بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء :171
*بعد مرور سنة*
داز عام على قدو فيه بزاف دالحوايج تبدلو منهم شميسة لي ولات كتحرك شوية وبدات تنطق وتحرك شفايفها فهاد لعام نفسيتها رتاحت كتر بولادها حداها .. محيي الدين كيف قالت لجين ما قبلش يسكن معاهم في لقصر اصر هارون باش يبقا فنفس لمدينة .. وجاو سكنو فكازا ومعاهم لكبيرة لي خلات كولشي وجات معاهم وهي فرحانة.. لجين تحجبت حتى هي كلام محيي الدين ليها وتكلمو على لحجاب بأنه فرض وسترة واجبة على اي بنت تحجب .. خصص كل ليلة ليها بوحدها يهضر ليها على الدين ومن بينهم لحجاب والنار لي اكتر نساء جهنم كاسيات عاريات.. وهو بأنها مراتو ماباغيش تكون جسدها معروض على كولشي يشوفو.. حببها فالححاب حبو ليها خلاه يبغي لقائها حتى فالجنة.. بين ليها بلي لحجاب فيه عزها وشرفها وهو رمز اناقتها وجمالها ماشي سجن ومقيدة بيه.. اما هي كلامو لي خلا قلبها يرتاح حببها فالحجاب وحببها فاكلام لله حببها فطريق الله .. كيصليو بجوج من غير أوقات لي كيكون فيهم في لخدمة .. عملات لحجاب ولبسات لمستور .. وتصاحبت مع عويشة لي كل نهار كيكونو عندهم.. بالنسبة لحمل فهاد لعام كامل ماحملتش لجين .. فكل مرة كتجرب طيست ماكيكون والو كتبكي ومحيي الدين كيواسيها ويقول ليها بلي هو باغيها غير هي واخا مايكونش لولاد معاها.. مآمنة بالله ومامعارضاش قدرو.. اي طبيب كيقولوه ليها كيمشيو أي عشوب شرباتهم ومحيي الدين كيخاصم عليها تنتابه لصحتها وماتشربش شي حاجة لي ضرها ماملتش من أنها فكل مرة دعي الله وتجرب وهو ماملش من أنه فكل مرة يقول ليها باغيك غير نتي .. داز عام لي حبهم زاد قوا فهاد لعام حتى واحد ماقال لاخر بلي كنبغيك ولكن افعالهم بزوج كانت كتوضح شحال كيبغيو بعضياتهم .. مانسيناش فهاد لعام يعقوب واسماء لي تزوجو ودارو عرس كبير تجمعت فيه گاع العائلة جاها خبر بلي راها حاملة.. وشحال فرحت ليها
فوسط لبيت نعاس لي كان كبير وسط القصر .. كانت لجين واقفة ولابسة فراشة مستورة على فورمتها فلون باج.. خمار فنفس لون مغطيها وشربيل وجهها منور ومازادها لحجاب غير جمال فوق جمال امامها واقف محيي الدين بالكانضورة فلون ابيض مقاد حالتو ومعطر راسو علاش لا وهدا لعيد واقفة امامو حاطة يدها على صدرو كتقاد ليه وهو كيشوف فيها بهيام
محيي الدين [ تحنا باس راسها مبتاسم] عيدك مبروك.. اغزالي
لجين [ عضت على شفايفها بإبتسامة فرحة] ليوم كاينين جوج اعياد
محيي الدين [ بدا يضحك نطق بإفتخار ] عيد رمضان وعيد حيت نتي مراتي
لجين [ هزت عينيها غامزاه ناطقة بغنج] انت عندك ديما لعيد احبيبي حيت انا مراتك .[ عضت على شفايفها بحماس] غمض عينيك
نفا براسو بلا حول مزال حماقها هو حماقها واخا تولي عندها 40 عام شافت واش ما كيشوفش التافتت لجهة لكوفوز كتشوف فديك لبواطة متوسطة هازاها قدامو
لجين : صافي حلهم
حلهم.. شاف في لجين وفالبواطة باستغراب أشارت ليه باش ياخدها خادها وحلها.. هاز دوك تقيشرات فيدو صغيورين وكيوت تحتهم كان طيست دالحمل وورقة مكتوب فيها * بابي بقا ليا 8 شهور ونشوفك كنبغيك* سرط ريقو هز عيونو في لجين لي كانو عينيها مدمعين بالفرحة اومات راسها بإيجاب ابتسامتو بدات توساع
محيي الدين [ مزال لاعبة عليه صدمة ] واش حاملة؟
اومات راسها جرها عندو بزربة خاشيها فصدرو مزير عليها وعينيه لمعو بدموع لفرحة مامتيقش بلي اخيرا غادي يولي اب كيبوس فراسها وكيحمد الله
محيي الدين [ حاط يديه على خدودها والفرحة فملامحو ] حمد الله.. حمد الله.. الله ماخيبناش اغزالي .. كنت كنقول لك صبري [ اومات براسها وهو كيمسح دموعها ] الله غادي يعوضنا .. وما اجمل عوض الله
لجين [ تعلات على صباع رجليها بايساه فشفايفو حطات راسها على صدرو كضحك ] حمد الله احبيبي.. [ هزت راسها فيه ] شنو بغيتي ولد ولا بنت ؟
محيي الدين [ باس راسها ونطق بفرحة ] لي جابو الله حنا قابلين بيه .. [ صغرت عينيها فيه وبدا يضحك ] ولكن انا باغي بنت
لجين [ رفعت حاجبها بتساءل ] وعلاش؟
محيي الدين [ تنهد بفرحة ] بنات مؤنسات غاليات اغزالي..
لجين [ خشات صباعها فلحيتو ونطقت بعشق ] كنبغيك..
محيي الدين [ بعيون لامعة حط جبهتو على جبهتها] احبك في الله...
*الحب في الله يبقا حتى الجنة*
...#نهاية_بين_الخطيئة_والغفران...
