🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 113
بدا يديها نعاس ميلت راسها على لفوتاي ومشات بقا مدة كيشوف فيها غطاها مزيان وبعد عليها مقاد في نعستو ونعس حتى هو
*اصبحنا واصبح الملك لله
حلت عينيها على صوت صداع التافتت ناحية صوت كتشوف في ناصر كيهرس فالباب حيدت عليها لمانطة وناضت بخطوات بطيئة توجهت واقفة حداه
مرام [ عقدت حواجبها باستغراب] شنو كدير؟
ناصر [ وقف على ضريب التافت ليها ابتاسم ابتسامة عريضة ونطق ] كنطيب لك لفطور [ جمع ابتسامتو ورجع تخنزيرتو] اش كندير كنهرس لباب باش نخرجو
عيباتو خنزرت فيه ورجعت جلست فبلاصتها كتشوف فيه بملل ماشي بزاف وتهرس لباب ساس يديه وتنهد وقفت وابتاسمت
مرام : اخيرا تحل
خرج من لباب وتبعاتو حتى ضربها شعا فعينيها وحطت يدها مضرگاه ساست عبايتها وقادات حجابها وتبعاتو فصمت ركبو فطموبيل وكسيرا حطت راسها على زاجة وعقلها مشا ليلة لبارح .. كفاش خلات نفسها تمشي معاه واخا بزز عليها حست بتأنيب ضمير وبلي ماخاصش تبقا مع شي راجل غريب عليها تنهدت وقلبها تزير عليها بهاد لفكرة لي استوطنت عقلها واعدت راسها بلي ماعمرها اتبقا تلاقاه ولا تنطق كلمة معاه دقائق وهاهوما وصلو لدربهم التافتت ليه
مرام [ تبتت عينيها عليه ونطقت ببرود] ماتبقاش تحاديني اناصر.. لغلط لي وقع لبارح ماغاديش يتعاود .. ديك لافاك لي تخليني نعصي الله على قبل شخص غريب ماغاداش نعتب فيها [ نزلت راسها كتشوف فيدها وعاودت هزاتو] الى كانت غير شوية لمعزة فقلبك من جيهتي ماتبقاش تقرب ليا ...يتبع
