((((((مفيش رحمه ٢)))))))
#لولو_محمد
الحلقه ٢٠
رحيم / انت بتعمل ايه يابنى
عماد يمسك كرسى السفره يخبطه فى النيش ينزله كله فتافيت و هو بيصرخ
رحيم / بس بقى بس اهدى ورينى ايدك
عماد / انا كويس اوعى كدا ابعد عنى
رحيم / الحمد لله ان رحمه فتحت الباب و هربتها كان زمانك فى السجن دلوقت
عماد / بص حواليك هو ده مش سجن مش قبر هى عارفه ان ابنى هو ايدى اللى بتوجعنى و هتلويهالى لا انا هندمها والله لربيها
رحيم / ماشى بس تعال اغسل ايدك الاول
......................
عماد / بنت الكلاب بنت الكلاب
رحيم / تعال معايا
عماد يروح يغسل ايده جرس الباب يضرب رحيم يروح بفتح يلاقى امل معاها كوبايه عصير
امل بصوت واطى / فيها منوم من بتاعى بوقين و هينام
رحيم يهز راسه و يدخل و يقفل الباب عماد يطلع مالحمام
عماد بصوت مبحوح / مين
رحيم / خد اشرب ده و روق دمك
عماد / مليش نفس
رحيم / اشرب بس يا عماد بل ريقك شفايفك زارقه و صوتك رايح من كتر الزعيق اشرب طب و حياه حوده لتشرب
عماد يبصله و ياخد الكوبايه و يشرب شويه و يبص لاخوه اوى و الكوبايه تقع و يجى يقع رحيم يسنده و يسنده لحد الاوضه و يسيبه عالسرير و يروح يفتح الباب يلاقى امل واقفه
امل / نام
رحيم يهز راسه
امل / الدكتور كان كاتبهولى
رحيم / كويس خليه ينام شويه
امل / انا هنضف الارض لحسن حد يتعور
رحيم / بلاش انتى يا امل معلش خليكى بعيد دلوقت
امل / حاضر
امل تطلع رحيم يجى يقفل الباب يقف و يدخل تانى يبص على اخوه و يحط ايده تحت مناخيره و يتاكد انه بيتنفس و يغطيه و يطلع يوصل للباب تانى و يرجعله تانى و يخليه قاعد جنبه و الباب مفتوح شويه صغيرين و رحمه تدخل رحيم يطلعلها
رحمه / هو نام
رحيم / امل حطتله منوم فى العصير
رحمه / هو اللى عمل فى الشقه كدا
رحيم / دا كان ناوى يكمل
رحمه / الله يعينه و يصبره اكيد احساسه وحش اوى دلوقت
رحيم / ربنا ميكتبها على حد انزلى انتى نامى
رحمه / منه قالت هتخلى العيال عندها عشان يبعدوا عن التوتر انا هروق الصاله خليك جنبه
رحيم / طب حاسبى لتتعورى
رحمه / متخفش نام شويه عشان لما يصحى تكون فايقله انت كمان محدش هيقدر عليه غيرك
رحيم / ماشى لو عوزتى حاجه صحينى
رحمه / ماشى
رحمه تقفل عليهم الباب و تطلع الصاله تلاقى امل واقفه
امل / اساعدك
رحمه / انا هلم الحاجات دى فى الزباله بس
امل / هساعدك
......................
الصبح
رحمه / معقول كل ده و مخلصناش
امل / الشقه كلها مكسره
رحمه / انا لازم انزل عشان الشغل
امل / خلاص روحى و انا هكمل مسح انا
رحمه تنزل جنب اربع اكياس زباله كبار مليانين و تفتح الباب زينب تفتح الباب
زينب / ايه عامل ايه دلوقت
رحمه / كسر الشقه كلها مفيش حته ازاز واحده سليمه و لا طبق و لا صوره حتى الكراسى
زينب / و هو عامل ايه
رحمه / نايم و رحيم نايم جنبه
زينب / انا هعمل الفطار و اطلعله
رحمه / انا هلبس و اروح الشغل
زينب / انتى منمتيش من امبارح مش لازم النهرده
رحمه / ازاى بس دانا لازم اروح اول واحده عشان لو عبير جت ولا حاجه
زينب / مش هتروح
رحمه / كلمتيها
زينب / هى و امها تليفونهم مقفول
رحمه / ربنا يستر
............................
فى شقه عماد بعد شويه
عماد يصحى و يبص جنبه يلاقى رحيم نايم يقوم يقف و هو لسه مفقش اوى يفتح الباب يلاقى الشقه نضيفه و الفطار محطوط عالسفره يدخل الحمام الجرس يضرب رحيم يصحى يفتح زينب شايله صينيه عليها فطار رحيم ياخدها منها تدخل تلاقى الشقه مروقه عالاخر و الاكل محطوط عالسفره
زينب / اخوك فين
رحيم / مش عارف صحيت ملقتهوش يا عماد يا عماد
عماد يطلع مالحمام
عماد / صباح الخير هو ايه اللى حصل امبارح
زينب / حد يعمل كدا فى بيته
عماد / انا خارج رايح الكليه
زينب / رحمه هناك لو ظهرت هتكلمك ارتاح انت
امل تدخل
امل / السلام عليكم صباح الخير
عماد / صباح النور
رحيم / صباح النور
امل / انا هنزل المعرض هتعوز منى حاجه
زينب / كتر خيرك انا هقوم بالواجب
امل / عن اذنكوا
رحيم / انا هنزل اخد دوش نمت بهدومى و ريحتى كلها عرق
عماد / انا كمان زيك
زينب / طب والفطار انا تعبت فى عميله
عماد / مليش نفس والله يا ماما عن اذنك
زينب / براحتكوا انا هنزل احضر الغدى اعملوا حسابكوا انتوا الاتنين هتاكلوا عندى
رحيم / تسلم ايدك
.....................
فى المعرض
عماد يدخل
سيد / هو فى ايه يا عمده
عماد / خليك فى شغلك ماشى
سيد / كدا ماشى
عماد / انا اسف انا مش فى المود خالص
سيد / ولا يهمك هو الصاحب ليه ايه عند صاحبه يعنى
عماد / تسلم يا سيد الله يخليك هو ده العشم والله معلش كوبايه قهوه مظبوطه لحسن الصداع مجننى
سيد / حاضر
عماد يدخل المكتب يلاقى امل حاطه ايدها تحت راسها و نايمه يهزها
عماد / امل امل
امل / ايه ده انا نمت
عماد / لو تعبانه اطلعى ريحى
امل / لا لا انا هخلينى هنا هعملى نسكافيه و هفوق على طول
عماد / لا بجد اطلعى
امل / انت كويس دلوقت عامل ايه
عماد / كويس
عماد يمسك التليفون و يتصل برحمه
عماد / ايوه ايه مفيش اخبار ........... لا براحتها بقى مهى اكيد هتيجى الكليه هتروح فين يعنى هتقدم استقالتها يعنى و ماله فى طرق تانيه .... مانا هادى هو انا بشد فى شعرى .....ماشى يا توته روحى شوفى شغلك
امل / انت متعور
عماد / خربوش صغير متاخديش فى بالك
امل/ هو انت هتعمل معاها ايه لما تلاقيها
عماد / امبارح كان ممكن اعمل كتير النهرده هاخد اللى يخصنى و تروح فى ستين داهيه بعيد عنى
امل / طب على الاقل اسمعها
عماد / انتى اللى بتقولى كدا
امل / اه انا ليه لا يعنى عادى
عماد / مفيش
امل / على فكره يا عماد يمكن لو كنت عرفت من اى حد تانى مكنش هيهمنى بس انا عمرى مهسامح نفسى انى اكون السبب فى اللى انت فيه
عماد / ههههههههههههههههههههه ليه هو انتى كنتى مسلطه عليها طارق يشاغلها يعنى و لا كنتى سرقتى تليفونها و اتكلمتى منه و بعدين مانتى فعلا السبب انتى مش كنتى بتدعى عليا فى كل سجده متهناش على غالى اهو الغالى اللى حلتى مش لاقيه
امل / انا كنت بكدب
عماد / يا شيخه
امل / انا عمرى مدعيت عليك مكنتش بعرف
عماد / طب و انا اللى كنت هعتزرلك عشان تسامحينى و ارتاح دلوقت المفروض ادور على مين غيرك ظلمته و بيدعى عليه و واضح انهم كتير
امل / انت كويس يا عماد
عماد / هطق عارفه جوايا بركان
امل / ليه
عماد يبصلها سيد يدخل معاه القهوه امل تاخدها
امل / والله كلك زوق يا سيد بس انا بحبها زياده
عماد / انتى طلبتى قهوه
امل / ايه ده هى كانت بتاعتك
سيد / و لا تزعلوا نفسكوا اتنين غيرها حالا
امل تتكسف و تقعد
عماد / اشربيها انتى محتاجاها اكتر منى انا نمت مش فاكر ازاى
امل / ههههههههههههه
عماد / احكى
امل / حطيتلك نص حبايه منوم من بتاعى فى العصير
عماد / العصير ماشى شكرا كنت محتاجها فعلا
امل / العفو افتكر الجمايل
عماد / انا طول اليوم امبارح بسال نفسى سؤال انا غلطت معاها فى ايه قصرت فى ايه
امل / انت عاوز تقنعنى انك ملكش صديقات خالص واحده بترتاح فى الكلام معاها واحده بتشكيلها همك
عماد يسكت
امل / يمكن كانوا زمايل او يعنى زى زمايل ليه افترضت السئ
عماد / بس يابت
امل / بت تبتك فى ايه اسمعنى ليه واخد الموضوع على اعصابك كدا هى يعنى عملت ايه عاوز تفهمنى ان عماد الصياد تاب فجاه لما شاف بنت جدعه عاوز تفهمنى انك من يوم معرفتها مبصتش لغيرها
عماد / لا محصلش مبصتش معدتش حدودى مع غيرها
امل / و ايه هى حدودك يا عماد كلام و دحك و بس مدام جوه الشغل خلاص مش كدا
عماد / انتى عاوزه توصلى لايه
امل / كلنا بنغلط متعملش فيها زى مالناس عملوا فيا على الاقل عشان خاطر ابنك
عماد / انتى هبله و لا انتى لسه مفوقتيش و لا ايه حكايتك
امل / لا اسمعنى اوعى تكون فاكر انا معرفش والدتك بتقول عنى ايه لا انا عارفه كويس و غيرها و غيرها انا البت اللى انت كنت معلقها و هربت من بيت اهلها و اتجوزت من وراهم انا اللى الكل بيعاملنى على انى جربه و اولهم عبير
عماد / و مع كدا بتدافعى عنها
امل / اه عشان معيش بذنبها عشان احس انى عملت اللى عليا و خلاص انا مش زيها اسمعها و حاول على الاقل عشان خاطر ابنك حاول تسامح هى مش هتعمل كدا تانى
عماد / انتى لما هربتى هربتى و اتجوزتى معملتيش جريمه لكن هى استغفلتنى كانت بتكلم واحد غيرى فاوقات متاخره دى عدت علاقه الزماله يا عالم كانوا بيقولوا ايه لبعض يا عالم كانت بتعمل ايه معاه لما بتروحله دى كانت بتروحله على الاقل مره كل اسبوع كانت بتاخد ابنى و تروحله شوفتى احقر من كدا ست
امل / ميمكن كانت
عماد / ميمكنش و اسكتى انا حاطت جوايا و ساكت ياريتها كانت طلبت الطلاق ياريتها كانت نهت العلاقه و خرجت بكرامتها والله كنت هديها كل حقوقها و حافظت على شكلها قدامى و قدام ابنها
امل / طب هتعمل ايه
عماد / معدش يهمنى غير ابنى دلوقت هى معدتش فى حساباتى
.........................
فى الكليه
رحمه / سلمى انتى قدمتى لعبير اعتيادى
سلمى / اه اتصلت بيا امبارح و قالت عندها ظروف هو فى ايه
رحمه / مفيش انا بس طب كلمتيها
سلمى / كلمتها النهرده تليفونها مقفول طول اليوم
رحمه / يعنى هى هتغيب قد ايه
سلمى / معرفش بقى هى قالت اقدملها و انا قدمتلها
........................
فى المعرض
تليفون عماد يرن برساله
عماد يطلع التليفون و يقراها
امل / خير
عماد / عبير عاوزه تشوفنى انا هروحلها
امل تروح تقف قدام الباب
امل / استنى هنادى رحيم
عماد / فى ايه يا امل هو انا عيل صغير وسعى
امل / اوعدنى انك مش هتعمل حاجه غلط اقولك اجى معاك و اقف بعيد
عماد / وسعى يا امل
امل / طب عشان خاطرى لا عشان خاطر محمود
عماد / متخافيش وسعى
امل توسع و عماد يمشى
.....................
فى كافيه
عبير قاعده عماد يدخل يقعد
عماد / محمود فين
عبير/ تشرب ايه
عماد / انجزى ابنى فين
عبير / مع ماما
عماد / انا حقيقى ماسك نفسى بالعافيه فارجوكى خلصى و خلينى امشى بدل مفقد السيطره
عبير / انا معملتش حاجه غلط
عماد / معدش فى بينا غير ابنى هاتيه و حلال عليكى اللى خدتيه الفلوس و الدهب اللى واضح انها اهم عندك من انك تشرحيلى
عبير / انا مكنتش ناويه ارجع
عماد / ايه كنتى هتفضلى هربانه باقى عمرك
عبير / انت بتكلمنى كدا ليه انا مظلومه
عماد / ماش كلمتيه و لا لا
عبير / والله طارق ده شخص محترم و مكنش فى بينه و بينى اى حاجه كان عنده مشاكل بيحكيهالى و انا بحكيله مشاكلى والله كانت اخوه مش اكتر
عماد / مين اداكى الحق تحكى مشاكلنا لواحد غريب مين رباكى على كدا
عبير / غلطت و كنت خلاص قطعت معاه والله انت بتعاقبنى بعد مبطلت
عماد / مصارحتنيش بالحقيقه ليه مقولتليش انا زهقانه و محتاجه اتكلم معاك ليه عمرك طلبتى حاجه و انا رفضت
عبير / يا عماد متبقاش قاسى انا والله مخنتك
عماد / صح صح بقولك ايه انا بجد الحوار ده ممنوش فايده فين ابنى
عبير / ده ابنى يا عماد انا كمان و هو محتاجلى
عماد / هههههههههه اه طبعا محتاجك محتاج فعلا
عبير / اسمع يا عماد انا غلطت و بعتزر
عماد / و انا مش قابل اعتزارك
عبير / يبقى شيل ده مندا
عماد / منغير متقولى بس هاتى ابنى فى الاول
عبير / دا ابنى يا عماد و مش هسمحلك تاخده منى و تديه لغيرى يربيه
عماد / انا ممكن اعملك فضيحه مشوفتيش زيها و ممكن اوريكى الوش التانى اللى بجد هيعرفك ان الله حق
عبير / هتفضحنى دا على اساس ايه يعنى مكالمه تليفون انت عارف كنا بنقول ايه هتقولنى قولنى افضحنى قول عليا بالكدب و شيل ذنبى و ذنب ابنك اسمع يا عماد انا جيتلك دوغرى محمود ابنى عاوز تشوفه انت عارف عنوانى
عماد / انتى جايه ليه عاوزانى اطلقك انسى و بكره هرفع قضيه بيت الطاعه و مش على عنوانى لا دانا هجهزلك مكان تمام يليق بيكى و هخلى الحكومه هى اللى تجيبك ليا لحد عندى و استخبى بقى يا عبير
عبير / و المطلوب
عماد/ قولتلك هاتى الواد و حلال عليكى اللى اخدتيه
عبير / و هتسمحلى اشوفه
عماد / حقك الواد هيكون مع امى شوفيه وقت متحبى و اوعدك انى مش هقوله اى حاجه وحشه عنك لانى مش زيك
عبير / و انا اضمن منين انك هتعمل كدا فعلا
عماد / مفيش ضمانات بكره اخرك بكره تجيبى الواد هرمى عليكى اليمين و اسلمك ورقتك مجتيش هروح للمحامى اختارى عن اذنك
............................
تانى يوم فى البيت
زينب / لولولولولولولولولولولولولى
عماد / نورت بيتك يا حوده
رحيم / انا مكنتش متخيل انها هتخلص بالبساطه دى
عماد / الحمد لله غارت فى داهيه
زينب / ولا يهمك يا حبيبى بكره اجوزك ست ستها
عماد / انا هاخد محمود و نطلع كام يوم نغير جو رحيم عاوز ارجع ملاقيش شقتى
رحيم / هعملها دليت يعنى و لا ايه
عماد / ريستارت يا اهبل فورها و لا اقولك لا سبها فيها ذكريات حوده برده سبها سبها
رحيم / اللى يعجبك
....................
فى الكليه
رحمه / انتى ازاى تعملى كدا انتى اكيد بتهرجى
عبير / انتى كمان يا رحمه انا عملت ايه
رحمه / يا عبير انتى غلطانه ازاى تعملى حاجه زى دى انتى اصلك مشوفتيش عماد دا كان هيتجنن كسر الشقه كلها و مكناش عارفين نسيطر عليه الحمد لله انى فتحتلك
عبير / و هو لما كان بيحب فى ست منه قدامى عادى و ينام يقوم يحلم بيها و هو لما كان مش طايقلى كلمه و طول الوقت بيقارنى بمنه و دلوقت لما منه اتكتب كتابها قلب على امل اللى يوم مدته اسفين اديكى شوفتى
رحمه / هى يعنى امل جابت المكالمات من عندها
عبير / ياريتنى مفتحتلها بيتى ياريتنى مدخلتها اللى زى دى عقربه خليه سرطانيه و حياتك يا رحمه بكره تشوفى هتدحلب لحد متجيبه عالارض دى قادره
رحمه / طب بصى انا هحاول معاه يمكن يبقى فى صلح
عبير / لا خلاص هو اللى خسر انا اللى يبعنى ابيعه و كفايه اوى لحد كدا هو اصلا عمره محبنى اوعى تكونى فكراه عمل كل ده عشان بيحبنى لا عشان كرامته كراجل
رحمه / انا هقوم عشان رحيم واقف هناك بصى يا عبير احنا فى الاول و الاخر زمايل فى شغل واحد
عبير / بصى يا رحمه انتى و رحيم بره الليله و عارفه ان رحيم مش طايقنى باين فى عنيه روحيله عشان موقعكيش فى مشكله
رحمه / سلام
رحمه تروح لرحيم
رحيم / كلامى كان واضح لا كلام و لا سلام
رحمه / ارحموا عزيز قوم زل
رحيم / ربنا يتوب علينا مالاشكال دى يلا نروح
رحمه / يلا
............................
فى المعرض تانى يوم
محمود قاعد بيلعب بالموبايل بتاع عماد و امل بتشتغل فى دفاتر و عماد قاعد عالكنبه و حاطت ايده على خده و بيتفرج عالتليفزيون
امل / عماد عماد يا عماد
عماد يبصلها
امل / اللى واخد عقلك
عماد / معلش سرحت فى التليفزيون
امل / فى النشره ماشى بقولك تعال بص كدا انا خلصت شوف انا عملت صح و لا غلط
عماد يقوم يقعد عالمكتب امل تناوله الدفتر يمسك الاله الحاسبه و يجرب
امل / مالك بقى
عماد / مليش
امل/ عليا ماشى متقولش
عماد / مظبوط خدى
امل / وحشاك
عماد / هى مين عبير لا ابدا
امل / امال مالك
عماد يبص على محمود
امل / ماله
عماد / سالنى عليها امبارح قولتله مسافره و هتيجى الخميس مش عارف هفضل اكدب عليه لحد امتى
..............................
