حبيتك يالذيب رغم عذابي معك

البارت 15

بالمستشفى؛؛؛

الكل جالس على اعصابه ومتوتر وصل ذياب:طمنوني وش صار
مسكه تميم من كتوفه:للحين الدكاترة عنده ننتظر لين يطلع احد ويطمنا
ذياب بخوف على جده:يا رب يا رب لا تفجعني فيه يا رب
التفتوا ع صوت الباب والدكتور طلع من غرفة الجد وواضح وجهه ما يبشر بالخير الكل ركض عنده يبون يسمعون خبر زين
ذياب بتوتر:وش صار جدي شلونه
ناظرهم الدكتور وبحزن:المريض حالته استقرت صار عنده هبوط حاد بالضغط لكن للاسف دخل غيبوبة وما ندري متى يصحى منها
جلسوا ابو ذياب وابو تركي بالصدمة وتميم يحاول يستوعب:دكتور خالد شلون كذا جدي بخير شلون يدخل غيبوبة وهو بس هبوط
ربت ع كتفه الدكتور خالد بهدوء:قل لا اله الا الله يا دكتور تميم انت دكتور وتدري بمثل هالحالات يكون تعرض لصدمة قوية ومع الهبوط ما يتحمل ويدخل غيبوبة
الكل حزن على حالة الجد والكل صار يدعيله يقوم بالسلامة
تماسك ابو تركي بالقوة وقال بهدوء:يلا يا عيال الكل يرجع جلستنا هنا ما منها فايدة
تميم بهدوء: صح كلام عمي الكل يرجع وانا موجود هنا لو صار اي تطور ببلغكم
ذياب:انا بجلس عنده انتوا امشوا
تقدم له تميم :تراني دكتور يا ذياب لا تنسى وجلستكم هنا ما بتقدم ولا بتأخر الكل يرجع ويرتاح وبعدين الحريم لوحدهم والكل خايف ع الجد يبي يعرف وش صار عليه
هز ابو ذياب راسه بموافقة لكلام تميم:صح عليك يا ابوي يلا الكل يمشي وفعلا الكل رجع للقصر والخبر انتشر بين الحريم والكل حزن عليه والي راحت ترتاح بعد التعب والي راحت تصلي وتدعي للجد يقوم بالسلامة والي تبكي والخ....

دخل تميم مكتبه بالمستشفى ورمى نفسه بتعب ع الكرسي وراسه ع الطاولة دق جواله وما كان يبي يرد ع احد لكن من شافها متصلة رق قلبه اكيد منهارة وتبي تطمن ع جدهم و رد بصوت مبحوح من التعب:الو قلبي
العنود بغصة:تميم،صح الي قالوه
غمض عيونه تميم وقال:صح يا قلبي لكنه بيقوم بالسلامة لا تخافي
العنود ودموعها نزلت:اقدر اشوفه ابي اطمن عليه
تميم:اللحين لا ما يقدر احد يشوفه،العنود
العنود ببحة من بكاءها:انا بخير لا تخاف انت شلونك كنت تبي تنام اخر مرة شفتك فيها للحين ما نمت
تميم بابتسامة لاهتمامها:لا يا قلبي ما لحقت انام ما تروشت الا ينادوني الحق جدي وللحين بالمستشفى
العنود:ارجع البيت ارتاح ع الاقل للفجر
تميم:ما اقدر عندي مناوبة اللحين بحاول انام ع السرير بمكتبي لكن ما ظنتي بقدر
العنود:تمام روح ارتاح ولو ما قدرت تنام كلمني
تميم:تمام يروحي يلا وانتي ارتاحي تصبحي على خير
العنود:تمام انتبه لنفسك وقفلت
وراحت تغسل وجهها وتنام ونفس الشيء تمام قام قفل باب المكتب بعد م اعطى خبر للسكرتير لو صار شيء يدقوا عليه وراح تمدد ع السرير الي موجود بمكتبه ونام .

قصر ذياب؛؛؛

وصل القصر الارهاق والتعب واضح عليه ويدور النوم وما يبي شيء ثاني طلع لجناحه وفتح الباب رمى ثوبه الي لابسه ع الكنب وظل بالشورت بدون تيشرت تقدم للسرير وشافها نايمة بهدوء تمدد جمبها ع الجهة الثانية وسحبها لحضنه ونام.

الصباح الساعة ٩:٠٠

فتحت عيونها بانزعاج من الثقل الي تحسه عليها رفعت نفسها وشافته نايم جمبها وحاضنها اتفاجئت فيه وهمست:متى رجع ذا اووف وسحبت نفسها وقامت للحمام(يكرم القارئ) تتروش خلصت ولبست ومشطت شعرها وتركته ع حاله وحطت ميك اب خفيف برز ملامحها عبارة عن ماسكارا وروج وردي ناعم وبلاشر وردي ورشت عطرها (كذا شكلها👇)ونزلت للصالة وطلبت من الخدامة تجيب لها قهوة
اما عند ذياب الي صحى عليها من وقت سحبت نفسها من عنده وكان يراقب كل تحركاتها ومفتون فيها قام تروش ولبس ثوبه الاسود وساعته السوداء ومشط شعره ورش عطره واخذ بوكه وجواله ونزل شافها جالسة بالصالة تقدم وجلس ع الكنب قبالها بعد م طلب من الخدامة تجيبله كوب قهوة:صباح الخير
طنشته ترف ولا كأنه موجود
اتنرفز ذياب:تراني اكلمك شفيك قالبة وجهك كذا
ناظرته ترف ببرود وصدت تقلب بالقنوات بدون لا ترد عليه
ذياب بنرفزة وحدة:هييه تراني اتكلم معك مو مع الجدار تكلمي شفيك
ترف ببرود:ما احد طلب منك تكلمني وما بكلمك لحتى توفي بوعدك لي
تذكر ذياب الامس وتضايق وقال ببرود:وانا قلت لك هالموضوع لا عاد تجيبي طاريه لاني ما بتكلم فيه ويا ريت اسلوبك الخايس ذا يتغير لاني ما رح اضمن لك سلامتك ابد
ترف بصراخ:اي كذا اطلع ع حقيقتك يا اخي خلاص اتركني بحالي اقتلني وريحني تراني تعبت منك ومن تصرفاتك
ذياب بحدة:اقول انتبهي لكلامك ونبرة صوتك والا
قاطعته ترف بقهر:والا شنو وش بتسوي مثلا بتضربني هذا انا قدامك اضرب تبي تعاقبني عاقبني تبي تنتقم مني صح روح لابوي هو يعرف شلون يخليني اخاف ويا ريت يعلمك شلون تذبحني لاني تعبت منكم ومن تسلطكم وطلعت تركض للغرفة وتقفل على نفسها الباب وجلست تبكي بقهر وهي تتذكر شلون ابوها كان يعذبها ويخوفها وقت ترادده

فلااش باك؛؛؛

ترف بحدة:انت لمتى كذا بتحرمنا ابسط حقوقنا يا اخي اتركنا بحالنا ولا ترجع لهالبيت
ابو ترف بعصبية:انطمي واعرفي تكلمي زين والا بخليكي تبكي دم
ترف بعصبية:وش بتسوي ما بتقدر تسوي شيء وانا باخذ امي ونتركلك هالبيت الخايس
ابو ترف مسكها بعصبية من يدها وسحبها لغرفتها وسحب السوط وصار يصربها بلا رحمة وهي تصارخ تبيه يفكها وبعدها رجع سحبها بقوة للسيارة وركبها غصب عنها وركب ومشى باقصى سرعة متجه لمكان شبه مهجور ما في ناس بيحبسها بالبيت المهجور الي كل اعماله الوسخة فيه لكن ما قدر يوصل بسبب الشاحنة الي جت وما قدر يسيطر ع السيارة وانقلبت فيهم وتم انقاذهم واسعافهم من قبل سائق الشاحنة الي كان بيصدم فيهم وكانت اصابتهم خفيفة مجرد كسور ورضوض ومن وقتها ترف تخاف من السرعة .

نهاية الفلااش بااك؛؛؛؛

اما ذياب الي كان مصدوم من كلامها وطريقتها بالكلام معاه صحصح ع صوت جواله الي دق وفتح الخط:الو
فهد (سكرتيره):طال عمرك ابشرك ربحنا الصفقة الجديدة وباقي اللحين توقيعك الاخير
ذياب بهدوء:زين جهز لي الاوراق دقايق واكون عندك
فهد بهدوء:تم طال عمرك
قفل منه ذياب وركب سيارته وتوجه للشركه يخلص شغله وبروح للمستشفى يتطمن على جده وبعدها بيرجع للبيت بيتفاهم مع ترف.

انتهى 🧡
رأيكم بالبارت يحلوين 🤗🤍
ووش توقعاتكم للاحداث الجاية 🤔
لا تنسوا التصويت يحلويني 🌼💛