🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 118
حست بتبوريشة سرات مع جسمها لحمها تشوك وقلبها كيضرب بوتيرة سريعة سرطت ريقها عاضة على شفايفها
عائشة [ بصوت خافت بتوتر ] شنو كدير ؟
هارون [ زير عليها كتر حاط يدو على كرشها كيتلمس فيها نطق مغمض عينيه] بغيتك اعويشة
عائشة [ حطت يدها على يدو باغا تبعدها ] واش سكران ؟
هارون [ بقبلات متفرقة على عنقها حتى كيبورشها نطق وهو دايب فيها ] ريحتك... ريحتك بوحدها لي كتسكرني
بخفة ضورها عندو صدرها على صدرو مزير على خصرها هزت راسها بحكم انه طويل عليها عينيها متبتاهم فيه خدودها توردو قرب ليها حط جبهتو على جبهتها ونيفو مع نيفها .. انفاسو كضرب في وجهها سخونة كتخليها تغمض عينيها صدرها كيطلع وينزل
هارون [ بصوت هامس وصوت انفاسو بطيئة كتسمع ] بغيت حقي..
حلت عينيها بصدمة دافعاه من صدرو كتشوف فيه بدهشة شنو كيقول هدا لولبت عينيها بتوتر كتحاول ما تشوفش فيه
عائشة : مانقدرش
هارون [ رفع حاجبو بإستغراب ] علاش ماتقدريش؟ واجب علك هادشي ؟ عارفة بلي ملائكة اتلعنك الى ماعطيتيش حقك لراجلك
عائشة [ هزت عينيها فيه ميلة راسها ] هادشي لي كتعرف فدين ؟.. ماعارفش بلي لقتل حرام
هارون [ فيكسا عينيه عليها سرط ريقو حك بالقاع ديال لابهم بين حجبانو بصوت رجولي نطق ] دوزي تنعسي اعائشة [ شافها غادة لفوتاي بصوت مرتفع نطق حتى قفزت ] حدايا
التافتت ليه بعيون حادة شير ليها ناحية لفراش بخطوات بطيئة تمشات ناحيتو حيدت لغطا وتخشات وسطو مغطية ابتاسمة خفيفة زارت شفايفو دخل لحمام يدوش... حاطة راسها على يدها فوق لمخدمة كتفكر فهضرتو.. عندو لحق فأي كلمة قال.. عارفة فالدين وعارفة لملائكة غادة تلعنها الى ماعطاتش حقو تنهدت وغمضت عينيها فاش سمعت صوت لباب لحمام تحل..وخرج منو لابس شورط وعريان من لفوق باين صدرو لعريض طفا ضو خلا غير لخفيف نعس حداها جارها عندو مزير عليها بتملك ملصق ضهرها من صدرو وحاط يدو على كرشها غمض عينيه براحة وكان اول مرة غادي ينعس وهو مرتاح.. اما هي عرفت بلي كلام ماغادي يجيب فائدة خلاتو على خاطرو حتى داهم نعاس بجوج فحضن بعض... يتبع
