كرونيك المصير المحتوم باللهجة الجزائرية

الفصل السابع "بيت العائلة"

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 56 🥀🥂🥀🥂🥀🥂🥀🥂🥀🥂

جام قبل ما نبداو تيباناتي
تعرفو وش معناها القوة ... انك تتقبل ذاتك و متصالح مع اي شيئ يخصها ...سواء ماضيها او اخطائها .. القوة انك في كل مرة تفقد نفسك فيها تعاود تلقاها ... القوة انو رغم كل شي جاز عليك و مزال يجوز الا انو ماخليتوش يق_تل ايمانك بالحياة عموما ... ماخليتوش يسرق الطفل لي داخلك ... و لا حتى يمحي ابتسامتك الشغوفة ... من لما كنت صغيرة كنت ديما نهرب من مشاكلي لجابر ... اما وقت راح ... بقيت ندور فنفس النقطة ... يمكن خفت نواجه روحي بالحقيقة ... خفت انو المواجهة تنسيني فيه ... بعدما فقدت كل ذكرياتي معاه ... لكن بعد حرب طاحنة خضتها ضد نفسي و ضد العالم اقتنعت و اخيرا اني لازم نرضى بلي صرا و نخلي الحياة تكمل وين حبست ... نعرف بلي استغرقت وقت طويل حتى اقتنعت بصح فالاخير اقتنعت ... فضفضتي مع شخص يمكن قاسمني نفس الالم كيما نجوى فادني بزاف و فتحلي عينيا على بزاف اشياء تغاضيت النظر عليهم ... و خلاني نتساءل ...لو كان جابر عايش كان راح يكون فرحان بيا؟! ... ابدا بالعكس ... جبدت اكبر كمية ممكنة من الهواء ... حاسة براحة ماشي طبيعية غزات داخلي ... يمكن استسلام او استقرار ... روحي استكانت لهدا القرار لي خديتو ... غمضت عينيا باستمتاع وقت داعبت النسمة الباردة اطرافي و تبسمت بهدوء ... حسيت بنقرة على كتافي ... حافظت على ملامحي و درت .. وساعت تبسيمتي لما شفتو و قلت : اتخدت قرار
ضيق نوفل عينيه فيا و تمتم : الله يسطر نتي قرارتك كامل رايحين فيها الوغ لا فليل و زيد تضحكي ...
تنهدت بارتياح ماشي عاطية لكلامو اهمية و كملت نهدر : راح نكمل نعيش حياتي وين حبست صح راح تجيني صعيبة شويا اما مرتاحة لهذا القرار ... التفتت ليه و كملت نحكي بحماس : و زييد...
نطق بترقب : ايه زيد ...
هزيت راسي نحكي : راح نمد لعلاقتنا فرصة قصدي راح نمدلك فرصة ...
حل عينيه على وسعهم و قرب حط يدو على جبهتي : ماتكونش عندك حمى !!
ضربتلو يدو و قلت : ماتتجاوزش حدودك ...
عوج فمو و ميل راسو يحك في لحيتو : مالا كيفاش تمدي لعلاقتنا فرصة بدعاوي الخير واقيل !!
شفت فيه ثواني نحاول نستوعب وش راو يحكي ...ثواني وشهقت بادراك ... ضربتو بدبزة لصدرو : تعرف والله ماتحشم ...ب بغل ... هدا وش فهمت ... كان قصدي انو نحيك من قائمة المكروهين زفرت بقلق و كملت : انا غالطة اصلا نحكي معاك ...
خبطتو بكتفي و طلعت نزرب فخطواتي ... عدلت ملابسي و دخلت داخل لفراش ...

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 57 🥀🥂🥀🥂🥀🥂🥀🥂🥀🥂

جام قبل ما نبداو تيباناتي
جازت ربع ساعة و مزال ماجاش هنا ... تقعدت بزربة وقت خطرتلي فكرة انو يروح يبات عند نجوى ... تباطئت دقات قلبي ... استغفرت ... و مسحت على وجهي حتى سمعت صوت باب الجناح يتفتح .. تبسمت بجنب و رجعت لوضعيتي عاطياتو بظهري
فتح باب الغرفة و قعد بجنبي ... ثواني و حسيت بانفاسو فرقبتي ... درت بقوة حتى خبطتو بدماغ .. رجع للور شاد نيفو بالم و يسب بهمس ... تيريت عليه مخدة و حكيت : شد بلاصتك لهيه بغل هنا ...اصلا علاش جاي للبيت ياك كاين جناح بطول و عرض ...
جاي تزاحمني هنا ...
دار ليا يحكي بالم : مهبولة نتي ... والله شكون لي كانت تحكي على تصليح العلاقة و كدا ... زدت تيريت عليه المخدة التانية : زمر فهمتك بلي نحيتك من قائمة المكروهين برك .. ماتتحلش ..
هز راسو بياس : اقسم بالله غير مهبولة و عندها قائمة مكروهين يرحم باباك شكون سامع بجدك اصلا نتي ...شديت ضحكتي بسيف على شكلو و قلت : حقا خلاصلي دوا تاع رقاد ..
هز يدو و صاح : علابيها هده الافراط فالحركة ...
هزيت كتافي : هيه باش دير في حسابك تشريلي باطة جديدة يا راجلي العزيز ...
شاف فيا كانو حيقتلني ... و هدر: لوكان مابيناتناش القدر نوريلك راجلك العزيز كيفاش داير ...ها و ديري في علمك مكاش دوا هي باطة وحدة برك ...
بلعت ريقي بحشمة تاع صح بغل على اساس كي حكا هكا ماطارش القدر
نوفل : خير نوالتي حشمتي ؟!
تمتمت : بغل اخرج خليني نرقد ...
خرج و غلق الباب ...

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 58🥀🥂🥀🥂🥀🥂🥀🥂🥀🥂

جام قبل ما نبداو تيباناتي
تبسمت و تكيت ثواني عاود تفتح لميت ضحكتي بسرعة ...طل براسو برك و قال : متاكدة ماشي حابة   راجلك العزيز يبات معاك؟!...
غميت روحي بالمخدة و ضربت الفراش برجليا ..
هدر بلامبالاة : انتي حرة ... عاود غلق الباب... نحيت المخدة  عاود حلو ...
حليت عينيا على وسعهم و صحت : خييير ...
هز كتافو : كاني شفتك تضحكي قبل قليل ...
صحت بعدم تصديق : غاالط كنت نبكي على زهري المسود ...
غلق الباب مرة تانية ... تنهدت نشوف فالباب و انا متأكدة بلي راح يعاود يحلو ...و كيما توقعت عاود حلو ..و غير حلو ضحكت بخفة : ههههه وشبيك نوفل تقول ولد صغير تبسم و حكا بمرح : حاب نعرف مرتبتي غي قائمة المكروهين
ضحكت للمرة الثانية و اصطنعت التفكير : هههههه اممممم فالحقيقة كنت لول ...
قلب عينيه : مهوسة بيا صح ...
هزيت كتافي و رميت روحي متكية غلق الباب و عازد حلو للمرة رابعة .. قلت و انا مغمضة عينيا : حاب تعرف شكون هما ...
هدر بهدوء : لا تصبحي بخير نوالتي ... فتحت عينيا و تبسمت : و انت بخير يا بغل ... هز راسو و خرج ... استنيت دقائق يفتح لباب لما مافتحوش استسلمت لنعاسي