حبيتك يالذيب رغم عذابي معك

البارت ٣١

ببيت الجد تحديدا بالصالة؛؛؛؛؛؛

الكل مجتمع بطلب من الجد ومعهم العمة ابتسام وبنتها ميس وينتظرون ذياب وبعد دقائق دخل ذياب والتعب والارهاق باين عليه ورد السلام بهدوء وهو يتقدم للجد يقبل راسه:شلونك يا جدي
طبطب الجد على يده بحنيه وهو يرد عليه:الحمدلله يا بوي شلونك انت طمني وش صار معك
تنهد ذياب بضيق:ماشي الحال الحمدلله ابد ما صار شيء جديد ما تركت مكان ما دورته ما لقيتها
الجد بهدوء:خلاص يا ولدي انساها هالبنت مو من ثوبنا وزين الي صار كذا ارجع لشغلك وجهز نفسك لاني بزوجك
بقق عيونه ذياب بصدمة ووقف بانفعال وهو ينطق:وش تقول يا جدي انا مابي اتزوج بعد زوجتي وتراها للحين على ذمتي اي زواج واي خرابيط الي تقول عنها
الجد بحدة:العلم وصلك يا ذياب حالك ذا موب عاجبني وكل عمري ما اعارضك بشيء تبيه وهذا وانا جدك تبي اللحين تكسر كلمتي عشان وحدة ما نعرف ارضها من سماها لك اكثر من شهر تدورها ومالها اثر وش تنتظر ابي افهم
ذياب بهدوء ومحاولة اقناعه:يا جدي تكفى انا زوجتي احبها وما ابدلها بأي زوجة ثانية انا متأكد بلاقيها بس لا تجبرني على شيء ما بيه
ابو ذياب بهدوء:اسمع كلام جدك يا بوي تراه يبي مصلحتك
ابو تركي:كلام ابوك صح يا ذياب انت اللحين صكيت فوق الثلاثين وللحين ما عندك ولد يحمل اسمك واسم ابوك لمتى حارم نفسك وحارمنا من الفرحة فيك يابوي
ذياب بهدوء:يا عمي تكفى مو انت بعد انا مابي الزواج ابي زوجتي برجعها وبتعيش معي
الجد بصرامة:جهز نفسك يا ذياب بعد العشاء بتعقد عليها وتبي تاخذها بدون عرس البنت موافقة وان كانك تبي تكسر كلمتي وانا جدك روح ولا ترجع
مسح بيده على وجهه وهو يتنهد:مجهزين كل شيء وانا اخر من يعلم حتى البنت مكلمينها بعد بس ما قلتوا لي من هي تعيسة الحظ ذي الي وافقت كذا بدون ما تعرف عني شيء
ابو ذياب:العروس تعرفها وتعرفك وهي بنت عمتك ابتسام ميس
فتح عيونه بصدمة ذياب ونطق بانفعال:ووششش وش تقولون انتم جنيتوا ما لقيتوا من بين خلق الله الا هي وانتم تعرفوني ما اواطنها قبل لاتزوج وانت اكثر واحد تدري يا جدي
الجد بهدوء:البنت تحبك يا ذياب وكل شيء عملته لانها تحبك وتبيك والليلة بيكون عقد قرانكم وغير كذا ما عندي
زفر ذياب بعصبية وطلع من البيت وقفل الباب وراه بقوة دليل على عصبيته بعد م نطق الجد :تجهزوا وخبروا الكل يتجهز بنعمل عشاء عائلي بسيط بهالمناسبة
ركب سيارته وشغلها ومشى باقصى سرعة لدرجة صوت كڤرات سيارته كان عالي والكل خاف من الصوت وطلعت الجدة وهي تسأل وش صاير وخبرها الجد بملكة ذياب على ميس الليلة وهي بدورها خافت على ذياب وزعلت عليه لانها تدري بحبه لزوجته وحب زوجته له لولا تهورها وسفرها كذا بدون ما تقول لاحد كان اللحين الكل عايش حياته تنهدت بقلة حيلة وكلمت الكل يتجهزون ويجون لان الملكة بتتم ببيت الجد.

ببيت ابو تركي،،،،

متجمعات البنات عند نور بغرفتها وجالسين يسولفون ويضحكون يغيرون جو الاكتئاب الي له فتره مو راضي يتركهم بسبب الاحداث الي صارت دق جوال حور برقم جدتها ونطقت:بنااات هدووء شوي جدتي تدق
سكتوا البنات وهم يراقبونها ويسمعون الحوار بعد م فتحت الخط وحطته سبيكر :الو اهلا يا جدة عساك بخير
الجدة بهم واضح بصوتها:هلا يبنيتي الحمدلله انتي شلونك عساك طيبة يما
حور بهدوء:الحمدلله بخير يا جدة الا شفيه صوتك صاير شيء
الجدة تنهدت بهم وهي تسألها:وينك فيه يما
حور:ببيت عمي ابو تركي متجمعين عند نور خير يما صاير شيء
الجدة:اي يما سهلتي عليي المهمة جيبي بنات عمامك وتعالوا تجهزوا عندنا اليوم عزيمة عشا وملكة اخوك ذياب
شهقوا البنات مع بعض بصدمة ونطقت نور بعدم تصديق:يما شلون ملكة ذياب وذياب متزوج وعلى مين اصلا
الجدة بهدوء:على بنت عمتكم ابتسام ميس وذياب مجبور جدكم هددوا والله يمضي هالليلة على خير لان واضح ما بتمر هالليلة على خير وخاصة ان ذياب طلع معصب وما يرد على احد
حور واثار الصدمة باقية:شلون يا جدة شلون اصلا متى جاء ذياب على علمي مسافر
الجدة بهم :يا بنتي والله ما ادري عن شيء مثلي مثلكم الي اعرفه قلته لكم ويلا عجلوا تعالوا مافي وقت وسكرت الخط
لفت لهم حور تناظرهم بصدمة:سمعتوا وش قالت
العنود بصدمة:ميسس شلووون وربي اني كنت حاسة جيتهم بهالوقت مو توبة لله
حلا:وش بيصير اللحين
نور:ما ندري كل الي نعرفه ان اليوم ملكتهم ويا رب ما تتم وربي ترف اذا سمعت بتنجن فوق جنونها
حلا:وربي هالبنت انها مجنونة وش خلاها تمشي كذا وتختفي
العنود:الي صار لها والي سمعته موب قليل وذا اقل شيء تسويه عشان ترتاح وتريح غيرها ذا من وجهة نظرها ترا ولو انا مكانها بسوي مثلها الله يكون معها ويحفظها الله اعلم وش تعاني منه لوحدها ولا ندري شلون عايشة
حلا:نفسي اسوي شيء يرجعها بس مدري وش نفسي يصير شيء وما يكتمل هالزواج
نور:بنات خلونا ناخذ اغراضنا ونمشي ترا بنتأخر على جدتي واضح انها تعبانة من الي صار ما سمعتوا صوتها شلون كان ع الجوال
حلا:اي والله صادقة يلا اجل بروح اخذ اغراضي وبنمشي
حور:وانا بكلم السواق برجع للبيت باخذ اغراضي ونلتقي ببيت جدي
البنات:يلاا
وكل وحدة راحت غرفتها تاخذ اغراضها الي تحتاجها اما حور نزلت بترجع للبيت وشافت زوجة عمها ام تركي وتركي جالسين بالصالة ويتكلمون سلمت وهي تقول انها بتمشي للبيت وتروح بيت جدها الجدة كلمتهم
تركي:انتظري انا بوصلك لا تروحي مع السواق
هزت راسها بهدوء والضيق باين عليها وطلعت هي وتركي للسيارة وركبوا ومشوا متجهين لبيت ابو ذياب
تركي بهدوء:حوري
حور بهدوء:هممم
تركي مسك يدها وشد عليها:لا تضايقين بتنحل صدقيني ومستحيل هالزواج يتم
نزلت دموع حور بقهر وهي تقول:شلوون تركي شلون غابت غابت ورجعت جابت مصيبة معها هي وبنتها وش تبي منا وش تبي من ذياب ليش يسوون كذا
وقف تركي السيارة على باب بيت عمه ولف لها وهو يمسح دموعها برقة وحنان: هالدموع مابي اشوفهم مرة ثانية وقلت لك بتنحل انا ادري وراهم بلا وترا غياث مو تاركهم وجالس يراقبهم وابي منك انتي بعد تراقبينهم بمعرفتك ولو عرفتي اي شيء كلميني على طول
ناظرته حور باستغراب:كيف كذا يعني
قاطعها تركي بهدوء:اي غياث يدري بكلشي وهو مو تاركها الا ويعرف وش وراها من مصايب ويلا حبيبي انزلي جيبي اغراضك وتعالي عشان نروح سوا لبيت جدي انتظرك هنا
هزت راسها حور بهدوء وسحبت يدها منه ونزلت للبيت جابت اغراضها الي تحتاجهم وركبت السيارة مع تركي ومشوا متجهين لبيت الجد.

انتهى 💛
وش رأيكم بالبارت 🤗
وش توقعاتكم للأحداث الجاية 🤔
لا تنسوا التصويت يا حلوين 🫣💛

اعتذر على التأخير يا حلوين سامحوني بس صار عندي ظرف وما قدرت اكتب الا بهالوقت