حبيتك يالذيب رغم عذابي معك

البارت الثالث

ترف بتوتر وتأتأة:م،،موا،،موافقة
الشيخ:تفضلي يا بنتي وقعي على العقد
ومد لها العقد
اخذ ابو ترف العقد من الشيخ وناظر بترف بنظرات غامضة ومده لها:وقعي يا بنتي
اخذت ترف العقد ووقعت بيد ترجف من مصيرها المجهول وناظرت ابوها بحزن وقهر:ليش سويت فينا كذا ليش دمرتنا امي وش ذنبها شلون بتعيش انا وش ذنبي اتحمل اغلاطك وافعالك الوسخة (بصرااخ )وش ذنبييي تكلممم .
ذياب:ترف الكلام مو اللحين دشي داخل (وناظر بابو ترف بحده واستهزاء)وانت يااا تفضل قدامي
دخل ابو ترف لمجلس الرجال ولحقه ذياب بعد م ناظر بترف بنظرات حادة:لا تخليني اعيد كلامي خلك داخل ولي كلام معك
ترف:انتظر شوي بكلم..
ذياب ما سمع منها دخل لمجلس الرجال وتم الزواج ع خير وبعد م مشى الشيخ وكان ابو ترف بيمشي ناداه ذياب:ابو ترف
ابو ترف ناظره فقط بمعنى تكلم اسمعك.
ذياب:هالبيت وبنتك وزوجتك تنساهم ولا عاد اشوف رقعة وجهك ابد والاا انت بتعرف وش راح يصير فيك
ابو ترف ببرود:زين بنتي وتزوجتها غصب عني وما عاد لي كلام عليها زوجتي وش دخلها انساها وهي اساسا مريضة ورح تموت بأي لحظة ف وش تبي بوحدة مريضة
قاطعه ذياب بعصبية:ولانها مريضة تنساها فعلاا انت من وش مصنوع مو تارك احد من شرك حتى عيلتك فارق من وجهي الحين احسن م اخليك تنسى اسمك
ابو ترف بخوف:رايح رايح وطلع من المجلس يركض
ابو ذياب بحدة:ذياااب الحين وش بتسوي مع البنت وبعدين امها وين
ذياب:لا تخاف يبه امها بخير ارسلتها للمستشفى تتعالج لانها تحتاج عناية وراح تموت لو ضلت عنده اما بنسبة لترف فذي خليها لي
ابو ذياب :وزواجك منها بتعلنه ولا شلون؟
ذياب:ما افكر اعلنه افضل انه يبقى بينا
تركي:بس يا ذياب شلون بصير كذا انا اساسا موب فاهم شي وجدي وش بتقوله ؟
ذياب :افهمك السالفة بعدين المهم الحين ما احد يدري بالموضوع ذا الين م انا اقرر وش بسوي
ابو ذياب:هالحكي مرفوض عندي دامك تزوجت تعلن زواجك قدام الكل واذا كنت ناسي تراك تكلمت قدام امك واختك والاكيد الحين الخبر بينتشر وجدك بيسمع بالخبر من غيرك ويزعل عليك وانت تدري انه يغليك
تركي:رأيي من رأي عمي يا ذياب جدي لو يسمع الخبر منك صدقني بيفرحلك صحيح راح يحقق معك بخصوص هالزواج بس ادري انك بتقنعه وبيفرحلك
ذياب :خلاص دام السالفة فيها جدي وزعله انا م ارضاها يزعل عليي خليني اروح اشوفه واتكلم معه وان شاءالله خير
ابو ذياب:على بركة الله حنا الحين نترخص اليوم الجمعة ببيت جدك لا تنسى
ذياب:ان شاءالله
وطلعوا من المجلس رايحين لبيت الجد اما ذياب راح لترف

بالصالة كانت جالسة وتهز رجولها بتوتر وقفت بخوف اول م سمعت صوت خطواته تقرب ناحيتها
ترف وعيونها مغورقة دموع وببحة:تكفى ابي اشوف امي واتطمن عليها والله العظيم قلبي مثل النار عليها تكفىى
ذياب:قلتلك امك بخير وهي بأمان واللحين تجلسين هنا لين م ارجع
ترف بخوف من المكان الموحش بالنسبة لها:لا تتركني لوحدي هنا اخاف خذني معك صدقني ما بسوي شي ولا بتكلم ابدا
ذياب:من وش تخافين تراه بيتي وانتي رح تجلسين هنا (باستهزاء)تراك موب طفلة لحتى تخافين هالكثر
ترف ببكاء ممزوج بخوف واضح :تكفى والله بسوي الي تبيه بس لا تتركني وحدي هنا
ذياب بتأفف:اافف زين خلاص انكتمي مابي اسمع صوتك تراك صدعتيني
ترف تحاول تكتم شهقاتها وبكاها وتمسح دموعها ولحقت ذياب للسيارة متوجهين لبيت الجد.

في بيت الجد العصر:

الرجال والشباب موجودين بالمجلس الخارجي للقصر والحريم بالصالة والبنات اخذوا لهم غرفة لوحدهم وجالسين فيها وحاطين قدامهم كل انواع الحلويات والشبسات والببسي وجالسين يتناقشون بمواضيع كثيرة.

العنود انتبهت لسرحان حور ودقتها بخفة:وين وصلتي يحلوة
حور:هاا هنا معكم اسمعكم
العنود ناظرت فيها بنص عين:متأكدة كنتي تسمعينا احسك بعالم ثاني مو معنا كلش
حور بمحاولة تغيير الموضوع:لا تخافي كنت اسمعكم الا ما قلتيلي كيف لقيتي الدوام بالشغل الجديد
العنود:كلشي تمام المهم لا تحاولي تغيري الموضوع تراني العنود حافظتك مثل اسمي قولي وش الموضوع
حور:بصراحة م اقدر اقول شي خلينا ننتظر ابوي وبشوف وش صار وبعدها بقولك
العنود باستغراب:ابوك ووش صار!! يعني في شي صاير وكبير بعد
حور بتردد:بصراحة اي صاير لكن م اقدر اقول شي لين م اتكلم مع ابوي وافهم وش صار
قاطع حديثهم ميس:اقول حور متى يجي ذياب ادري به ما يتأخر بمثل هالجمعات؟
حور قلبت عيونها بقرف:اقول انتي وش دخلك بذياب متى بيجي انشغلي بنفسك ولا تتدخلي بغيرك
ميس:شفيك عصبتي تراني سألت سؤال بس
نور :يا بنات شرايكم نجلس بالحديقة الجو يجنن
حلا:اي والله جبتيها يلاا قدام
العنود وحور:قداام
وطلعوا البنات للحديقة يكلمون جلستهم..

بمجلس الرجال:
دخل ذياب:السلام عليكم
الكل رد السلام
تقدم ذياب لجده حب راسه :شلونك يا جدي
الجد بهدوء:الحمدلله يا ولدي نشكر الله شلونك انت وينك لك يومين مختفي
ذياب بهدوء عكس التوتر داخله:جدي ابيك بموضوع خاص وضروري خلينا نتكلم بالمكتب .
الجد:الحقني،يا عيال شوفوا الحريم وش صار معهم بالغدا وانت يا ذياب الحقني للمكتب ابيك .
ذياب مسك يد جده يسنده عليه: امرك يالغالي تفضل
رياض بفضول:غريب وش يبي جدي بذياب مو عادتهم يتكلمون بمواضيع خاصة بهالوقت بالذات
تميم بتأييد:اي والله انك صادق الظاهر الموضوع خطير وما يتأجل
تركي:كلشي بتعرفوه بوقته وش هالفضول الي فيكم حشاا بنات موب عيال
الشباب مع بعض:تخسى نكون بنات
ابو تركي بعصبية:انكتم انت واياه تراكم صدعتوا راسي الله اكبر عليكم وعلى هواشكم الي ما ينتهي،وانت يا رياض قم تحرك شوف وش صار ع الغدا متنا من الجوع قم
رياض باحترام:حاضر يبه ودخل للداخل

في المكتب:
الجد:تكلم يا ذياب وش الموضوع الي ما يتأجل
ذياب بتوتر يحاول يخفيه بقوة:جدي.....

انتهى🌼
رأيكم بالبارت يا حلوين🤗
و وش توقعاتكم للاحداث الجاية🤔