بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء126
قطع عليه وخشا تيليفون فجيبو قلب دورة خارج من دوار سمع سميتو التافت كيشوف مجموعة من رجال واقفين جنب طريق قلب عينيه عارف شنو ايقولو ليه توجه عندهم واقف حداهم
محيي الدين: سلام عليكم
واحد من رجال [ عاقد حجبانو] ماكاين لا سلام ولا كلام.. من امتى ولينا ندخلو نسا غراب لديورنا
شخص اخر : زعما انت راك ولد دوار والباشا عارف هادشي حرام ودايرو .. انت مزوج وزاني مع مراة [ قاطع كلامو ] ماتقول والو مايمكن تكون مدخل مرأة فنص ليل وبوحدكم .. لحل لوحيد هو [ شاف نضراتو لحاده وهبط راسو ] نرجموها قدام ناس دوار [ شاف فرجال لي كيوميو براسهم] ولا لا ارجال
كلهم قالو اه خشا يديه فجيابو كيشوف فيهم كيف سقر بعيونو لحادة وملامحو لباردة
محيي الدين [ بصوت خشن ] لي حط يدو عليها غادي تقطع ... الله يعاون
مشا وخلاهم كيوشوشو من وراه
*عند لجين
جالسة جنب لكبيرة حاطة رجل على رجل بملل كتشوف فعيالات دوار مصبحين عليهم ودغيا داعت لخبار وجاو يقولوها لكبيرة
رحمة { وحدة من دوار } : [ عاقدة حواجبها] لكبيرة..شنو ولينا نسمعو من دارك.. [ شافت فلجين لي مبردة] ولاو بنات ولادك يخرجو مع لعزارة سمحيليا ولكن راه هادشي ماشي معقول وعمرو كان فدوار..
كنزة :[ كتفحص بعينيها لجين كيف لابسة] من نهار جات بنت ولدك كدير فالمصايب وحنا ساكتين كدخل وتخرج بالعرا دوزناها ولكن باش تولي دخل ديور رجال بعيالاتهم حتى لهنا وحبسو .. رجال دوار قالو ترجم ولكن.. حيت حنا عاقلين على طعام لي بيناتنا قلنا نزوجوها بشي واحد من دوار لي يستر فضيحتها
لكبيرة [ وقفت معكزة على عكازها ناطقة بصوت مرتفع غاضب] ايوا حدك تما.. مالك كنتي توجعي عليها ولا مشرگة كرشك عليها باش تنوضي تقولي شنو نديرو ليها ..ياكما شفتونا ساكتين اتقولو نطلعو ليهم فوق ضهرهم..وحربش تنوض شي بنت لمرأة وتقرب ليها.. شفتوها هازة رجليها ولا صافي غا خارجة من دار صافي راه خايبة
كنزة [ وقفت حاطة يديها على جنابها هازة شوكتها] ومالو كان يقريها لقرآن شنو كانت دير معاه فداك ليل
لكبيرة [ طلعتها ونزلتها] اوى ديك ساعة دخلي معاهم شوفيهم اش كيديرو .. وضوي ليهم
حشمو لعيالات بدات تخرج وحدة تابعاها لاخرا طلقتها لجين بضحكة حتى دارت لكبيرة عندها لاحت لعكاز وتلاحت عليها كتقرص ولجين كضحك
لكبيرة [ بفقصة] تهجريه على يامك ابنت لحرام يالفعة.. [ عضتها حتى غوتت لجين بألم ] الله ينزل عليك نعلة ابنت لكلب عزيزة علك شوهة يالمشوهة..
كتحيد ليها يديها مبعداها حتى بعدت جالسة فسداري اخر كتنش على راسها بسخفة
لجين [ كتأفأف] اوف الكبيرة راه شوف تيفي عندكم هنا [ تهدنت هزت عينيها فالكبيرة لي مخنزرة] لبارح كنت خارجة وتلاقيت معاه بعدت على دار وصبت شتا مجهدة وداني لدار حتى سحاات [ هبطت راسها مبتاسمة عاضة على شفايفها] داك سيد ضريف بزاف ولله .. نصحني وهدني ومخلانيش مقلقة .. وانا جازيتو بشوهة[ نطقت بهمس] سعدات مراتو بيه
لكبيرة [ نطقت كضور فراسها بتعاطف] ابنيتي يالجين ماعندك زهر
اومات لجين براسها وناضت غادة لبيتها كيف ديما
*عند محيي الدين
محيي الدين [ مدوز لخط مع يعقوب كيهضر معاه نطق بغضب] كفاش يرجموها ولا يزوجوها ؟ واش ماغادينش يبعدو على هاد لبنت
يعقوب : وصاحبي قبل ما دخلها لدار فكر شنو غادي يطرا
محيي الدين [ سكت دقائق كيفكر ونطق] قول لاسماء تقول ليها تجي عندي لبلاصة **** جيبها انت ماتخليهاش تجي بوحدها
قطع عليه متبت عينو امامو بشرود
*بعد ساعة
واقف وسط لارض لي جابها ليها نهار ضربت صبعها عينو مشاو ليها لي جاية وكتعكل بسباب لحجر لي فالارض وقفت امامو كتشوف فيه
لجين [ رفعت حاجبها مستغربة من تعيطتو باش تجي عندو ] محيي الدين ؟؟ علاش بغيتيني
محيي الدين [حط يديه بجوج على خدودها مقرب ليها عينو مفيكسيين فيها وقلبو كيضرب بوتيرة سريعة ] تزوجي بيا؟؟... يتبع
