🍁بين الخطيئة والغفران 💜
💜سلمى سلومة وسميرة غد🍂
🍂الفصل 1💜
♡♡🍁 كنتي سبب رجوعي الى خالقي فصرتي جائزتي وشفيعتي يوم الحساب🍁 ♡♡
الجزء 117
ناصر [ بابتسامة على ملامحو ] عيون ناصر
كطلع وتنزل فيه كان لابس كومبلي فلون اسود جا مع فورمتو جوج صدفات مخليهم محلولين شعرو مقاد بطريقة زوينة .. لحيتو مطراسية عينيه كيلمعو بطريقة غريبة وابتاسمة على تغرو مخلي سنيناتو يبانو مستفين فيدو بوكي دالورد فلون احمر .. جوج رجال وراه لابسين اسود مگضرين ونضاضر سوداء على عينيهم باينين عليهم گارد فيديهم بزاف دالبلاستيكات وبواطات كبار .. فيقها صوت باها لي كان وراها
عبد العالي [ بإستغراب ] شكون ابنتي؟
مرام رجعت بلور مخليا باها يخرج عند ناصر .. بخطوات سريعة طالعة فدروج قلبها طاح عند رجليها خدودها توردو دخلت بسرعة لبيتها محيدها حجابها كتنش على راسها حاسة بسخونية حطت يدها على جنبها كتمشي وتجي فداك لبيت
مرام [ بإستغراب ] شنو جاي هدا يدير هنا [ عقدت حواجبها] ولكن علاش جايب معاه لورد مالو جاي يخطب [ سكتت موسعة عينيها بصدمة بدات تستوعب ] اويلي جاي يخطب
تحل لباب بجهد داخلة منو مريا وصفية مستغربين
صفية [ حطت يدها على جنابها عاقدة حواجبها] شكون هداك لي جا مدخلو باك لصالون
ماريا [ بدهشة جالسة فوق لفراش كتشوف فيها] ياكما...
مرام [ اومات براسها بإيجاب شاداها لبكية] اه
صفية [ كتحول عينيها بيناتهم بإستغراب ] شنو واقع هنا ؟ شنو كتوشوشو بيناتكم
ماريا [ ميلت راسها بابتسامة] استاد لالة مرام جاي يخطبها
صفية [ صغرت عينيها بشك ] بيناتكم شي حاجة ؟
مرام [ نفات براسها بسرعة مخرجة عينيها] اويلي اماما اش غادي يكون بيناتنا
صفية [ حطت يدها على ليد تانية] اوى سبحان الله.. كيقريك حتى جا خطبك
ماريا [ كتشوف في مرام بنص عين حابسة ضحكة] راه بانت ليه وسط دفتر وقال هادي هي فارسة احلامي...
مرام گعما معاهم كتفكر فهادشي لي واقع.. فاش كيفكر هاد ناصر وشنو باغي عندها.. كفاش بهاد سرعة جا خطبها وهي ما كتعرف عليه والو فيقها صوت صفية
صفية [ كضور فراسها] لبسي شي قفيطين وديري لفولار راه غادي يعيط علك باك [ شافت في ماريا ] دوزي نتي عاونيني كتسدو عليكم فالبيت ما كنعرفكم لاش كتخططو
*عند ناصر
كان جالس حاس بالخجل عمرو فكر بلي شي نهار غادي يجلس امام رجل كبير فسن باش يطلب يد شي بنت
عبد العالي [ بإستغراب كيتفحصو بعينيه] مرحبا بيك اسي..
ناصر [ حط يدو على فخاضو] ناصر
عبد العالي [ عقد حواجبو] اش حب لخاطر اسي ناصر
ناصر [ سرط ريقو جمع كلام في فمو تنحنح ونطق] جيت قاصدك .. وطالب يد بنتك على سنة الله ورسوله
عبد العالي [ رفع حاجبو] عندي اولدي جوج بناات .. إينا وحدة فيهم؟
ناصر [ هز عينو في عبد العالي] بنتك مرام ..
عبد العالي [ بتساءل ] اوى اوليدي لي جا يخطب كيخطب بواليديه وانت مابان ليا معاك حد؟
ناصر [ سكت للحظة ونطق بابتسامة] واليديا الحاج ماتو .. تربيت فالخيرية .. حتى تبناوني واحد لعائلة قراوني وهانا دبا مدير واستاد جامعي ..[ هز عينو لامعين في عبد العالي] بنتك فعينيا بجوج .. وماغادي ينقصها حتى خير معايا
عبد العالي [ اوما براسو ابتاسم بحزن وطبطب على كتافو ] الله يرحمهم اولدي [ بصوت مرتفع ] صفية ... جيبي اتاي... يتبع
