🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 115
لكبيرة [ بصوت مرتفع مفيقاها من شرودها] واركبي
هبطت راسها ودخلت طموبيل لور سدت لباب ميلت راسها لور مغمضة عينيها وكتفكر حتى داتها عينها دازو 5 سوايع ودخلو لكازا بدات تفيق فيها لكبيرة باش تعطيها لعنوان .. فاقت مضهشرة عطاتها لعنوان وضورت عينيها ناحية زاجة شتا خفيفة كطيح عينيها متبتاهم برا توحشات لمدينة توحشات تخرج بوحدها توحشت قرايتها وتبرهيشها... تنهدت بتعب وميلت راسها عند لكبيرة لي جالسة جنبها
لجين [ بهمس] لكبيرة اتبقاي معايا؟
لكبيرة [ بصوت خافت حطت يدها على فخضها] نوصل لامانة لماليها ونرجع لدوريتي
لجين [ سكتت تواني وكملت حديثها بحزن ] وشكون ايبقا يعايرني؟
لكبيرة [ دفعتها بكتفها حتى ناضت ميقت فيها ونطقت ] وجهك غا ديال لمعيور انا راه طلعتي ليا فراسي نوصلك عند باك ونرجع
قاطع كلامها وقوف سيارة ضورت عينيها لقات راسها وصلت لدارهم.. كانت بلاصة فيها غير لفيلات... سقيل وشجر من كل جهة.. عينيها مشاو ديريكت لڤيلا كانت فلوون گري بابها كبير فأسود جنبو باب صغير مردود تبسمت فرحانة توحشت باها ومها وبيتها والخصوص قطتها عضت على شفايفها وحلت لباب سابقة لكبيرة بخطوات سريعة توجهت ناحية لباب حالاه وداخلة كتفحص عينيها فجردة لي تبدل تصميمها .. توجهت لباب داخلي وقفت امامو هزت يدها كطرق فالباب عدة طرقات بدات ملامحها كتوحيي لاستغراب جاها صوت من وراها ضارت طلعاتو ونزلاتو كان لعساس .. رجل كبير فسن تمشا بخطوات بطيئة عندها
لعساس [ عاقد حجبانو نطق بتساءل] سلام عليكم ابنتي.. اش حب لخاطر؟
لجين [ بإستغراب] شكون انت؟
لعساس[ بابتسامة] انا لعساس جديد ابنتي .. شكون نتي؟
لجين [ رفعت حاجبها] انا بنت عمر واش ماكاينش؟
لعساس : لا ابنتي راهم سافرو
لجين [ سرطت ريقها وعقدت حواجبها] كفاش سافرو فين ؟
لعساس: مشاو لكندا [ بتساءل ] واش مافخباركش ابنتي
لجين [ نفات براسها] لا.. امتى غادين يرجعو
لعساس [ هز كتافو ] على ما سمعت وقيلة شي عام ولا عامين
لجين [ وسعت عينيها بصدمة] عامين ؟ وانا؟
لعساس : ماعرفتش ابنتي
لجين : سوارت ؟؟
لعساس : ماخلا ليا والو من غير ساروت لباب لبراني... يتبع...
