حبيتك يالذيب رغم عذابي معك

البارت 36

بعد م انتهت جلسة التصوير لجميع عرايسنا الحلوات كانوا كلهم جالسين بغرفة العروس ونطقت حور بعدم تصديق للحين:بنات تدرون ان ذياب لاقى ترف ورجعها وهي اللحين هنا
ناظروها البنات بصدمة وقالت ميس بعدم تصديق:مستحيل يرجعها
ناظروها البنات بكره ونطقت نور:وانتي وش دخلك يا سوسة
ميس بكره اكبر:احترمي نفسك انتي يالسوسة وترا ذياب زوجي ولي كل الحق باني اتدخل مو مثلكم ومثل ذيك الي الله اعلم وين هربت ومع مين
نطقت بحدة :احترمي نفسك واعرفي عن مين تتكلمين تراك للحين ما شفتي وجهي الثاني والظاهر تبينه يطلع لك وابشري به
ناظروها البنات بفرحة وتقدموا منها كلهم وضموها بحب ودموع وهي ضمتهم بالمثل وهي فرحانة فيهم ونطقت بحب:الف الف مبروك يا حلوات بسم الله ماشاء الله تبارك الرحمن وش هالجمال كله
ضمتها حور بقوة:والله انك انتي الجميلة الحمدلله ع سلامتك يا روحي وين كنتي كل هالوقت
نطقت ترف بحب:نتكلم بعدين بهالموضوع المهم اللحين خلونا ننبسط بزواجكم
نطقت ميس بكره:عشتوو والله وش ذي الدراما كلها وتراكم للحين ما تعرفون وين كانت (وبسخرية) ومع مين
نطقت ترف ببرود:تبين تعرفين مع مين كنت
ميس بكره:وش لي اعرف بالطقاق انتي واياه
ترف:زين بوصل له كلامك ونشوف وقتها
ابتسمت ميس بسخرية وطلعت من الغرفة والنار تشتعل بقلبها وهي تفكر شلوون رجعت وكيف بشيلها من طريقها وتبعدها عن ذياب.
اما عند البنات الي كانوا فرحانين برجعة ترف ووجودها بينهم
نطقت حور بتردد وتوتر:ترف
التفتت لها ترف بابتسامة هادية:عيوني
حور بابتسامة متوترة:تسلم عيونك يقلبي بس بسألك
ترف بابتسامة:اسألي حبيبتي
ناظروها البنات بتوتر من ردة فعلها،ونطقت حور بربكة:ميس
قاطعتها ترف من فهمت مقصدها:ادري بكل شيء ذياب خبرني
العنود بصدمة:يعني تدرين انه تزوجها
ترف بابتسامة حزن واخفتها بهدوئها:ادري وادري انه جدكم غصبه يتزوجها وادري انه تركها من يوم الملكة  (وبابتسامة مرحة) لكن لا تخافون ما بتركها تاخذ راحتها
ضحكوا البنات بحماس على تفكيرها ودخلوا الامهات سلموا على ترف وتحمدوا لها بالسلامة وجهزوا البنات وكل وحدة ركبت مع زوجها وراحوا الفندق اما ترف رجعت مع ذياب والعنود رجعت مع امها واخوانها وميس رجعت هي وامها مع السواق بقهر بعد م عرفت انه ذياب اخذ ترف ورجعوا سوا لوحدهم ورفض يرجعهم معه.

بعد ثلاث اسابيع؛؛؛؛

عرسانا مسافرين على شهر العسل ...

حور وتركي،مسافرين لندن وعايشين اجمل ايامهم سوا وتركي ما ترك مكان ما اخذها عليه خلال هالفترة وباقي بياخذها .

حلا ورياض،كتاكيت الحب مسافرين تركيا وعايشين احلا الاجواء ورياض ما ترك بخاطر حلا شيء الا وسواه وطبعا ما تخلى رحلتهم من فصلات رياض وهي كل مرة تموت من الضحك على هباله الي كل مرة يطلع لها بشكل يضحكها .

نور وغياث،عصافير الحب مسافرين جزر المالديف وعايشين اجمل الاجواء بالاطلالات الرائعة والهدوء الخلاب وغياث بيموت على نور وحركاتها الناعمة ودلعها العفوي ونوري بتموت من خجلها وجراءة غياث الي اول مرة تكتشفها بهالشكل والي ما همه الناس وشلون يناظرونهم اهم ما عليه سعادة نور حياته .