حبيتك يالذيب رغم عذابي معك

البارت ٢٢

ببيت ابو ذياب؛؛؛

عند حور جالسة تتجهز بعد م دقت للبنات وقالتلهم على عزيمة ترف، تأففت بقهر:اووف نور ردي على الجوال شفيك ما تردين
ورجعت تدق على بيت عمها ابو تركي وبعد ثلاث رنات ردت ام تركي:الو السلام عليكم
حور باحترام:وعليكم السلام والرحمة شلونك يا خالة
ام تركي بعد م ميزت صوت حور وعرفتها:هلا حور هلا حبيبتي الحمدلله بخير انتي شلونك وش علومك
حور بحب:الحمدلله يا خالة بخير ،الا بسألك نور وينها ليش ما ترد على جوالها
ام تركي:نور بغرفتها من امس نايمة وطلعت لها عيت تفتح الباب وقلت للعنود وراحت لها ونفس الشيء ما فتحت وطلعت مع تميم للمطعم وللحين ما رجعت
حور بخوف على نور:يا خالة مو معقولة من امس لين اليوم العصر وهي نايمة خلي احد يكسر الباب اخاف فيها شيء
ام تركي بخوف وقلبها نغزها على بنتها بعد كلام حور:زين يا بنتي بتصل على تركي يجي يفتح الباب
حور:زين انا بجي بعد بشوفها
ام تركي :حياك الله يا بنتي
وقفلت منها ودقت لتركي والي رد عليها على طول:هلا بالغالية
ام تركي بخوف على نور:تركي يا ولدي تعال افتح باب غرفة اختك من امس نايمة وعيت تفتح الباب اخاف فيها شيء وحنا ما ندري
تركي بخوف اخفاه عن امه عشان لا تتوتر ويرتفع ضغطها:زين يمة انا بالطريق انتي لا تخافي نور ما فيها شيء باذن الله
ام تركي بتوتر:زين يمة انتظرك وقفلت معه

نرجع عند حور الي دقت على تركي مرة ثانية بعد ما شافت انه مشغول وعرفت انه يكلم امه ورد بعد م شاف اتصالها:هلا حبيبتي
حور بتوتر:تركي كلمتك خالتي؟
تركي بهدوء:كلمتني وانا بالطريق للبيت اللحين ،انتي وش عرفك
حور:لي من الظهر ادق على نور وما ترد وكلمت العنود وقالت لي انها طالعة مع تميم ورجعت دقيت على البيت وردت علي خالتي و(قالت له السالفة*نختصر😂) تنهدت بخوف:واللحين دقيت لك بعد م قالت لي خالتي انها بتكلمك
تركي بهدوء:زين لا تخافي ان شاءالله ما فيها الا العافية يمكن تعبانة من امس وبس نايمة
حور بخوف والوساوس تلعب بها:بس مو كل ذا الوقت تركي
تركي:زين حبيبي انا وصلت البيت اللحيين طالع لها وبطمنك عليها بعد شوي
حور:وانا بعد وصلت عندكم مو قادرة اجلس انتظر
لف نظره تركي للسيارة الي دخلت اسوار البيت ونزل من السيارة يتوجه لها:يا بنت الحلال كان انتظرتي بالبيت وانا اطمنك عنها
حور:ما قدرت اجلس بشوفها واطمن عليها بنفسي
تركي:اجل تعالي
ودخلوا سوا للبيت وسلموا على ام تركي
ام تركي:روح يما شوفها ان شاءالله تكسر الباب المهم ابي اشوف بنتي واطمن عليها
تركي بهدوء:لا تخافي يما طالع لها وناظر حور والي بدورها فهمت عليه وتقدمت لام تركي وهي تمسك يدها وتجلسها على الكنب بمحاولة تهدئتها وهي يبي لها من يهديها:لا تخافي يا خالة ان شاءالله انها بخير مجرد نايمة بس
ام تركي بخوف:ان شاءالله يا يما ان شاءالله

نروح عند تركي الي واقف على باب غرفة نور ويدقه:نور يا بنت افتحي الباب
ما جاه رد منها وقرر يكسر الباب رجع لورا وتقدم للباب وضربه بقوة ما فتح رجع مرة ثانية وكرر نفس الحركة لين انكسر الباب وفتح دخل للغرفة وهو يناديها شاف سريرها مثل ما هو مرتب وما في احد بالغرفة استغرب وقال يمكن بالحمام تقدم للباب ودقه وهو ينادي ما في رد رجع دقه مرة ثانية كمان ما في رد حاول يسمع لو في صوت موية لكن ما كان في صوت فتح باب الحمام ودخل الحمام فاضي استغرب اكثر لف بالغرفة لفت انتباهه اسوارتها على الارض جمب التسريحة نزل واخذها وشاف منديل ابيض اخذه وشك بالموضوع قربه لانفه وعفس ملامحة من عرف الريحة وعرف انه اخته انخطفت وما احد حس عليها وقام بغضب الدنيا كله وهو يدق على غياث وما جاه الرد دق على ابوه وبعد م رد عليه خبره بانه نور مخطوفة من امس وما احد يدري عنها ودق للشرطة وقدم بلاغ خطف ونزل لامه وحور بالصالة على دخلة العنود من الباب قامت ام تركي وهي تقول:هاا يما وينها نور طمني ليش ما نزلت معك
تركي بهم:يما قولي لا اله الا الله واذكري الله نور ان شاءالله انها بخير
حور بخوف من كلامه:تركي شفيها حور وينها فيه
تركي:نور انخطفت من امس وما احد حس عليها
انخطفت ملامحهم ونطقت العنود بصدمة:وش تقول شلوون كيف،كيف ما حسينا عليها
بكت حور بصمت خوف على نور وحاولت تكون قوية عشان زوجة عمها والعنود
ام تركي ببكاء وتعب:بنتي يا تركي بنتي يا ولدي
تقدم لها تركي وهو يضمها ويطمنها:لا تخافي يما انا بلغت الشرطة واللحين هي بالطريق وابوي صار عنده خبر
دخل ابو تركي بسرعة هو ورياض :نور نور
رياض:تركي وينها نور
تركي :نور انخطفت امس والشرطة بالطريق
ابو تركي بتوتر وخوف كبير:غياث غياث دق عليه اللحين
تركي:دقيت جواله مقفل
وصلت الشرطة مع وصول الجد والو ذياب وذياب وتميم الي وصلهم الخبر واستقبلهم ابو ذياب بعد قال للحريم تروح للصالة الثانية يجلسوا فيها لين تنتهي الشرطة من التحقيق ،فحصت الشرطة المكان واخذت الادلة وحققت مع كل الموجودين عن الحدث ومتى اخر مرة كلموها او شافوها وسجلوا اقوالهم ورجعوا للمركز يباشروا البحث .
اما ببيت ابو تركي اتجمع الكل عندهم بعد م سمعوا بخبر خطف نور وطبعا التغت عزيمة ترف للبنات وجت ترف لهم بعد م دقت لذياب وطلبته يجي ياخذها لهم واللحين الكل جالس ومتوتر والرجال مستنفرين يبون يسوون اي شيء لكن الشرطة منعتهم من التحرك او التصرف بأي شيء دون علمهم.

انتهى 🧡
وش رأيكم بالبارت يحلوين 🤗
ووش توقعاتكم للاحداث الجاية 🤔
لا تنسوا التصويت يحلويني 🌼💛