بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء : 143
وقفت بخطوات سريعة طلعت لبيتها لبست جلابة فلون موڤ شربيل فنفس لون هزت تيليفون ونزلت كتجري ناسية شمس بوحدها فدار .. كتجري وقلبها كيضرب وريقها نشف اخيرا وصلت لدار لقات لباب محلول ودخلت
لجين [ نطقت بصوت مرتفع ] لكبيرة والكبيرة
هزت عينيها فدروج كتشوف اسماء نازلة كتجري وابتاسمة متعبة على وجهها بسرعة مشات عنقتها
اسماء : حبيبتي توحشتك
لجين [ بعدت عليها باستها فخدها ونطقت عاقدة حواجبها باستغراب ] فين لكبيرة؟
اسماء [ قلبت شفايفها بحزن ] لكبيرة مريضة الجين من مشيتي وهي ناعسة فبيتها
عقدت لجين حواجبها والتافاتت ناحية دروج بسرعة كتنقز درجة حطت يدها على لمقبض حالة لباب كتشوف فالكبيرة فوق لفراش مغطية بشرود كتشوف امامها وتعب باين على وجهها سدت باب وراها وتمشات جالسة جنبها شادة ليها فيدها نزلت لكبيرة راسها ابتاسمت بتعب
لجين [ كتفحصها بعينيها نطقت بنبرة باكية] لكبيرة... شنو واقع لك [ حطت يدها على راسها ] سخونة بزاف.. شنو ضارك
لكبيرة [ ابتاسمت ليها بتعب كطبطب على يديها] غير برد خفيف ابنتي..[ عقدت حواجبها] فين راجلك ابنتي ماجاش معاك
لجين تفكرت علاش جات خرجت تيليفون من صاكها شاعلاه كتقلب على تصويرة شمس
لجين: لا ماجاش معايا [ وراتها تصويرة نطقت بتساءل ] لكبيرة خالتي شمس كتشبه لك بزااف.. تقولي راك ماماها سبحان الله
لكبيرة [ سرطت ريقها وابتاسمة توتر على ملامحها شي لي لاحضاتو لجين نطقت كتلولب فعينيها] يهديك الله يا هاد لبنت.. فين هو شبه
لجين : ولله حتى كتشبه لك [ صغرت عينيها بشك ] لكبيرة مخبية عليا شي حاجة؟
لكبيرة [ كتحاول ما تشوفش فيها] اش انخبي عليك.. واش مابغيتيش ديري عقلك واخا تزوجتي
لجين [ حطت يدها على وجهها مضوراها عندها نطقت لجين بجدية ] لكبيرة.. ماعمري نبقا نعتب عندك الى كنتي كتكدبي
طولت لكبيرة شوفة في لجين تنهدت بحزن نزلت راسها وعينيها عمرو بدموع ...
لكبيرة [ بصوت خافت باكي] اه شمس بنتي
لجين [ وسعت عينيها بصدمة ] شنو ؟ ولكن كفاش.. وعلاش هي ماشي معاك.. وكفاش ماكيعرفوكش..؟
لكبيرة : [ تندهت وحمل تقيل على كتافها] قصة طويلة ابنتي
لجين : [ مزال لاعبة عليها صدمة ] انا هنا باش نسمعها
لكبيرة [ نطقت بسهو كتفكر لماضي ودموعها على خدها ] نهار تزوجت بي بابات شمس لي كان حب حياتي .. وحب طفولتي.. [ ابتاسمت بحزن ] كان يحيدها من لحمو ويجيبها ليا .. ماكنش عندنا وماكانش خاصنا.. كان كيبغيني بزاف [ التافتت ناحية لجين لي كتسمع بتركيز ] ماكانوش عندو لعائلة.. كنت انا هي عائلتو.. نهار تزادت شمس الارض ماكانتش سايعاه بالفرحة.. وفرحتو كان باغي يفرقها على دنيا كاملة... دازو اعوام وشمس كبرات .. وكبر حبي لبنتي ولراجلي .. حتى جا نهار المشؤوم [ سكتت لحضة وكملت ] نهار راجلي تعرف على واحد سيد .. لي جرو لقمر وشراب [ ضحكت وسط دموعها ] واخا هكاك ماتبدلش علينا انا وبنتو.. وبقا يبغينا نهار كيكون سكران ماكيجيش لدار.. وانا عيني ماكيتسدوش بالخوف عليه.. حتى نهار لي جاب صاحبو عندنا لدار .. وعينو مانزلتش من عليا دازو ايام وراجلي دائما كيجيبو .. سافر راجلي حيت عيطو ليه بلي ورث شي اراضي.. [ تنهدت بألم ] وجا صاحبو لدار ماكنتش بغيت نحل عليه ولكن هرس لباب ودخل ..
لجين [ قاطعتها باستغراب ] وبنتك فين كانت؟
لكبيرة [ التافتت عندها وعيونها دابلين] كانت بايتة عند جارتي.. [ اومات لجين براسها وكملت لكبيرة حديثها] كان بغا يتعدا عليا طلبتو ورغبتو وبزز باش تهدن ولكن بشرط.. نمشي معاك [ وسعت لجين عينيها بصدمة] ......يتبع
