كرونيك المصير المحتوم باللهجة الجزائرية

الفصل السابع "بيت العائلة"

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 59 🥀🥂🥀🥂🥀🥂🥀🥂🥀🥂

جام قبل ما نبداو تيباناتي
كمشت عينيا بانزعاج وقت تسلل لمسامعي رنين مزعج للتلفون ... جيت ندور حسيت بجسم مقيدني ... هبطت عينيا لليد الملفوفة على خصري بعناية ... و قلبي دقاتو متسارعة ... للحظة نسيت كيفاش نتنفس .. حطيت يدي بلعقل على يدو نتحسس فيها ... عاودت غمضت عينيا و حليتهم ... فطني من افكاري رنين التلفون مرة تانية ... زفرت بانزعاج و درت ... لقيتو مقابلني ... جمدت مرة ثانية على منظرو و هو راقد ... هزيت راسي بتوتر ننفض فالافكار لي جاوني ... جبد روحي بهدوء باش مانفيقوش ... و رميت يدي لتيليفونو ... كانت نجوى ... قلبت عينيا بقلق .. و درتو سيلونس غير جيت نحطو قفزت علي يدو و هي تبعدلي في شعري الطايح على وجهي و في نفس الوقت يحكي ببحة نعاس : شكون ؟؟ ...
حكمتو من يدو مبعدتها عليا و نطقت : خليني نوض ...
خرجت منو ضحكة خفيفة : ههه صحا شوفي فيا ...
حكيت انفي بخجل و شفت فيه هازة حاجب للفوق ...
وساعت تبسيمتو و قال : اولا صباح النور نوالتي تانيا مانيش شادك ... حمحمت باحراج و جيت نايضة ...لكنو كتفني بسرعة .. حاط كلتا يديه مور ظهري و رجليه محاوط بيهم رجليا .. حليت عينيا على وسعهم و نطقت بتأتأة : وش..وش را ..ك دير ..
هز كتافو و نطق : ماصبحتيش عليا ... حاولت نبعد شويا لكن ماقدرتش ... مجرد انشات تفصل بيني و بين وجهو ... لو مش فارق الطول كانو متلاصقين ... هبجت راسي لما حسيت بعينيه لي يتفرسو في ملامحي و قلت بنبرة منخفضة قريب نبكي من الاحراج : نوف..ل تعي..ش اط..لقني .. ماجاياش وش..وش راك دي ...
تنهد متبسم : حتى تصبحي عليا ...
عضيت خدي من الداخل و هدرت بهمس : احم صباح الخير ... معليش تطلقني دوك
هز حواجبو و هدر : نتأ .. قرب مني كثر و حكى بهمس : ماقنعتينيش و علاش راكي تهدري هكا ... زفرت بتوتر و غمضت عينيا ... حسيت بانفاسو قربو كثر ... زيرت على يدي لي كانت محطوطة فوق صدرو ... كمل هدر : شفتيه شحال راو يخبط ... مجرد ماكمل هدرتو انتبهت لدقات قلبو المتسارعة ... يمكن اكثر من دقاتي ... حليت عينيا بلعقل ... و فكرة وحكة دور في بالي ... اما اصطدمت بقربو لهديك الدرجة ...و حنا على هديك الحالة تحل الباب بقوة على اثرو قفز نوفل بخلعة و طحنا فلرض ... انا و هو فوقي ... عضيت شفتي السفلى بالم ...
حسيتو وقت ناض من فوقي ... حليت عينيا لقيتو مادلي يدو : راكي مليحة ...تجاهلت يدو و شفت جيهة الباب ..

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene
البارت 60 🥀🥂🥀🥂🥀🥂🥀🥂🥀🥂

كانت نجوى حالة عينيها على وسعهم ...
سندت يديا على لرض و تقعدت ... شاف فيها نوفل و صاح : مهبولة نتي هكا الناس يدخلو ..
حلت فمها تحكي بتأتأة : ا..اانا...حس.حسبت ... زواجكم ... قصدي على ورق
قاطعت هدرتها و وقفت : و هو كذلك على لورق فقط مكاش علاش تتوتري و تفهمي النقص ... هزت راسها باحراج ... تجاوزتها داخلة للحمام متجاهلة نظراتو ...
مجرد ماقفلت الباب حطيت يدي على قلبي لي يوجع ... غمضت عينيا نستحضر فشي لي صرا ... بلا ما نحس تبسمت ببلاهة  ... حليت عينيا و تنهدت بسعادة ... هزيت راسي على صوت الباب لي تقفل و رحت غسلت وجهي ... و سناني و انا نتبسم ... لي يشوفني يقول مهبولة ... طميت شعري طوماطيشة و خرجت .. و انا نحاول نتحكم في ارتباكي قدامو ... غير خرجت قابلني يصلي ... تأملتو باعجاب و رحت للخزانة نوجد في حوايجي لي راح نلبسهم ... غير كمل قال : العايلة راهي تسنى فينا لتحت  ... درت ليه عاقدة حواجبي : سبحان الله راهي بانت لافويت منين جات...
ضيق عينيه بعدم فهم... تبسمت بجنب و قلت: راهي بانت لمن خرجت صامط لعايلتك...قلب عينيه و حكى:راني سابقك لتحت... عوجت فمي و قلت:والله يانوفل و نخرج مانلقاكش تسنى فيا هنا غير نقوللهم بلي نتا عاجز جنسي وش رايك... طلع حاجب و قال:ماديريهاش...اعطيتو ظهري نحكي بثقة مزيفة:جربني و شوف... بلا مانسنى ردو توجهت لغرفة الملابس نبدل حوايجي ... بعد دقائق خرجت...  و انا ندعي نلقا نوفل يستنى فيا... اما خاب كل أملي لما مالقيتوش...  زفرت بغضب و بتوتر و توجهت للمصعد
ماهي الا لحظات و توقف المصعد فالطابق الثاني...  عضيت خدي من الداخل بترقب....  نستنى فيه يتفتح و نشوف شكون لي حبسو...  تحل المصعد و بان واحد الشاب طويل...  بشرتو بيضا...  و شعرو مايل للأشقر...  طلع راسو من تلفونو...  حسيتو تفاجئ بشوفتي... سرعان ماتبسم و مد يدو يحكي: انا حسام  خالة نوفل...  هزيت راسي بهدوء متجاهلة يدو الممدودة... حل عينيه على وسعهم و فتح فمو على شكل o مصدوم...  روشتلو و حكيت: اذا طول صدمتك خليني نهبط... هز راسو بعدم رضا و طلع يحكي: وكحة كيما راجلك...  زميت فمي بقوة حابسة ضحكتي على لكنتو المكسورة...