب الظروف و هو بصراحه عمال يزن عليا يزن لما ورمت فكنت يعنى بسال
عماد / انت بتسالنى فى ايه يا مصطفى هو انا اللى اجلتها
مصطفى / انت بتقول ايه يا عم يعنى نعمل الخطوبه ووالدتك تايهه
عماد / الحمد لله رجعت بقالها كتير براحتك بقى و ابوس ايدك سبنى فى اللى انا فيه انا مش ناقص
مصطفى / انت لسه متخانق مع عبير
عماد / ياعم دى بقت عيشه تقصر العمر من يوم معرفت ان ابويا متجوز على امى و هى مديانى وش جبس تحس انه هيشقق لو ابتسمت بس حاجه اوفر اوى
مصطفى / حقها يا عم مهو معلش يعنى متاخذنيش عمو محمد غفلنا كلنا قال و احنا اللى صعبان علينا قعدته لوحده اتاريه متجوز و هايص
عماد / انت جاى تحرق دمى حد مسلطك عليا
مصطفى / خلاص ياعم
......................
ليله الخطوبه
زينب / منور يا محمد بيتك و مطرحك
محمد / ايه حكايه المحل اللى اشترتيه ده
زينب / اعتبرها مكافاه نهايه الخدمه معاشى حاجه اصرف بيها على نفسى لو فكرت ترمينى
محمد / و ايه لزمته الكلام ده بقى
زينب / الله يا محمد واحده نامت و قامت اكتشفت ان جوزها مش طفشان منها عشان زعلان لا دا طفشان عشان متجوز و انا اللى كنت بصرف قد كدا زواق و مكلفه صبغات و كريمات عشان احلو فى عنيك طب كنت قلى انك شبعان والله مكنت صرفت جنيه بس على العموم حقك عليا
محمد / ماشى يا زينب هشتريلك المحل بس انتى عارفه انك بتجبرينى كدا اشتريلها زيك
زينب / وماله قدامك تلاتين سنه تحوش تمنه و يديها و يديك طوله العمر هو يعنى اللى بقالها سنه زى اللى بقالها حاجه و تلاتين
محمد / اللهم طولك يا روح طب بلاش يتكتب باسمك
زينب / بلاشه خالص بناقص انا بكره هنزل اروح لاقرب بوتيك و اشتغل بياعه مرات محمد الصياد هتشتغل بياعه
محمد / يا ستى اكتبيه باسمى
زينب / هى هياها يا حبيبى هى هياها هيجى يوم و تعبى يروح لغير ولادى يبقى اشتغل عند الغريب اهون
محمد يجز على سنانه / حاضر يا زينب اللى تشوفيه
زينب / شكرا يا غالى
محمد / صحيح يا رحيم انا عماد قالى انك بتوضب شقتك
زينب / ماما اللى بتوضبها هى ماجراها منى
محمد / ماجراها ليه يا زينب
زينب / هعملها مخزن هحط فيها شويه حاجات
محمد / طب انا هبقى اجى اتكلم مع دكتور اسماعيل بعد بكره باذن الله
رحيم / خير
محمد / بفكر ابنى شقه فوق
زينب / خير يا محمد
محمد / ليا مهو معدش فى سبب انى افضل فى اسكندريه طول الوقت
زينب / معاك حق طبعا مانا خلاص عرفت هاتها بقى و حطها فى عينى حقك بس شهاده حق انت بنتيت لولادك كل واحد شقه و رحمه المفروض ليها زيهم
محمد / هكتبلها الشقتين اللى تحت ارتاحتى و انت يا عماد خلص الموضوع و من بكره تفرضلها ايجار يتحط فى حسابها للشقتين اللى تحت
عماد / حاضر
محمد / حاجه تانى يا زينب
زينب / ايوه مانا بقولك اهو الشقه اللى هتبنيها فوق رحمه المفروض تبنى قدامها شقه
محمد / والله براحتها عاوزه تبنى تبنى مقولتش حاجه بفلوسها
زينب / بالظبط و انت بقى معاك تبنى و تشترى المحل و تشغلهولى انا بقالى كتير مش متابعه شكل السوق شغال كويس
محمد / متقلقيش ربنا يقدرنى و اكفى
زينب / يدوم العز
.......................
فى الكليه بعد فتره
سلمى / مالك شكلك مرهق اوى
عبير / من يوم حوار حمايا و انا مبنمش
سلمى / ليه يعنى هى مش منه دى اتخطبت خلاص خايفه من ايه بقى
عبير / مش خايفه من حاجه بس المشكله مش فى منه انتى اصلك متعرفيش عمى اتجوز مين دى جارتهم من زمان جوزها اتوفى و كانت عايشه لوحدها و لما كان اخو عمى عموا محمود الله يرحمه مبيخلفش كانت بتابعه و هو خارج و هو داخل و تقف فى البلكونه بقميص النوم عادى و تطلع عالسلم و رحمه حكتلى عنها بلاوى
...................................
سلمى / و رحمه عرفت منين
عبير / جدتها حكتلها عنها انتى اصلك مشوفتيهاش عنيها مكشوفه كدا و مبتتكسفش انا كنت بقضى يومين انا و عماد لوحدينا كانت تخبط علينا قرب الفجر عاوزه اى حاجه هبله المهم تدخل و تشوف احنا بنعمل ايه انتى مش فاهمه عمى بيبنى فوق و هيجيبها يعنى حماتى تحتى و العقربه فوقى و انا مطحونه فى النص
سلمى / و انتى مالك سبيهم يضربوا فى بعض و الكسبان ارقدى جنبه
عبير / محدش هيكسب حماتى ماشيه بنظام عليا و على اعدائى عماد بيقولى ان حساب عمى فى البنك بقى عالارض بعد مشترت المحل و ان فلوس البنا واخدها سلف من المجموعه
سلمى / حماتك عارفه
عبير / عماد حلف عليا لو قولتلها مهيبيتنى فى البيت
سلمى / كلام
عبير / لا يا بنتى انا كنت فكراهم عيله طيبه و بيتقوا ربنا بس اديكى شايفه كلهم غدارين فى بعض انتى ناسيه رحيم الغلبان اللى كنا بنقول عليه ريلايشنشيب جول و هبل عمل ايه فى رحمه و لا عمى و لا حماتى كلهم بكره اشوف قلبه عماد
سلمى / انتى ليه محسسانى انك بنت امبارح ان كان لكل واحد فيهم ناب ازرق طلعيلك اتنين و اللى يعض فيكى قطعيه بسنانك متسكتيش هيحصل ايه يعنى
عبير / انا بجد اتخنقت
رحمه تدخل هى و زياد
زياد / دفعه مؤرفه
سلمى / فى ايه يا زياد
زياد / دفعه اولى دى بجد مشوفتش كدا العيال ضاربه دماغ زرايبى
رحمه / ههههههههههههههههه بطل بقى
زياد / دول عدوا من اعدادى ازاى اصلا
سلمى / معلش هو كل فتره بيجى علينا دفعه كدا
.................
فى المكتب
اللهام بتدور على حاجه
عبير / فى حاجه ضايعه منك
اللهام ترفع عينها فى وش عبير و بعدين تكمل تدوير
اللهام / الفلاشه الصفره كنت حطاها هنا و مش لقياها عليها التعديلات الفاينال لبرج رياض الصالحين
عبير / و انتى مش واخده منها نسخه فى اى حته تانيه
اللهام / لا فى فى البيت بس دكتور عاوز يشوفه اكيد مش هروح و اجى يعنى
عبير / اه طب ميمكن نستيها فى البيت اصلا
اللهام / لقيتها اهى
عبير / بجد مبروك لقتيها فين
اللهام / كانت واقعه تحت المكتب
اللهام تحط الفلاشه فى الكومبيوتر و تيجى تفتحها تلاقيها متفرمطه عبير تقوم و تدخل المكتب عند دكتور اسماعيل و على يدخل
على / مالك فى ايه
اللهام / فى اللى انا كنت خايفه منه رجعت تلاعبنى فى الازرق انا بجد تعبت منها و المرادى مش هسكت
على / استهدى بالله كدا و قوليلى ايه اللى حصل دا مكان شغل بلاش تهور
اللهام / بنت الكلب فرمطت الفلاشه
على / و لا كان فى حاجه حصلت انتى خليكى هاديه و انا هروح البيت اجيبلك اللاب و ارجع
اللهام / بس دكتور اسماعيل عاوز يبص على المشروع دلوقت اقوله ايه هاه
على / لو كلمك قولى انك نسيتى الملف فى البيت و انى روحت اجيبه عادى
اللهام / طب مقوله الحقيقه و افضحها قدام المكتب كلو تعرف انا والله مهسكتلها تانى
على / بس عشان جايه متخليهاش تحس انها كسبت
عبير / الدكتور عاوزك
على / يلا يا حبيبتى زى متفقنا هنزل اجيبلنا لقمه حلوه و راجع و المره الجايه نبقى ناكل بره مش كل يوم يعنى فسح متزعليش بقى ماشى
اللهام / ماشى يا حبيبى حاضر انا هروح اشوف الدكتور على متجيب الاكل
على / اوك مش هتاخر سلام
اللهام تدخل المكتب و على يجى يمشى عبير توقفه
عبير / هو انت ممكن تجيبلى حاجه معاكوا
على / والله لو فى طريقى متاخرش
عبير / طول عمرك زوق انا عاوزه اتنين شاورما فراخ وسط نفسى فيها اوى
على / لو عديت على حد فى طريقى هجيبلك
عبير / اوك ميرسى على العموم لو هتقل عليك و اخرك يعنى ممكن تقولى و انا هطلب دليفرى
على / والله اللى يريحك عن اذنك
عبير / معلش يا على هو انا كنت عاوزه اسالك سؤال
على / اتفضلى
عبير / هو اخبار منى ايه انا اقصد يعنى بتروحوا لمين اطفال اصلى عاوزه اغير الدكتور اللى ماشيه معاه اجازاته كتير و تاعبنى بصراحه و انت عارف محمود صغير و كل شويه يعيى
على / اهتمى بيه اكتر و هو ميعياش و على العموم اللهام هى اللى متوليه كل شؤن منى
عبير / طب ايه مش ناويين تخاوها بقى يعنى تجيب ولد يشيل اسمك
على / ربنا يسهل عن اذنك
عبير / صحيح يا على
على / خير
عبير / هو انت رحيم حكالك باللى باباه عمله فى مامته
على / دى حاجه متخصنيش و حكالى او لا دى حاجه متخصكيش و عن اذنك عشان انا مستعجل
اللهام تطلع مالمكتب تلاقى على واقف مع عبير
عبير / طب امشى بقى لحسن الكلام يسرقنا و تتاخر
على يمشى و اللهام تبص لعبير
عبير / و لا كاننا كبرنا لسه دمه خفيف زى مهو
اللهام / دا حقيقى ربنا يخليهولى
عبير / علمتى ايه عند الدكتور اسماعيل
اللهام / و لا حاجه كان طالب منى اقييم ادائك فى الشغل
عبير / انتى تقيمينى انا
اللهام / انا اقدم منك هنا بكتير و انا المسؤله عنك انتى و رحيم و كل شهر انا بقدم تقرير عنكم و عن كل مهندس معمارى فى المكتب
عبير / وماله حقك
.......................
فى البيت بعد فتره
زينب / الله ينور يا رحمه والله مشطباها حلو اوى
رحمه / انتى تؤمرى
زينب / بقولك ايه يا عماد انا عاوزاك تجيب اتنين عمال و تطلعوا كل العفش ده فوق فى الشقه و هنزل المعرض انقى موديلات جديده تنفصلهالى
عماد / طب متحطى الجديد فوق يا ماما مع دهان جديد و كدا
زينب / مانت على متجهز العفش اكون ظبط الشقه دى هفورها و نشوف بقى شطاره مراه ابنى انا عاوزه الشقه دى تضرب اللى فوق
عماد / انتى ناويه على ايه يا ماما انا مش فاهمك
زينب / ناويه على ايه يعنى ايه انا عارفه انا بعمل ايه
عماد / يا ماما انتى و بابا بينكوا اتفاق و هو وافق مكنش فيه توضيب الشقه و لا عفش جديد
زينب / يعنى هو كان كتب الشقه دى باسمى مهى بتاعته برده و بعدين يعنى يرضيك العروسه تقعد فى شقه جديده و امك تقعد فى الشقه هى هياها متغيرش فيها حاجه انا هقوم اجيب الكيكه زمانها بردت
.....................
فى البيت عند عبير
عبير فاتحه اللاب و بتكلم طارق
طارق / انتى ليه مكبره الموضوع اوى كدا ووخداه على اعصابك على فكره انتى اللى بتحطى نفسك فى الضغط النفسى ده و ترجعى تشتكى
عبير / انت اصلك مش شايف اللى بيحصل تحس ان عمى و مراته بيسابقوا بعض مين اللى يلحق يكش قبل التانى و رحيم و عماد تايهين فى النص
طارق / اقولك ايه بس يا عبير والله فلوس الدنيا مهتساوى لحظه واحد فيهم يشوف التانى بيتالم قدامه و مش قادر يساعده انا تعبت بجد و الله بقيت خايف اروح فى النوم اصحى ملقيهاش ساعات بيبقى هاين عليا ادعى عليها تموت يمكن ترتاح ماللى هى فيه بس لسانى و قلبى مبيطاوعونيش و بستغفر و برجع اقول و تسبنى لمين دانا مليش غيرها
عبير / ربنا يشفيها يارب هو يعنى مفيش تحسن خالص
طارق / كل متتحسن و نقول الحمد لله و ترجع تقف على رجليها تانى تقع و يظهر حاجه جديده و نرجع كورس العلاج كلو من اوله
عبير / بس ده اكيد ماثر على شغلك و دراستك
طارق / طبعا ماثر زمايلى فى الدفعه خلصوا الدكتوراه و الماجستير و انا لسه بس والله ولا يفرق معايا
عبير / والله انا بقيت برتاح فى الكلام معاك اوى يا طارق انت الوحيد اللى بتخرجنى من الهم اللى انا فيه انا عمرى مفضفضت مع اى حد لانى عارفه انى مهما اتكلمت مفيش حد هيسمعنى و لا هيحس
طارق / الحال من بعضه انا اول مره اتكلم مع حد و اشكيله همى يمكن عشان مكنتش لاقى حد و يمكن عشان ارتحتلك بس الاكيد انى برتاح لما بتكلم راحه محستهاش فى حياتى
عبير / انا لازم اقوم دلوقت محمود بيعيط هكلمك تانى بعدين
طارق / سلام
عبير تقفل الاب و تقوم تلاقى عماد شايل محمود
عماد / خلصتى شغل
عبير / اه خلصت الحمد لله
عماد / الحمد لله
عبير / هو انا ممكن اتكلم معاك
عماد / و انتى محتاجه اذن اتكلمى
عبير / انا مش مرتاحه فى المكتب ده
عماد / ليه خير
عبير / اللهام الزفته دى بتتمريس عليا و شغاله هى و على طول الوقت محن كانهم بيحاولوا يغيظونى
عماد / و ايه اللى يغيظك يعنى
عبير / بالظبط مش فاهمه مين اللى اقنع اللهام دى انها حاجه اساسا ان كانت هى و لا على انا بدرس لمهندسين زيها و هى بتقعد تعدل على شغلى بجد قرفتنى
عماد / طب خلاص بناقص الشغل اللى يدايقك شوفى انتى عاوزه بداله ايه
عبير / انا بفكر اعمل زى ماما زينب كدا
عماد / تفتحى محل
عبير / بصراحه يا عماد انا خايفه كل حاجه حوليا بتخوفنى
عماد / انا معييش اشتريلك محل دلوقت خالص يا عبير اديكى شايفه الظروف
عبير / انا مقولتش اشتريلى اجرلى محل و انا هبقى اجيب واحده تقف فيه الصبح و انا هروح اتابع بالليل شويه
عماد يتنهد عبير تقرب منه و تحط راسها على صدره و تحضنه
عبير / عشان خاطرى يا عماد انا بجد مدايقه اوى
عماد / حاضر يا حبيبتى هحاول اجمعلك مبلغ مقفول تفتحى بيه المحل اللى يعجبك
عبير / ربنا يخليك ليا يا حبيبى و ميحرمنيش منك ابدا
عماد / عبير
عبير / نعم
عماد / بابا و ماما ظروفهم مختلفه بلاش تقارنينا بيهم
عبير / انا معرفش ظروفهم فى الاول كانت ازاى بس اكيد ان النهايه لازم تكون مختلفه
............................
فى شقه رحيم بعد فتره
رحمه / اخبار الشغل ايه
رحيم / الجو هناك بقى خنيق من ساعه معبير جت
رحمه / على العموم سمعت انها هتمشى طنط قالتلى انها بتدور على محل تفتحه ملابس اطفال
رحيم / و انتى مش عاوزالك محل انتى كمان
رحمه / هههههههههههههه لا شكرا
رحيم / انا حقيقى مش فاهم العيله دى مبهداش تحسى كان مفيش فى مصر غيرنا
رحمه / احنا احسن من غيرنا
رحيم / الحمد لله
رحمه / تفتكر اللى عملو عمو ده صح
رحيم / اكيد لا طبعا بس برده اكيد عنده اسبابه
رحمه / تفتكر لما هيخلص الشقه اللى فوق هيجيبها تعيش هنا
رحيم / بصى انا بدعى ربنا كل يوم انه ميعملش كدا
رحمه / طب متكلمه يا رحيم
رحيم / كلمناه انا و عماد كلمناه و اخر مره اتخانق معانا و قال مش انتوا اللى هتعلمونى الحلال مالحرام و سبنا و مشى
رحمه / ربنا يستر
رحيم / سيبك انتى اخبار المزاكره ايه
رحمه / شغاله الحمد لله بدات ارتب وقتى اكتر و كمان ادم اتعدل كتير
رحيم / تمام
رحمه / هو انت ممكن تتجوز عليا يا رحيم
رحيم / دلوقت اكيد لا
رحمه / تعجبنى صراحتك لكن بكره الله اعلم مش كدا
رحيم / مانتى عارفه الرجاله لما بيكبروا بيتهطلوا
رحمه / هههههههههههههههههههه ماشى من هنا لحد متكبر بقى يبقى يحلها حلال
رحيم يبوس راسها
رحيم / متشيليش هم بكره و انا بحبك
رحمه تبتسم
....................
بعد فتره فى البيت
محمد / نورتى البيت اتفضلى يا اميره
اميره تطلع ووراها بنتين واحده 24 و 20 سنه زينب تفتح الباب
زينب / و انا اقول البيت منور ليه طب كنتوا قولوا كنت فرشت الارض رمل
اميره / تعيشى
محمد / شقتكوا اللى فوق
زينب / يا راجل عيب عليك دول تعبانين مالسفر خليهم ياخدوا نفسهم دى زى بيتك برده
اميره تدخل ووراها البنتين
زينب / اهلا يا امل يا حبيبتى والله فرحت انى شوفتك امال فين جوزك يووووه نسيت انك مطلقه
عماد يطلع و شايل شنطتين
زينب / سيب الشنط يا عماد وروح هاتلنا تيك اواى تحبى تاكلى ايه يا اميره
محمد / كتر خيك مش عاوزين نتعبك هناكل فوق
زينب / هو انا هدفع حاجه من جيبى مكلو بفلوسك
اميره / وماله اهو يبقى عيش و ملح برده
...................
فى شقه رحمه
عبير / هو انتى مش هتيجى تتغدى معانا
رحمه / لا هستنى رحيم و اتغدى معاه
عبير / بس دا كلهم هناك و بعدين الا قوليلى صحيح هو مين البنتين اللى معاها دول
رحمه / هيكونو مين يعنى بناتها
عبير / لا طبعا مينفعش انتى مش كنتى قولتى انها بتعاكس باباكى قبل مانتى تتولدى كانت بتعاكسه و هى متجوزه يعنى
رحمه / لا يا ستى اللى اعرفه انها كانت متجوزه راجل كبير زوجه تانيه ايامها كانت صغيره خالص على فكره ستاشر سنه و لا حاجه و لما مات مراته الاولانيه حطت ايدها على كل حاجه ماما قالتلى ان ابن جوزها كان حاجه و عشرين سنه راحلها و كتبلها الشقه و حطلها قرشين فى البنك تصرف منهم عليها وعبير / لا والله فيه الخير
رحمه / امه لما عرفت راحتلها و فضحتها و قالتلها ابعدى عن الواد و عيب كدا
عبير / صعبت عليا و لا هى كانت بجد بترسم عالواد دا ميجوزلهاش
رحمه / معرفش بقى هى اصلا صعبه على فكره مش سهله تيته حكتلى انهم لما راحوا المصيف خبطت عليهم و دخلت و قعدت مع تيته و حكتلها كل ده و بدات بقى تقف لبابا عالسلم و تكلمه و حركات من دى مانتى عرفاها و كانت بتقعد تخليه يلاعب امل دى و ماما حكتلى مره انها جت هنا وزراتنا
عبير / يا حلاوه و امك كانت بتسكت
رحمه / مانتى عارفه ماما الله يرحمها مكنتش بتتكلم هى كانت واثقه اوى فبايا
عبير / الله يرحمهم امال البت التانيه دى امينه باين دى جت ازاى
رحمه / احنا روحنا مصيف فى سنه لقيناها متجوزه واحد كدا قعدت معاه كام شهر و اطلقوا و سابها و بس علاقتنا بيها بقى صباح الخير يا جارى انت فحالك و انا فحالى
عبير / اصل هى باين عليها يعنى مهياش نونو يعنى الفرق بينها و بين طنط مش كبير و بعدين ازاى تدخل راجل غريب على بناتها و لا انا مستغربه ليه دا تالت راجل تتجوزه
…………….
