بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 152
وصلو لدار .. دخلت على واليديها لي تصدمو من حالتها كيف ولات سولوها وهي في فمها غير عيانة وماقادراش تدوي بخطوات بطيئة كتمشا ويدها تحت كرشها عاضة على شفايفها بألم .. حاطة يدها على لحيط كتعكز عليه وطالعة لبيتها حطت يدها على لمقبض حالاه ضربتها ريحة بخورها لي كانت كطلق فبيتها رجع ليها لحنين لماضيها وعلى كفاش كانت عايشة قبل ما تلوح راسها فالجحيم سدت وراها لباب وتمشات بخطوات لفراش ناعسة فوقو بحوايجها مكمشة براسها وكتبكي.. كتبكي على راسها كيف كانت وكيف ولات على تيقتها ونيتها لي كتعطيها لمن كان.. على بنتها لي مزال لحيمة ومافرحتش بيها عليه هو لي قدر يقتل بدم بارد من بعد داك لوعد لي عطاها.. ماحاملاش تشوف وجهو ولا تسمع صوتو ولا اسمو.. حريق تحت كرشها بدا يهمد عليها وعينيها بداو يتغمضو بتعب حتى نعست .. دازو ساعات وهي ناعسة حتى كتحس بشي يد كدوز على شعرها التافتت بسرعة تشوف شكون لقاتها غير مها
سمية [ كدوز على شعرها] بسم الله عليك احبيبتي
عائشة [ قلبت شفايفها بحزن وعنقتها من خصرها ] ماما
سمية [ نزلت باستها فشعرها ناطقة بحنان] روح ماماها .. فين هي بنتي لوريدة لمتفتحة
عائشة [ دموعها بداو ينزلو كيف شلال من عيونها ] دبلوها اماما
سمية [ عقدت حواجبها باستغراب] مالك اعائشة واش وقع لك شي حاجة من راجلك
عائشة [ تقادات فجلستها كتمسح فدموعها ] ماما انا حاملة
سمية [ ابتسامتها وساعت نطقت بفرحة ] الله على خبار.. شحال زوينة وكتفرح [ حطت راحت يدها على خدها ] ومالك ابنتي مقلقة هادي خبار كتفرح
عائشة [ بدات تشهق ] كنت حاملة بتوام [ هزت عينيها لباكيين فسمية] طاح ليا لول وبقا واحد
سمية [ كمشت حواجبها بحزن ودهشة ] الله اكبر .. [ عنقتها وعائشة كتبكي ] فيها خير اكبيدتي ماتبكيش فيها خير.. عسى ان تحبو شيئا وهو شرا لكم.. طير من طيور الجنة اكبيدتي الله يعوضك
عائشة [ هزت يد سمية باستها ودموعها كينزلو] ونعم بالله اميمتي
سمية [ بحزن ] نوضي اماما تاكلي شي حاجة على قبل صحتك
اومات عائشة بإيجاب وناضت تبدل وتهبط تعشا
*عند هارون
هاد لاخير لي فاق مخلوع مالقاهاش قلب عليها لمستشفى كاملة حتى عيط ليه خوها وقال ليه راه جا داها.. جالس وسط بيتو فوق لفوتاي امامو تصويرتها كضحك بضحكتها لي كتفتنو وشعرها لاسود لحريري وراها كانت هاد تصويرة صورها فاش دوزو شهر بوحدهم.. هاهو بوحدو دبا ومامعاهش روحو.. حاس بتعب فجسدو عينيه حمرين واتار دموع على خدودو بكا على بنتو لي بسبابو ماتت كفاش غادي يقدر يطلع عينو في عائشة من بعد لي وقع كفاش قدر ينسا بلي راها معاه فنفس دار وقادرة تسمع لقرطاس كفاش نسا وعدو ليها.. فكر بلي اتبقا حرقو فقلبو الى ماقتلوش.. وخلا رجالو لي يقتلو.. ابتاسم باستهزاء.. ولكن هاهي لحرقة بقات فقلبو حيت خلف وعدو .. ندم وندمو ماغاديش ينفعو.. عرف عائشة فهاد شهر.. عرفها ضريفة ونية وعرفها الى غلط شي حد فحقها ماكتسامحوش بسرعة تنهد ووقف بتعب متاجه ناحية تصويرة كيدوز يدو عليها
هارون [ بصوت رجولي خافت ] غادي ترجعي ليا وغادة تسامحيني.. امولات قلبي...يتبع
