حبيتك يالذيب رغم عذابي معك

البارت التاسع

ترف بغصة:ابوي(وانهارت بكاء وبين كل كلمة وكلمة تشهق من حرة الشعور الي تحسه)ابوي السبب بكلشي نعيشه ابوي دمرنا كل عمره همه نفسه عمره م فكر فينا قدام الناس يبين انه مسكين ويبي يعمل اي شيء عشان يحمينا ويجيب لنا احتياجاتنا لكن الحقيقة كان كل الفلوس الي ياخذها تروح للحرام واخرها يرجع ويحاول يتحرش فيني انت متخيل اب يتحرش ببنته شفت لوين وصلت ووقت ما يقدر يجيب السوط ويضربني انا وامي الي تحاول كل مرة تحميني منه لوقت م امي تعبت علينا ومع كذا عمره م فكر ياخذها دكتور واضطريت اخذها انا لدكتور والصدمة وقت عرفنا انها مريضة بالسرطان ولازم تتعالج ،صرت انا اشتغل ما تركت شغلة ما اشتغلتها لوقت قدرت ادبر الفلوس وبلشت اعالج امي بس حتى بذي ما تركنا نعيش واللحين جالسة ادفع ثمن شيء مالي ذنب فيه والسبب هو. امي مدري عنها ولا قادرة اكون بعيدة عنها ولا قادرة استوعب اني تزوجت ولا وش جالسة اعيش ولا اتأقلم ع الوضع وكأنه شيء طبيعي وفوق كل هالهموم احس اني(وقطعت كلامها وكملت بكي)
ذياب مصدوم بقوة من وقت بلشت انهيارها وتكلمت بكلشي بقلبها لحد م بترت حروفها مو قادر يتخيل كل كلمة قالتها ولا قادر يتخيل انه ابوها يسوي كل ذا فيها واكثر شيء ذبحه وحس قلبه ينتفض وقت قالت انه ابوها حاول يتحرش فيها ومو مرة كثير حاول يتدارك صدمته قرب لها وضمها صدره وجلس يمسح ع شعرها بحنان وقال: اششش اهدي خلاص كلشي كان ماضي وانتهى وامك بخير وبخليكي تكلمينها اللحين وتطمني عليها وباخذك عندها بعد م نرجع ع البيت ووعد مني وقت تنتهي من علاجها بجيبها وتعيش معنا وش تبين اكثر
ترف ببكاء:بس انت بتنتقم مني وبتطلقني واصلا وش تبي بوحدة مثلي
قاطعها ذياب:اششش مابي اسمع هالكلام مرة ثانية انتقامي هالمرة بكون من ابوك نفسه ووعد مني بخليه يذوق الموت وما يطوله على كل شيء عيشك اياه وسالفة الانتقام ابيك تنسيها انتي اللحين زوجتي وابيك تتقبلي الموضوع ،وابيك تنسي كلشي وتعيشي حياتك وتنبسطي بايامك،واللحين قومي غسلي وجهك وتعالي
هزت ترف راسها بدون كلمة وقامت للحمام(اكرمكم الله)تغسل وجهها خلصت ورجعت جلست ع الكنبة قبال ذياب
(نتركهم شوي ونروح لمجلس الرجال)

مجلس الرجال؛؛

الكل جالس والرجال جالسين يتكلمون بامور الشغل والشباب جالسين يلعبون بلوت وصراخهم مالي المكان وكل شوي الجد يهاوشهم

رياض بقهر لتركي:ترا وربي انك غشاش وش ذا كل مرة تفوز تراني اخوك اشفق علي وخلني افوز يا اخي
ضحكوا عليه الشباب وصارخ فيهم الجد:وبعدين معك انت واياه كم مرة بقول لكم صواتكم لا ترتفع
رياض:يا جدي تكفى قوله لا يتركني افوز تراه جالس يغش
تركي بضحكة:اقول استرجل وبلا دلع وش اسويلك اذا انت ما تعرف تلعب
الجد بعصبية:شب ولا صوت انت واياه تراكم صدعتوا راسي لا بارك الله فيكم من عيال
تميم بهدوء:جدي
الجد:سم يا ولدي
تميم قام وباس راس جده :سم الله عدوك من بعد اذنك يا جدي ومن بعد اذن عمي ابو تركي في الي طلب
الجد بهدوء:تكلم يا ولدي وش تبي وش طلبك
تميم بتوتر:انا ابي اخطب العنود بنت عمي ابو تركي على سنة الله ورسوله
ابو تركي بهدوء:بس يا ولدي انت جيت من قبل والبنت رفضت ما تبي الزواج وش حادك ترجع مرة ثانية
تميم بهدوء:لاني شاريها يا عمي وما راح القى احسن من بنتك لي برجع بطلبها مرة واثنين وثلاثة لين توافق وان سمحتولي ابي احد يتكلم معها ويفهم وش سبب رفضها لي او خلوني انا اتكلم معها ومنها تكون النظرة الشرعية من اذنك يا جدي
الجد:طلبك مجاب يا ولدي (ووجه كلامه لابو تركي)قم يا ولدي كلم بنتك وخلها تتجهز للشوفة
ابو تركي بهدوء:تم يبا اللحين اكلمها وقام يكلم بنته والشباب استلموا تميم طقطقة عليه .

نرجع لجناح ذياب؛؛

قام ذياب وجلس جنبها واخذ جواله ودق ع فهد
فهد:الو،طال عمرك
ذياب:فهد ام زوجتي صاحية ولا نايمة
فهد:ما ادري طال عمرك ثواني اتأكد
ذياب :بسرعة
دق ذياب باب غرفة ام ترف بالمستشفى ودخل وقت سمع بسماحها له بالدخول (وكلم ذياب):صاحية طال عمرك
ذياب بهدوء:عطيها الجوال واستنى برا
فهد باحترام:حاضر ثواني (وتقدم لام ترف باحترام)جوال لك تفضلي اعطاها اياه وطلع
ام ترف ببحة تعب :الو
ذياب بهدوء:شلونك يا خالة طمنيني عنك
ام ترف:الحمدلله بخير بس بشوف بنتي تكفى
مسكت ترف بيده برجاء واعطاها ذياب الجوال
ترف بدموع:الو يما
ام ترف ببكاء:ترف يما حبيبتي شلونك يقلبي
ترف ببكاء:انا بخير يما انت شلونك وش تحسين فيه موجوعة
ام ترف مسحت دموعها:لا تخافي يا ماما انا بخير الحمدلله والسيد ذياب مو مقصر معي ابد وابشرك جالسة اتعالج وباذن الله قريبا بطلع من هنا بخير وسلامة
ترف:الحمدلله يما الحمدلله والله كنت بموت عشان اسمع صوتك واتطمن عليك لكن الحمدلله اللحين تطمنت عليك
ام ترف:يا بنتي اسمعيني زين انا ادري ان ابوك زوجك لذياب وذياب واضح رجال كامل والكمال لله واخلاق ودين الله يحفظه وانا ابيك تحافظين عليه وتبني بيتك وتعيشي حياتك مثلك مثل باقي البنات
ترف بدموع:يما تكفين سامحيني والله ما كان بيدي شيء كله من ابوي الله لا يسامحه
ام ترف:لا يا يما مهما صار يظل ابوك ابيك تحترمينه وتحترمي زوجك واهله ومثل م وصيتك زين حبيبتي
ترف:حاضر ماما،تكفين انتبهي لنفسك وانا بزورك قريب ان شاء الله
ام ترف:ان شاءالله يا قلبي يلا بحفظ الله
ترف:بحفظ الله وقفلت من امها الجوال وارتمت بحضن ذياب تبكي :شكرا شكرا والله ما بنسالك هالمعروف والله
ذياب بحنان:لا تشكريني اللحين قومي نامي وارتاحي تراك هلكتي نفسك بكي وورانا بعد شوي عشاء وبكرا عزيمة
ترف بهدوء:مابي انام اللحين بروح للبنات بجلس معهم شوي لين العشاء وبعدها بنام عشان اقدر اقوم الصباح واصلا مو باقي شيء على العشاء شوف كم الساعة
ذياب:اي والله خلاص مو باقي شيء اجل ببدل وانزل للرجال ولو تبين شيء دقي او ارسلي رسالة
ترف بهدوء:تمام وقامت تبدل ملابسها وتروح للبنات وكذلك ذياب بدل وراح للرجال .

انتهى 🧡
وش رأيكم بالبارت يحلوين 🤗
ووش توقعاتكم للاحداث الجاية 🤔
لا تنسوا التصويت حبايبي 💛🌼