حبيتك يالذيب رغم عذابي معك

البارت 33

قام غياث من مكانه وجلس مكان عمه ابو تركي وقال بخبث:بتبقين كذا بعيدة يعني تراني اللحين زوجك
ما ردت نور وظلت ساكتة تحس نفسها بتموت من التوتر والخجل
سحبها من خصرها وصارت لاصقة فيه مافي مسافة بينهم ابدا:ما بتتكلمي يعني
نور الي دقات قلبها تحسه يسمعها من كثر توترها وخجلها بهاللحظة وخاصة بعد م اعدم المسافة بينهم نطقت بتوتر وخفوت:غياث
ما رد عليها انما اعدم المسافة بينهم والصق شفايفه بشفايفها وبعد ثواني بعد وهو يقول:كذا نقول مساء العسل
لفت وجهها بخجل وقامت تركض لبرا وعلى طول لغرفتها بدون ما ترد على البنات الي شافوها وهي طالعة
اما غياث الي ابتسم على ردة فعلها وخجلها ومسح بايده على وجهه بهدوء يهدي نفسه من كومة المشاعر الي اجتاحته واخذ جواله ورجع لمجلس الرجال.

بعد اسبوع؛؛؛

مرق الاسبوع بدون احداث جديدة كلٍ لاهي بحياته الا ميس الي جالسة تخطط شلون تخلي ذياب يحبها وامها تساعدها بالتخطيط، وبتموت قهر منه والي من يوم الملكة سافر ولا اعطى خبر لاحد وما احد يعرف وين سافر غير غياث الي بصعوبة قدر يوصله ويتواصل معه .

غياث ونور؛؛؛
حالهم سمنة على عسل وحددوا عرسهم بعد شهر من الان وغياث رجع لشغله ومراقبة ميس وامها وحاطهم براسه يبي يكشفهم.

رياض وحلا؛؛؛
علاقتهم ببعض تجنن وحلا رجعت لبيتهم بعد ملكة نور وغياث لان اخوانها رجعوا للبيت بعد الاحداث الاخيرة وحاليا رياض جالس يجهز جناحه ببيت اهله وحلا جالسة تتجهز هي ونور والعنود لزواجهم الي بعد شهر

تميم والعنود؛؛؛
الثنائي الجميل والي رغم كل الاحداث الي صارت الا انه حبهم لبعض وتعلقهم ببعض يزيد كل يوم اكثر ،تميم يرجع من المستشفى ويشرف على العمال الي يشتغلون بالبيت بيجهزوا جناحه وجناح غياث والي يتناوبون على الاشراف كل واحد حسب وقته وشغله،العنود اغلب وقتها بالسوق تساعد البنات بتجهيزاتهم لزواجهم وتحاول للحين تتواصل مع ترف لكن مو قادرة توصل لها .

تركي وحور؛؛؛
عصافير الحب الي رغم كل شيء صار الا انهم متعلقين ببعض بقوة تركي مستلم شركة ذياب ويشتغل فيها بطلب من ذياب لين يرجع واهو مضغوط يطلع الصباح ويرجع اخر الليل مهلوك ويدور النوم ولقاءه بحور قل بسبب ضغطه بالشغل وجناحه مستلم تجهيزه رياض الي يجهزه ويجهز جناحه سوا وطبعا ابو تركي يساعده وقت يكون رياض مشغول،اما حور مثلها مثل البنات ومن سوق لسوق مع البنات الفرق الوحيد انها حاليا تعيش ببيت جدها لان امها سافرت وابو ذياب بسبب كثرة سفراتها وعدم اهتمامها ارسل لها ورقة طلاقها وهي مو مهتمة لزواج بنتها كل همها نفسها ووناستها حتى طلاقها ما همها حور حزت بخاطرها كون امها مهملتها باهم ايام حياتها وطلاق ابوها لامها لكن ام تركي اهتمت فيها والبنات بعد ما تركوها وهي تعيش معهم اجمل ايام حياتها وخاصة انه امها من صغرها ما تهتم فيهم والشيء الوحيد الي مكدر خاطرها هو غياب ذياب