حبيتك يالذيب رغم عذابي معك

البارت 17

ذياب مسح على شعرها بحنية وباسه :لا تعتذري ما صار شيء،(وقال بتسائل)اكلتي
هزت راسها بالرفض:لا وما ابي اكل احس مو مشتهية
بعد عنها ذياب :مو بكيفك غسلي وانزلي للصالة بروح اطلب لنا اكل بنتغدا مع بعض تراني ميت جوع
ونزل بدون م يسمع ردها اما ترف غسلت وجهها وعدلت مكياجها ونزلت للصالة يتغدوا.

بعد مرور اسبوع بدون احداث؛؛؛

كان جالس يلف على المرضى بالقسم ويتفقدهم شاف الدكاترة تركض باتجاه غرفة جده ركض وراهم بخوف من انه يكون صار له شيء وصل الغرفة وهو يلهث وقال بخوف بدون لينتبه لجده:دكتور خالد وش صار شفيه جدي
الدكتور خالد بابتسامة:لا تخاف جدك بخير والحمدلله صحى من غيبوبته واللحين جالسين نعمله الفحوصات اللازمة تقدر تطمن الاهل
ضمه تميم بفرح وهو يقول:الله يبشرك بالخير يا رب،بشوفه بتطمن عليه بنفسي
الدكتور خالد:يا دكتور تميم المريض بيتجهز لغرفة الاشعة  وقت ننقله لغرفته الخاصة بخبرك تتطمن عليه
هز براسه تميم بدون كلام وطلع يبشر الكل بسلامة الجد
بعد ساعة الكل كان متجمع بغرفة الجد ويتحمد له بالسلامة. والكل فرحان
الجدة بفرح:ذياب
ذياب بابتسامة:سم يالغالية
الجدة بحب:سم الله عدوك،ابيك تعزم كل معارفنا واصدقائنا بنعمل عزيمة كبيرة بسلامة جدك
ذياب:تم يالغالية بكرا اعزمهم وبعد بكرا تكون العزيمة يكون جدي طلع من المستشفى وارتاح
هزت راسها الجدة وهي تدعيله بهمس
الجد بتعب:ذياب
قرب له ذياب بابتسامة :عونك ذياب سم يالغالي
ابتسم الجد بتعب:وش صار
فهم عليه ذياب وطمنه:لا تخاف كله تمام والحقيرة للحين محبوسة لين انت تقرر شلون بتعاقبها
الجد بهدوء:وعمتك ابتسام وينها ما اشوفها
ذياب بهدوء:حابسة نفسها بغرفتها والاكل يطلع لها وتقول ما بطلع لين تطلعوا بنتي
تنهد الجد بضيق وقال:ابي ارجع البيت يا ذياب
ذياب بهدوء:ما يصير يا جدي ما صارلك صحيان من الغيبوبة ثلاث ساعات لازم تبقى تحت المراقبة
لف وجهه بزعل وتنهد ذياب:بشوف الدكتور واحاول فيه نرجع البيت ولا تزعل يالغالي ولف لابوه:يبا من بعد اذنك خذوا الكل وارجعوا البيت وانا بشوف الدكتور وبنرجع انا وجدي(ووجه كلامه لترف)ترف انتظري ابيك
وقفت ترف:كنت بدق عليك اول م اطلع برا الغرفة
ذياب قرب منها :بترجعين معي شوفي اغراض جدي جمعيهم بالشطنة لين م ارجع
هزت ترف راسها بهدوء: تمام
والكل طلعوا راجعين للبيت وذياب طلع للدكتور يكلمه ويخلص اوراق خروج جده.

بسيارة غياث كان راجع للبيت ومعه حلا وتميم الي انتهى دوامه لليوم
دق جواله وحط السماعة باذنه ورد:هلا
جراح :غياث في معلومات جديدة ومهمة لازم تجي اللحين للمركز
شخط بريك بقوة ولف السيارة وغير طريقه للمركز وقال بحدة:جاي مسافة الطريق
تميم وحلا الي خافوا من طريقة وقوفه وتغييره للطريق
تميم بخوف:شفيك كذا وقفت وغيرت الطريق
غياث بهدوء لكنه مخيف بالنسبة لحور الي نزلت دموعها بخوف:رايح للمركز عندي شغل ما اقدر ااجله اوصل وخذ سيارتي ارجعوا بها
تميم:وانت شلون بترجع
غياث:احتمال ما ارجع الليلة ووقت ابي ارجع ادبر نفسي
تميم بهدوء:تمام
ووصلوا للمركز بسرعة قياسية بسبب سرعة غياث الي تعدت ال ١٦٠ نزل غياث بعد قال لهم ينتبهوا للطريق ودخل للمركز اما تميم. اخذ مكان غياث بالسواقة وتقدمت حلا قدام مكان تميم ورجعوا للبيت .

بالمركز؛؛؛؛

دخل بهيبة وهدوء عكس العواصف والنار الي داخله والكل يدق له تحية دخل مكتبه وقفل الباب و قف جراح الي كان ينتظره من وقت م كلمه ودق له تحية وبعد السلام:تكلم وش المعلومات الجديدة الي عندك
الملازم جراح:البنت الي ارسلناها للعنوان دقت الباب ولا احد فتح لها وظلت فترة واقفة وطلعت لها الجارة وقالت لها اصحاب البيت لهم اكثر من اسبوعين مو موجدين البنت والام انخطفوا والاب اختفى بعدها بيومين
غياث بصدمة:وش تقوول متأكد من معلوماتك
هز جراح راسه بمعنى نعم:متأكد طال عمرك وعرفنا اسمائهم (ومد له ورقة مكتوب عليها معلومات العائلة)
اخذها غياث وقراها وانصدم من المعلومات الي موجودة بالورقة وطلب من جراح يراقب البيت لين م يفكر بخطة يقدر يوصل للام وبنتها.

ببيت الجد؛؛؛

كانوا الكل متجمعين وينتظرون الجد الرجال بالمجلس الخارجي والحريم بالمطبخ تجهز الغداء والبنات الي تساعد الحريم بالطبخ والي تبخر البيت والي تجهز الغرفة بالطابق الارضي للجد لانه تعبان وما يقدر يطلع وينزل درج والشباب الي جالسين بالمجلس مع ابائهم لكنهم بزاوية بعيدة عنهم متجمعين وكالعادة يلعبون بلوت ويتهاوشون.

بعد دقايق وصل ذياب ومعه الجد نزل ذياب ونزلت ترف وراه وتقدم لباب الجد وهو يقول لها اجلسي مع البنات وخلي جوالك بيدك بدق لك عشان نمشي ولو صار اي شيء دقي عليي
هزت ترف راسها بنعم:تمام ودخلت للداخل
اما ذياب اخذ بيد جده وسنده عليه ومشى فيه لين المجلس جلس شوي معهم وبعدها دخل ذياب الجد لغرفته لانه لازم يرتاح وطلع وقفل الباب بيرجع للمجلس لكن استوقفه صوت عمته الي قالت بحقد:اسمعي يا ذياب
لف لها ذياب وناظرها ببرود:وش تبين
العمة ابتسام:بتفتح لبنتي الباب يكفيها الي جاها
ذياب ببرود:ومن قال انه يكفيها ترا الي جاها قليل وكثير بعد على الي سوته وتراني انتظر كلمة من جدي وربي لاخليها تتمنى الموت وما تلاقيه
العمة ابتسام بحقد:كل تبن يحقير بنتي ما سوت شيء انتم افتريتوا عليها وربي اذا ما طلعت بنتي اللحين لاقلب حياتكم لجهنم
ذياب ببرود:اعلى ما بخيلك اركبيه ولف ظهره وطلع لسيارته يتنفس بغضب من عمته وتذكر ترف وخاف عمته تأذيها حتى لو بالكلام دق عليها وردت بعد اربع رنات:هلا
ذياب بهدوء:وش تسوين
ترف:ابد جالسة مع البنات
ذياب :اجل اطلعي لي انتظرك بالسيارة
ترف:تمام دقيقة وقفلت لبست عبايتها وطلعت لذياب بالسيارة ركبت وحركوا متجهين للبيت.

انتهى 🧡
رأيكم بالبارت يحلوين 🤗🤍
ووش توقعاتكم للاحداث الجاية 🤔
لا تنسوا التصويت يحلويني 🌼💛