حبيتك يالذيب رغم عذابي معك

البارت ٢٣

بمكاان بعيد عن الرياض بامتار ،بمنطقة مهجورة ما فيها الا بيت متوسط الحجم ومسور من خارجه جالس يراقب البيت من بعيد بعد م عرف واخذ كل المعلومات عن العصابة وموقعها وعدد الاشخاص الي موجودين
جراح بهدوء:متى بنداهم البيت؟
غياث:ننتظر كمان شوي لين نتأكد اننا محاصرينهم وما نوقع بكمين
هز جراح راسه ورد على جواله:الو السلام عليكم
الضابط والمسؤول الكبير عن الشرطة والمهمات الخاصة*ابو احمد*: وعليكم السلام يا جراح،وش الوضع عندكم؟
جراح:لين اللحين كله تمام نراقب المكان وننتظر الوقت المناسب للمداهمة
الضابط ابو احمد:زين غياث وينه جواله ليه مقفل
جراح:غياث جنبي اللحين بعطيه الجوال،ومد الجوال لذياب وهو يقول:الضابط ابو احمد
اخذ الجوال غياث وهو يقول:احترامي سيدي
الضابط ابو احمد:جوالك ليه مقفل يا غياث
غياث بهدوء:الظاهر خلص شحنه ونسيت اشحنه لاني التهيت بالمهمة ،تأمرني بشيء
الضابط ابو احمد:وصلتنا معلومات انه العصابة خاطفين بنت امس شافهم رجال وهم يجرونها وهي تصرخ وتستنجد كان بيساعدها لكنه خاف على اهله وجاه وخبرنا
غياث بهدوء:عرفتوا من بنته؟
الضابط الو احمد:للحين ما ندري لكن بشوف لو وصلتنا اي اخبارية خطف او اختفاء
غياث بهدوء:زين اي معلومات توصل دق لجراح لان جوالي مقفل
جراح بريبة:غياث في حركة
ناظر غياث وقال بهدوء على اللاسلكي:الكل يستعد ورجع لجوال جراح وهو يقول للضابط:بالاذن منك لكن لازم نبلش في حركة مشبوهة
الضابط ابو احمد:بامان الله انتبهوا وعلموني وش يصير معكم
غياث:ان شاءالله وقفل الجوال وسحب سلاحه يجهزه :جراح انا بنزل بهدوء من ورا البيت وانت راقب واحمي ظهري وباقي الشباب محاصرين البيت اي حركة بتتم المداهمة
جراح:زين اتفقنا لكن انتبه لانه في بنت داخل ما نبي تتأذى وما ندري وش يخططون له
غياث:باذن الله ما بصير شيء
ونزلوا للمداهمة...

نروح لنفس المكان لكن عند العصابة؛؛؛

كانت مربطة بالكرسي وتحاول تحرر نفسها وتصرخ عليهم:فكوني مين انتوا ووش تبون مني
ناظرتها الحرمة بضحكة وهي تقول:افاا وش فيك ترانا بنتسلى مع بعض
نور بحرقة:انتي مين ووش تبين ليش انا هنا
الحرمة:ابد والله سمعنا انك خطيبة غياث حبينا نبارك له على طريقتنا
انصدمت نور من كلامها: انتي وش تقولين من غياث ذا واساسا انا موب مخطوبة
ضحكت الحرمة بصوت عالي وهي تقول:لاا كذا كثير الصراحة (وبحدة)اقول العبي على غيري بهالكلام ندري انك خطيبة ولد عمك غياث
نور ببكاء وصراخ:انا موب خطيبة احد وش تألفين انتي ومن قالك هالكلام اصلا
طنشتها الحرمة وهي تروح للغرفة الثانية وتقول:واللحين وش بنسوي بذي تراها صدعتني
ابو سعود بخبث:بحرق قلبه عليها
ام سعود:شلون وش بتسوي يعني
ابو سعود:اللحين تعرفين وسحب جواله ودق لذياب
ذياب بهدوء:الو
ابو سعود:شلونك يا ذياب عساك طيب
ذياب بصدمة:ابو ترف!!وش تبي داق
ضحك ابو سعود باستفزاز:افاا كذا تتكلم مع ابو زوجتك ما هقيتك قليل اصل
ذياب بحدة:والله ما احد قليل اصل غيرك اخلص عليي وش تبي داق
ابو سعود بخبث:ابد والله بس حبيت اطمنكم على خطيبة غياث وقل له خطيبك بالحفظ والصون
ذياب بصدمة لكن اخفاها بهدوءه:مين خطيبة غياث غياث موب خاطب
ابو سعود بضحكة:افاا عليك نور بنت عمكم ابو تركي موب خطيبة غياث شلون هالكلام وحنا وصلنا العلم انها خطيبته
ذياب بعصبية:وين نور وليش خاطفها يا مريض وش تبي ببنت
ابو سعود باستفزاز:ابد والله مابي منها شيء لكن حبيت اباركلكم هالزواجات الحلوة يعني مو عيب تعملوا زواجات وما تعزم ابو زوجتك
ذياب بعصبية:انطم يا الواطي وربي لاجيبك لو جالس تحت سابع ارض ونور ان صار لها شيء موتك على يدي
ضحك ابو سعود بصوت عالي وقفل الخط بوجه ذياب.

ببيت ابو تركي؛؛؛

الكل كان متجمع حوالين ذياب يبون يفهمون مين ذا الي خاطف نور.

ذياب بعصبية وقهر رمى الجوال بالارض:الحقيير يبي ينتقم والله لاخليه عبرة لكل الناس
الجد بحدة:ذياب تكلم من ذا عرفت وين نور
ذياب بقهر:ما عرفت وينها لكن عرفت مع مين بدق لغياث وسحب جواله من الارض وهو يدق على غياث لكنه مقفل صرخ بقهر :غيااث مو وقتك والله مو وقتك
تركي:بدق للشرطة لازم يدرون بس قول مين الي خطفها
ذياب بهدوء:ابو زوجتي
ناظره الكل بصدمة من كلامه
تركي بذهول:ووش تقول ابو زوجتك خاطف نور؟
ذياب بهدوء:اي سالفة طويلة افهمكم اياها بعدين اللحين دق للشرطة وقول الرجال الي خاطف اختي اسمه ابو سعود ومعروف باسم ابو ترف
دق تركي للشرطة واعطاهم المعلومة وجلس وهو يقول فهمني وش السالفة اللحين ووش دخل ابو زوجتك بنور
ذياب بهدوء:(جلس يقول لهم السالفة من اولها لاخرها،نتركهم ونروح لغياث).

عند غياث؛؛؛

نط من السور خلف البيت وتقدم بهدوء للشباك يحاول يشوف ان كان في احد ما كان باين شيء وقرر يقتحم بهدوء تقدم للباب بعد م اشر لجراح يكون وراه وينتبه ،فتح الباب بهدوء وطل براسه كانت الغرفة فاضية دخل وهو يجول بنظره للمكان ويتفقده شاف باب ثاني تقدم له وسمع اصوات ضحك تقدم بهدوء وكان بيفتح الباب لكنه انفتح وجه السلاح عليه وهو يقول بصوت عالي:ارفع يديك وسلم نفسك
خاف وتراجع وجاء على الصوت ابو سعود وام سعود
ضحك ابو سعود باستهزاء:يا اهلاا بالعريس والله وش تسوي هنا
غياث بحدة:والله ووقعت بيدي يالكلب عامل فيها الشريف ومو مخلي شيء الا ومسويه مفكر نفسك تقدر تهرب من غياث
ابو سعود:وانت مين مفكر نفسك عشان تفتش وراي وتلاحقني هااا
غياث:هذا الكلام نتكلم فيه بالتحقيق مو هنا ارفع يديك فوق بسرعةة
تقدمت ام سعود وقدامها نور وحاطة السلاح براسها:اطلع من هنا وانسانا او اقتلها واقتلك
انصدم غياث وهو يشوف البنت الي ما عرفها بالبداية لكنه عرفها من صوت شهقاتها:تكفين لا تقتليني اتركيني برجع بيتنا
غياث بصدمة:نور
ضحك ابو سعود باستهزاء:وش رأيك بهالمفاجأة
غياث بعصبية:اتركها يا حقير واطلق رصاصة بالسقف
ابو سعود ببرود:تبيها؟ تعطيني الامان بمشي انا وعيلتي
غياث بحدة:لوو تموت ما اعطيك الامان ترا كل هالسنين ادورك واللحين بهالبساطة تبيني اعطيك الامان
ابو سعود ببرود:اجل ودع حبيبة القلب وسحب سلاحه بيطلق على نور لكن غياث كان اسرع واطلق على يده
صرخت ام سعود برعب ووقع السلاح من يدها وقت شافت ابو سعود ينزف ودخل جراح وهو يكلبش ابو سعود
تقدم غياث لنور وهو يقول انتي بخير فيكي شيء
نور بخوف:رجعني البيت تكفى ابي امي
غياث بحنان:لا تخافي بنرجع سوا
استغل سعود انشغالهم وسحب سلاح ابوه واطلق رصاصة على...

انتهى 🧡
وش رأيكم بالبارت يحلوين 🤗
ووش توقعاتكم للاحداث الجاية 🤔
لا تنسوا التصويت يحلويني 🌼💛