كرونيك المصير المحتوم باللهجة الجزائرية

البارت الاول "زيارة قاتل"

فوت قبل مانبداو🥀

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت الاول 🥂🥀🥂🥀🥂🥀🥂🥀🥂🥀

صح ...الدنيا  ظالمة ... بصح ظلمها عادل ... كل واحد و قسمتو و نصيبو  ... كاين لي فرحو كتر من شقاه... و كاين لي همو كتر من فرحو ... لانو ربي كاتبلنا لي نقدرو  نتحملوه و لي عندنا طاقة نصبرو فيه ... و متأكدة بلي ربي راح يجازي كل واحد فينا على صبرو ... تبقى الدنيا فانية... و لي نعيشوه فيها اختبار لينا ... كهاجر... لي عشتو و شفتو  24 سنة ماشي قليل ... و الحمد الله مزالني واثقة بربي ... وسط كل البلاوي لي عشتهم ...و على حافة انهياري... ديما نفكر روحي انو ربي كي يحب عبد يبتليه ... و انو ورا كل شر خير ...
الشي لي صرا قبل عام هدني ...و قتل فيا الرغبة باش نعيش ... قتل كل الأحاسيس الحلوة لي كانو فيا ... بدلني لشخص وحدوخر... من كل الابتسامات بقات غير لي نجامل بيها ... و نحاول نبين بيها اني مليحة...هههه تعرفو  اصعب حاجة فهده الحياة وشنو هي ؟! ...هي انك تشوف روحك فالمرايا و ماتعرفهاش... انو مواقف تافهة يخلوك تتوحش روحك لي كانت فالماضي.... و هذا حالي ... جسد و برك ... ياكل يشرب يمارس حياتو و خلاص ....حتى الرقاد و عاديتو ... نخاف نغفى شوي و نوض... نلقى فرد من عايلتي ناقص ... تنهدت بغصة... نعرف روحي مقيوسة من لي صرا... و مزال ماتخطيتو... و بالاك خصني بسيكولوغ ... بصح  من وين لوين ... بابا مقعد ملازم الدار ... و خويا التاني صغير .... و انا و ماما بسيف لاحقين على مصروفات البيت ... حتى دراهم الجمعية لي اعطاوهملي اليوم ياربي نخلص بيهم الغاز ... اههه ربي يرحمك ياجابر  ... ويوسع قبرك ياخويا ... وقت كنت حي ... كنت هاز كامل مسؤولية البيت ... ولا مرة اشتكيت ولا ... مسحت دمعتي لي طاحت ... الشي لي قاهرني و حارق قلبي للآن ...انو ما_ت مق_تول ... مايهمنيش اذا حادت أو لا ... لي يهمني انو لي زدم فيه ماتحاسبش ... و خويا ماخداش حقو ...هدا كامل لانو حراق...و تقت_ل في بلاد غير بلادو و ببساطة فقد كامل حقوقو فيها ... ههه حتى حقوقو الإنسانية... مانعرفش اذا نحقد على بلادي ولا على بلاد الناس ....أو وش راح يفيد حقدي ... هزيت براسي ننفض فهدو الأفكار لي عمرهم فارقو بالي ... و رسمت ابتسامة على وجهي ... غير درت باش ندخل للدار لقيت طونوبيل غالقة عليا الطريق... المشكل أنها طونوبيل غالية ...عمري حلمت نجوز عليها  ما ادراك أنها متوقفة قدام دارنا ...دارنا حنا ... الفوضاوي!! ...

حصريا على كرونيكات آوُبّـــــــآلَ 🍷⚜️
ممنوع النقل منعا باتا ❌❌
بقلمي #تيبانة / Mirouchine Imene

البارت الثاني🥀🥂🥀🥂🥀🥂🥀🥂🥀🥂

تجاوزتها باش ندخل حتى قابلني واحد خارج من دارنا ...ريحتو سابقاتو بزوج ميترات... كان طويل و رقيق شويا و سمر ... ملامحو حادة ...قطعت تاملي فيه وقت سمعت عياط والديا ... خبطت فيه و دخلت للدار ... غير دخلت قابلتني يما مهبطة رأسها و حاطة يديها الاتنين عليه ... و كأنو مصيبة طاحت عليها ...اما بابا غير شافني سكت ...دق ناقوس الخطر عندي ... و قلبي هاجو نبضات ...حليت فمي و بسيف لاخرج الكلام منو ...
هاجر : مح...محمد وينو ...
طلعت ماما رأسها بادراك لوجودي....اما بابا فدور الكرسي و خرج من البيت ...بلعت ريقي و انا نستنى ف الاجابة ...حتى نطقت ماما بتعب : راهو في بيتو راقد ...غمضت عينيا بارتياح و همست
هاجر : الحمد الله ...سكت شويا و انا ندرس فملامح ماما و بنفس الوقت مخي يصورلي سيناريوهات لواش صرا...فجاة ... ضربت في رأسي صورة السيد لي خرج منا ...قربت من ماما و سألت: شكون السيد لي خرج منا ؟! باين من حالتو بلي ماشي من والة... و حنا مانعرفوش ناس هكا...ابار اذا كاين ماشي مصيبة ...وش يستحق !؟؟؟...
شافت فيا ماما و عينيها بدموع ... حلت فمها شحال من مرة و رجعت غلقاتو ... كأنها مستصعبة الشي لي راح تهدرو... ثواني و نطقت ....
الأم: هداك...هداك لي ...لي
عقدت حواجبي باستغراب...حطيت يدي على كتفها و نطقت : لي واش ؟؟ ماما كملي ...
هبطت عينيها و نطقت برجفة: لي دحس جابر ...

❤❤❤❤❤❤❤❤❤❤❤
أرائكم انتقاداتكم تيبانات 😩🤌🏻