حبيتك يالذيب رغم عذابي معك

البارت 20

الجد:ما احد يدري وما كنت ابي احد يدري لين يتم الموضوع والي خاطبها ولد
قاطعهم بدخوله المفاجئ وبهدوء:انا
ناظروه الجميع بصدمة وقال ابو تركي:ليش م تكملت من الاول يا ولدي
تميم بهدوء: ليش ما عندي خبر ،وحلا تعرف؟
غياث بهدوء:لاني مو ناوي اعلن اللحين لاسبابي الخاصة وجدي عنده خبر لحتى بنتك يا عمي ما تكون لغيري
ابو تركي بهدوء:وليش انا ما ادري بالموضوع ترا الي تتكلم عنها بنتي اقل ما فيها يكون لي علم
تقدم غياث وهو يبوس راس عمه:السموحة منك يا عم لكن عندي اسباب تجبرني ما اتكلم بالموضوع ولا احد يدري به لكن الله يسامح جدي الي تكلم
الجد بهدوء:ما احد يدري انك خاطبها غيرنا والجماعة الي كانوا هنا ومشوا ولا يدرون من خاطبها
غياث :زين اتمنى الموضوع يظل بينا لين اتكلم انا ما احد يخبر احد برا المجلس الي عرف عرف ويسوي نفسه ما عرف
ابو تركي بحدة:انت وش تسوي بكيفك الشغلة تراها خطبة اخطبها مثل الخلق والناس واشهر بالخطبة وش له تتكتم على الموضوع وكأنك مقترف ذنب ولا عامل معصية
غياث بهدوء:الموضوع مو كذا يا عمي لكن حفاظا على حياة بنتك خلي الموضوع بينا ولو ما تهمك حياة بنتك تكلم بالموضوع وتراني شاريها لكن الاوضاع ما تسمح اللحين اني اعلن شيء
ابو تركي باستغراب:انت وش تقول ليش حياة بنتي بخطر
غياث ببرود:لان حياتي بخطر ولو احد عرف بخطبتي منها بتصير حياة بنتك بخطر وانا هذا الي ما ابيه (ولف لذياب يكلمه وينهي النقاش)ذياب ابيك بالمكتب اللحين وطلع من المجلس ومشى لمكتب الجد ولحقه ذياب والجد

بالمكتب؛؛؛

جالس الجد ورا المكتب وذياب وغياث قباله ع الكراسي
تكلم الجد:وش صاير يا غياث
غياث بقهر:مسكناه لكنه رجع هرب من داهمونا رجاله لكن قدرنا نمسك احد رجاله واللحين جالس بالتحقيق
ذياب بهدوء:عرفت مين
غياث:مع الاسف ما قدرت اعرف شيء عنه لكني شفت وجهه
ذياب بتفكير:يعني لو لقينا صوره له بنعرف مين هو صح
غياث:اي اقدر اجيب كل معلوماته لو لقينا صورة له لكن من وين بنجيبها
الجد بهدوء:للحين مو فاهم شيء يا غياث فهمني وش صاير ووش الكلام الي قلته تحت
غياث بهدوء:ما اقدر اقول شيء يا جدي غير اني لقيت طرف خيط للعصابة الي صارلي سنين ادورها وحياتي اللحين صارت بخطر كبير بعد م شافني الرجال الي كنت بمسكه لكنه هرب
ذياب قام بهدوء:خلك هنا دقايق وراجع
الجد:وين رايح يا ذياب
ذياب:مكالمة مهمة دقايق وراجع (وطلع وهو يدق على ترف)
ترف:الو
ذياب:تعالي على فوق على اول غرفة ع ايدك اليمين انتظرك
ترف:زين جاية وقفلت منه وطلعت للغرفة دقت الباب ودخلت بعد م سمعت صوته يقول:تعالي
ترف باستغراب:ذياب في شيء
ذياب:لا ابد بس بسألك تعرفين ابوك وش يشتغل او اصدقاءه معارفه
ترف باستغراب اكثر :ابد والله ما ادري شيء اساسا هو ما يقول شيء حتى وقت كان يشتغل عندك ما كنا ندري انه يشتغل عندك
ذياب:اجل له صور عندك او تعرفين وين ممكن الاقي صور له
ترف:اظن في عندي صورة له لكنها قديمة كثير وقت كنت طفلة ،بس وش تبي فيه
ذياب بهدوء:ارسلي لي الصورة اجل وبعدين اقولك ليش لانه الرجال تنتظرني
دورت ترف على الصورة وارسلتها له وهي تقول:ذياب قول ولا تخبي شيء عني
مسك ذياب يدها وباس باطنها:ما في شيء مهم لكن سبق وقلت لك اني بعاقب ابوك على كل شيء سواه فينا واللحين ابي ارسل رجالي يدورونه
هزت ترف راسها بهدوء وقالت: زين وقت تمسكه ابي اشوفه
ذياب بتسليك:زين واللحين انزلي عند البنات
ترف:تمام (ونزلت للبنات)
اما ذياب رجع للمكتب وجلس بهدوء وهو يقول :لقيت صورة قديمة له ما ادري ان كان هو نفسه بس بنجرب حظنا
غياث:اشوف الصورة
ذياب بعد م قص الصورة وصار موب باين الا ابو ترف مد له الجوال:هاك شوف
غياث بصدمة:هو والله هو نفس الشكل (وبخيبة امل)بس انت تقول انه الصورة قديمة
ذياب:اي الصورة قديمة تقريبا من ١٨ سنة
الجد بهدوء:كم له عيال
ذياب بهدوء:بنت وحدة بس
الجد:انتم متأكدين من معلوماتكم
ناظروا بعض لثواني غياث وذياب وبعدها قال غياث وهو يوجه كلامه لذياب:زوجتك تدري بشيء
ذياب:ابد سألتها قالت ما تدري عنه شيء هو اصلا ما يجي البيت الا يكون سكران وموب صاحي
غياث بهدوء:لازمنا اثباتات لازم نتأكد ان كان له عيال غير زوجتك
الجد:وشلون بتتأكدون
غياث:البيت اللحين تحت سيطرتنا بكلف كم شرطي يروحون للبيت ويفتشونه زين وان ما لقينا شيء بنشوف وش بنحصل من الكلب الي موجود بالمركز
ذياب:اجل طمني تكفى انا للحين موب عارف اتصرف معها خايف منها وعليها
غياث وقف بيمشي:تطمن ان شاءالله خير ببلغك لو في اي تطورات،اللحين بمشي عندي شغل وجدي مثل م اتفقنا بخصوص نور اتمنى الموضوع لا يدري به احد وتأكد على جميع الي كانوا بالمجلس وعرفوا بالسالفة
الجد:تطمن يا ولدي روح وانتبه لنفسك
غياث:بأمان الله
ذياب والجد:بحفظه

بالصالة؛؛؛

جالسة معهم لكن عقلها ابد مو معهم تفكيرها كله بذياب وتصرفاته تفكر بأسألته الغريبة لها اليوم وطلبه صورة لابوها براسها اسألة كثيرة وجوابها كلها عند ابوها والاكيد انه ما راح يجاوبها على شيء هي تدري ان ابوها وراه شيء كبير بعد لكن ما تدري وش هو ياما حاولت تعرف لكنها بكل مرة تفشل وبكل مرة تتعاقب من ابوها بشكل ابشع واسوء من العقاب القبله قاطع تفكيرها حور الي تهزها باستغراب:ترف يا بنت شفيك
ترف:ما فيني شيء انتي شفيك
حور:لي ساعة اكلمك وما تردي شفتك مو بعالمنا قلت اهزك يمكن تصحصحين
ترف:راسي مصدع بدق لذياب ونرجع البيت
حور:تبين اجيبلك بنادول يريحك
ترف:اي تكفين بنتظرك بالمطبخ لين اكلم ذياب
حور:تمام قلبي وطلعت تجيب لها بنادول
اما ترف راحت للمطبخ ودقت لذياب
ذياب:الو ترف
ترف بهدوء:ذياب ممكن نرجع البيت
ذياب بخوف:ليش صاير شيء فيك شيء
ترف بهدوء وبحة:لا ما صار شيء بس راسي مصدع وابي انام
ذياب بخوف عليها بعد ما لاحظ نبرة صوتها المبحوحة:زين انتظرك بالسيارة تعالي
ترف:تمام وقفلت لبست عبايتها على دخلة حور وبيدها بنادول:ترف بتروحين؟
ترف بهدوء:اي ذياب ينتظر برا
حور وهي تمد لها البنادول:اجل اشربي البنادول وبعدها امشي ومدت لها كاس المويا
اخذتهم ترف وشربت البنادول وهي تقول:شكرا ترف حبيبتي يلا بمشي اللحين تصبحين على خير
حور:وانتي بخير يا قلبي انتبهي لنفسك
ومشت حور للسيارة وركبت بهدوء ناظرها ذياب وقال:وش صار
ترف بهدوء:ما صار شيء بس بنام امس ما نمت زين
ناظرها لثواني معدودة وحرك السيارة متجه للبيت،
حس ذياب بغرابة اول مرة تسوي كذا شك انها تكون تعرف شيء عن ابوها ومخبية عنه او انها شريكة معه

انتهى 🧡
وش رأيكم بالبارت يحلوين 🤗
ووش توقعاتكم للاحداث الجاية 🤔
لا تنسوا التصويت يحلويني 🌼💛