كرونيك المصير المحتوم باللهجة الجزائرية

الفصل السادس "الفضيحة"

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 36 🥀🥂🥀🥂🥀🥂🥀🥂🥀🥂

عمرك لا تخاف من مكتوب ربي ... ربي ديما رايد بيك الخير .. هدا شي فهمتو روطار ... لكني فالاخر فهمتو ... فتحت عينيا قابلني السقف ... قاعدة نشوف فدوائرو ... للحظة تخيلتها حياتي ... حتى انا هكاك ... راني ندور على نفس النقطة ... ندور و ندور و نعاود نولي لنقطة الصفر ... سمعت تقرقيب برا ... لبست كلاكاتي و خرجت ... لقيتو يهدر فالتلفون و يقول : نتوما زيدو شددو الحراسة ...
زفرت و صحت : علمن يشددو الحراسة ... تفاجئ كي  شافني ... قطع لاتصال و نطق : اقعدي ناكلو ...و نحكو ...
مسحت على وجهي و رحت قعدت مقابلاتو ... فالفترة لي فاتت كانت كل تصرفاتي هوجاء ... لدرجة اني خرجت عن طور شخصيتي ... علابيها قررت نعيش حياتي عادي و نتصرف بحقيقتي ... و لما نلقا حاجة ضدو راح نستغلها دون تردد ...
خرجت على تخمامي وقت حكى
نوفل :نشوف فيك كالم !!ماشي عوايدك يعني
سكت شوية و قلت : علاش حبستني ...او وش كنت تحكي فالتلفون...
عوج فمو و هدر : هكا توجب الوضع انو نحبسك ... و على هدرتي فالتلفون حاجة ماتخصكش
زميت فمي و زيرت على يدي ... فنان في حرق الاعصاب ...
رميت يدي للكاس تاع الما باش نشرب ...زرب خداه مني و قال : تؤ تؤ ممنوع عليك تلمسي الكيسان ...قعد غير هدا ...
قلبت عينيا منو و حكيت : علاش نومتني ...
ترشف الما بتأني كانو قاصد يقلقني و قال : الطبيب لي عالجك مدلك هدوك الدواوات كي عرف وضعك ... ها ولازم  تشربي حبة في يومين ...
هزيت راسي و نطقت : غدوة نروح نشوف محمد
نوفل : مكانش داعي ... مراحش يخلوك تدخلي ...تشوفيه غير من برا
شفت فيه بتحدي :  تديني ولا نروح وحدي ...
زفر بقلق : صامطة علبالك ...
تبسمت معاه بتكلف : ماشفت والو ...

حصريا على كرونيكات آوُبّـــــــآلَ ⚜️🍷
ممنوع النقل منعا باتا ❌❌
بقلمي #تيبانة / Mirouchine Imene

البارت 37  🥀🥂🥀🥂🥀🥂🥀🥂🥀🥂

كمل ياكل ... شفت في ماكلتي و عاودت شفت فيه ... حمحمت و حكيت بصوت منخفض : احم ... مدلي تلفونك...
تبسم شطر تبسيمة و نطق : ماسمعتش مليح !
رديت شعري مور وذني ... و عاودت حكيت : سلفلي تلفونك نحكي مع ماما و بابا ...
حط الفرشيطة من يدو و هدر بجدية : و اذا قتلك لالا ...
وقفت من الطابلة و حكيت : نكرهك ...
شاف فيا باستغراب : مهبولة اقسم بالله ... كي جبتهولك البارح رميتيه فالما و حرقتيلو لافيشور واقيل حسبالك دراهم الحرام ...
هبطت لمستواه و قلت بهمس : شكون شاف ...فاللخر لي يقتل يدير كلش صح ؟؟ عقدت حواجبي و استرسلت حديثي: و بزيادة نتا المهبول ماشي انا
زفر بقوة و حكا : لا ما هو واضح شكون المهبول!! ماهي وحدة من زوج يا مهبولة يا مهووسة بيل
حليت فمي بتفاجئ : مهوووسة بيك؟! ...نتا!! انا؟
هز راسو بكل هدوء : وي مهووسة ... بلا سبة نكرهك نكرهك ... بالاكي برك تكوني تقوليها لروحك باش ماتحبينيش ...
ضحكت على كلاموو... راه من نيتو هدا : نتا مريض ... انااااااا نحبك نتا ... ههههههههههه ياوليدي نكر...
قاطعني يحكي : هيه تكرهيني حافظناها يامهووسة ...
خبطت الطابلة بانفعال : اذا انا مهووسة نتا نتا بغل  ...
حل عينيه على وسعهم و حكا و هو يهدد بيديه :  ماتتخطايش حدودك ...
عملت نفس حركتو و حكيت ببطئ : بغل ...
بعد الكرسي بقوة و ناض متوجه لغرفتو ... تبسمت بانتصار ... فاللخر قدرت نستفزو ... شفت للكاس بطرف عيني ... و طبعتو بصبعي حتى طاح ... دار نوفل يجري ... حطيت يدي على فمي و هزيت كتافي نحكي : اووبس طاح ... زير على يدو ... ميلت راسي و تاوبت : تعرف عندك حق الدوا هداك ينعس ...نروح نرقد ... مشيت متوجهة لغرفتي غير وصلت عندو حكيت : نتمنالك كوابيس تعيسة موسيو بغل ...  هربت نجري لغرفتي ... حاسة بسعادة كبيرة ... رميت روحي على فراشي و ضحكت بخفة ... جعدت روحي و سرعان ما داهمني النعاس ... شهدت و رقدت