(((((مفيش رحمه ٢)))))))
#لولو_محمد
الحلقه ١١
امل تبتسم
عماد / مهو لو كان ينفع كنت جبتلك موبايل بس اعمل ايه
امل / كانك جبته و اكتر
عماد / اطلعى بقى لحسن مامتك تستعوقك
امل / لا مش عاوزه اطلع
عماد / خلاص انا هفضل سهران طول الليل فى التراس فوق لحد مالبرد ياكل عضمى
امل / بعد الشر انا كمان هفضل سهرانه طول الليل
عماد / خلاص اطلعى و انا هطلع بعديكى و هستناكى فوق
امل تبتسم / ماشى
..........................
بعد سنه امل واقفه بتنشر الغسيل تلاقى عربيه عماد بتركن تحت البيت تسيب الغسيل اللى فى ايدها و تدخل تفك المنديل من على راسها و تعدل شعرها و تقرص فى خدودها و تعضعض شفايفها و تجرى تفتح باب الشقه تلاقى عماد طالع مالاسانسير بيتكلم فى الموبايل
امل / حمدالله على سلامتك
عماد فى التليفون / انا لسه واصل اهو يابنتى مش قولتلك اول مهوصل هكلمك ايه وحشتك اوى كدا
امل تتمسمر مكانها و عنيها تتملى دموع عماد يدخل شقته و يقفل الباب برجله و هى تفضل واقفه بتعيط و تبص عالباب
اميره / يا امل يا امل انتى هنا و انا بدور عليكى
امل تمسح دموعها بسرعه و تلف لامها
اميره / خلصتى نشير
امل / لا انا كنت بتاكد ان البواب خد الزباله لحسن القطه تبعترها زى المره اللى فاتت
اميره / انتى مال عينك حمره كدا ليه
امل / تراب و لا حاجه دخلت فيها و كنت بدعكها انا هدخل اكمل نشر الغسيل
امل تطلع البلكونه تلاقى عماد واقف بيدحك على اخره فى التليفون تقف تبص عليه رحيم يدخله
رحيم / هتقضيها تليفونات و لا ايه يا عم عاوزين نخرج
زينب / سيبه ياخويا يحب و ينبسط على الله المرادى تعمر
عماد / هششش ايه يا جدعان بطلو
عماد يدخل جوه و امل تقعد فى الارض لازقه فى السور و تفضل تعيط على اخرها
///////////////////////////
امل تمسح دموعها و تستغطى و تنام
........................
فى بيت طارق
ايناس خارجه مالحمام و طارق بينضف الارض تيجى تقعد جنبه يقومها و يدخلها الاوضه
طارق / ارتاحى انتى يا حبيبتى انا هنضفها
ايناس / انا تعبتك اوى يا طارق تعبتك بجد
طارق / تعبك راحه يا قلبى متقوليش كدا مانتى برده شلتينى كتير
ايناس / انا بجد كان نفسى اكون الزوجه اللى بيتمناها اى راجل بس اعمل ايه غصب عنى والله
طارق / الحمد لله كان زمانى دابحلى كل يوم واحد بيبص عليكى لا يا شيخه قضا اخف من قضا انا بقى هجيبلك غيار نضيف بدل ده و هملالك البانيو و لا انتى مش قادره تستحمى
ايناس / انا تعبانه اوى بس ريحتى وحشه
طارق / خلاص ولا يهمك انا هجيبلك الطبق زى المره اللى فاتت و اعملك فى السرير و لا تزعلى نفسك
ايناس / انت هتعمل ايه و لا ايه بس يا طارق
طارق / هو انا عندى غيرك يا ايناس هو انا ليا فى الدنيا دى كلها غيرك
ايناس / بكره يبقالك واحده حلوه و جميله و صوتها ناعم
طارق / ايه الكلام ده انا ابص لغيرك برضه
ايناس / بقيت بدعى ربنا يعجل فى ساعتى عشان انت تشوف حياتك بقى بدل مانا ربطاك جنبى كدا
طارق / و ليه الكلام اللى يزعل ده دانا كل يوم بدعى ربنا انه يطول فى عمرك عشان الاقى سبب اعيش عشانه
ايناس تعيط
طارق / ليه كدا
ايناس / انا بحبك اوى يا طارق والله العظيم بحبك
طارق / و انا كمان والله يا نوسه يابت دانتى اول و اخر حب فى حياتى
ايناس / ربنا يخليك ليا يا حبيبى
.....................
فى الصاله طارق يمسك التليفون و يتصل بعبير
عبير / الو ازيك
طارق / مرضيتش اكلمك امبارح قولت اكيد مش فضيالى
عبير / عشم ابليس و لا عبرنى فرح بالواد لكن انا خلاص بقى دورى خلص فى حياته
طارق / حاولى معاه تانى قربى منه و اتكلمى معاه
عبير / زهقت يا طارق زهقت سيبك انت ايه اخبار ايناس
طارق / تعبانه طول الليل ترجيع لما اتمقتت قال يعنى هى بتاكل اصلا بس نامت الحمد لله اخيرا
عبير / الحمد لله انا لازم اقفل عشان هنزل الكليه انت هتروح العياده بالليل
طارق / باذن الله من دلوقت للساعه 8 لو مجدش جديد هروح
عبير / هحاول اعدى عليك بمحمود
طارق / ماله الف سلامه
عبير / ملوش هو كويس دور برد عادى
طارق / طب مانتى عارفه العلاج
عبير / حتى انت مش عاوز تشوفنى
طارق / ابدا والله انا بس بتكلم على محمود
عبير / سبها لله
طارق / و نعم بالله ادعيلى
عبير / ربنا معاك سلام
عبير تقفل السكه و عماد يطلع مالاوضه
عماد / كنتى بتكلمى مين
عبير / كنت بحجز لمحمود عند دكتور طارق بالليل
عماد / دكتور طارق ده مش كويس على فكره بيجى يوم و عشره لا بيطفش العيانين
عبير / حرام عليك دا دكتور شاطر
عماد/ مش مهم المهم للعيان ان كل ميروحله ميلاقيهوش فبيروح يشوف دكتور تانى
عبير / مش يمكن عنده ظروف ربنا وحده اللى يعلم بيها
عماد / يا عالم انا نازل المعرض
عبير / الشياكه دى كلها عشان المعرض
عماد / الله هو مش مراتى رجعت البيت لازم يبان عليا تغير و لا عوزاهم يقولوا وجودها فى البيت زى عدمه
عبير / لا ناصح طب حط شويه برفان بقى اسكادا عشان بحبه
عماد / بس كدا من عنيا حاضر
عماد يحط برفان و ينزل و يقفل الباب وراه عبير تاخد محمود و تجيب الشنطه من جوه باب الشقه يخبط
عبير / تلاقيه نسى المفاتيح ثوانى حاضر
عبير تفتح تلاقى امينه
امينه / الطرحه اللى منشوره عالحبل دى بتاعتنا
عبير / طرحه ايه
امينه / بصى عالحبل عندك عالغسيل فى البلكونه بصى بس هتلاقى طرحتنا منشوره عندك
عبير تدخل البلكونه و هى بتبرطم تفتح تلاقى فعلا الطرحه منشوره تاخدها و تديها لامينه
عبير / انا مش عارفه ايه اللى جابها عندنا دى
امينه / شكلها وقعت من عندنا امبارح و حد نشرها كتر خيره والله نشفت اهى مكمكمتش
عبير / العفو اى خدمه تانى
امينه / هتودى محمود الحضانه انا كدا كدا رايحه
عبير / لا معلش انا هوديه بنفسى لو تحبى تيجى انتى معايا اوك
امينه / ماشى ثانيه واحده هجيب شنطتى و اجى معاكى
عبير / مستنياكى تحت
.......................
فى الشارع
عماد واقف و امينه تنزل تجرى تبص يمين و شمال تروح لعماد
امينه / هى عبير فين
عماد / مشيت من شويه
امينه / طب شكرا
عماد / كنتى عاوزه حاجه
امينه /لا لا مفيش مشاكل عن اذنك
عماد يدخل المعرض
عماد / سيد متروح تجيبلنا فطار على زوقك كدا
شاب / تؤمر يا عمده
سيد يمشى و عماد يفتح ازازه ميه ياخد بق امل تدخل لابسه الطرحه اللى كانت عالحبل يتف الميه على ترابيزه
امل / عموا محمد قالى انزل المعرض
عماد / منوره
امل / شكرا
عماد / اتفضلى عالمكتب .... حسن فوطه و النبى و لمع الازاز ده
عماد يدخل مع امل المكتب
عماد / اتفضلى اقعدى
امل / هنا
عماد / اه
امل تقعد عالمكتب
عماد / انتى بتعرفى تستخدمى الكومبيوتر و لا لا
امل / بعرف
عماد / كويس اوى دى صفحه الفيس لسه عاملها للمعرض بنزل فيها صور الموبليا و الاسعار فى كل فرع سهله ؟؟؟
امل / دى شغلتى
عماد / انتى بس سدى
امل / و هتدينى كام فى الشهر
عماد / عاده اى حد بيسالنى السؤال ده بمشيه لانه مش عاوز يشتغل عاوز يقبض بس
امل / مشينى
عماد / انتى مش شغاله عندى عشان امشيكى طرحتين فى اليوم كويس
امل / طرحتين يعنى 720 فى الشهر
عماد / انتى رهيبه فى الحساب حقيقى اتجدعنى انتى بس و انا اخليكى انتى اللى تعملى الحسابات
امل / كلو بحسابه
عماد / هههههههههههههه ممكن سؤال
امل تقعد عالكومبيوتر و تقيده و تفتح النت
سيد يدخل و شايل صينيه فطار
سيد / الفطار يا عمده
عماد / حطه هنا و نادى حسن و تعال
امل ترفع الصور عالفيس و تبص على الورقه اللى جنبها و تكتب على كل صوره اماكن الفروع و اسعارها حسن يدخل مع سيد و يقعدوا على ترابيزه و عماد يقعد وسطيهم و هى مبتبصش عليهم
سيد يزغد عماد و يشاورله براسه عليها عماد يشاورله هو عليها براسه
سيد / مش هتيجى تفطرى معانا و لا ايه يا ست امل
امل / شكرا سيد صح
سيد / صح
امل / سبقتكوا
عماد / تلاقيها مستكبره تاكل معاك فى طبق واحد
امل تبص لعماد
حسن / ليها حق والله يا عمده اذا كنت انا ماروف
سيد يزغد حسن و يدحك هو و عماد امل تقوم من عالمكتب و تشد لقمه من ايد سيد و تاكلها و تروح تقعد مكانها تانى يغمزوا لبعض
سيد / صحيح يا عمده هو انت مش ناوى تعزمنا على الغدى مره و لا احنا مش قد المقام
حسن / انا نفسى اوى فى الممبار يا جدع
عماد / خلاص الغدى النهرده عندى ايه رايكوا
سيد / والله انت ميه الميه الميه الميه
عماد / ههههههههههههههههه هجيب ممبار يا فته كوارع عالغدى ليكى فى الحاجات دى و لا بتقرفى
سيد / اكيد مبتاكلهاش من بره طبعا ايه السؤال ده
امل / فعلا بعملها فى البيت احلى
عماد / متفتحيش على نفسك فتوحه العيال دى عايشه عشان تاكل بس
امل / وماله احسن ميكونوا عايشين ياذوا فى البشر
عماد يسكت و يغمز لحسن
حسن / طب مدام كدا بقى هتعزمينا امتى بقى ندوق
امل / اكيد مش النهرده
سيد / بكره ؟؟؟
امل / امممم هو احنا هنا بناخد اجازه يوم ايه
عماد / انتى عاوزه تاخدى اجازه يوم ايه
امل / معاكوا
حسن / مهو مش كلنا بناخد اجازه فنفس اليوم كل واحد فينا بياخد اجازه فيوم شكل عشان المعرض هنا مبيقفلش فبنبدل مع بعض الشفتات و الاجازات و كدا يعنى
عماد / بس بنقفل فى الاعياد الرسميه عادى يعنى
حسن / و لما بيحب يزوغ عادى برده
عماد / هههههههههههههه انت بتبصلى يا جزمه
حسن / معاش و لا كان اللى يبصلك فى اجازتك يا عمده داحنا ناخد من اجازتنا و نديك
عماد يبص على امل يلاقيها مبتسمه اول معينه تيجى فيعينها تكشر و تلف وشها
عماد / تحبى تاخدى اجازه يوم ايه مقولتيش
امل / يوم الجمعه كويس ؟؟؟
سيد / مع العمده يعنى قشطه
امل / انا بقول يعنى عشان بتبقى اختى كمان اجازه فاقعد معاها يعنى
حسن / لا عمده بياخده اجازه عشان ده اقصر يوم شغل بنفتح متاخر على واحده اتنين كدا فهو سايبهولنا
...........................
امل / خلاص يوم السبت هجيبلكوا الممبار
حسن/ اتفقنا يا ريسه انا كدا شبعت شيل بقى ياض يا سيد
سيد / دا عند امه يابا انا اللى جايب انت اللى هتشيل
عماد يقوم يقف ورا امل و يبص عليها و هى بتشتغل
عماد / انتى اخر مره كتبتى على كيبورد امتى
امل / فى الكليه كنت بكتب بحث انا متعوده عالفيس عالموبايل اسهل
سيد و حسن يطلعوا بره
عماد / تصدقى مخدتش بالى ان معاكى موبايل
امل / ماما جابتهولى بعد طلاقى
عماد / ماشى هبقى اعملك ادمن للصفحه و تضيفى بقى من موبايلك اسهل
امل / انت مستهيفنى اوى صح
عماد / ليه بتقولى كدا
امل /انت بتدحك عليا و تقول ان ده شغل
عماد / انتى متخيله انك هتشتغلى ايه فى اول يوم يعنى
امل / معرفش انت شغلتك انك تعلمنى
عماد / محدش فينا حد علمه ولا حتى منه
امل / منه ابراهيم
عماد / ايوه منه ابراهيم محدش علمها احنا هنا بنتعلم الشغل من بعض خلصى اللى اديتهولك و لما تلاقى زباين اقفى و اتفرجى و اتعلمى
امل/ انت فاكر انك هتعجزنى يعنى
عماد / انتى فاكره نفسك فى المدرسه هديكى درس عالسابوره و اقولك بكره هاتى الواجب انتى كدا هتتعلمى اسرع و اللى هتتعلميه عمرك مهتنسيه لانه هيتحفر فى دماغك
امل / طب افرض غلطت
عماد / كلنا بنغلط
امل / لا بس افرض غلطت غلط كبير و دبستكوا فى بيعه خسرانه او كدا
عماد / مش هتغلطى انا اصلا مش هوقفك مع زباين الا لما اتاكد انك بقيتى بريموا خلصى اللى وراكى يلا انا هاخد لفه عالمعارض عاوز لما ارجع الاقيكى خلصتى
عماد يمشى
....................
فى اوضه رحيم
رحيم نايم عالسرير و حاطت اللاب على رجله و بيتاوب و يتمطع رحمه تدخل لابسه روب شايله صينيه عليها طبقين شعريه بلبن رحيم يتعدل فى قعدته علاطول
رحيم / لا انا هاخد عالدلع ده
رحمه / كل ده عشان الشعربه
رحيم / لا عشان القميص الاحمر اللى تحت الروب
رحمه تعدل هدومها
رحيم / انا جوزك والله عادى يعنى متتكسفيش منى
رحمه / بطل بقى
رحيم / قال يعنى انتى مش لبساه عشانى
رحمه / الشعريه هتبرد
رحيم / متولع حتى سيبك انتى تعالى هنا اما احكيلك حكايه البلبل
ادم يعيط
رحيم / حاضر يا حزومبل اتفضلى ياختى
رحيم يقوم من عالسرير
رحيم / بقالها ساعه بتحمر شعريه
رحيم يطلع بره الاوضه و رحمه مسخسخه دحك
....................
فى الصاله رحيم بيعين اللاب فى الشنطه رحمه تحضنه من ورا
رحيم / ايه لحقتى تنيميه
رحمه / التاتينه وقعت من بقه اول معدلتها نام علاطول
رحيم / اللى اخترعها استاذ بجد
رحمه / طب ايه يا استاذ مش هتحكيلى الحكايه و لا ايه
رحيم / انا بقيت بتشائم مالقميص ده
رحمه / مانا غيرته
رحيم يلف يلاقيها مقفله الروب عالاخر
رحمه / انا جوه لو عاوز تعرف لونه ايه حصلنى
رحيم يشيلها و يدخل بيها جوه
.......................
فى شقه زينب
محمد / مهر و شبكه يا سلام و ايه كمان
زينب / الله مش العده هتخلص و هنكتب من جديد يبقى نتكلم من جديد بقى انا مؤخرى كان الفين فطلقتنى بالساهل المرادى نخليه متين الف
محمد / يا شيخه
زينب / والله على عينى لولا الماذون هيضرب قد كدا كنت خلتهم اتنين مليون
محمد / يا زينب اعقلى
زينب / اشمعن انا اعقل و انت كان عقلك فين لما اتجوزت و طلقتنى على فكره انا مخلصتش شروطى اصلا
محمد / كمان اتفضلى قولى
زينب / انا عاوزه شهر عسل شهر بحاله مش مهم فين المهم يكون بره مصر
محمد / صبرنى يارب
زينب / و فى حاجه مهمه لازم تعمل حسابك عليها
محمد / قولى يا زينب
زينب / انا هبقى مراتك و لازم تعدل تلت ايام عندى و الجمعه اسبوع و اسبوع حق ربنا حتى لو على عينى و مش عيزاه بس هاخده و هتيجى جنبى و هتقوم بدورك حتى لو مش عوزاه هاخده حقى و مش هسيبه
محمد يدحك
زينب / ادحك
محمد / طب اخر شرط مقدور عليها و الشبكه ماشى يا ستى و المؤخر مش مشكله عشان الورد لكن شهر العسل كمان
زينب / الله دانا كنت بسيبك ليها بالشهور و اقعد هنا ادعيلك ربنا يقويك مكنتش اعرف انك بتشقى اوى كدا هناك
محمد / طب موافق بس الوضع دلوقت انتى عارفه اقساط المحل و المصاريف و الديون اللى عليا
زينب / براحتك من هنا لحد متوفق اوضاعك يدينى و يديك طوله العمر ادينى هنا اهو
محمد / دا اخر كلام عندك
زينب / هو بعد العيد بيتفت الكحك اه اخر كلام اخد حقى الاولى اديك حقك
محمد / ماشى
.........................
فى المكتب بعد فتره فى المعرض
عماد / ادى العقود
شاب يمضى
عماد / الف مبروك متنسوش تعزمونا عالفرح
الشاب / باذن الله يا استاذ عماد هنستلم امتى
عماد / هنحمل اهو و تلت ساعات بالكتير باذن الله و كل حاجه هتبقى عندك تمام
الشاب / الف شكر عن اذن حضرتك
الشاب ياخد عروسته و يمشى
عماد / امال كنتى خايفه و هبوظ الدنيا و بتاع
امل / متعملش كدا تانى انا كنت مرتبكه جدا انا هخلينى فى المكتب احسن مش هطلع لزباين تانى
عماد / طب خدى الكومشن بتاعتك و قوليلى ها هتطلعى للزباين تانى و لا هتفضلى فى المكتب
امل / ايه ده
عماد / خمسميه جنيه غير مرتبك طبعا لو مكنتيش نزلتيلهم كدا كانت هتزيد
امل / انا نزلت زى مانت قولت فى الرنج المسموح بيه
عماد / هما مش شاطرين فى الفصال على فكره انتى اللى جبتى مالاخر
امل / شوفت فيهم عروسه و عريس نفسهم فى اوضه نوم حلوه و معهمش تمنها فكانوا مستعدين يرضوا بحاجه اقل
عماد / ربنا يقدرك على فعل الخير بصى انا هطلع اتغدى انتى كمان اطلعى ارتاحى حبه انتى بقالك كتير واقفه
امل / لا هخلينى مفيش حد فوق لما يجوا هبقى اطلع اتغدى مره واحده
عماد / ليه هما فين
امل / معرفش خرجوا يشتروا حاجات
عماد / ماشى عن اذنك انا مش هتاخر بس عبير بترن سلام
امل / سلام
شويه كتير و حسن يدخل المكتب
امل / فى حاجه يا حسن فى حد بره
حسن / لا بس فى واحد جابلك الجواب ده
امل / جواب ايه وواحد مين
...................................
أنت تقرأ
مفيش رحمه ٢ بقلم / لولو_محمد (كامله)
Lãng mạnمشاكل بيت العيله و الماضى و السلايف و الضراير
