حبيتك يالذيب رغم عذابي معك

البارت 11

بمجلس الرجال؛؛
الكل مجتمع بالمجلس ينتظرون الشيخ الي بيعقد لتميم والعنود
تكلم رياض بقهر:ترا والله العظيم قهر تميم البوم يخطب واليوم يملك وانا الي لي اكثر من ثلاث شهور خاطب واترجاكم نملك وكل شوي مو وقته مو وقته
ذياب:والمعنى شتبي اللحين
ناظره رياض وتكلم بهمس:تكفى يا ولد العم ترا ما يقولون لك لا ابي املك ع حلا اللحين مع تميم تكفى اقنعهم
ضحك ذياب بروقان وقال:وش المقابل
ضحكوا عليه الشباب كيف جالس يترجاهم يملكون له مع تميم من كثر مهو مقهور
رياض بقهر:انطموا انتم ولف لذياب:تكفى اقنعهم ولك الي تبيه اطلب تعطى
ذياب بضحكة:تم نكلمهم
رياض كان بقوم يضم ذياب ويبوس راسه لكنه تراجع من شاف الكل يناظره
ذياب:اقول يا جدي وش رأيكم نخلي الفرحة فرحتين ونملك لرياض بعد مع تميم
دخل غياث المجلس وناظر رياض بجمود:وليش م يتكلم هو دامه يبيها (ثم نطق السلام وتقدم لجده يسلم عليه وعلى عمومته)
رياض بقهر:يا اخي تكفى هو بقى احد م كلمته لي ساعة اترجاهم ومحد فاضي لي
نطق الجد لغياث:وينك يا ولدي للحين
غياب بهدوء:اعذرني يا جدي لكنك تعرف شغلي م اقدر اتركه وامشي لين خلصت جيت على طول
الجد بهدوء:زين يعطيك العافية،واللحين دامك انت ولي امر اختك وش رأيك بكلام رياض
غياث ناظر رياض والتفت لجده:الامر كله بيدك يا جدي تبيهم يعقدون تم تبي تأجلها لوقت ثاني تم الكلمة كلمتك يالغالي
الجد بحب:الله يرضى عليك ويحفظك يا ولدي ،اجل روح كلم اختك تتجهز بنعقد لهم مع تميم والعنود
قام غياث :تم على بركة الله(طلع ودق لاخته وطلبها تجيه للمجلس وبالفعل راحت للمجلس وسلمت ع غياث وجلست تنتظره يتكلم)
غياث بهدوء وبدون مقدمات:رياض طلبنا نعقد لكم اللحين مع تميم تبين ولا لا
انصدمت حلا من كلامه وما ردت عليه
غياث بحنان:حلا يقلبي وش تبين
حلا بتوتر:الرأي رايك انا مالي كلمة بعدك
غياث ضمها وباس راسها:اجل توكلنا ع الله تجهزي بعد م نعقد لتميم بنعقد لك ان شاءالله
ضمته حلا وقالت بهمس:ان شاءالله
ورجع غياث لمجلس الرجال وطلعت حلا لغرفة البنات وخبرتهم بامر ملكتها هي بعد والكل فرح وصارت الفرحة فرحتين وتم العقد لتميم والعنود ورياض وحلا والكل رجع ع غرفه ينام ويرتاح بعد تعشوا لانه بكرا وراهم عزيمة وكرف.

بجناح ذياب؛؛؛

كان متمدد ع السرير دايخ من التعب لكنه ينتظر ترف تجي ويطمن انها بالغرفة
لف نظره للباب الي انفتح:ليش طولتي
ترف بهدوء:ما حسيت بالوقت
ذياب:قفلي الباب بالمفتاح وتعالي نامي ورانا كرف الصباح
هزت راسها ترف بهدوء:تمام
قفلت الباب وراحت تبدل لبيجامة مريحة واخذت مخدة ولحاف وطلعت بتنام ع الكنبة لكن ذياب وقفها بسؤاله:وش تسوين؟
ترف:بنام
ذياب بهدوء:مكانك هنا(ويأشر بيده ع السرير)مو الكنب
ترف بتوتر:ماله داعي متعودة انام ع الكنب
ذياب بهدوء:واللحين انتي متزوجة ومكانك بحضني
ترف بتوتر من كلامه:وش قصدك
ذياب بابتسامته الجذابة:ابد طال عمرك لا تخافي ما بسوي شي بس ابيك ترتاحين لانه ورانا تعب وغير كذا م اضمن تدخل علينا جدتي وتشوف كل واحد فينا نايم بمكان ترا بتصير فينا علوم من وقت شافتني وهي تهدد فيني وشاكة انه وضعنا موب زين
ترف :بس الباب مقفول
ذياب:واذا مقفول معها مفاتيح احتياط
ترف:والحل اللحين
ذياب:مكانك جمبي تفضلي(وسحب اللحاف يعطيها مجال جمبه )
تقدمت بارتباك واضح للسرير وجلست عليه
ذياب غمض عيونه وقال:استرخي وارتاحي وطفي الضو بنام تعبان
تمددت ترف بارتباك بعد م طفت الضو وكل شوي تحاول ما تكون قريبة منه
تأفف ذياب بتعب من حركتها وارتباكها ومد يده لخصرها وسحبها لحضنه
شهقت ترف بخوف وحاولت تفلت منه:ذياب
قاطعها ذياب:اششش ورب البيت مو مسوي شي خلاص نامي راسي صدع من كثر حركتك
ترف بتوتر:زين خلاص ما بتحرك بس اتركني
ذياب بعناد:ما بتركك وبتنامي كذا (وصار يلعب بشعرها بحنية لحد م انتظمت انفاسها ونامت ونام بعدها على طول)

بالحديقة؛؛؛

كانت جالسة وتفكر بحياتها الجديدة واذا علاجها رح يتم او لا،شهقت بخوف فجأة من حست بأحد ضمها من ورا وباس راسها
تميم:هذا انا يا قلبي لا تخافي
العنود بشوية ارتاح:اوووف رعبتني احسب احد غريب
ضحك عليها تميم:ومن في غيرنا بالمزرعة واساسا المزرعة كلها حراس يالخوافة
العنود:وانا وش يدريني خفت وخلاص
ضمها تميم وضحك:هههههه يالخوافة ،وش مجلسك بالبرد ووحدك بعد
العنود:ابد ما جاني نوم وما حبيت ازعج البنات وقررت اجلس هنا
تميم:ممم زين ووش سرحانة فيه وخلاكي م تحسين بالي حولك
العنود:ابد والله احاول استوعب اني تزوجت بس
تميم:اها اجل تفكرين فيني يا بعد قلبي
العنود:ومن قال اني افكر فيك ترا افكر بحياتي شلون بتصير وشلون بعيش مع رجال ببيت لوحدنا وهالشغلات كلها
تميم:ابد يا حياتي بنعيش مع بعض ببيت واحد وبناكل سوا وبنشرب سوا وبنام سوا
صرخت العنود بخجل من كلامه وهي تحط يدها ع شفايفه تسكته:عيب عيب وش ذا الكلام قليل ادب وربي
ضحك تميم بقوة وباس يدها الي ع شفايفة:افا تخجلين من زوجك ترا ما قلت شي بس انتي واضح نيتك صافية يا قلبي
العنود:خلاص يكفي سكر الموضوع (وعشان تتهرب منه قالت):بقوم انام جاني النوم
مسك يدها تميم:وين حبيبي بدري
العنود:وين بدري الساعة ٢ نص الليل
تميم ما يبي يضغط عليها قال:اجل بقوم انام انا كمان مو باقي شيء لاذان الفجر
العنود:تمام تصبح على خير
تميم:لحظة ما كأنك نسيتي شي
لفت عليه العنود باستغراب:وش نسيت
قرب لها تميم وباس خدها وقال:بوسة قبل النوم حبيبي مع اني ابيها بمكان ثاني لكن ما عليه الايام جاية
ضربته العنود بخجل وقالت:قليل ادب صدق وهربت للداخل وقلبها مثل الطبول من التوتر والخجل وتمددت ع سريرها وغطت بنومة من التعب.

انتهى 🧡
وش رأيكم بالبارت يحلوين 🤗✨
ووش توقعاتكم للاحداث الجاية 🤔
لا تنسوا التصويت يحلويني 🌼💛