حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
بارت خاص الجزء الخامس🥀🥂🥀🥂🥀🥂🥀🥂🥀🥂
جام قبل مانبداو تيبانات❤و قراءة ممتعة🌹
♡ صلى الله على سيدنا محمد و سلم ♡
ماال نوفل عليا و همسلي: عندو الحق نتي هرموناتك ماشي كلبة وحدة كلبات و يتكالبو على راسي... ضربتو بمرفقي لكرشو... تبسم بتكلف و قال: نروح نوض الطونوبيل نلقاك واجدة... شفت في روحي كنت لابسة عبايا فالبني مع خمار باج... و طالون بنفس اللون... هزيت راسي و قلت: اصلا راني واجدة... و راني حابة نروحو لدارنا و نكموندو ماكلة وش رايك... همهم بتفكير و رد: هايا اوكي ناخدو راحتنا خير...
خرجنا من الدار و توجهنا لدارنا... مسافة طريق و لحقنا... دخل هو يدير دوش تمتم و خرج... دخلت موراه ... سمعت الباب كي صونا... مسحت بخار المرايا... شفت في انعكاسي و تبسمت... بدلت حوايجي بخفة... خرجت ليكوڨغافي من لاكوموند و خبيتيهم في جيبي و توجهت ليه... كان يحط فالاكل.. خرجت مني ضحكة خفيفة... رمى عليا نظرة خاطفة... كمل حط وش كاين في يدو و جا ليا معنقني من لور... باسني في رقبتي و قال: علاش ضحكتي... احتضنت كفوفو لي فوق بطني و تبسمت نحكي: تفكرت برك.. تشفى نهار اول يوم في فرنسا... كي خرجت بروب الحمام لقيتك تحط فالاكل و تستف فالخضرا بعدها تيريت عليك تيليكوموند و ماقستكش و اومبعد نتا رحت زدت للشوفاج... سبحان الله شحال كنت نكرهك و دوك العكس... سند ذقنو على كتفي و قال: عكسي... انا من اول مرة شفتك عرفت بلي راح تقلبيلي حياتي كامل... زيرت على يدو و قلت: تعرف وش يخصنا... جفل من كلامي بعدها رد: سمحيلي... سمحيلي كي حرمتك من شعور الامومة... زيرت على كفوفو فوق كرشي كثر و لفيت وجهي ليه: مكتوب ربي... تشفى لما قتلي انو انت لما حبيتني حبيتني كلي بعيوبي و نواقصي و انو بطريقة ما نواقصي تكملك حتى لو وجعاتك؟! ... لف ليا هو الاخر حتى احتك راس انفو مع انفي و همهم... شفت في عينيه و كملت: حتى انا يا نوفل لما حبيتك حبيتك في كل احوالك... يكفي انو تكون بجنبي... لانو وقتها نحس بقيمة الحياة... وش قيمة الامومة و انا مش حاسة بالحياة... وش فايدتها اذا ماشي منك انت... كلشي يصماطلي في بعدك... وقت طلقتني نسيت كيفاش نعيش.. حبك علمني نرضى بلي كتبهولي ربي و علمني نصبر لانو بعد العسر يسر... حبك هو لي اعطاني الايمان بالحياة مرة اخرى... نتا نصفي لي بيه نحس روحي كاملة...لانو انا وياك نكملو بعضانا... غمض عينيه و سند جبينو على جبيني... و همس: نوالتي ببساطة نفنى فيك و علجالك... غمضت عينيا انا الاخرى و كملت: نوفل احنا نجحنا باختبار الصبر و رضينا بقدرنا على بيها ربي رزقنا بثمرة تكاملنا... ترخفو يديه لي على كرشي... و رفد راسو عليا... دورت روحي بمواجهتو لقيتو يشوف فيا بعدم تصديق... حطيت يدي على بطني سواسوا و قلت: نوفل... ا.. انا حامل... غير كملت كلامي عنقني بكل قوتو... بادلتو العناق.. حسيت ببلل فيي حوايجي... زدت دفنت روحي في حضنو كثر نبكي... مسحلي على شعري و قال: يع... يعني انا راح نولي اب... هزيت راسي بالايجاب... عاود رد: يعني ولد مني في احشائك؟!.. جبدت روحي منو و حاوطت وجهي بكفوفو و قلت: ايه.. شاف فيا بحيرة و رد: بصح... بصح انا مانحيبش دراري... تبسمت و قلت: ربي حنين على عبادو... و قادر على كلش سيدنا زكريا عليه السلام كان شيخ كبير و مرتو كانت عاقر اما رغم هدا الشي مافقدش ايمانو و ثقتو بربي و دعاه يرزقو بطفل و ربي استجاب لدعوتو و رزقو بيحيى عليه السلام... ربي يقول له كن فيكون... كيما خلقنا انا و نتا خلق وليدنا... ربي استجاب لدعاءك يا نوفل... خدا نفس و قال: و نعم بالله الحمد الله الحمد الله... شاف فيا و قال: نق. در نمسو... غير هزيتلو يدو و حطيتها فوق كرشي قرقرت... طبقت شفة عاى شفة و ضحكت: الظاهر ولدك جيعان... شدني من يدي و رد: لا نوالتي لي جيعانة ماتبدايش تحصلي فيه من دوك... قعدني على الكرسي و قعد بجنبي...رن تيليفونو... شاف فيه و كوبا... عقدت حواجبي و قلت: شكون...
نوفل: خالتي... بلعت اللقمة لي في فمي و رديت: علاش تعيط.. نوفل: عرضتني لعرس ليتيسيا و تعيط باش تشوف اذا نروحو ولا لالا... نطقت: و نروحو؟! .. هز راسو بالنفي: لالا... ميلت فمي و قلت: علاش؟! ... عقد حواجبو باستغراب و رد: نسيتي وش دارت بعد موت جدي... تتنهدت و قلت: هيه علبالي بدلت وصيتو و كتبت فيها انو لازم تتزوج مع ليتيسيا... زم فمو بعدم رضا و قال: هدا كامل علجال الورث راني خليتهولهم و جيت... حطيت يدي على يدو و جاوبت: صح لي داروه فيك و فيا ماشي قليل بصح هما عايلتك للاسف الواحد مايقدرش يختار عايلتو اما حرام تقكع صلة الرحم... و دوك خلاص ليتيسيا راح تتزوج خلينا نروحو و منها نطلو على ماماك نفرحوها وش رايك... طلع يدي باسها و رد: ربي يكملك بعقلك نوالتي... دورت يدو و انحنيت طابعة قبلة عليها و قلت: و يخليك ليا يا عوضي
الخاتمة✨🥀
#تمت_بحمد_الله✨
أنت تقرأ
كرونيك المصير المحتوم باللهجة الجزائرية
Storie d'amoreعندما يجمعها مصيرها المحتوم مع قاتل اخيها في عقد قرانهما... فهل ستتخد الانتقام سبيلا لها ام سيكون للحب فرصة في حياتهما
