كرونيك المصير المحتوم باللهجة الجزائرية

الفصل السادس "الفضيحة"

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 42 🥀🥂🥀🥂🥀🥂🥀🥂🥀🥂
جبدت المفاتح بيدين يرجفو ... دخلت و غلقت بالباب بالقفل ... سندت ظهري عليه...  نحاول نربط الامور... تنهدت و همست: نجوى هي لي راح توصلني لراس الخيط...  و هي لي رابطة بين جابر و نوفل...  لفت نظري البلاكة لي قدام الباب...  البلاكة الرمادية لي كان يخنتش فيها نوفل فاليوم الاول
كي خرجت من الدوش ..تلمستها بفضول...  و انا وين نعرف قادرة تكون كاميرة ولا تسجل الصوت... قربت منها نهجي فالحروف باش نفهم معنتها ... رجف قلبي وسط ضلوعي ... و حسيت تيار كهربائي يتسارى على طول يدي ... و الحرارة تنبعت من وجهي ... البلاكة كانت لتعديل الاضاءة و حرارة البيت ... غمضت عيني بقوة نحاول نستجمع اعصابي لي ثارت... تمتمت : وش فيها اذا طفا المكيف و زاد من حرارة البيت ... ماتكونيش غبية هاجر ... هو برك ماحبش يحصل بيك و نتي مريضة ...ماتخليش هد الهواجس يجملولك حقيقتو ... هزيت راسي باصرار و رحت لبيتو ... بالظبط لمكتبو ... حطيت يدي على القجر الثالت و دعيت في قلبي انو يكون مفتوح ... توكلت على ربي و حاولت نفتحو ... و لحسن حظي كان دعائي مستجاب ... رفدت لفريت فامي بخفة و جبدت تلفوني ... حليتو نقرا ... و طلع شكي في محلو نجوى زوجة نوفل ... طلعت حاجب نخمم ... الزواج على زوجتك في فرنسا ممنوع .. مالا كيفاش قدر يتزوجنا لتنين ... طردت الافكار هدو من راسي و شعلت التلفون نصور ... عاودت شفت الصور كي تاكدت بلي خرجو ملاح ... رجعت كلشي لمكانو و خرجت رايحة لبيتي ... عملت كود لتلفون و غمضت عينيا ... يعني ظهرت مرت نوفل...  زعما وش جاب تصويرة جابر عندها...  وش علاقة جابر معاها!!  تعبت من التفكير ... عملية محمد من جيهة و انتقامي من نوفل من جيهة ...  لازم نلقى متبرع لمحمد ...اومبعد نتلهى بهده الحكاية... تنهدت و همست : ياربي فرجها و يسرها ... عيطت لدارنا حكيت معاهم شويا و طمتنهم على محمد و استسلمت لنعاسي

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 43 🥀🥂🥀🥂🥀🥂🥀🥂🥀🥂

مر اسبوع على غياب نوفل على الدار ...تبدلو بزاف عفايس في هذا الاسبوع ... كنت نحكي مع دارنا يوميا باش نطمنهم على محمد ... بالرغم اني ماشفتوش في هذا الاسبوع اما كنت نكذب و نخبي ... و بديت نخمم بجدية في مسألة عملي ... خاصة بعدما حكاتلي نجوى على الاجر هنا ... و تفاهمنا نخرجو غدوة نحوسو على خدمة ليا ..هكا نقدر نكون مستقلة و بعيدة على نوفل في ظل المشاكل لي راهم يصراو و منها نعيل عايلتي ...رميت جيلي خفيف عليا و طلعت عند نجوى ...
استقبلتني و رحبت بيا ... الصراحة نجوى طفلة هايلة و عفوية ... و قدرت تخرجني من القوقعة لي كنت حابسة فيها نفسي ... عرفت منها انو نوفل رجل اعمال كبير... خاصة انو قدر يوقف على رجليه مور وحد المشكل صرالو... قدرت نربط الاحداث و نعرف انو الحادث هو المشكل... حبيت نلعب على هذا الحبل و نفضح زواجو السري و بالتالي تتوسخ سمعتو حتى اني اتفقت مع الجريدة... في نفس الوقت ماشي حابة نظلم نجوى لهذا قررت نأجل الموضوع حاليا ... تنهدت و سألتها : نجوى قلتي انو كاين جار واحد هنا صح ..
وماتلي براسها و حكات : ماشي جار هو مالك البناية هده ... و على حساب علمي غير انا ساكنة هنا ...
تبسمت : و كارية ولا شارية ..
ضحكت بخفة و هي تفرغلي فالقهوة : هههه هذا الموضوع مخلط شويا تقدري تقولي شارية ...و نتي ؟!
تبسمت انا التانية و رديت : انا عزيزتي كارية ..تعرفي البيع هنا غالي ...
نجوى : صح عندك الحق بصح لازم تكون دار ملكيتك سمعت بلي حيديرو قانون جديد باش ينقصو المستوطنين
شديت عليها كاس و كملت نحكي : علاه ماحكيتش!! نظل نهدر اما معامن ...  يقولي باش تعرفي قيمة الدرور ...
علاو ضحكاتها و صاحت :ههههه تقول نوفل اقسم بالله
شفت فيها بمعنى و سالت : الظاهر علاقتك بيه قوية لا يكون هو راجلك ههه
تبسمت بتوتر : لا مجرد اصدقاء ...
همم اصدقاء لا الصراحة واضح من ليفريت فامي .. دورت عيني وشفت فالصورة لي خلاتني نشحن على انتقامي ... صورة جابر : شكون هداك لي راهو فالصورة ...