كرونيك المصير المحتوم باللهجة الجزائرية

الفصل السادسة "الفضيحة"

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 38  🥀🥂🥀🥂🥀🥂🥀🥂🥀🥂

نضت صباح على صوت نلفون يفيبري ... رميت يدي بلا مانشوف ... و تلمستو... قعدت بزربة ... منين جاني تلفون ... رفدتو و شعلتو .. لقيت ميساج وصلني من زوجي قرة عيني .. عضيت على خدي من الداخل ... و طلعت حاجب واحد نحكي : زوجي قرة عيني ... دوك نشوفو ... دخلت للبارامتر و بدلت اسمو للبغل البارد  ... و انا هكاك حتى صونا التلفون و ظهرلي اسمو قفزت من الخلعة و رفدت نهدر : الو ...جاني صوتو : عندك عشر دقايق تهبطي سينو تاع صح روحي وحدك ... مافهمتش ياك خليتلك ميساج واقيل حسبتلك حمار عندك مخليتني نسنى ...
شديت ضحكتي و رديت : لا حاشا بغل ماشي حمار ... قطع الخط في وجهي ... قهقهت بفرحة الظاهر راح نستمتع بمناقرتو ... دخلت للميساج نقرا فيه
"هاو تلفون لي طيحتيه فالما باش تتعلمي قيمة الدورو ... و على ساعة هكاك نعيطلك اهبطي "
عوجت فمي و بديت نعكي عليه ... خي عقون .. لوكان ماشي مظطرة ندخلهولك في فمك ... تنهدت و بعتلو "نكرهك و نكره اني مظطرة نقبلو و نكره احتياجي ليك " بعتها و نضت وجدت روحي بخفة ...
هبطت لقيتو يهدر مع المرا لي شفتها البارح ...لازم نتأكد من شكوكي و نعرف علاقتو بيها  ... ماهو مش طبيعي نلقاه مخبي صورتها  ... و فوقها نلقاها عايشة معانا فالبناية ... مع بيبي تان... تخبيت بسرعة وقت شاف للبناية ... سمعت وقع خطواتها ... زدت تخبيت ورا الباب ... ملازم يحس بوالو من جيهتي اذا كنت ناوية ننتقم منو ... خليت ختى تغلقت لاسونسور و خرجت نمشي بتأني...قفزت وقت سمعتو يصيح ... نوفل  : لااا غير زيدي تزعبلي على جدي ...
هزيت كتافي و قلت ببراءة : وش نعملك المصعد كان شغال اظطريت نهبط فالدروج ...
هز راسو بعدم رضا و ركب ... ابتسمت بجنب و لحقتو

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 39 🥀🥂🥀🥂🥀🥂🥀🥂🥀🥂

الجو كان هادئ فالطونوبيل ... ولا واحد فينا تجرئ يقطعو ... مجرد ما توقفت السيارة امام المستشفى ترجلت منها ... حسيت بخطواتو لاحقيني ... وصلنا قدام مكتب الطبيب المستكلف بحالتو ..
نوفل : تحبي ندخل معاك ...
عوجت فمي و رديت : اكيد لا ...
هز كتافو بلا مبالاة و نطق : حتى انا سألتك من باب اللباقة برك... سينو مكاش بيناتنا خصوصيات مرتي...كمل كلامو و حل الباب سابقني ... طبقت شفة فوق شفة لاعناتو داخلي ... ثواني و لحقتو ...
كان واقف يهدر مع طبيب ... غير دخلت وجهو نظرهم لزوج ليا ... تبسمت مع الطبيب و تقدمت منو ...
رما يدو باش يسلم عليا ... توترت لانو مانصافحش الرجال ... غير جيت نهدر سبقني نوفل وقت خمس معاه للمرة الثانية يحكي : مرتي نغير عليها ... رمقو الطبيب باستغراب و رجع لمكانو يحكي
الطبيب : شوفو باش نكون صريح معاكم .. التحاليل لي عملناها ماطمنش ... حالة محمد راهي حرجة شويا ... وجه نظرو لنوفل و قال : كنت حكيت مع راجلك وقت بعتلي التحاليل قبل شهر و قتلو انو مراهيش بالخطورة هديك و نقدرو نعالجوه ...
قفز قلبي بخوف ...فركت يديا بتوتر و سالت : وش معنتها .. مراحش يتعالج !!
تنهد طبيب و حكا : شوفي مدام التحاليل لي درناهم مابينولناش فقط حالة محمد و انما وراولنا التطور السريع لانتشار العدوة ... تقدري تتخيلي في شهر واحد برك ضررت رية كليا ...
سندت راسي على يدي ... حاسة بالفشلة ...
تكلم نوفل في مكاني : و الحل ؟! ... نقدرو نزرعولو رية تانية و نتلافو الاضرار لي قادرة تلحق بالرية الاخرى
هز الطبيب راسو : اكيد و علابيها حبيت نهدر معاكم اليوم ... شوفو كلما سرعنا العملية كتر كلما زادت نسبة نجاحها ...
طلعت راسي و قلت : هيه وش نسناو مالا ديرهالو !!
عوج الطبيب فمو بأسف : للأسف لازم نلقاو متبرع ... و مزال مالقينا حتى لدوكا رية طابق رية محمد ...