🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 116
مشا وخلاها كتشوف فالارض بصدمة كفاش مشاو وخلاوها مافكروش فيها.. ابيل هي لاخرة ما عيطوش ..رجفة بدات كتجيها وقلبها بدا يضرها.. جلست فدريجة لي قدام باب لي فجردة عينيها لمعو بدموع حطت راسها على رجليها كتبكي بحرقة.. حست بشي حد عنقها عرفتها لكبيرة
لكبيرة [ بنبرة هادئة حنونة ] ماتبكيش الله يرضي عليك
لجين [ باقا بنفس الوضعية وشهقات طالعين] شفتي ما فكروش فيا .. كنت عارفة بلي ماكيبغيونيش ولكن ماشي حتى لهاد درجة
لكبيرة كطبطب على ضهرها بحزن ماعارفة ماتقول ليها ولا كفاش تواسيها.. بقات معنقاه مدة حتى تهدنت وقفتها وخرجو من لفيلا وعينين لجين دابلين طلعو لطموبيل لي كانت مزال كتسناهم وتوجهو راجعين لدوار... 5 سوايع واخرى وهاهوما دخلو لدوار... ليل طاح عليهم وناس دخلات لديورهم.. شتا كتصب بقطرات خفاف ولجو مغيم نجوم مابينينش بسباب ضبابة حطتهم طموبيل امام دار خرجت لجين وملامحها باردة دفعت لباب داخلة دازت على عائلة لي كيشوفو فيها باستغراب كفاش يله مشات ورجعت طلعت لبيتها بدلت حوايجها ونعست
*لتحت
لكبيرة جالسة فصالون محيدة فولارها كتنش على راسها وملامحها باين عليها لحزن
لكبيرة [ كضور فراسها] على زغبية لقات واليديها باش تبقا
العم عبد الله [ عقد حواجبو بسخط ] وشنو ناوية ؟ تبقا واحلة لينا هنا لاحها باها وجابها عندنا؟
لكبيرة [ خنزرت فيه بصوت غاضب نطقت] هازها فوق كتافك ؟ ولا عاطيها فراشك وحوايجك ؟ موكلها من جيبك .. باش تقول لايحها عندك [ ضورت عينيها عليهم كاملين بصوت غاضب] ماسوقكمش فيها.. اتبقا هنا دار جدها كيف دار باكم وهي عندها حق عليكم نتوما راها شاريها باها.. كلها فبيتو وهي ماكتحاديكم ماكطلع عينها فيكم.. ماكتخرج عيب معاكم .. سادة عليها بيتها وساكتة.. ولي دوا معاها ولا خرج لعيب معاها انسمعو خل ودنيه.. اقسم بلي خلقني وخلقكم الى سمعتها كتشكا منكم حتى تخرجو من داري
ميلودة ( زوجة عبد الله) : ياك اخالتي فضلتيها علينا
لكبيرة [ بصوت مرتفع نطقت بغضب] يخوي جناب المصدية... انا ما خالت حد.. راه نتي الشعالة لعوافي لي كتحرضي هاد [ شافت فعبد الله لي مهبط راسو بإحراج ] بو ودينة.. [ شافت فالمهدي نطقت بتحدير ] انت امعوج رجلين نلقاك كتحوم عليها خبارك يسمعوها دوار راني كنشوف شوفاتك ليها الله يعميها لك اولد ولدي .. تريكة ناقصة..
خنزرت فيهم هزت زيفها وتعگزت على عكازها خارجة من لبيت معصبة وكتعاير فيهم بصوت مسموع ندمتهم علاش هضرو گاع.. يتبع
