حبيتك يالذيب رغم عذابي معك

البارت الثامن

بغرفة البنات؛؛

دق جوال حور وشافت المتصل ذياب نادت ترف ترد ع الجوال لانها مشغولة
ترف بارتباك:وش دخلني ارد انا ترا لو يبيني دق علي
حور:اقول ردي عليه بلا عبط اللحين يعصب علينا وبعدين تراه زوجك مو احد غريب
ردت ترف بتوتر وخاصة كل عيون البنات عليها:الو
ذياب اول م فتحت الخط وبدون ليركز بالصوت الي رد عليه قال بعصبية:ساعة لتردين وينك انتي
ترف بتوتر وخوف من عصبيته :انا ترف حور مشغولة
هدأ ذياب لثواني يستوعب وقال بجدية:اجل شوفيلي طريق بطلع للجناح ارتاح
ترف :زين جاية
قفلت الخط ورمت الجوال على حور :والله لاوريك يا حور ،وترا لحد يطلع ذياب بيطلع للجناح،وطلعت من الغرفة تركض لتحت تشوف ذياب
ناظرتها حور بصدمة ولفت للبنات:وش بلاها ذي كأني قتلت لها قتيل
نور بضحكة:ترا ذياب عصب عليها فكرها انتي والظاهر بتنتقم لانها اكلت الضرب مكانك
ضحكت حور بوهقة وضحكوا البنات معها
ناظرتهم ميس وقالت بخبث:بنات بنزل اجيب موية احد يبي
ناظرتها حور بقرف وقالت:الرجال يبي طريق وانتي بتطلعين بوجهه اقول انطمي واجلسي هنا لين يمشي
ميس بفشلة:انتي وش دخلك ترا رايحة المطبخ وطريق المطبخ غير طريق جناحه اعتقد
العنود بهدوء:انقلعي محد يبي منك شي
طلعت ميس بغرور ونزلت ورا ترف بدون لتنتبه عليها

عند ذياب؛؛

جات ترف لذياب وقالت بتوتر:اسفة تأخرت عليك
ذياب ناظرها بهدوء :ما صار شي وش بلاك خايفة
ترف:ابد بس خفت ترجع تعصب عليي لاني تأخرت عليك
ذياب:العصبية كانت لحور مو لك لكن جت فيك لانط رديتي ع جوالها المهم اللحين شوفيلي الدرب بطلع ارتاح
ترف:الدرب مفتوح بس انا م ادري وين الجناح
ذياب بهدوء:اجل اغراضك وين
ترف:اخذتهم الخدامة وانا اخذت الي احتاجهم مع البنات بس
انتبه ذياب لميس الي كانت تراقبهم وحاوط ترف من كتوفها ومشاها معه
توترت ترف من حركته وكانت بتتكلم لكنه قاطعها ذياب بهمس:اصص في احد
ميس انقهرت من شافتهم كذا قراب وقررت تطلع قدامهم وتقهر ترف وطلعت
واول م شافتها ترف غطت عيون ذياب بيدها وصرخت فيها: وش تسويين هنا ما تستحين على وجهك ترا من شوي قايلة ما احد يطلع وش طلعك
ميس بارتباك من صوتها العالي:ما كنت ادري انكم لسا هنا فكرته طلع
ترف بقهر :انلقعي من هنا لسا واقفة
ذياب توتر من حركة ترف وقربها منه وحس انها تسمع دقات قلبه وعشان ينهي الموقف وخاصة انه صوت ترف عالي حاوطها من خصرها وقال بعصبية لميس:خلصينا انقلعي انتي وهالوجه لا حيا ولا مستحى
طلعت ميس تركض وسحبت ترف يدها عن عيونه وقالت بتوتر:ما قدرت امنع نفسي وانا اشوفها داخلة كذا
ضحك ذياب وقال:وش ذي غيرة
ترف بقهر:سميها الي تبي وتركته بتمشي للبنات لكنه سحبها من يدها وضربت بصدره من قوة سحبه لها وقال:افا تتركي زوجك بنص الطريق كذا وترجع وحدة من البنات تنزل كذا واشوفها
ترف بقهر :اصصص اصصص يلا روح
ضحك ذياب وسحبها معه للجناح ودخلوا وقفل الباب
ترف بدموع من كثر قهرها من عصبيته عليها ومن الموقف الي صار من شوي وضحكه عليها :وش تبي اللحين ليش قفلت الباب تراك صرت بالجناح افتح برجع للبنات
ذياب بهدوء:انتي شفيك اللحين من وش معصبة ترا موقف وصار وانتي ما قصرتي فيها وش تبين بعد
ترف بتوتر:ما بي شي خلاص اتركني بروح للبنات
ذياب:ما في روحة قبل تقولين الي بخاطرك
ترف:تكفى ذياب لا تحملني شي فوق طاقتي ترا للحين مو مستوعبة شي من الي جالس يصير كل مرة احاول اناقشك فيها ما تسمعني ولا تسمحلي اقول شي
ذياب بهدوء:النقاش بهالموضوع منتهي قلته من قبل واذا على شوفتك لامك ترا مو ذنبي اذا تأخرنا اخذك لها وقت نرجع واللحين ابي ارتاح مهلوك تعب
ترف بكت بقهر من كلشي ودخلت للحمام (اكرمكم الله)وقفلت الباب بالمفتاح وجلست تحت الدش تبكي كل شيء بحياتها مخربط ومو مفهوم ومو قادرة تفسر المشاعر الي اجتاحتها من شوي مستحيل تكون غيرة لانها ما تحبه لكن وش تفسير مشاعرها وش مصيرها مع ذياب الي مو راضي يسمعها او حتى يحن عليها

عند ذياب؛؛

جالس ع السرير ويفكر بكلامها وبمشاعره وغيرتها الي كانت واضحة بالنسبة له صحى من شروده وانتبه للوقت وانها للحين ما طلعت صار لها ساعة خاف يكون صار لها شي وقام لباب الحمام(اكرمكم الله)يدقه ما كانت ترد عليه رجع دقه مرة ثانية وثالثة وينادي عليها :ترف افتحي الباب ترا اخر مرة ادقه اذا ما فتحتي بكسر  الباب
ودقه ووقت ما جاه الرد منها كان بيكسر الباب لكنه وقف مصدوم من فتحت الباب وكل ملابسها موية وجالسة ترجف،سحب المنشفة من الدولاب وراح لها يلفها فيها:وش سويتي مجنونة انتي تبي ترجعي تمرضي
ناظرته ترف بحزن وعيونها تلمع وتركته وراحت تبدل ملابسها
مسح ذياب ع وجهه بيده وهو يستغفر :وش هالورطة هذي قلت بنتقم منها وش جالس يصير لي اللحين
طلعت من غرفة الملابس وقالت بهدوء عكس داخلها:تبي شي بروح للبنات
ذياب بهدوء:اجلسي بتكلم معك
جلست ببرود تنتظره يتكلم
ذياب:تكلمي ابي اسمعك قولي كلشي بخاطرك ومخبيتيه
ترف:ما في شيء ينقال تعبت وانا اقولك اسمعني وانت ما تبي تسمع وش صار اللحين حتى صرت تبي تسمع
ذياب:لاني ابي اعرف وش سر الحزن الي بعيونك والي كل ما جيتي تتكلمي عيونك تلمع بحزن
ترف ببرود:مو شيء مهم تراك ما تفرق عنه بشيء الاختلاف الوحيد بينكم انك ما تشرب لكنه هو يشرب
ذياب بصدمة:انتي وش تقولين افرق عن مين ومين ذا الي تتكلمي عنه
ترف بغصة:اا....

انتهى 🧡
وش رأيكم بالبارت يحلوين 🌼
ووش توقعاتكم للاحداث الجاية 🤔
لا تنسوا التصويت حبايبي 💛🌼