حبيتك يالذيب رغم عذابي معك

البارت 34

نطقت ترف ودموعها على خدها:انه زوجي كريستين ذياب زوجي
قطع كل المسافة الي بينهم وضمها بقوة لصدره وكأنه  خايف ترجع تغيب يبي يخبيها بضلوعه بس ما تبعد عنه مرة ثانية
ونطق بعتب:ليش يا قلبي ليش تركتيني واختفيتي ذبحني غيابك ما تركت مكان ما دورتك به اشتقت لك واشتقت لريحة عطرك
ضمته بقوة وهي تقول:وانا بعد اشتقت لك لكن غصبن عني مشيت مابيكم تتأذون يكفي الي صار بسبب اهلي
نطق والد كريستين:هنيئا لكم عودتكم لبعضكم اتمنى لكم السعادة حسنا سوف نأجل عقد صفقتنا ليوم اخر
نطق ذياب بعد م بعد عن ترف خطوة وحدة وما ترك يدها لحظة:شكرا لك الفريدو حسنا سوف اتصل بك غدا الان سأخذ زوجتي ونذهب اريد معرفة كل ما حدث معها في غيابها عني
كريستين:اتمنى لكما السعادة حقا يمكنكم البقاء في منزلي انا وترف وانا سأبقى هذه الليلة مع ابي لقد اشتقت اليه ايضا فانا لم اره منذ مدة وضحكت بخفة
نطق ذياب:شكرا لكم جميعا لكن لا داعي للمنزل فانا حاليا اسكن في الفندق سأخذها واذهب الى هناك الى اللقاء في وقت لاحق وخرجوا من غرفة الاجتماعات ومن الشركة كلها متوجهين للفندق.
بعد فترة من الوقت وصلوا الفندق وذياب مو تارك يد ترف ابدا وكأنه خايف تهرب منه او تختفي ،نزلوا من السيارة وتوجهوا مباشرة لجناح ذياب بالفندق دخلوا وقفل ذياب الباب والتفت لترف الي واقفة بنص الصالة بتوتر تقدم منها وضمها بقوة وهو يوزع قبلاته على شعرها ووجهها وعيونها وقفته ترف وهي تشع من الخجل ونطقت:ذياب
ذياب بهدوء:اشتقت لك لا تحرميني
ترف بخجل وبمحاولة لتغيير الموضوع دفنت وجهها بصدره ونطقت:شلون نور؟
تنهد ذياب من عرف انها خجلانة وما حب يضغط عليها ونطق بهدوء:الحمدلله بخير وابشرك تراها ملكت وزواجها اخر الشهر هي وحور وحلا (وما جاب لها طاري زواجه من ميس او رجعتها لانه ما يبي يتعكر صفوه وهو اللحين بس لاقاها)
ترف بفرح للبنات:من جد يعني بيتزوجوا واخيرا ونور من ملك عليها ؟
ذياب:غياث ملك على نور والبنات كلهم ناطرينك وعندهم امل ترجعين وتحضرين زواجهم وتشاركيهم فرحتهم
دمعت عيون ترف بشوق للبنات وما نطقت وما تدري وش بتسوي بعدين ونطقت بعد فترة صمت :وش بصير اللحين؟
ذياب:وش؟! بترجعين معي بعد م اوقع العقد مع الفريدو وبتحضرين زواج البنات ولا ما تبينهم يفرحون بوجودك معهم ترا حور صدعت راسي كل يومين تسألني لو لقيتك او عرفت عنك شيء
ترف:اشتقت لهم وربي لكن خايفة
قاطعها ذياب باستغراب وهو يناظر عيونها:من وش خايفة
ترف بدموع:خايفة ما احد يتقبلني بعد الي صار وخايفة من اهلي وقت يعرفون اني رجعت بيرجعوا يأذونكم ويكفي الي جاكم منهم للحين مو قادرة استوعب افعالهم ذي كلها
ذياب:انتي مالك ذنب بكل شيء صار وترا بقولك شيء
ترف: وش هو
عدل جلسته ومسك يدينها وناظر بعيونها:ابيك تكونين قوية ،ابوك وزوجته وولده تقاصصوا وتم اعدامهم من اسبوع ونص
دمعت عيون ترف بحزن على الحال الي وصل نفسه ابوها فيه ،سحبها ذياب وضمها بقوة وهو يهديها يدري ان وقع الخبر مو سهل ابد عليها لانه يبقى ابوها لكن مصيرها تعرف ظلت تبكي فترة بحضنه وبعدها رفعت نفسها باحراج وهي تسأل بفضول وكتغيير للموضوع:وش سويت بعد م سافرت
تنهد ذياب وهو يقول:ابد يا قلبي من يوم الي اختفيتي وانا ادورك من بلد لبلد (وبهم بان بصوته)وصار شيء من اسبوع كرهني البلد وقررت اسافر وما ارجع الا وانتي معي
ترف باستغراب وتساؤل:وش صار ،شيء سيء موب كذا
مسح ذياب وجهه بايده وشد شعره بقوة وتنهد وهو ينطق الخبر بدون ما يناظر عيونها:تزوجت
ناظرته ترف بصدمة موب مصدقة الي سمعته ونطقت بعدم تصديق وتكذيب لكلامه: تزوجت؟!!تمزح معي صح ؟ قول انك تكذب ذياب انت ما تزوجت عليي لاني سافرت موب كذا ؟
وقف ذياب عند الشباك الي يطل على الشارع ونطق بهدوء:مو كذب انجبرت اتزوج بس وربي ما قربت لها هي ملكة بس وانا بعد م وقعت على طول سافرت
ترف بعدم تصديق:شلون انجبرت ذياب ابي افهم شلون ومين ذي الي تزوجتها
غمض عيونه بقهر وتقدم لها ومسك يديها بهدوء وهو يقول:اسمعيني بقول لك كل شيء اجلسي واسمعيني والي تبينه بعدها بيصير
سحبت يديها منه بقوة ودموعها خانتها ونزلت من القهر ونطقت بغصة:تكلم اسمعك
قالها ذياب كل شيء صار من وقت اتصل عليه جده وطلبه يرجع لين سافر
ذياب:وذا كل الي صار يشهد عليي ربي ما كذبت عليك بحرف ولو تبين تصدقين اكثر اللحين بدق لغياث وتسمعين منه بنفسك
ترف ودموعها غرقت وجهها:وذي الحقيرة متى بتكشفوها ترا ما اتحمل احد يشاركني فيك شلون ميس
ذياب وهو يمسح دموعها:اول شيء دموعك مابي اشوفهم وثاني شيء انتي تدرين مين الي ساكن قلبي وما احد يقدر. يشاركك فيه وثالث شيء والاهم اني ما راح اقرب لها نهائيا وهي مجرد انسانة صارت تحت مسؤوليتي بس لحتى اكشفها واكشف مخططها هي وامها
رمت نفسها بحضنه وضمته بقوة وهي تنطق:اوعدني ما تتركني عشانها او تاخذ مكاني اوعدني ذياب او اتركني هنا و روح عيش حياتك معها
قطع كلامها ذياب وهو يشدها لحضنه اكثر :شششش مابي اسمع هالكلام مرة ثانية لو شو ماصار انتي تعرفين مكانك ولا اسمعك مرة ثانية تقارنين نفسك بأي احد حتى لو ميس واللحين يلا قومي غسلي بنروح نتغدا بمطعم ونرجع نرتب امورنا لازم اخلص الصفقة بيني وبين الفريدو وبعدها بنرجع السعودية عشان نتخلص من ذيك الي ما تتسمى
ترف بابتسامة:زين انتظرني بغسل وجهي واجيك وترا وذيك الي ما تتسمى لا تحلم تشوف يوم واحد حلو وهذاني قلت لك يعني لا تجيني وتقول ليش وليش
ذياب بضحكة:تمام يا قلبي حلالك سوي الي تبين تسوين فيني خير لو عرفتي وش تخبي
ضحكت ترف وهي تأشر على عيونها بمعنى:من عيوني وراحت تغسل وجهها ورجعت لذياب الي من شافها وقف ومسك يدها واتجهوا للمطعم اتغدوا سوا وتمشوا شوي بشوارع ايطاليا وبعدها رجعوا للفندق هلكانين من التعب وترف نسيت تمر بيت كريستين تجيب اغراضها من وناستها بلقاءها بذياب وقضاء الوقت سوا .
اول ما دخلوا الفندق رمت نفسها ترف على الكنب وهي تقول:اووف تعب ابي اناام
تقدم ذياب لها وهو يقول بخبث:اجل وش ورانا تعالي ننام
ترف الي شافته شلون قرب وانتبهت لنبرة صوته وقفت بفزع:لاا ذياب تكفى مافيني حيل والله
مسكها ذياب من خصرها وحملها بين يديه وهو يقول:مو بكيفك يا قلبي حارمتني منك كل هالمدة واللحين ما تبيني اقرب انا اسف ودخل غرفة النوم وقفل الباب
ترف دفنت وجهها بصدره بخجل وهي فعلا مشتاقة له....
✨وبس والله🫣 وش تبون منهم خلونا نتركهم لحالهم شوي ونروح لغيرهم😂😂

ببيت ابو غياث؛؛؛؛

متمددة بسريرها وتكلم رياض الي يبي يشوفها وهي رافضة لانه زواجهم قرب وتبيه يشتاق لها وذا كان اتفاقها هي والبنات
حلا برفض:لا رياض لا تحلم مافي تشوفني الا يوم الزواج
تنهد رياض بشوق:يا بنت ارفقي بقلبي لي اسبوعين مو شايفك واللحين تبيني انتظر كمان ثلاث اسابيع مو حرام عليك كذا
حلا بخجل:ما يصير رياض لازم ما تشوفني عشان تشتاق لي اكثر
رياض:ترا بشوفك بشوفك واليوم
حلا:ما رح تقدر
رياض:زين اللحين نشوف اقدر لو لا.

انتهى 💛
وش رأيكم بالبارت يا حلوين 🫣
وش توقعاتكم للأحداث الجاية 🤔
لا تنسوا التصويت يحلوين 🌟💛