كرونيك المصير المحتوم باللهجة الجزائرية

الخاتمة🥂

سلام تيباناتي راح نختصر الكلمة قد ما نقدر فحاولو تقراو لأنو مهم بالنسبة ليا 🥺❌❌
خلاصت كرونيك المصير المحتوم 😩ماكانتش اول كرو نكملها اما كانت كرونيك بزاااف استثنائية  🤌 بكينا معاها كيما ضحكنا معاها... ثاترنا بيها و لامست قلوبنا لانها مستوحاة من الواقع و من الحقيقة و نتمنى نكون قدرت نوصل و لو فكرة او رسالة وحدة من لي كنت حابة نوصلهم و ان شاء الله كنت خفيفه عليكم...
كانت تحدي جديد بالنسبة ليا سواء فالاسلوب او المحتوى
🔹فالاسلوب اعتمدت اسلوب واحد و نقلت الحكاية على لسان الشخصية باش نخليكم تعيشو معاها كل احدات القصة حزنها فرحتها صدمتها و نوصللكم رسالتها بالظبط ...  و هذا الاسلوب كان صعب بزاااااف لانو يعتمد على وصف ادق التفاصيل و يحبرك تتقمصي الشحصية باش تقدري توصفي احساسها... و الأصعب انو نعتمدو وحدو فكان تحدي بزاف صعيب و كان عندو اثر على نفسيتي... اما الحمد الله لي كنت قدو  بالاضافة الى الاعتماد على كوبل واحد فالقصة...لذلك كان لازم عليا نعتمد عنصر الغمووض و التشويق باش مانخليكمش تملو و تكرهو
🔹تانيا المحتوى و هنا نحط خط احمر... لانو الكرونيك تضمنت احدات حقيقية و واقعية و عالجت فيها مواضيع حساسة مثلا:
♡موت جابر... صح جابر شخصية خيالية اما قصتو حقيقية من غير نوفل و العوامل التانية...  الشخصية الحقيقية هي محمد الله يرحمو لي حرق باش يعيل عايلتو و تعرض لحادت و بيانسور بما انو حراق فخسر ابسط حقوقو... فادعولو بالرحمة و ادعو بالصبر لعايلتو و ادعو لاي واحد جبراتو الظروف يحرق يرجع لعايلتو سالم غانم (لذلك اخترت فرنسا كمكان الحادث علجال المصداقية)
♡أم جابر لي تخدم فام دو ميناج..  و هي مرا تلاقيت معاها فالترونسبور و حكاتلي على معانتها فالخدمة و التعب لي تعانيه فيها و كيفاش تخدم حاجات ماشي داخلين في خدمتها و عندهم خطر على حياتها اما مجبورة تسكت على حقها علجال الخبزة و لي صدمني هي لمعة عينيها و فرحتها كي كانت تحكي على الدراري و كيفاش رماو المحارق فتوالات كانهم دارو انجاز... و هنا كاين زوج حاجات حبيت نوصلهم لولة دراري لي منا و رايح لازم نوعوهم على الاشياء لي يرموها كيما يتصرفو فالدار يتصرفو فالمسيد و برا و كامل نحاولو نوعو يالوكان بالكلمة و النصيحة  و نعلموهم يحترمو الكبير مهما كانت مهنتو تانيا حبيت نوريلكم فئة معينة من الناس لي تستغل لي اقل منها و بحاجة للخدمة و تعرض حياتهم للخطر الدنيا مراهيش وردية كيما نشوفوها كاين فيها جانب مظلم و قاسي

🔹اما بخصوص المواضيع الواقعية فتناولت موضوع المنظف بابات هاجر لي خسر رجليه بسبة زجاجة...  شوفو حاجة صغيرة يمكن مانعطولهاش اهمية كيفاش غيرت حياة انسان... فديرو بالكو منا و رايح حبيباتي...  تانيا محمد خو هاجر لي رغم مرضو عندو شخصية قوية و لي ورالنا بلي كل هموم الدنيا يصغارو قدام الصحة لانو هي الصح علابيها اتهلاو في رواحكم ثالتا تناولت موضوع الحرقة لي هو موضوع بزاااف حساس
🔹المحتوى بالنسبة ليا كان اصعب تحدي...لانها كرونيك هادفة خاصة فالقصص الحقيقية... ككاتبة عشت و شفت هدو المواقف حبيت نوصللكم احساسهم و صوتهم  و تحطيت تحت مسؤولية اني نوصل رسالتهم و ان شاء الله تكون وصلت 🌹و تكون عجبتكم لاني صح تعبت عليها نفسيا و جسديا و كان كل هدفي نوصل رسالة كنوع من التوعية و نعاونهم بطريقتي 🥹
دوك نخليلكم الكلمة ليكم خلولي رايكم فالكرو ككل... اكثر شخصية عجبتكم اكثر شخصية قلقتكم ... اكثر موقف اثر فيكم و ترسخ في بالكم ... موقف بكاكم...موقف ضحككم...و حتى اكثر اقتباس عجبكم لوف يو نتلاقاو في كرونيك جديدة و شخصيات جدد تيباناتي 🥰🥀 و بيانسور خلو كلمة شابة لبعضاكم و حتى لانفسكم و للناس لي ممكن تقراها💛
تاريخ الكتابة: 31 اوت 2023 /31 اكتوبر 2023
الحمد الله لي ربي قدرني و كتبتها ❤