حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت الحادي عشر 🥀🥂🥀🥂🥀🥂🥀🥂🥀🥂
قاطع تفكيري دخول ماما عليا غير شافتني قاعدة نطقت : جيت حتى نتفقدك... راكي مليحة ...
اكتفيت بانو نهز رأسي ...قربت تمسح عليه و تحكي في نفس الوقت: شحال خفت عليك ...
غمضت عيني نتحكم فاعصابي ...ثواني و طلعت رأسي و قتلها : اقعدي ماما عندي مانحكي معاك ...
قعدت جنبي و نطقت برجفة : نعرف روحي قسيت عليك ... بصح كي نخمم بلي قادرة نخسر محمد نم_وت الف مرة ... و نتي اكتر وحدة تعرف ظروفنا ...سكتت شويا و كملت : هاجر مراحش نجبرك تتزوجيه... اذا ماحبيتيش ...
قاطعتها وقت حطيت يدي على يدها و رديت: حابة ...شافت فيا بدهشة ... تنهدت و استرسلت حديثي : حتى انا مرانيش حابة فرد تاني من عيليتنا ينقص ... سكتت نحاول نبلع غصتي ثواني مستصعبة باقي الكلام و قلت : مرعوبة من اني نفقد واحد بيكم ... ولا واحد فيكم يتاذى ... راح نسافر و راح نتزوج ... و راح نلقى خدمة و نخدم و مراح نستحقو حتى واحد ... حتى انك مراحش تضطري تخدمي ولا تسكتي على حقوقك و الظلم لي تتعرضيلو فخدمتك نوعدك ... تبسمت بجنب و ضفت: سامحيني على موقبيل... تعرفيني وقت نتقلق ما نجيبش خبر لهدرتي... احتضنت خدودي بكفوفها و قالت و هي متبسمة: و كي ما نساعفش انا بنتي و نرفد هبالها شكون يستحملها... هكا الولاد تخلقتو باش تغلطو و حنا نسامحو و نعلموكم... طبعت قبلة على جبينها و انحنيت باش نبوسلها يديها لكن الاثر الجلدي لي على يدها خلاني نتجمد على نفش حركتي
أنت تقرأ
كرونيك المصير المحتوم باللهجة الجزائرية
Romanceعندما يجمعها مصيرها المحتوم مع قاتل اخيها في عقد قرانهما... فهل ستتخد الانتقام سبيلا لها ام سيكون للحب فرصة في حياتهما
