بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :163
مشات فاطمة لدارهم بالبكا من بعد ما جاب ليها محيي الدين طاكسي وصلها حتى لدار رجع حوايج لجين لبلاصتهم قادات لجين لغدا( حمد الله ماكان حتى اضرار في لكوزينة) تغداو بدلو حوايجهم وخرجو مشاو عند لكبيرة...
جالس محيي الدين مشبك يديه فبعضياتهم مهبط راسو ودموعو فعيونو من بعد ما عاودت ليهم لكبيرة لحقيقة والمعانات لي دوزت .. ضرو قلبو عليها وندم على لحقد لي كان فقلبو اتجاهها وهو ماسامعهاش هز عينو في لكبيرة لي كانت معنقة شمس وكتبكي.. حتى هي كانت معاهم وسمعت كانت فرحانة ودموعها على خدها.. ماكانتش حاقدة على مها.. وماكانتش كتكرهها عارفة شحال كانت لكبيرة كتبغيهم وتقدر دير اي حاجة على قبلها هي وباها قلبها كيضرب بالفرحة وعيونها لامعين
محيي الدين [ ابتاسم وعينو لامعين بدموع وهو كيشوف في لكبيرة معنقة شمس تنهد ونطق ] كانت فعمري 12 عام [ التافتو ليه كاملين نطق بألم ] نهار شمس تشللات فمرة .. ونهار لواليد [ ابتاسم باستهزاء] هرب.. ماكان عندنا ما ناكلو ولا نشربو.. وحتى عائلتو ماعرفناش فين غبرت من نهار تخطف لاخ ديالي .. كانت صاحبة لواليدة لباس عليها هي لي عاوناتني حتى لقيت خدمة فداك العمر لي خاص نكون فالمدرسة [ سكت لحضة ونطق كيشوف في شمس بابتسامة ] ولكن انا على قبل مي نلوح راسي فالعافية الى بغات .. ديك صاحبة لواليدة مشات لبرا مع راجلها وبقينا عوتاني بوحدنا من غير الله لي معانا خدمت وتقاتلت فأي خدمة طاحت ليكم على لبال انا كنت خدام فيها باش نشري دوايات وليكوش والماكلة.. [ هز يدو كيمسح فدموعو] ولكن هادشي بقا غير تعاويد من بعد ما جا عندي واحد راجل باش نخدم مع فداكشي ديال فلاحة.. دازو اعوام واعوام والحمد لله قدرت نوفر لي محتاجينو[ تنهد براحة كيشوف فيهم كيضحك ] انا فرحان حيت طول ليا الله لعمر حتى وصلت لهاد لوقت [ اختفت ابتسامتو ونطق بحزن فنبرة صوتو ] ناقص غير خويا
لكبيرة كانت شادة يدين شمس كتبوس فيهم بحنان وشوق وكتبكي على حالتها كتسمع لمحيي الدين .. هزت عينيها فاش دكر خوه...يتبع
