بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 150
*اصبحنا واصبح الملك لله..
كتحسس بيديها لفراش حلت عينيها جهة محيي الدين عقدت حواجبها باستغراب حيت ماكينش وبلاصتو باردة يعني ماباتش حداها علاش غادي يتقلق منها هي شنو دارت تندهت وناضت متاجهة لحمام غسلت وجهها وقضات حاجتها وخرجت من لبيت نازلة من دروج في اتجاه لكوزينة وقفت جنب لباب كتشوف فاطمة كتمايل مع لاغنية وضحك طلعتها ونزلتها لابسى كسوة مغايرة على لبارح دخلت لكوزينة هازة كاس دالما
لجين [ رفعت حاجبها قالبة شفايفها] شفتك فرحانة .. اش واقع فرحيني معاك
فاطمة [ التافتت ليها بابتسامة عريضة نطقت ] علاش مانفرحش وانا راجلي بايت معايا لبارح
لجين [ وحلت ليها وبدات تكحب حتى رتاحت وهزت عينيها بدهشة] شنو؟
فاطمة [ كتلعب بصباعها في اطراف شعرها] كيف سمعتي.. توحش فراشي وسخونيتو وتوحشني وجا عندي فنص ليل[ طلعتها ونزلتها ] ومخليك بوحدك
سرطت ريقها كتعض على شفايفها وعينيها مفيكسياهم عليها.. لكلام تسرط ليها.. شنو بقا ليها ماتقول وهي عارفة بلي ماباتش حداها .. شمس مايقدرش ينعس حداها يخاف يضربها برجلو بليل.. كاين بيت واحد ولكن عامر بالقش يعني احتمال يبات عندها.. بلاما تهضر التافتت خارجة من لكوزينة
لجين [ بهمس كتوعد ليه طالعة لبيتها] غير بلاتي الى بقات فك افصالة دنجالة ياوليدي يامحيي الدين راه خلاو فيا غا لخلا
*عند محيي الدين
يعقوب [ بصدمة ] تااش كتقول اصاحبي جدات لجين صدقت جداك
محيي الدين [ كيرشف من قهوتو] ايه وصدقت مارتي بنت خالي.. وبنت لمختار والكبيرة[ بحقد ] لي خرجو على مي وخلاوها مدوزة حياتها فوق لكرسي
يعقوب [ صغر عينيه بشك ] ماتقولش ليا كتفكر بداك تفكير
محيي الدين [بغضب مكتوم زير على يديه حتى بانو عروقها ] دنبها تزادت فديك لعائلة فيد ضالم ولي كون كان بيدي نجبدو من لقبر ونعدبو [ قلب وجهو بغضب] استغفر الله
يعقوب [ عقد حواجبو نطق بجدية] لبنت ما دنبها والو حقدك ماتخرجوش فيها
محيي الدين [ بغضب وقف هز سوارتو خارج ] تهلا تال من بعد...يتبع
