حبيتك يالذيب رغم عذابي معك

البارت ٢١

المساء الساعة ١٢:٣٠؛؛؛؛

كانوا بالسيارة راجعين من العزيمة والكل مهلوك ويبي النوم وصلوا البيت ونزلوا وكل واحد دخل غرفته على طول من كثر التعب .
فتحت باب غرفتها دخلت وقفلت الباب راحت للدولاب اخذت بيجامتها ودخلت تبدلها بغرفة التبديل خلصت وجلست على التسريحة بتمسح الميك اب اخذت قطنة وحطت عليها مزيل لكن حست باحد معها بالغرفة خافت وكانت بتلف لكنه كان اسرع وحط المنديل ع فمها حاولت  تقاومه لكنه اقوى منها ومثبتها بقوة و اغمى عليها من المخدر ،حملها بين يديه ونزل فيها بهدوء عشان ما يحس عليه احد وركبها السيارة ورا وركب بعد م قفل البواب بزر الامان ومشى متحرك من المكان.

ثاني يوم الصباح؛؛؛؛؛

فتحت عيونها بانزعاج:اووف بناام
ذياب بابتسامة على منظرها المنزعج:قومي يا كسولة يكفيكي نوم تراني بمشي وانتي للحين نايمة
رفعت نفسها وجلست:وين بتروح
ذياب:للشركة، الشغل تراكم عليي بهالفترة  وشكلي بتأخر اليوم
ترف بهدوء:ذياب
ذياب:عيوني
ترف:متى بشوف امي؟
ذياب:وقت اخلص شغلي بشوف وش وضع امك واذا مسموح ترجع البيت بجيبها هنا
ترف بارتباك:وابوي وش صار عليه
تنهد ذياب:ما ادري عن شيء حاليا غير الي قلته لك بشوف غياث وش صار معاه وقت يرد ع جواله
ترف بهدوء:للحين مو قادرة اصدق شلون ابوي متزوج قبل امي وعنده عيال منها وما ندري كل هالوقت
ذياب:لانه كان خافيهم ما يبي احد يعرف عنهم اللحين باقي نعرف ونثبت افعاله ووش اسراره الي خافيها بعد
نزلت دموع ترف بحرقة:كنت حاسة انه يخبي شيء والله العظيم ما تركت طريقة اعرف فيها وش مخبي وكل مرة يكشفني ويعاقبني،كل هالوقت عنده عيلة غيري انا وماما وحنا معيشنا بجحيم وحارمنا ابسط حقوقنا
ضمها ذياب وهو يهديها:اششش اهدي روقي ما في شيء مستاهل انك تبكي عشانه ابوك بيتعاقب وانتي عندي جالسة معززة مكرمة وامك بعد وعدتك بجيبها هنا تعيش معك وش تبين بانسان عاصي ربنا والله اعلم ببلاويه
بعدت عنه ترف وهي تمسح دموعها:انا ما بيه اساسا ما عندي له مشاعر بس انقهرت وقت عرفت انه له عيلة ثانية ومن قبلنا بعد
مسح على راسها بهدوء:بيتعاقب صدقيني بيتعاقب على كل دمعة نزلها منك وكل جرح جرحك اياه وهذا وعد مني واللحين قومي تروشي وصحصحي بقول للخدامة تجهزلك الفطور وانزلي افطري انا بمشي لأني تأخرت
قامت ترف للدولاب تجهز ملابسها:تمام لا تقلق انا بنادي البنات هنا دامك بتتأخر
ذياب:تمام ولو تبين شيء ارسلي لي برسل السواق يجيبه
ترف:تمام
ذياب قرب لها وباس خدها بهدوء:سلام عيني
ترف بخجل:بحفظ الله
وطلع ذياب لشغله اما ترف دخلت الحمام(يكرم القارئ )تتروش وهي تفكر بأمس

*نرجع امس الساعة ١٠ مساء بعد م رجعوا للبيت*
فلاااش بااك؛؛؛؛

دخلت البيت بدون ولا كلمة وطلعت للجناح،استغرب ذياب من تصرفاتها وكان بيلحقها لكن استوقفه جواله الي دق فتح الخط :هلا غياث
غياث بهدوء:انت وينك
ذياب:بالبيت توني وصلت في شيء
غياث:داهمنا بيت اهل زوجتك وفتشناه
ذياب بصدمة:لحقت بهالسرعة
غياث:اي وصلتنا معلومات بحركة مشبوهة قرب البيت وداهمناه وفتشنا البيت لكن الصدمة مو هنا
ذياب بنفاذ صبر:اجل وش تكلم
غياث بهدوء:لقينا اوراق مهمة ومن ضمن هالاوراق شهادات ميلاد،له ولد اكبر من زوجتك يعني ابوها متزوج قبل امها بوحدة ثانية وله منها عيال ما ندري كم ولد له لكن الي لقيناه هو شهادة لولده سعود وشهادة زوجتك  ترف وواضح لنا انه متزوج ام ترف لسبب وللحين ما عرفنا وش هو
ذياب:انت شتقول متأكد من كلامك
غياث بهدوء:مع الاسف متأكد
ذياب:والرجال الي مسكتوه ما اعترف بشيء
غياث:الصباح بروح للمحقق الي يحقق معه واشوف وش صار معه وبعدها اخبرك،اللحين ابيك تشوف اذا زوجتك تدري بالمعلومات الي قلتها لك او لا عشان نقدر نتصرف
ذياب:ما عليك انا بتصرف
غياث:تمام فامان الله
ذياب:بحفظه مع السلامة وقفل الخط وهو يفكر بكلام غياث الي راح يكون مصيري ويحدد طريق حياتهم سوا اما يعيشوا حياتهم سوا بسعادة او رح يكتشف خيانتها هي بعد.
قطع تفكيره وصوله لجناحه فتح الباب ودخل ناداها ما ردت مشى لغرفة النوم شافها نايمة بالسرير ومغطية نفسها باللحاف حتى وجهها،قرب لها وسحب اللحاف بهدوء وهو يناديها:ترف قومي بكلمك بموضوع ضروري
ترف:مابي اتكلم بشيء ابي انام تعبانة اجل الكلام للصباح
ذياب:مو بكيفك حبيبي الموضوع ما يتأجل ويخصك ويخص ابوك
فزت ترف بخوف من طاري ابوها:ابوي!!وش دخله بالموضوع وش صاير
ذياب ببرود:ابوك متزوج قبل امك وعنده عيال منها بعد
ناظرته ترف بصدمة مبققة عيونها من كلامة:وش تقول شلون يعني كيف متزوج قبل امي وله عيال بعد وينهم اجل؟
ذياب وهو يناظرها بتفحص ويشوف ردة فعلها:مثل ما سمعتي ابوك متزوج قبل امك ولك اخ اكبر منك مدري بكم، لكن هذي المعلومات الي وصلتنا
ترف بدموع:يعني كل هالسنين له عيلة ثانية وحنا ما ندري اجل ليه تزوج امي ليه يعذبنا كل هالسنين دام له عيلة ثانية
قرب لها ذياب وضمها بحنية بعد م تأكد انها ما تدري عن شيء بس باقي لازم يتأكد اكثر:طيب اسمعيني امك تدري ما تعرفون اي معلومات عنه
ترف ببكاء :ما اتوقع ماما تدري لو تدري من زمان تركته وحنا ما ندري عنه شيء كان غامض وما يجلس معنا اصلا وكثير حاولت اعرف وش يشتغل او اذا في شيء مخبيه بس ما قدرت كان دائما يقفطني ويعاقبني
شد ذياب من ضمته لها وهو يقول:اششش خلاص عيني روقي صدقيني بينكشف كلشي قريب وكل مين كان معه ومتستر عليه وساعده بينكشف معه والكل بيتعاقب .

نهاية الفلااش باك؛؛؛؛

دخلت غرفة التبديل تلبس ملابسها بعد م تروشت ،مشطت شعرها ورشت عطرها ونزلت تفطر بدون ما تحط شيء على وجهها ،جلست على الطاولة وهي تشوف الخدامة تحط لها الشاهي ابتسمت لها بهدوء, افطرت وخلصت وطلبت من الخدامة تسوي لها قهوة وجلست بالصالة اخذت جوالها ودقت لحور وقالت لها على الجمعة عندها وطلبت منها تقول للبنات وهي بتنتظرهم ووافقت حور بفرحة وقالت لها:تم ابشري اللحين بدق للبنات وبنتجهز ونجيك.
وقامت ترف للمطبخ وبلشت تحضر الغداء بمساعدة الخدامة وبعد م خلصت سوت طبقين حلو واحد كيك بالشوكولاته والثاني حلا الاوريو خلصتهم وحطهم بالثلاجة وطلعت تتجهز لجية البنات.

انتهى 🧡
وش رأيكم بالبارت يحلوين 🤗
ووش توقعاتكم للاحداث الجاية 🤔
لا تنسوا التصويت يحلويني 🌼💛