حبيتك يالذيب رغم عذابي معك

البارت ٢٦

بعد مرور شهرين؛؛؛؛

ما في أحداث جديدة هالفترة غير أن الاكتئاب والحزن مسيطر على جميع عائلة عبد الرحمن ال...

ترف وذياب,ترف دخلت حالة اكتئاب قوية وما تكلم احد ولا تشوف أحد وصارت تاكل حبوب مهدئة بسبب كوابيسها الي تجيها وتقوم تصرخ وتضرب نفسها وتنهار والسبب أن الكل بعد م عرف أنه ابوها الي قتل اهل غياث والي خطف وحاول يقتل نور الكل لامها واتهمها أنه مشتركة معهم والكل قاطعها طبعا الا ذياب الي كل الوقت يحاول يداريها ويهتم فيها ويحاول يفهمها أنه ما كان قصدهم يجرحوها بس كان كل كلامه لها عبث لأنها بكل مرة تحاول تنام يجيها كابوس وتنهار وينهار ذياب معها على حالتها.

حلا ورياض'حلا انهارت وقت عرفت بقتل أهلها على يد أهل ترف ولامتها واتهمها أنها مشتركة معهم ورياض ما تركها ابدا وطلب من جده يأخذها لبيته بما انها زوجته لانه خايف عليها لوحدها بالبيت وخاصة أن غياث مو بعالمهم وتميم كل وقته بين المستشفى وبيت ابو تركي والجد وافق وبالفعل راحت حلا مع رياض لبيتهم وكل يوم يروحون لنور يتطمنون عليها وخايفين انها ما تصحى لأنها طولت حيل بالغيبوبة والدكتور يقول كل ما طولت كل ما كانت حالتها بخطر والكل يحاول فيها تصحى يجلسون عندها ويكلمونها لكن عبث بكل مرة يرجعون لبيوتهم وهم هلكانين تعب وحزن وخوف على نور

العنود وتميم،حالهم مثل الباقي العنود لامت ترف وقاطعتها وخايفة على اختها ما تقوم من الغيبوبة وتميم كل الوقت يحاول يواسيها ويوفق بين شغله وروحته لبيت ابو تركي يطمن عليهم وعلى أخته الي صارت ببيت زوجها وهالشيء طمنه عليها أكثر كونه الناس حولها مو لوحدها بالبيت .

حور وتركي،حور مصدومة من ترف وموب مصدقة أن ترف يكون لها يد بمقتل بيت عمها وخطف نور ومحاولة قتلها حاولت تكلمها أكثر من مرة بعد م عرفت أن البنات اتهموها وبعد م خبرها ذياب انها دخلت حالة اكتئاب وانهيار لكن بكل مرة تروح تنصدم من شكلها وشلون منهارة بالشكل وأغلب وقتها حاليا هو الاهتمام بتركي وأهله ومواساتهم وتركي كل الوقت يحاول يكون قوي ويواسي اهله وما يبين ضعفه الا عند حور الي اول ما يحط راسه على رجولها وتحط يدها على شعره وتلعب فيه بمحاولة مواساته والتخفيف عنه تنزل دموعه لا إراديا ويصير يتكلم عن نور ومواقفهم وخوفه عليها ويبقى كذا لين ينهلك وينام لكنه ما يطول بالنوم ساعة ساعتين بالكثير ويقوم ويرجع لأهله يطمن عليهم ويتروش وينام .

نور وغياث، نور ما صحت من الغيبوبة وغياث يجلس عندها بالساعات من ورا الزجاج العازل يتمنى تصحى وحالته من سيء لاسوء كل ما طال نومها لحيته طالت والهالات السوداء محاوطة عيونه والتعب ظاهر عليه وما عاد رجع ع المركز للحين ولا يشوف أحد أو بالأصح أن شاف أحد جاي يمشي بسرعة ولا يسمح لأحد يشوفه بهالضعف حتى حلا وتميم ما يشوفهم ولا يشوفونه حاول الكل معه لكنه رافض يشوف أحد ويطلع من البيت بعد نص الليل ويتأكد أنه الكل نايم ويروح عندها على المستشفى ويجلس عندها بالساعات لين يطلع الصبح ووقت يلمح أحد جاي لها هو يمشي بسرعة وخفة.

بالمستشفى؛؛؛؛

الساعة ٤:٢٠ الفجر
كان واقف ويناظرها من ورا الزجاج ودموعه تنزل بهدوء أما بالجهة بالثانية الي يشوفها بهالوقت من برا يقول انها نائمة بعمق لكن بالحقيقة..
"كانت تركض وتصيح خايفة من الي خطفوها وتبي تهرب بأي طريقة وهي تركض ضربت بشيء ضخم وكانت بتوقع لكنه مسكها من خصرها بسرعة وهو يقول:لا تخافي أنا معك جيت انقذك
ناظرت بعيونه وهي تبكي:تكفى لا تخليني لهم تكفى لا تخليهم يذبحوني
مسح دموعها بكفه وهو يقول:لا تخافي أنا معك ما احد يقدر يأذيكي وضمها لصدره لكنه ما لحق ينتبه للشخص الي جاي لهم وبيده سلاح وأطلق عليهم ثنينهم برمشة عين وهو يقول :تستاهلون اللحين تموتون سوا والكلاب والضباع تنهش لحمكم ولا احد يدري بكم ولف ومشى بكل برود"أما هي قامت تصرخ بخوف وهي تنادي باسمه
بالطرف الثاني،فز اول ما شافها شلون قامت وصارت تصارخ ودخل لها بسرعة ودقة الجرس ينادي الدكتور وهو يحاول يهديها ويكلمها:نور نور حبيبي اصحي انتي بخير
نور بانهيار:غياث قوم قوم تكفى انت وعدتني تنقذني غياث
غياث ودموعه تنزل:يا عيوني أنا جنبك ما تركتك أنا هون نور اصحي
دخلوا الممرضات والدكتور وشاف حالتها واعطاها مهدىء وهدت ورجعت نامت وشاف فحوصاتها وعلامتها الحيوية وسجل كلشي على ملفها وحطه على الطاولة
غياث بخوف:وش صار لها ليش رجعت نامت
الدكتور بهدوء:تطمن الحمدلله المريضة بخير لكنها منهارة وتكوبس بالناس الي خطفوها واعتقد انها خايفة على شخص اسمه غياث دامها تناديه
تنهد غياث بخوف ممزوج بتوتر:زين متى بترجع تصحى
الدكتور:كمان ثلاث ساعات وبعدها بنتطمن عليها أكثر وبناخذها للفحوصات في كم فحص لازم تعملهم بعد م صحت من الغيبوبة واتمنى من هون لثلاث ساعات تجيب الشخص الي اسمه غياث لازم يكون معها ويكلمها عشان تصحى من الصدمة والانهيار والحمدلله على سلامتها وطلع الدكتور بعد م رد عليه غياث:الله يسلمك أن شاءالله
وطلع جلس على كراسي الانتظار وسحب جواله وهو يدق لتركي الي رد اول ما شاف المتصل غياث:الو غياث سلام عليكم
غياث بهدوء:وعليكم السلام ،شلونك تركي
تركي بهدوء:الحمدلله بخير انت شلونك طمني عليك
غياث بهدوء:الحمدلله ،الا بقول لك شيء وأبيك توصل الخبر للكل
تركي بخوف:وش صاير غياث
غياث بهدوء:تطمن كل خير بس نور صحت الحمدلله
تركي بفرح:الله يبشركك بالخير يا شيخ الحمدلله الحمدلله يا رب بروح ابشرهم ونروح المستشفى(وبتساؤل)الا انت وين
غياث :بالمستشفى جيت اطمن عليها وصحت بس رجعوا نوموها وانا دقيت اخبرك
تركي بخوف:ليش نوموها لها شهرين نائمة ما يكفيها كل هالنوم
غياث بهدوء:لا تخاف بس لانها صحت منهارة من الكابوس الي شافته وموب صاحية لأحد نوموها
تركي:زين زين ببشرهم بصحوة نور وبنجيكم المستشفى
غياث:زين انتظركم وقفل منه وراح الحمامات أكرمكم الله وغسل وجهه وتوضى وراح يصلي ركعتين شكر لله ورجع عند غرفتها وجلس ينتظرهم وينتظر صحوتها مرة ثانية.

انتهى🧡
وش رأيكم بالبارت 🤗
ووش توقعاتكم للأحداث الجاية🤔
لا تنسوا التصويت يا حلوين🧡🫣🌟