كرونيك المصير المحتوم باللهجة الجزائرية

الفصل السابع "بيت العائلة "

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 71 🥀🥂🥀🥂🥀🥂🥀🥂🥀🥂

من لي دخلت للبيت و الموقف يتعاود على مخيلتي ... رميت روحي على الفراش باهمال ... نتقلب و نحسب بصوت عالي ... غير وصلت للرقم ستين حكمت المخدة و عيطت بكامل قوتي و فنفس الوقت نضرب رجليا فالريح : نوووووفل ...
وقفت بسرعة و رحت للكوزينة ... حليت البالكون و رفدت البالي لي كان محطوط تما ... و هبطت نهدر مع روحي : دوك انا نوريلك المهبولة تاع الصح ... هبطت للتحت كانو قاعدين يشربو القهوة بهدوء ...في غياب الجد ... غير دخلت عليهم هكاك تخلعو ... الخالة شرقت لما شافتني اما البنات لي تما تكمشو في بعضاهم ... خبطت البالي بقوة و صحت بهدوء  : وينووو نوفل ...
شفت فالخالة ... اشارتلي لبرا تاتأ : ب.بب.را ...
هزيت راسي و خرجت برا ... كان واقف مع حسام شادو من كول تاع قمجتو ... خبطت البالي مرة تانية ...ميلت راسي و نطقت بدلع : نفولي ...
دار نوفل مضيق عينيه ... غير شاف هيئتي تبسم بتكلف ...و دار يدو على كتف لي قدامو يحكي : شفت ياحسام قتلك مرتي بنت حلال هدا وين كنت نشكر فيك ...
عوجت فمي و انا نحرك فالبالي و قلت : مش حق عليك نفولي .. من صباح و انا نسنى فيك الفوق ماشي قتلك الحقني ...
ولا المدعو حسام خطوة للور و قال : لا واضح بنت حلال ...
تفل عليه نوفل و خطا خطوة ناحيتي يحكي بهدوء : نوالتي حطي من يدك صح تعجبيني كي تشعلي بصح بيناتنا بلا فضايح  ... ما تغتاصبليش هيبتي قدام العديان  ...مجرد ماكمل كلامو غمز بعينه للجنب ... التفت و لقيت كل لي كانو فالصالون واقفين فالواجهة ديالو ... لي كانت بزجاج ...
عاودت التفت لنوفل لقيتو قرب مني و يحاول ياخد مني البالي ... غير شافني حبس في مكانو مبتسم ببراءة ...
طلعت حاجب و سالت : وش كنت تعمل ؟!!
بلع ريقو و رد : ولا شي حبيت نعاون مرتي الجميلة باش ترفد البالي علبالي ثقيل عليها ...
دنيت البالي و رفدتو ببطئ نحكي : تؤ غلطت .. قصدك مرتك المهبولة ...
جريت موراه نحاول نضربو بالبالي ... كان يجري و مرة على مرة يلتفت ليا و على ملامحو علامات عدم التصديق ... كلما يجي يحكي نقطعو بضربة ... مافقناش وقتاش تعمقنا فالحديقة  الا لما انخفض صوت ضحكات العايلة ...رميت البالي على جنب و قعدت على ركبتاي نرد فالنفس ... بعدما حسيت بالراخة طلعت راسي ... لكني استغربت وقت مالقيتش نوفل ..
حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 72🥀🥂🥀🥂🥀🥂🥀🥂🥀🥂

بلعت ريقي و وقفت نتلفت من كل الجوايه ... سبحان الله هدا وين كان هنا وين يكون راح ... مسحت على وجهي و بديت نتقدم فالحديقة اكثر ...الحديقة كانت مرتبطة بالغابة ...
كلما نتقدم بخطوة نصيح باسمو ...سمعت صوت تخرخيش مور وحد الشجرة ... زادو دقات قلبي ... حتى و اذا كنت شبه متاكدة انو نوفل ...لكن كاين احتمال مايكونش هو ... شجعت روحي و تقدمت ناحية الشجرة ...لكني كي طليت مالقيت حتى واحد ...تنهدت براحة و رحت واجهتها ... ضربتها بخفة نحكي : هكا تخلعي فيا ... ضحكت على غبائي و جيت دايرة ... جوست درت تخبطت في حاجة ... سرعان ماعرفتو نوفل وقت تسللت ريحتو لنيفي ...طلعت عينيا بلعقل حتى تقابلو بعينيه ... دفعني بهدوء للخلف.. حنى تكيت ظهري على الشجرة ... حط يد على خصري و الثانية تكاها على الشجرة ...توترت من الوضع ... طلعت حاجب نسال فيه و همست : واش ؟! ...
تبسم و بانت فوساتو لي على اليمين ... سند جبينو على جبيني و حكى : واش ...
حطيت يدي على صدرو باش ندفعو لكن قبل مانعمل اي شي ... شدهالي بيدو لي كان ساندها على الشجرة ...
طلعت عينيا فيه و حكي برجفة و بحة  : نو ... نوفل ...اد..نى ش..و..شوي ...
تنهد .. زير على يدي و قال : تؤ غلطتي ... مكاش لازم تنطقي اسمي بهده البحة  ... غمضت عينيا وقت حسيت بدقات قلبو زادو ... قبل مانستوعب اي حاجة حسيت بشفافو على شفافي ...حسيت للوقت حبس في هديك الدقيقة ... جمدت في مكاني ... فقت على وضعي لما لفحتني نسمة الهوا بارد ... طلعت عينيا ليه .. وساعت تبسيمتو و حط يدو يمسح على خدي ... بلعت ريقي و هربت عينيا ...حط يدو مور راسي دافعني لحضنو ... طبع قبلة تانية على خماري و تنهد ... هزيت راسي بالنفي و دفعتو بكل قوتي و صحت : نك..نكرهك ...تسمع نكرهك ... تفاجئ مني ولا خطوة للور... جا يحكي لكنو فاخر دقيقة سكت .. اعطيتلو ظهري و جريت ناحية القصر